越北牛肉粉專門店 (已結業)

晚上放工經過新蒲崗， 所以今次得我自己一個食。 因為很久沒有食過越南野所以就進來試試。【服務】進來的時候需要探熱， 職員非常之有禮貌， 男女職員說話都很溫柔🤗， 坐低之後會比一張抹手濕紙巾同埋入口罩嘅袋俾我🥰， 所以第一印象很好感覺上就是去了一間有服務的Cafe， 而不是去了一個hea底茶餐廳。 令我驚訝的還有落完單之後佢會打張單俾我，然後細心地問我有沒有打錯， 之前其他餐廳可能職員打完單之後就直接放在你的枱面，或者客人不會留意去check 單。【食物】今天工作很曬很累，沒有什麼胃口，所以最後叫了一個河粉，因為濕的食物比較解渴和容易入口。湯底有味而且佢有配合一些配料可以給你加上去，河粉上面的食物例如牛肉牛丸份量也很足夠， 配合埋香草 真的有濃濃的越南味道 很滿意。 本身很怕生牛肉會不會太生太紅， 職員上菜時告訴我如果想熟d就盡快趁湯熱攪勻1. 綜合牛肉湯河粉2. 飲料薄荷青檸梳打感覺清新不會太甜，喜歡【價格】埋單一人$78 Ok 啦！ 主要系因爲我叫左特飲， 抵食！

星期六大雨，周圍都唔想去，諗起越北豬扒飯唔錯，就去叫2個香茅豬扒飯及香茅豬扒撈濛套餐，再加個牛油雞翼，豬扒厚切，夠香夠juicy，唔會過鹹，但個米飯就較差，量少之外又煮得較濕，返而撈濛做得較適中，牛油雞翼夠牛油香，炸粉亦很薄，煮得不錯，比九龍城某某勁多人讚的新派越南菜做得更好，飲品普通正常啦。咁多野加埋先$202其實都算抵食。不過食食下，發現枱上調味盤上幾樽醬料出口位都幾嘔心，應該是好耐無抹無清理無更換，樽口沾了很多醬，發晒霉，見到打冷震。😖😖😖😖就係咁扣晒分，其實我覺得幾好味架，我勁鍾意食豬扒撈濛，但又驚佢污糟🤦🏻‍♀️🤦🏻‍♀️🤦🏻‍♀️雖然出街食野預左，但唔好比人見嘛🤦🏻‍♀️

星期日唔想出街 夜晚又有個朋友上左黎屋企 於是我地就睇下網上外賣平台有咩叫 我地最後揀左越南餐廳 每人叫一碗越南粉 再叫三款小食 小食篇1）牛油雞翼牛油雞翼味道不錯 有四隻雞翼 2）軟殼蟹米紙卷軟殼蟹米紙卷有四舊 但是軟殼蟹份量比較少 而且好重薄荷味 我個人比較唔鍾意食薄荷葉3）炸蝦餅呢個炸蝦餅同我一般食嘅炸蝦餅唔同 我食開既炸蝦餅係圓形再加上炸粉 但係呢個越式炸蝦餅好似魚片咁 不太好食越北生牛肉河粉河粉好鞋好散 而且又唔滑 生牛肉份量都幾多不過好un 唔會再試越北生牛肉牛肉河粉友人評語都是一般般明明我叫左兩個生牛肉牛丸粉 （一個係河粉 另一個係金邊粉） 但係佢最後黎左兩個生牛肉河粉 不過未到認真麻麻 下次我都未必會再選擇

咁啱喺呢頭附近，又極度肚餓，所以入左呢間越南野試下，見到個價錢唔貴，平過荷里活廣場果邊，碗野係幾大碗嘅，但啲牛肉真係好肥，每塊都有一大節肥膏，唔好叫生牛肉湯河啦，可以叫生肥牛湯河😅

近近地呢頭無咩野食， 就揀左食越南粉，話時話呢間越南野都確實唔錯， 比起荷里活果間好食好多，佢既香茅豬扒，香茅雞翼同豬頸肉都好好味， 而且湯底濃沃，凍檸茶唔苦澀，少甜少冰最佳選擇！

今日晏晝，第一次去依間餐廳，去咗食我覺得不錯嘅餐廳越北，我對環境唔錯有好多越南嘅風味，所以隨手攞起餐牌帶咗一個賣相唔錯嘅雜錦撈㩚，完全圖文相符啲扎肉嘅口感都唔錯，撈㩚麵質爽口，值得一試！

本來我對越南菜裡面，以慢工出細活方式製作完成的「滴漏咖啡」飲品非常之有好感，因為「滴漏咖啡」沒有直接加入鮮奶或奶精去調味，沒有靠煉奶裡面的濃縮甜味注入咖啡，變成另類版本的「齋啡」。我在上手手提電話裡面「開飯喇」戶口還在運作的時候，曾經光顧在將軍澳，在坑口區商場裡面食越南菜同時，第一次試飲傳說中的「滴漏咖啡」飲品後，得出了沒有煉奶「齋啡」飲法的結論。後來我在新蒲崗「采頤花園」商場裡面，光顧商場裡面的「越北牛肉粉專門店」分店，選擇一客「咖喱牛腩飯」作為午飯食品的同時，以「越北」的換購價，點一杯「滴漏咖啡」作為飲品。結果采頤分店「越北」廚房製作出來的「滴漏咖啡」飲品味道，跟當時我在將軍澳坑口享用的「滴漏咖啡」飲品有很大的落差，坑口越南菜裡面飲「滴漏咖啡」的時候，後來請求店員提供煉奶，咖啡才增加煉奶的甜味。至於采頤花園「越北」製作出來的「滴漏咖啡」，「越北」除了沒有提供任何「煉奶」調味料之外，我也懷疑咖啡底層預設加入的，不知道調味料是否煉奶，而且調味料也有點不足。結果采頤花園「越北」的「滴漏咖啡」，在無法確定食店有加入煉奶調味料，食店也沒有向食客提供指引的情況下，變成了一杯味道非常之苦澀，甜味

新蒲崗雖然係工廠區而且寫字樓又多，但內裡其實都有好多食店，行行下去左一個屋苑內，就入去醫下肚餓先✍🏻越北三寶飯🥢因為唔想剩係食豬扒咁dry,所以點左個三寶飯裡面有香茅豬扒、香茅雞翼同扎肉，份量好充足雞翼炸到熱辣辣好香，外皮咬落好脆口...肉質唔會炸到乾爭爭，而且醃得好夠味同豬扒一樣都好好味，至於扎肉就普普通通，冇咩特別✍🏻咸檸酸辣無骨鳯爪🥢酸味太重🥴辣味太少...有點失色✍🏻三色咸檸七

係新蒲崗彩頤花園個邊放工，見肚餓，去食個lunch先。叫左個《海南雞飯套餐》$6x，如叫凍飲+$3我叫左杯：熱咸檸桔，嘩，熱飲都好大杯啊飯：好好食軟硬適中配菜：酸瓜蘿蔔，都好食雞：份量都幾多，重要大大件，皮滑肉質好好，唔掂醬都好好食#六十幾蚊，超值

之前幫襯過幾次西灣河分店，都很滿意。今日去親戚屋企，見附近有分店又冇人排，就入去㸃個生牛肉湯河，就中伏了。入口第一啖就知瀨嘢，完全冇味嘅？再試下個湯，同清水唔差得幾遠，總有少少怪味。實在食唔落，明知浪費錢都選擇埋單走人。希望鋪頭見到咁大碗唔食都走，檢討下。冇下次。

今日到附近搵朋友食tea，發現又一好去處！14:00正有下午茶😋😋見到有滴漏咖啡一於試一試味道OK幾好飲👍👍及凍檸茶。叫雜錦湯粉有扎肉香茅豬扒炸雞翼👍好味😋另一個叫了香茅豬扒湯粉份量也很多不像其他地方的下午茶份量十分少！所以都幾抵食下次都會再嚟😋

食完碟飯，侍者貼心的說趟櫃有紙巾🧻我說不用了，我有手巾，他才醒起：”Sorry ，唔記得你話走飲管！”非常有禮貌，撞著我這種煩人都好耐心💕T餐的三寶飯，我不要雞翼要埋札肉可以嗎？”可以！“T餐的餐茶薄荷青檸梳打，可以走薄荷嗎？”可以！”食物也好，以後可以多啲嚟！

好鍾意食越南菜，所以有越南餐廳嘅話我都會去試~但係今次黎到彩頤花園呢度間越北牛肉粉，係完全破壞左我對越南菜既感覺😂叫咗生牛肉牛丸湯河粉 ($56) 首先牛肉好肥，其次係個湯係唔熱既，所以啲肥牛就一直都係一個半生半熟既狀態，放落口亦都係韌都咬唔開🤧 最後真係叫佢加番熱啲湯俾我牛丸就正常少少，比較細粒同埋唔算好鮮甜。河粉亦都偏粉，冇咩咬口。加咗越南春卷 ($12) 呢個食落味道就唔錯，材料好夠，味道亦都啱啱好👍🏻 只係生菜唔夠新鮮，好多都爛爛地。我覺得可能係分店問題...

今日同老公嚟新蒲崗，之前一路感覺呢度冇乜嘢食，淨係工廠區，但發現原來采頣花園有間越南餐廳，即管入去試試食下晏晝。一點半嚟到都仲有位。叫咗越式豬扒飯及三寶飯，每個餐五十幾，唔使加一。三寶有豬扒，雞翼，扎肉都幾大碟，對女仔來講可能食唔晒。鍾意佢有兩塊蝦片，正👍🏻唔係間間越南餐廳都好會俾，老闆都捨得比客人食😀好對唔太喜歡炸嘢嘅我覺得豬扒有啲乾身🤔今次冇影相下次記得影返後尾發現原來大有街開咗好多新野😀可以發掘下

今天放工早了就到鑽石山付近閒逛，剛好想吃海南雞就來這間試一下了其實本來是想吃鑽石山入面一間海南雞飯專門店，但太多人了，所以只好在付近轉轉，就剛好遇到這間可惜我定力不夠，轉投了生牛肉河誰讓店家寫明牛肉粉專門店，就不小心放棄了我最愛的海南雞了進店後坐下時其實有點後悔，雖然我知就收工，但地下未免太慘不忍睹，希望廚房會比轉衛生吧餐具尚算齊備整潔凍檸茶足料，超多檸檬馬拉盞炒通菜就一般吧，味道有點兒太咸，但一餐下來總要點菜主角生牛肉河上枱喇蘿蔔大大舊，睇落超級入味味道其實唔錯不過就有啲渣超多片可以夾埋牛肉一齊食生牛肉都算多，一碗都有5，6片不過河粉就一般般，沒有太大驚喜，也沒有太大驚嚇