越泰 (已結業)

晚上9點, 一行9男女, 放工搵食之際, 見此新開業門面唔錯, 入去一試.由於人多, 店內無咁大張枱, 經理安排入VIP房, 心想不錯, 可自成一角. 但由於此房不常對外開放, 房間一陣焗味, 亦無開冷氣, 之後多次要求下, 終於開冷氣, 但不知因由, 冷氣不斷跳制, 最後算數, 又又焗熱下快食快閃. 無晒心機, 所以冇影相. 先上越式拼盤, 其中炸蝦餅及香葉包雞還可以, 其他皆太咸, 已經用菜葉裹食, 依然咸.生熟牛河, 上枱時牛已全熟, 但環境問題, 有得食就食.蕃茄牛腩河, 味道不錯! 全因師傅到, 食完口渴兼頭痕.香茅豬扒飯, 豬扒比較乾同靭, 但味道尚可, 因師傅到.睇嚟此店主要由大師傅主理.唯獨經理服務態度抵讚, 有耐心地道歉及表示明白我們的情況.最後食完走人, 行到門口時, 由於店員正在拖地, 朋友差啲仆倒, 收銀見狀馬上出聲說:「我哋新開, 個小心地滑提示牌買緊架啦!」仲以為佢出聲關心問候...後會無期.