越北牛肉粉專門店 (已結業)

i come from one of the best places for vietnamese cuisine and i have high expectations. i have had several places for it in hong kong where ive been so terribly disappointed. this is the best place ive had in hong kong. portion is good too. coming back for sure. the only downfall is no washroom.

今日天氣咁熱，想食碗越南湯河，所以就去越北到食啦！因為價格及食物質素唔錯，又係公司附近。今日下午越北最失敗是，當客人坐低先告訴所有湯粉類暫停，原因是個爐壞了。既然一早知到個爐壞咗，點解唔係門口貼紙或客人一入門口時就出聲呢？店鋪負責人一定要檢討及改善。

最近公司搬左到新浦崗，閒來冇事，四圍揾好野食。在openrice research，揾到呢間，第一次認識呢間餐廳，找到樓下，見到門面好唔錯，入去一試。叫了個招牌的生牛肉河，好正。好大碗個湯料十足，d金不換擺設得好有藝術感，抵讚。做緊飲料半價，叫了杯青檸soda，十三蚊抵飲到hihi。個河個碗大過日本拉麵，但只賣hkd48，性格比高，十分抵讚。個人認為抵食過通街都係的日本拉麵。餐廳坐得好舒服，裝修豪華，冇壓迫感。希望更多餐廳可以學到他們咁有誠意，唔好一味賣冇內涵的快餐。會繼續幫襯，發掘更多此店菜式

越菜在香港難找到一間好味，令我再三回味無窮！但自到了北越牛肉粉專門店，從此我愛上了越菜！店內頗偌大，也夠寬敞，卡位也寬廣，一人坐下，十分舒適！打開menu,發現有很多不同款式，也有我致愛---粉包，檬粉及湯河……我點了越式三寶湯河---兩塊鷄翼、兩塊扎肉及四塊食指長的豬排，點上綠色樽內的酸辣醬，層次提升了，令人停不了口，炸得香口，肉質鮮嫩，份量也大，平民化價錢，但已超越餐廳本身的價值了！很幸福唷！

最近搬完屋，適應中，屋企好少煮飯，好少煮飯就變左好少帶飯返公司，所以多左出街食飯啦...平時會「轉左」行入大有街，因為夠多野食如果一班同事一「轉右」，即是一定食呢間啦...因為食過幾次唔同食物，今次只想分享呢樣...地點：新蒲崗彩虹道242號采頤花園商場地下（近鑽石山地鐵站）Walk in：平日午飯時間9成滿座環境：新式木質感設計服務：食過四、五次，我遇到的服務員都比較豪氣大聲D，試過叫「少飯」，服務員比較唔耐煩話碟飯已經D飯唔多，問我地仲要唔要少飯食物：順化香茅豬扒撈檬順化香茅豬扒撈檬 $48包熱飲一杯，凍飲加$3順化是越南一個地方名稱，雖然我未去過越南，但味道和香味都很「東南亞」好食！豬扒好腍，強勁香茅味凍檬撈埋個魚露甜酸汁（碌冧）好正味道酸酸甜甜又有魚露鹹鮮味大大碟，份量都算多$48算是整份Menu中最平啦平日午市時間由11：30 - 14：05如果食飯食得晏，等到下午茶時間比較抵食下午茶時間都有D人流架

從未諗過要寫食評，但這次真的太受氣，在年初四，我和女朋友一起在采頤花園那間越北早餐，因為兩個餐同時叫，另外一個餐過了一陣子還未到，我們更叫了侍應可否幫我們看一下為何還未到，可能個位侍應比較新，問了另一位有經驗同事，但那位有經驗的老女侍應，在我們背後不到一個身位大聲說到：不用幫他幫催，千萬不要，由得他們慢慢催！這些話說了很久，不停重複！我們食了多久她就說了多久，我們非常認為這個老女侍應很沒有禮貌！這不是催不催餐的問題，如果態度好我們不介意等，而是那個老女侍應在我們面前說「由得我們慢慢催，不要幫我們催」！ 我們也不會再去這間店，也不會叫朋友來！

一個人，求其食啲嘢。1.叫咗酸辣海鮮檬粉，問佢可唔可以少辣，佢話冇得控制，好，碗野嚟先算。碗野嚟到，一大羹辣椒醬加指天椒，咩叫冇得控制？算！你個腦原來都控制唔到🙄2. 一路食住碗野一路睇YouTube ，個女侍應refill 醬汁，超大力放低，由於我勁專心睇電話，成個人彈起，電話反埋，佢見到即刻Say sorry。算！3. 有個短頭髮(疑似super) 女侍應refill 櫃桶嘅餐具，超大力閂個櫃桶，成張枱震晒，我再次成個人彈起。冇講對唔住，仲話要埋數，快啲埋單。4. 差唔多10點離開，餐廳差不多準備清潔，年輕侍應將啲垃圾Hea晒出嚟，我起身走人，同我講拜拜，但係啲垃圾阻住條走廊，又濕滴滴。我心諗我跌低一定追究！****呢世都唔會再幫襯

難得老公準時，可以係附近搵食，今日超凍都唔想係條街行太耐，見到呢個帽子火鍋幾特別又唔洗等位就試下啦~ 坐位舒服，淨係卡位，店員服務ok爽手既但佢地自己傾計個時粗口細聲d會好d囉~2人份量只係剛足夠但唔叫飽，叫左清湯好多蔥花，牛既質素睇個價錢都唔會有咩大要求，合格收貨，反而覺得個牛丸幾好，好彈牙，牛坑腩片原來就熟左，只需要滾熱，牛肉薄牛，牛味淡但至少無雪味，簡簡單單一餐ok啦~

本來食物都可以，但采頤花園分店幾名年輕男侍應經常在店內大聲嬉笑，玩耍，影響食客！有一次聽到佢地攞其他女客人身體特點來開玩笑，實在過份，希望間公司會跟進事件和管理好員工。

趕到要死，就是為了趕上下午茶時段，飲品後上都不行，必須極速下單。3人行，朋友之中有選擇困難症患者，又遇著想吃扎肉沒扎肉的情況下，真是壓力山大。下單之後就輕鬆多了，人不多，有卡座 ； 出菜也快。我點了生牛肉湯河，牛肉鮮嫩，河粉也是完整長長一條條的，吃得特別暢快。份量以下午茶來說算多，配菜足料，湯夠熱。熱飲不用加錢，點了熱菜蜜，甜度適中。我們將下午菜當做晚餐來說，女孩子食量剛剛好。會再來的（提早10分鐘）！

一話正，個個同事都話要跟住黎今次有成6個人，人多預左要等，都等左15分鐘架！上次我食撈，個個食湯，今次調轉哂，個個食撈，我食湯！繼續大大盤，但係個個都食得哂，就知好味啦！全部送都好正啊！牛肉，豬扒，通通清哂今次我食湯河，好香牛肉味，啲辣椒粒好正，夾住啖啖湯入口，正啊不過食完之後係有啲口渴既，lunch之後返到公司比平時飲得多左水有兩個人叫左大橙茶，無為意係兩入份量真係勁大杯，飲唔哂！今次仲加左個春卷小食，正正正，下次試其他開始成日有同事叫lunch要去呢度食大熱天時行成15分鐘都制

食碗生牛肉金邊粉，牛肉腥既，啲粉全部都係碎濕濕，以為個香矛牛肉檬點講都係係窗口推介，點知好似去茶記食時菜牛肉咁⋯⋯最勁係個圠肉蒸包粉皮，層粉皮起碼有5層厚，真係無言⋯⋯成間店既優點就係冷氣夠凍⋯⋯完

返工附近既lunch已經食到厭，今日行遠少少食少之又少既越南野~唔知關唔關平時太少選擇既關係，入到呢間野，全部同事都雙眼發亮禁12:30去到即有位同事揀左招牌~生牛肉湯河，我要左一更湯黎試，正啊，絕對唔係味精味，夠味得黎唔會咸，同事話啲牛肉都好滑美中不足係佢啲蘿蔔，淋就夠淋，不過連皮都唔刨我要左香茅牛肉撈檬，因為想試佢個汁，正啊，配料比例均混，牛肉都好多下，醃得岩岩好，好香口！啲野大大份，個個食完都叫飽想試小食都唔得不過特飲要加$18就好似有啲貴，連滴漏咖啡都要加18野食真係得，呢間有下次，下次一定要試小食

本來打算頹頹地去大快活食個早餐，但係果度實在太多人喇，咁就改去斜對面嘅越式茶餐廳食算啦。早餐供應到11:30，啱晒週末遲起身嘅人。早餐有港式同越式兩款，不過我哋眼大睇過龍，落左單先發現有越式早餐揀。我地叫左A餐：港式早餐（$28）同F餐歐陸早餐（$36）。F餐：早餐主角大同小異，都係炒蛋、火腿、炸魚柳同多士/牛角包嘅組合，加多碗火腿通粉。質素係一貫茶餐廳嘅質素，中規中矩，我杯奶茶唔算難飲，亦冇乜特別。不過，呢個價錢（人均價$32）又唔算太貴嘅。

在鑽石山彩頤花園新開了間越北牛肉粉專門店，在彩頤花園內食肆不多，有間大快活，和零星幾間食店，除非走十多分鐘去工業區或荷里活廣場，否則沒有太多選擇，所以午餐時間，這新店開始現人龍了。幸好早來了幾分鐘，不用等好耐就有位置了。 我點了順化香茅豬扒撈檬，好快就送來了。豬扒果然很順化，輕輕咬已經咬開了，質感也不會大乾，入味。撈檬粉有些結在一團，可再加檬汁攪開，天氣開始淡熱，食撈檬粉酸酸味味，也好醒胃口。總結：在彩頤花園食店選擇不多，越北牛肉粉專門店有合理的水準，所以有午膳時間有人龍也是正常。只是食後店員會眼望望，盡量食客食完就立即送客，多做一輪生意。