越泰 (已結業)

約咗honey去銅鑼灣睇九點半，六點鐘喺北角接咗佢收工，見仲有好多時間，兩個人就大玩拖手仔，漫步英皇道 。行到去城市花園附近先開始搵野食，太陽西斜o既時份，正好路經內外都裝修成竹林o既「越泰」，感覺浪漫滿屋，兩雙腳好自然就步入餐廳。食店四周被綠葉盆栽及竹竿圍繞，身心健康舒暢。近窗同近牆全為二至四人o既卡位散座，闊落又好坐。頭頂上o既燈飾同牆上o既大象圖案則極富泰越風味。六點半未到，雖然廳內只有兩、三枱客，兩位經理哥哥仍非常好客落力地親自招待食客，有心又有力，難怪店子可於一個鐘頭內坐滿客人。Honey最感動o既係餐廳好講求衛生 ，除咗有乾、濕紙巾之外，仲有手套提供，服務生不時更會自動加添茶水。據悉，餐館開業只有個多月，主打暫時都係偏向越菜方面，我地就應靚仔經理推介，叫咗個小食，炒咗碟青菜，跟住好似西餐咁，每人再加個主菜。 蒸粉包（$38/兩件）：熱辣辣o既粉包皮層軟薄，餡料幼嫩，入口菇味清香濃郁，點上酸甜小辣o既秘汁，非常醒胃。 馬拉盞炒椰菜苗（$65）：小肥都係第一次食椰菜苗，意外地質感脆嫩，配上馬拉盞，香辣惹味，唔洗五分鐘已成功清碟，都幾誇張！ 河內香茅燒春雞（$148）

今日放工約咗友人去北角食飯~見有間越南泰國嘢,就行左入去試~生蝦刺身($128) – 個價合理~唔算貴~食泰國野又點可以錯過生蝦呢!!第一時間叫左個生蝦，D生蝦都好大隻下，啖啖肉，好爽口！一定唔可以唔講下個汁，真係好正呀，夠晒辣，除左用黎沾刺身外，我地仲用黎沾埋其他嘢食，因為真係太中意個汁啦∼好野味泰式小食拼盤($168) ，份量真係好足!!!每款都有４件。我比較仲意個”香葉包雞”，外面有葉包住，打開之後陣香味就湧出黎，真係好香而且好入味，雞肉嘅肉質好稔，唔’孩’~香茅浸蜆($108) – 賣相好特別~~個樽入面都多蜆，個湯好大陣香茅味~但食落去又唔係咁香茅WO~味道唔錯，除咗香茅外~~都見到用咗好多其他香料去浸~水準不俗，會再來。

晚上9點, 一行9男女, 放工搵食之際, 見此新開業門面唔錯, 入去一試.由於人多, 店內無咁大張枱, 經理安排入VIP房, 心想不錯, 可自成一角. 但由於此房不常對外開放, 房間一陣焗味, 亦無開冷氣, 之後多次要求下, 終於開冷氣, 但不知因由, 冷氣不斷跳制, 最後算數, 又又焗熱下快食快閃. 無晒心機, 所以冇影相. 先上越式拼盤, 其中炸蝦餅及香葉包雞還可以, 其他皆太咸, 已經用菜葉裹食, 依然咸.生熟牛河, 上枱時牛已全熟, 但環境問題, 有得食就食.蕃茄牛腩河, 味道不錯! 全因師傅到, 食完口渴兼頭痕.香茅豬扒飯, 豬扒比較乾同靭, 但味道尚可, 因師傅到.睇嚟此店主要由大師傅主理.唯獨經理服務態度抵讚, 有耐心地道歉及表示明白我們的情況.最後食完走人, 行到門口時, 由於店員正在拖地, 朋友差啲仆倒, 收銀見狀馬上出聲說:「我哋新開, 個小心地滑提示牌買緊架啦!」仲以為佢出聲關心問候...後會無期.