走過十萬八千里找到你

营业中

休息中

成日係IG見到呢間打咭餐廳...走過十萬八千里找到你...餐廳個名好長但地點一啲都唔遠 地鐵站行過去幾分鐘 食物選擇唔多 唔想諗  叫晚餐最好 $2xx有湯餐飽 主菜 飲品 餐湯 - 蕃茄湯🍅酸甜適中主菜日式原條鰻魚意大利飯 - 必食, 鰻魚超好食, 配上意大利飯, 新鮮配搭北海道帆立貝海膽醬扁意粉 - 海膽味濃厚飲品 玫瑰抹茶  - 用咗小山園茶，茶味濃厚, 加上玫瑰花清香特濃朱古力 - 用咗黑朱古力，甜中帶甘😋餐廳裝修好有心思，每個位置都係打咭位，值得一試🌷

香港都唔係好大啫? 點解要長征去呢間Cafe？因為呢度就係叫✨「走過十萬八千里找到你」😜其實位置就係旺角～ 好方便㗎！我都book mark咗呢度一段時間，見到好多網紅去佢個🌸花花background打卡～ 雖然地方唔算好大、不過的確好多打卡位呢！ 部份打卡位亦好吸睛～ 今日就同朋友過嚟食個lunch先！🍄蘑菇湯、餐包唔知點解好有早餐feel~ 😆 用來裝蘑菇湯的貓貓杯好可愛呢～ 蘑菇味道適中較稠。🍝北海道帆立貝海膽醬扁意粉由於舖滿木魚片，一上枱就非常有動感😆有2大粒帆立貝～ 每條意粉都沾滿海膽醬，味道香濃又creamy~🦞三文魚子龍蝦汁意大利飯賣相又係非常靚～ 有大蝦同青口各一大隻～ 龍蝦醬汁味道頗濃，同三文魚子混埋一齊食就更好味～🍓紅寶石巧克力草莓鮮奶好靚既打卡飲品！絕對係女生大愛！鮮甜草莓及巧克力漿撞入濃厚鮮奶～ 酸酸甜甜的滋味！🍑白桃梳打味道偏甜，愛好桃味的可以一試～呢度食物擺盤夠精緻～ 餐具又靚，絕對打卡勝地！

今日放咗工同朋友去呢間餐廳食飯打卡。呢間餐廳用咗好多乾花裝飾，窗邊、成個天花板都掛滿乾花，打卡一流😍我哋叫咗呢：❤️茉莉花緣茶$55用玻璃茶壺裝住，好別緻，好香的茉莉花味。❤️桂圓紅棗茶$55養顏至啱女士飲😋❤️北海道帆立貝海膽醬扁意粉$178嘩，大大粒嘅北海道帆立貝係面頭，見到都流口水😋。用海膽醬做醬汁去煮意粉，都係第一次試，好有海膽味。❤️原條鰻魚意大利醬扁意粉$178上碟好靚，見到好想快啲食😍。大大條又肥又厚的意大利鰻魚，鋪滿鏗魚乾魚（木魚）、紫菜，加埋鰻魚汁，無得頂😋

走過十萬八千里找到你之前就已經留意到呢間Cafe今日咁啱陪媽咪嚟旺角行街行攰咗就上嚟飲杯嘢打個卡🌼🌼🌼🌼🌼🌼🌼🌼🌼🌼玫瑰果洛神花茶 $60玫瑰花味好重～中和返洛神花口感啱啱好，清香白桃梳打 $55白桃梳打，一直都係我嘅至愛呢間Cafe都整得唔錯值得一試明太子岩燒蟹棒貓耳朵 $148平時食開意粉，今次就試吓呢間Cafe嘅貓耳朵原條鰻魚飯 $158鰻魚飯有驚喜，每啖飯都有鰻魚汁包裹住本身淨係想上嚟飲兩杯嘢不過見到隔籬枱食得咁香就試下啲飯同意粉估唔到都幾好食😜😜😜😜😜

呢間餐廳樓頂上有滿滿既乾花，最岩同個天花板打卡😄而且環境幽暗適合夜晚聚會！+$55仲可以跟餐送餐包同湯，而湯就係南瓜湯黎，係成餐飯最出色既一樣野🤩而且餐飽都係叮到熱熱地魷魚筒墨汁意大利飯 意大利飯好有咬口，撈埋啲魷魚可以訓練咀嚼肌🤣仲有一大塊既魷魚😋就咁睇落好似好濃既墨汁，但其實一啲都唔濃👍🏻軟殼蟹黑松露扁意粉 軟殼蟹好貼心咁碎件上🤭食到淡淡的蟹味🤙🏻望落滿滿嘅黑松露再加唔會好傑嘅醬汁👍🏻柚子茶 個人黎講覺得飲品上係幾出色，而且擺設都好靚，柚子味濃郁👍🏻巨峰梳打 都係威士忌size嘅杯，甜味好足，似出現買既罐裝味道😄不過呢個價錢來講真係有啲偏貴

朋友特登揀左一間用乾花做主題嘅餐廳，一入門口已經見到天花板佈滿左乾花，非常有特色，餐廳名亦都好有意思。餐包麥包上枱仲係熱辣辣，健康得來鬆軟。餐湯是日餐湯係蕃茄湯，稠身，茄味非常濃郁。忌廉龍蝦汁甲羅燒貓耳朵甲羅燒入面都係綿密嘅蟹膏，入口鮮甜，上面加埋芝士焗，十分邪惡，香濃龍蝦汁覆蓋住每一粒貓耳朵粉，高質之選。北海道帆立貝海膽醬扁意粉大大粒嘅和風帆立貝咬落去爽口，扁意粉吸收晒海膽醬味道，配搭好夾。紅寶石巧克力草莓鮮奶 （限量供應）賣相滿分💯，入面加咗鮮士多啤梨醬，飲落去有士多啤梨醬嘅酸味加埋朱古力嘅甜味，唔會太甜。手工黑芝麻（限量供應）黑芝麻Latte上面拉花好靚，口感香醇濃厚，健康有營養之選。

走過十萬八千里找到你今日中午走去旺角Ladder Dundas，喺地下大堂見到廣告牌一間幾溝女feel嘅餐廳名好鬼得意，於是上去食，大家記得搭唔好搭1號同2號，搭3號最好，因為3號上到間餐廳一出走廊係最寬，咁先入到間「溝女餐廳」！😂😂😂成個餐廳一片花海，餐廳四周同天花板佈滿了乾花，如果帶女仔嚟一定會瘋狂打卡，仲會唔捨得走，我係男仔都打咗卡！😅😅😅1. 北海道帆立貝海膽醬扁意粉$178+是日餐湯、餐包、手工黑芝麻$55（9/10）是日餐湯：南瓜湯，淡淡南瓜味，不太濃！餐包：本身就好乾，浸落南瓜湯食變得好食咗！北海道帆立貝海膽醬扁意粉入面有2舊帆立貝， 木魚絲、紫菜、蜆肉、墨魚仔、魷魚同蝦仔，洋蔥撈埋海膽醬連埋扁意粉一齊食，成口簡直充滿鮮甜海鮮味道，扁身意粉非常彈牙！手工黑芝麻：好香黑芝麻味，仲要每日限量，想試就要早d叫啦！2. 三文魚子籽龍蝦汁意大利飯$178+是日餐湯、餐包、cappuccino咖啡$55（9/10）是日餐湯：南瓜湯，淡淡南瓜味，不太濃！餐包：本身就好乾，浸落南瓜湯食變得好食咗！個意大利飯好結身，龍蝦汁味好濃，仲有少少龍蝦肉，其他仲有1隻青口、1隻大蝦、1條蟹

.走過十萬八千里找到你……….今日lunch搵埋爸爸👨🏻一齊去食走過十萬八千里找到你……….日本廣島蠔肉🦪意大利飯($158)蠔肉脹卜卜🤤，意大利飯用左番茄🍅base，酸酸甜甜，好creamy😍……….原條鰻魚意大利飯($178)鰻魚好大份，食完鰻魚已經飽左7成😂set lunch好抵食，仲連埋餐湯、麵包、飲品😉……….飲品我地簡左：黑芝麻latte & 凍朱古力黑芝麻latte好香濃黑芝麻味😋凍朱古力都係好香濃朱古力味，餐廳加咗忌廉，令口感更厚身……….環境好適合打卡，整間店都充滿乾花，牆身更有壁畫🎨……….評分：味道：🌕🌕🌕🌕🌗4.5/5性價比：🌕🌕🌕🌗🌑3.5/5環境：🌕🌕🌕🌕🌑4/5服務：🌕🌕🌕🌑🌑3/5整體，食物質素、環境都中上，值得一試😉建議午市去食，比較抵食🤤飲品選擇都唔小，而且都算高質

今日晏就去咗呢間位於旺角嘅花花打卡餐廳 成間餐廳佈滿咗花花裝飾比人打卡💐我地點咗Main Course、跟餐配埋是日餐湯、餐包同額外點了飲品🥤🍝北海道帆立貝海膽醬扁意粉 呢個意粉上面有紫菜、日式木魚片同埋洋蔥🧅仲有好大隻又彈牙嘅帆立貝 每條意粉都沾滿咗海膽醬既汁好creamy好入味賣相又好靚🍚日本三文魚子海鮮龍蝦汁意大利飯好推介呢個意大利飯 一食落去就係好濃郁嘅龍蝦汁沾滿每一啖飯 甜甜地食完一啖就會好想再食 重點係呢個意大利飯上面舖滿左好多海鮮 有大蝦、青口、蟹柳同蟹肉😻👍🏻🍓紅寶石巧克力草莓鮮奶呢杯草莓鮮奶造型好靚 而係呢杯嘢飲隔離仲放咗一束仔乾花係到比你地打卡💐📸如果想購買嘅話佢仲可以比買添🙈飲品上面舖咗好多玫瑰花瓣🌸佢嘅牛奶味好香濃 而個底就好多草莓🍓 攪拌均勻先飲 幾唔錯呀👍🏻☕️ 黑芝麻拿鐵呢杯黑芝麻拿鐵 一飲落去係好香嘅芝麻味 唔會好假 而咖啡拉花影相都真係好精緻好靚🥰

呢間餐廳掛滿乾花，天花板有成片乾花嘅花海，勁靚🤣餐湯+餐包（+$45）南瓜湯好濃好好飲！酥炸軟殼蟹黑松露扁意粉 $148軟殼蟹好脆好香口，而且唔會好油膩～黑松露好香，忌廉唔會太多唔會好膩原條鰻魚意大利飯$148原條鰻魚上勁正！鰻魚肉質好細嫩唔會好妹，Risotto 煮得啱啱好，好香濃好有咬口，另外仲有啲菇同翠玉瓜粒更加有口感，勁好食！Matcha latteRose matcha latte本身以為Rose latte同Matcha latte只係面頭有玫瑰嘅分別，但原來個底都係Rose latte味！勁surprise

[ 走過十萬八千里找到你 ]旺角樓上cafe 都算多，今次見間cafe 個名咁特別，決定嚟試下先。✿ 酥炸軟殼蟹黑松露扁意粉🦀 $148軟殼蟹炸得好脆，黑松露味夠濃，扁意粉炒得比較挺身，口感唔錯。✿ 三文魚籽龍蝦汁意大利飯 $178意大利飯中，每粒米都充分吸滿龍蝦汁嘅味道，成個飯味道好香，三文魚籽鹹鹹地。✿ 荔枝梳打🥤$48透心涼系列，不會太甜，好夠氣嘅梳打。✿ 巨峰提子梳打🍇🍇 $48巨峰提子，甜度適中，香甜可口。總結🫦店舖裝修好適合打卡💕，整間餐廳滿佈乾花，嚟食個飯仲可以打埋卡，唔錯既選擇😁✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿走過十萬八千里找到你地址：旺角彌敦道575號Ladder Dundas10樓電話：98898055✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

Some Day Or One Day, with a romantic Chinese name translating to "walking 108000 miles in search of you", probably doesn't give any hints on what they do. This place is an upstair cafe providing Italian/Japanese fusion cuisine with instagrammable botanic spots.Mushroom soup - served in a mug. The soup wasn't too creamy and the chopped mushrooms added more texture and earthy flavor. French Crab Linguine with Shrimp Paste Sauce - in addition to the crab meat on top, the pasta had plenty of seafood

《旺角打卡幻彩花海乾花主題cafe 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧一間好嘅餐廳一定要可以有個地方打下卡，今次介紹嘅餐廳聽過名已經好浪漫。天花係滿滿嘅花海，牆身亦都畫左色彩繽紛嘅壁畫同埋有一盞月光燈，感覺亦都好浪漫。北海道帆立貝海膽醬扁意粉$178灑滿日式木魚片係意粉面頭，因為熱蒸氣令到木魚片緩緩搖擺，同時令到人哋食指大動。北海道帆立貝大大隻又彈牙，除此之外仲有多款海鮮，魚柳同埋魷魚，意粉又好排海膽汁，充滿鮮甜味。主菜Main Course日本三文魚籽海鮮龍蝦汁意大利飯用左多款海鮮烹調而成，有海蝦、青口、蟹柳、當然就要唔少得三文魚籽。意大利飯面頭仲灑上一片片嘅芝士，好似雪花一般嘅感覺。食落意大利飯軟硬適中，又吸收晒龍蝦汁嘅鮮味，好特別。飲品亦都好考心思，用左一個木質嘅碟去承載兩杯嘢飲，旁邊再放上紫色乾花，打卡一流。紅寶石巧克力草莓鮮奶 $68依杯係限量供應，想飲嘅朋友就要早啲啦。朱古力味好香濃，面頭嘅牛奶忌廉仲放滿玫瑰花瓣，又好飲又好睇。自家製草莓特梳打 $68另外依杯就係半透明粉紅嘅漸層梳打，飲之前同底層嘅草莓醬攪拌均勻，飲落好有草莓嘅酸甜味，仲啖啖果肉。人均💫2

餐廳嘅裝修好靚，好有少女心，食物都好適合打卡🫶🏻🧸成個氣氛好文青好舒服😌✨紅寶石巧克力杯紅寶石巧克力打卡一流😍，有玫瑰花瓣做裝飾👍🏻，加上草莓果肉😋，令口感更豐富🆙，整體好飲之餘亦唔會太甜🥰🥰✨Black Latte芝麻味好重，飲落好特別，🔥中意芝麻嘅人一定要試😋😋，下次嚟會encore 😍👍🏻✨日本廣島蠔肉意大利飯個意大利飯有番茄味之餘💗，亦有少量魷魚🦑，令意大利飯更特別💓，而個廣島蠔肉亦好juicy🤤🤤，正‼️✨酥炸軟殼蟹黑松露扁意粉軟殼蟹幾大隻，食落蟹味幾出‼️黑松露好香，落得都幾多下🤓🤓，意粉唔會太乾或太creamy，啱啱好！🥰

去食lunch個湯好似潲水，西蘭花忌廉湯，但係金寶湯仲好過佢麵包差過茶餐廳，硬骨骨冇牛油又冇醋啲小食超級貴，單骨雞翼你賣$50其他嗰啲都難食到飛起牛扒又老又腥，我去求其一間西餐廳或者茶餐廳食個$60嘅lunch，冇咁嬲呃錢呃到離晒譜去食lunch個湯好似潲水，西蘭花忌廉湯，但係金寶湯仲好過佢麵包差過茶餐廳，硬骨骨冇牛油又冇醋啲小食超級貴，單骨雞翼你賣$50其他嗰啲都難食到飛起牛扒又老又腥，我去求其一間西餐廳或者茶餐廳食個$60嘅lunch，冇咁嬲呃錢呃到離晒譜