越泰 (已結業)

經常經過呢間餐廳，但未有機會入去一試，適逢今日相約舊同事食晏，就去一試吧！叫左 原個菠蘿炒飯 同 炸蝦餅。菠蘿炒飯份量多，飯呈黃金色，食落好有菠蘿酸酸甜甜既味道，菠蘿肉亦多，雖係飯類，但十分開胃。炒飯中亦有腰果同肉鬆，吊味得來又十分香口。蝦餅既蝦膠結實需彈牙，雖然係炸，但仍然食得出蝦既鮮味。

好味，又近屋企又美味既選擇~因為懶得行遠既關系，而且屋企附近都多野食，所以同屋企人自然中意係番呢區搵食~佢呢個鋪位轉左好多手，呢間叫最好~豬頸肉最好味，好大舊而且好淋~咖哩牛腩，牛腩都冇咩渣~其他都好好味~希望佢長做啦可以~

其實已經係第二次去，之前一次係下午茶，覺得一般。今日去左食晚飯，唔使等位，都幾多人，叫左冇骨海南雞飯，生牛肉湯河，Vietnam 沙律。真心，3樣野都唔掂，雞唔滑，又乾及有骨。沙律真係超咸，好耐未食過咁既沙律。下次唔會再去。

我本身都好仲意食泰國菜傢,平時都係旺角食,今次試下朋友介紹的嚟間。我朋友話大件夾抵食,食物質素又好好。襯今次朋友生日,咁就三個人一齊去試下。今次叫咗兩份一人套餐,HKD128一份,另加一隻燒春雞。因為套餐已經有前菜、主菜(湯河)、一個餸、甜品再加凍飲。分量好足,套餐中我最仲意牛肉湯河同埋個炸蝦餅,牛肉剛剛好熟,而湯河唔會太鹹入面有芽菜同埋蔥,。另外炸蝦餅加個泰式漿,好味好正!但我最最仲意就係個香茅燒春雞,係即叫即整傢,等咗十幾分鐘就送上枱了!十分期待,當我一切隻燒春雞就有汁流出嚟,又而雞又外脆內嫩,店員仲會俾埋膠手套客人,客人可以用手撕嚟食。三個人都係食唔使四百蚊,飽到上心口。套餐: 餸套餐:前菜套餐: 小食套餐: 湯河最正的直立架上的香茅燒春雞

很喜歡吃香茅豬扒, 每次到越南餐廳, 首選一定係叫香茅豬扒飯或香茅豬扒湯河, 但今日在越泰叫的香茅豬飯令我超級失望和有點生氣。因為之前係其他餐試過叫香茅豬扒, 最後變左“豬頭骨”, 意思即係將好多塊豬扒的頭頭尾尾砌埋一碟, 所以自此以後, 每次在不同餐廳叫香茅豬扒都習慣望一望塊豬扒係唔係一塊豬扒切開, 今日的香茅豬扒令我失望, 又係一碟豬頭骨。豬扒炸得大耐, 有點乾, 而且很鹹。午餐價錢略貴, 但食物質素一般, 選擇的原因只是貪方便和不用等位。

男朋友專誠帶我黎越泰食泰國野 入到去覺得環境唔錯裝修靚 座位寬 又夠光 見我地情侶就安排左我地去卡位 都幾細心 menu選擇眾多選撢困難症簡直唔知選咩好 最後都係男友幫我叫曬 男友先叫個串燒豬牛雞各兩串雞勁滑 好正 豬比我想像中滑，應該係豬頸肉黎 牛就有少少硬 而個汁就調得好好辣辣地酸酸地咁好開胃星期一原隻燒春雞都係$98 所以即叫左黎到真係又熱辣辣又香  侍應好細心比左手套我地撕黎食 咁樣食都幾有風味 都有個汁可以點返 個汁同雞好夾之後加多左2碗飯 因為驚唔夠飽haha飯都好香同埋水落得岩岩好不過就無影相啦 同埋叫左野飲！菠蘿沙冰因為好大個所以我地share飲就算 侍應話係勁個菠蘿整出黎好清甜同埋唔酸！！！！！！好好飲 真係多謝男友帶我黎呢度食飯 我一定會帶我d fd再黎 haha

同幾個兄弟相聚梗係去食辣野啦 見北角近大家就選左呢間泰菜試吓我地先叫左個泰式生蝦做前菜生蝦好新鮮 佢有汁提供個汁就辣辣地，同生蝦好夾而我朋友連左辣椒食 食到佢噴火…如果鍾意食大辣可以連辣椒食…如果唔係，想小辣就沾汁啦 之後就叫左個咖喱蟹 咖喱味濃，我覺得偏咸但我朋友反而覺得岩岩好 不過個蟹唔太索汁所以都幾好食 個蟹真係好多肉佢仲好細心幫我地開埋令到我地唔會食得太污漕 其實個咖喱蟹仲配埋法包 我最驚就係法包皮太硬但佢唔係喎！係脆架！加上d蒜蓉香，加少少咖喱簡直一流 我朋友仲叫個白飯送咖喱tim 我自己就叫左杯特飲下面冰沙磨得好好帶有袖子香同個schweppes好夾 加上個賣相好得真係相當驚喜 兄弟話下次再聚一定選返呢度 因為d野食真係好岩我地幾個食

喺北角見完客想食個tea , 黎到呢間越泰 睇名都估到係越南同泰菜為主， 食店有做下午茶餐， 不過我同同事就散叫裝修同九龍城泰菜既裝修好似， menu精美夠comprehensive . 好多食物選我地飲左 法國333 啤酒， 泡夠滑， 味道偏高麥味但不太濃 男女都啱飲泰式蝦餅 , 入面夠彈牙 出面夠脆 粉不會太多 點甜酸醬唔錯越南春卷，。煎既春卷皮十分脆口， 入面有粉c, 羅白c, 木耳， 豬肉等等， 豬肉有少少辣， 幾有口感 , 成舊用生菜包住 點甜酸汁食 yummy酥炸軟殼蟹伴濱海， 濱海即係越南粉c , 整成餅型 夠煙un 上面放d葱花 花生碎 連埋生菜 同新鮮炸起既軟殼蟹 蟹肉多高 正 雞翼， 好香牛油味 偏甜 但又有炸過既蒜蓉味， 食極唔厭粉包， 係同越南春卷既料一樣 但係用包皮蒸 , 上面配多夠越南紮肉， 熱辣辣 皮比較厚有口感 !整體黎講食物味道十分地道一d不在hk成日食到既野 都有 例如粉包 濱海 ! 值得再食

又隔咗一段時間冇食泰菜，今日年初四，突然好想食泰國嘢，不過度度都好多人。 行行吓見到呢間越泰，唔使等位，食物選擇又多，一於試下。 入面成間都以綠色為主，我們被安排坐卡位。 枱面有各式泰式醬汁可自行添加。 Menu選擇很多，單單是小食已經很多款，留意到招牌燒春雞逢星期一特價＄98，都幾抵喎，雖然今日唔係星期一，不過都齊齊食返隻燒春雞。 泰式生蝦刺身 $128吃泰國野，刺身當然是重點，估唔到新年都有生蝦食，生蝦備有特別嘅醬汁，入口好爽，帶點微辣。 泰式燒豬頸肉青木瓜沙律 $65幾足料，豬頸肉好大塊，外層燒得金黃色，入口脆脆地，木瓜沙律亦好新鮮，一啖豬頸肉一啖沙律，令到豬頸肉冇咁油膩，木瓜沙律點上醬汁都幾辣下。 法式牛油雞翼(兩件) $48一黎到已經勁香牛油味，雞翼炸得好香脆，不厚粉，雞肉嫩滑多汁，係雞全翼來，外脆內軟，十分出色，唔怪得值呢個價。 西貢生熟牛肉湯河 $62問過店員，呢個湯生牛肉湯河嘅分別就在於多咗牛腩，上枱都幾大碗，足夠兩個人嘅份量，一貫牛肉湯河嘅濃湯。 生牛肉都幾多，上枱仍然係鮮紅色，隔一陣就熟咗了，牛肉肉質感重，食得好

有一位親戚住係炮台山，探完佢之後順便係附近搵食，竟然呢頭都搵到間食越泰菜。 餐廳裝修都好有泰國風味，同時又播住泰國既歌。 餐廳選舉豐富: 越，泰加埋好多選擇！ 而且仲有daily special offer，都幾吸引！ 泰式生蝦刺身，生蝦都幾爽口，有埋蒜片同辣椒係蝦上面。配上既醬汁同平時唔同，有少少啡啡地既色，入口一樣惹味！ 泰式燒豬頸肉青木瓜沙律，豬頸肉燒得夠香，邊位有口感，青木瓜都幾爽，沙律既汁有d辣，但係夠開胃。 越南春卷，春卷皮薄，餡多，而且連埋生菜上，夾埋一齊食冇咁熱氣。 法式牛油雞翼兩件，全部野食之中最香既一味餸，未食已經比佢香味吸引住。入口除左好香牛油味之外，仲可以見到表面有香蒜，同埋夠香夠味。兩者足以令到普通既雞翼升級不少，而且雞翼本身既皮又夠脆，整個都好好味。 招牌河內香茅燒春雞，上枱既時候已經見到成隻雞坐起，非常有氣勢。原隻雞除左頭之外不折不扣地直立係面前，肯定已經好"睇得"。外層既雞皮燒得金黃，而且火候之勁係會見到雞既油份一滴一滴咁滴落嚟！食既時候發現雞唔係淨係得表面，雞係啖啖肉，而且配上既係海南雞飯常見既醬

路經北角發現一間越南菜 ~發現有間店面裝潢好靚既食店 , 二話不說即時入去同朋友食個飽飽 有小小西式餐廳感覺既裝潢 ,亮白色調為主 , 好樸實第1印象十分好 店內既裝潢都好整齊, 枱既大細適中 , 叫多幾道菜都夠位放晒而且色調好暖和 好舒適 GD~牛肉朦粉 ; 配上泰式朦粉專用既汁 ~ 食落去酸酸地 , 又開胃又令個味道好味左牛肉既唔太韌 , 客易咀嚼 , 味道好突出 ,好味道軟殼蟹 ~岩岩送上黎既時候出晒煙 , 香噴噴咬感好脆, 好爽口 熱辣辣 配合果D炸蒜更加香 ,成個食蟹既過程都好享受~串燒( 雞,牛 )個沙嗲味道有小小淡 , ‧ 雞肉咬感幾好, 軟軟地唔會好韌 , 易入口 GD‧ 牛肉串燒同平時出面食既牛肉串燒差唔多 , 唔算太凸出~椰汁冰 ;好濃椰子味 , 甜度適中 , 入口感覺好爽份量都唔少 , 好味又抵飲時間耐左味道都唔會淡 .... .... .....整體而言每一道菜都好體現到越南菜既風味 , 價錢唔算太貴 , 大家可以黎滋味滋味

西貢生牛肉湯河 $56一大碗熱騰騰的河粉到我面前，我已經被那多片生牛肉深深吸引住，很多時，餐廳都會把牛肉察得熟過龍，變了熟牛肉，失去了原意，但越泰就把火侯控制得剛剛好，而且湯夠熱，份量一點都不少呢。首先，將青檸和辣椒加入湯中，再喝一口湯，湯味算濃郁，湯中有不少芽菜，蔥蒜。然後同我一樣咁夠膽的，就先食一片生牛肉，無錯，係生歐歐咁食，牛肉非常淋身而且味道清新，有些肥肉但不算得上肥膩，生牛肉都切得薄薄的，加上來都有4-5片大大片，一點都不姑寒。最後才試河粉，河粉十分滑但跟平時的分別不大。西貢扎肉蒸粉包 2件 $38香港的蒸粉包味道並沒有越南的酸，味道都偏咸，皮都算薄餡料多！薄薄的粉皮內充滿著豬肉碎，蝦米，香菇，紅蘿蔔，有層次感而且香味十足，沾上酸汁就味道更匹配。扎肉也不是地道越南的酸酸那種，可能香港人的口味比較怕酸的肉類味，所以材料都選擇用比較大路的，相信大部份人都會喜歡吃而家容易接受。越南滴滴咖啡（凍） $28雖然已經是晚飯時間，但我每天都要開夜車，所以晚上喝咖啡對我來說很平常，越南的滴滴咖啡味道一如以往的豐厚，加上煉奶令甘苦的越南咖啡都變得微甜，如果不喜歡吃甜的就可以減少搞拌杯底的煉奶。

Viet Thai is a self-explanatory Vietnamese and Thai restaurant in Fortress Hill, just 5 mins walk from MTR. The restaurant is spacious and decorated with a lot of green elements and furniture. I have chosen a window seat facing the road which I liked a let especially when you are dining alone. After taking a few suggestions from the staff, I have decided to order a salad, a main and a drink as my early dinner. Pomelo & Shrimp Salad ($85)I always like to order this dish when I am going to a Thai

聖誕假後依然懶洋洋，下班後還是外吃好，走不遠來到炮台山附近覍食，找到越泰。 位於橫街單邊角落，附近有偷雞泊車位，坐在窗邊可以看到有否警察抄牌，據說會留手但偶而都會抄牌的。標榜正宗越泰菜，試過方知龍與鳳。 我最喜歡選擇寧靜的一角，這個也許是店內最佳座位，哈哈！竟然沒有人留意到跟我爭！坐在這裏可以觀看過路的車及人。 選擇自然由餐廳精選丶優惠及特色開始。泰式原個菠蘿冰 原個水果作飲品似乎是近日潮流，兩個多月前在小甜谷，後來見雜誌報導有水果店供應，現在又再遇上。 放只水杯方知菠蘿之巨大不欺場，與小甜谷的小巧可愛有別。做法是開蓋後取出果肉，加冰攪拌均勻後再放進菠蘿內，味道冰涼鮮甜，原汁原味無添加，賣$48，我覺得值。越南滴滴咖啡 原來放咖啡在滴滴壺內及加熱水皆有技巧的，滴得太快欠咖啡味，滴得太慢咖啡浸泡太久味道失分，怪不得我在家做，往往因為滴得太慢而令咖啡涼了不好喝，有機會要學吓。這個咖啡，滴滴過程中已嗅到香濃，奶亦香，食伴不喜歡奶太多，加冰凍飲剛好混淡了奶味，而且晚上喝咖啡還是淡淡的好，免得失眠。越式蒸粉包粉包皮不厚不薄，比例跟餡料合適，熱辣有米香，正宗做法，豐富餡料包括免治豬肉丶甘荀

凍番茄在西餐中比較常，泰菜就比較罕見了用蜜糖來提升番茄的鮮甜及去其茄腥味味道及賣相都相當不俗蝦餅新鮮即炸蝦膠結實之餘亦有蝦肉鮮味算是中上質素的蝦餅刺身蝦件頭頗大近年刺身蝦身價上升急速，作價百多元計起每隻也要近20大元，相當不化算不過鮮甜的蝦肉加上香辣的青辣汁理智也敵不過我的舌頭，泰菜總是少不了它原鍋邊爐侍上份量足夠四人享用酸度偏高，適合愛味濃之人香茅用了較嫩的芯部，不慎吃下也非必要吐出，減少麻煩大頭蝦蝦膏香濃，不俗辣勁也是比想像中低直立架燒春雞，火候很好，皮脆肉嫩有別於一般燒春雞，經香茅醃制一段時間非常入味，肉質也有著微妙的變化雞胸肉也非常嫩滑配上特制醬汁，有淡淡泰式海南雞的感覺非常新派的泰菜，燒春雞尤其出色可惜的是本地化的泰菜漸漸失去了辣的原有特式