走過十萬八千里找到你

3個人去到叫左1個意粉，1個意大利飯，仲有一個豬鞍，點知要等1個半鐘先開始上菜，仲要又貴又唔好食。。。個軟殼蟹黑松露意粉好普通，但勁油又鹹，真係好麻麻地，但已經係最正常果個。。。之後個龍蝦汁蝦意大利飯先精彩，我唔明點解佢地可以做到勁水又淋，唔講真係以為食緊中式湯飯或者糊仔咁，人生未食過咁水又淋既意大利飯。。。直頭似係用普通白米整出黎既咁。。。之後食落口又有一陣怪味，可能我見識少，真係唔鍾意喇。。。仲要隻蝦又勁唔新鮮，感覺係放左係雪櫃幾日先拎出黎既咁，完全無口感，食落口一pat野咁。。。我真係唔識欣賞。。。然後到個豬鞍，個墊底嘅薯蓉居然係凍既，係啱啱上菜就已經係凍既。。。然後個豬又係生既。。。我等左1個半鐘俾d咁樣又生又凍既菜我真係不能接受🙃 仲要咁樣收我地791蚊。。。 好在最尾直接退左個等左1個半鐘都仲係生既豬鞍之後埋單540蚊， 但540蚊食1個普通意粉同埋一個垃圾Risotto，得罪講句真係自己煮仲好食過佢🙃 又係永世blacklist系列🫡…查看更多

想隨便搵一間餐廳食，咁啱見到幾高評分諗住試下，但期望值太高，反而有啲失望。首先個餐湯個味道太健康，如果食咗個餐包仔再飲個湯，係唔係好飲到個味。然後就嚟咗個貓耳朵，太鹹了。 再者最搞笑係個廣島蠔意大利飯，見到個菜單有寫” with tomato sauce” ，一嚟到食咗幾啖，一嚟覺得有啲乾，二嚟係完全冇蕃茄醬味，所以問下個職員係咪原本要落醬，點知佢答我個餐單譯錯咗😅所以成碟飯係得啲蠔同埋柴魚片係有味。 仲有嗌咗碟蜜糖芥末雞翼，就正正常常。杯巨峰提子梳打，冇巨峰提子味。 …查看更多

見呢間餐廳個名幾特別，評論又唔錯，就book左檯夜晚食飯，慶祝女朋友生日。當日係星期二晚，我地book左晚上7時，上到去顧客得我地2個，我地都打左個突，好似包場咁(以為會好多人......所以希望多啲顧客幫襯啦，唔好令舖頭一間接一間地執粒😟)後來又有1檯客(1男1女)嚟食飯，到接近9點先再多2男1女後生仔女walk-in，先多番啲人氣。Anyway講番餐廳，環境感覺唔錯，舒服，牆身壁畫畫得好靚，見到店主用心裝潢間餐廳，打卡完全一流！女朋友仲話將來新屋都想整到咁靚添～😜我地叫左1碟明太子岩燒蟹棒貓耳朵($148)、豬鞍伴焦糖蘋果醬(好似係$228)，以上兩個主食各自加$55轉套餐。兩個套餐所以有2碗西湯、2塊蒜蓉包及2杯好似係$60以下嘅飲品。飲品叫左洋甘菊茶($52)及玫瑰洛神花茶($52)。我覺得貓耳朵份量偏少，蒜蓉包細塊得濟，豬鞍份量正常。不過，以上所有食物嘅味道係超級唔錯！煮得好好食！由於我地係慶祝生日，本身book檯留左訊息係要叫一份甜品，並且要畫碟happy birthday，誰知主食食曬，我叫上甜品時，竟獲告知無我想叫嘅甜品🫢我以為店主忘記左，後來我地叫另一款，好彩最終都上左個好好食嘅甜品，有happy birthday 及爉燭，女朋友十分滿意。特別想講個雪糕好似有種會拉絲嘅感覺，聽女朋友講好似用棉花糖再整落雪糕果種(其實我唔知，我剩係知好好味)。店主服務好好，幾細心，會幫我地調校冷氣又剩，又會傾下計，整體體驗都唔錯！…查看更多

琴晚一開始嗌咗一個意粉餐先，本身想嗌多個Pizza但係戴眼鏡嘅女職員話冇晒（當晚我哋眼見只有一位樓面同事），咁就加多咗個All Day Breakfast嘅餐。個意粉上咗先，我哋已經食晒個意粉（大概15分鐘左右），個all day都仲未嚟，因為我哋都少少趕時間咁就催一催咗張單，職員答我哋仲有5分鐘，咁我哋轉外賣啦，但其實諗落都唔合理，一個all day點會至少20分鐘都未嚟？應該係漏咗單啦。佢整完個外賣俾我哋，因為個外賣盒唔係透明，我哋打一打開睇吓裏面，menu寫有牛角酥，但係我哋打開睇裏面係冇嘅。問咗職員先知原來冇晒牛角酥。但係我哋唔問唔打開嘅話係完全唔會知。有咩可能冇嗰樣食材客人唔問你唔講？係咪搏個盒唔係透明，我哋睇唔到裏面，唔會即場打開唔會知？咁同呃我哋係冇分別。正常少咗樣嘢點都要出聲啦，我哋唔問你唔會同我哋講嘅？如果你主動出聲話俾第二樣補償，咁件事係冇問題，但係而家問題係好似搏我哋唔會睇個盒，少咗樣嘢就呃我哋咁。最後補返3塊三文魚了事。…查看更多

情人節當日去食，環境ok,情人節套餐又唔算貴。野食都ok，Cafe來講，算係相當唔錯。不過可能人多，上菜有一點點慢，但同店員講完，都好快跟進。位同位之間有啲窄，人多是會有啲嘈。…查看更多

伏到核爆!!!!!!!!!!如果你鍾意同曱甴木蝨一齊同枱食飯嘅話，親親大自然，絕對推薦你哋呢間餐廳。個男職員走去同我朋友講，一隻曱甴啫，使乜咁驚啊。再有先嚟同我講啦。其實半隻已經可以call食環??叫左五成熟嘅牛扒，嚟咗個十成熟。真係well-done! 個男職員會問你，咁依家係咪好難食？你咁夠薑問我，我就答你真係好難食。仲要漏單，漏5樣漏2樣，食左個半鐘，谷鬼氣。想挑戰EQ同腸胃嘅你就嚟啦。。。。…查看更多

今日同朋友去咗旺角一間幾有格調嘅Cafe，裝修走簡約工業風，燈光柔和得嚟幾有情調，坐低即刻覺得成個人放鬆晒。 主菜叫咗「北海道帆立貝海膽醬扁意粉」，帆立貝煎得恰到好處，表面微焦，內裡保持鮮嫩。海膽醬汁濃厚得嚟帶啲甜味，同扁意粉好夾，每一啖都食到海洋嘅鮮味，水準唔錯。 甜品揀咗「抹茶紅豆自家窩夫配抹茶雪糕」，窩夫外脆內軟，紅豆唔會太甜，同微苦嘅抹茶味平衡得幾好。抹茶雪糕茶味濃郁，慢慢溶化時撈埋窩夫食，味道層次豐富，作為收尾幾滿足。 飲品方面，我嗌咗「玫瑰果洛神花茶」，酸甜清爽，朋友飲「桂圓紅棗茶」話幾潤喉。跟餐嘅餐湯同多士都幾有心思，湯夠creamy，多士香脆，簡單但做得仔細。 整體嚟講，呢間Cafe食物質素對得住價錢，環境又舒服，唔會太嘈，適合慢慢食吓野、傾吓計。…查看更多

今日去咗旺角一間好隱世嘅Cafe，裝修好精緻，啲燈光暗暗哋但又好warm，坐低即刻覺得自己成個文青咁，勁有feel～ 首先試咗個「忌廉龍蝦汁甲羅燒貓耳粉」，個名已經贏晒！上枱嗰陣聞到陣龍蝦味超香濃，啲貓耳粉煮得啱啱好，咬落去有啲煙韌，掛滿晒忌廉龍蝦汁，每一啖都鮮味爆棚！甜品嗌咗「抹茶紅豆自家窩夫配抹茶雪糕」，窩夫外脆內軟，仲有啲紅豆粒粒係中間，甜甜哋同抹茶嘅微苦balance得啱啱好～最正係個抹茶雪糕，茶味好出又唔會太甜，溶咗少少撈埋窩夫食，真係想encore多份啊！飲品方面，我嗌左提子梳打水～仲有跟餐嘅餐湯同多士，個湯creamy得嚟唔膩，多士烘到脆卜卜，蘸湯食簡直絕配✨ …查看更多

鄰近油麻地地鐵站, 我食過唔止一次, 呢度好岩同朋友仔慶祝生, 餐廳掛滿不同種類、顏色的乾花，滿室花香，全間餐廳都是「打卡位」, 環境舒適, 一路享受著美食, 整體氣氛好舒服, 好chill, 好浪漫, 重點性價比極高. 套餐包主食+是日餐湯餐湯用上貓肉球的杯子裝著, 特別可愛,忌廉南瓜湯, 軟滑creamy同勁濃郁,再配上香脆的蒜蓉多士, 多士配湯, 果然絕配主菜北海道帆立貝海膽醬扁意粉 $178.0扁意粉軟硬適中, 又有咬口, 北海道帆立貝呈圓扇形，肉質厚實，而裙邊會呈波浪，口感滑身鮮甜, 配上海膽醬,既鮮味又濃稠, 十分掛汁, 扁意粉面放上木魚絲, 好像一位少女在跳舞, 扁意粉吸收曬所有材料嘅精華，真係好食到停唔到口三文魚子龍蝦汁意大利飯 $178.0飯粒軟硬適中，帶子肥厚鮮甜, 配上炙烤蟹柳, 配上龍蝦汁, 味道更濃郁惹味,既濃稠及十分掛汁, 同時加入三文魚籽,把味更加提鮮, 意粉吸收曬所有材料嘅精華，簡直色香味俱全, 層次分明, 值得推介宇治抹茶紅豆自家窩夫配抹茶雪糕 $88.0三層高的WAFFLE, 超大份, WAFFLE 蛋香味濃, 配上大大粒的紅豆, 豆味濃, 再配上宇治抹茶雪糕及香甜的士多啤梨, 藍梅, 味道真的不錯, WAFFLE唔太甜，又係少少脆脆地, 食埋甜品, 十分圓滿…查看更多

以乾花束💐和壁畫作為主題的浪漫樓上Cafe，無論那個角度食物和環境都很出片。晚餐套餐有餐湯和☕牛角包🥐。是日餐湯是南瓜忌廉湯，很大杯。牛角包圓滾滾，酥脆而不油。🍝和風醬燒牛肉扁意粉令人眼前一亮的口味😳😳😳和風醬應該是日本醬油混合燒汁，配搭牛肉和木魚片真有點在吃丼飯的錯覺。扁意粉幼身，掛上更多和風醬汁。🦞🍛三文魚籽龍蝦汁意大利飯比貓太太想像的豐富太多，本來腦補是蟹籽😂太多餐廳會魚目混珠，但竟是大大粒晶瑩發亮的真三文魚籽，非常配搭龍蝦汁和雜菇煮成的意大利飯。🍵🧇宇治抹茶紅豆窩夫配抹茶雪糕抹茶愛好者必點，窩夫屬脆口乾身。美中不足是雪糕只得一球，真想追加呢😋 …查看更多

服務一般，有曱甴。要乜冇乜尋日book左枱3個人 晚上8:30去到佢俾一張細枱我，我以為有好多人訂位就冇理會一坐低已經有超過6樣材料都冇，選擇不多而甜品5款入面有4款都冇！連野飲都可以有啲材料冇…叫左野食。等等下其間隻腳一直好痕俾野咬，然後枱上面有隻曱甴🪳！我要開到聲要求換枱佢先換枱俾我，no sorry ,沒有任何理會and自己搬水搬餐具。ok fine 然後啲野食逐樣上，個湯同包要等30mins先出到兩個，仲有一份要等多30mins再食食下途中，竟然又有隻曱甴係我隻腳到行緊，我嚇到大叫有曱甴！但啲職員有反應，坐係到笑！野食慢但埋單快！呢間野真係冇下次，野食都只係一般。…查看更多

位於旺角嘅走過十萬八千里，每次入到去，就被佢獨特嘅裝潢吸引，天花板上佈滿咗乾花，營造出一種浪漫而夢幻嘅氛圍，而且食物全部擺盤精緻，非常適合打卡☺️帆立貝蟹肉龍蝦汁意大利粉意大利粉煮得岩岩好，配上鮮甜嘅帆立貝同蟹肉，再加上濃郁嘅龍蝦汁，整體味道層次分明，而且麵條索曬汁，入口非常惹味☺️冬陰功椰香虎蝦海鮮意大利飯濃郁嘅冬陰功味道配合椰漿嘅意大利飯，充滿多國風情🤤虎蝦鮮嫩，米飯軟硬度岩岩好，而且味道酸酸辣辣，真係好開胃🥰另外加錢轉套餐，包一碗湯及餐包，我同朋友一人揀左一款湯☺️我揀左南瓜，鍾意creamy嘅口感🎃朋友揀咗洋蔥黑松露湯，飲落較香濃；餐包今次係鬆軟嘅牛角包🤤最後，唔可以唔提佢哋嘅忌廉草莓窩夫，外脆內軟，搭配新鮮草莓同忌廉，甜而不膩👍最重要係擺盤超靚😍另外點左Mocha、焙茶Latte，好可愛嘅拉花☺️咖啡入口香濃，茶香撲鼻，令人心情愉快🥰📍 走過十萬八千里找到你 (旺角)旺角彌敦道575號Ladder Dundas 10樓#走過十萬八千里找到你 #somedayoneday #打卡餐廳 #人氣推介 #花海餐廳 #慶祝一流 #旺角美食 #彌敦道美食 …查看更多

來到旺角想食得開心打卡靚靚，就要來呢間佈愛情氣象的花花🌹🌸💐餐廳🍴———走過十萬八千里找到你🍴😎呢度環境真系好靚好有心思，無論坐邊個位打卡都係甘靚靚😎食物以西式為主，有飯有麵：我就點左日本🇯🇵廣島蠔🦪義大利🇮🇹飯 $158 有賣相夠精緻飲品有好多選擇，今次想試試特別飲品：紅寶石巧克力草莓🍓鮮奶 $68 擺盤都係講究精緻，真有心思😎最後吾少得點甜品，窩夫🧇係呢度招牌，必食之選，我點左香草🌿草莓🍓自家窩夫🧇配雲尼拿雪糕 $88 吾會太甜味道剛剛好👍…查看更多

聽個名都知浪漫 OpenRice book咗位 店員安排咗兩個人坐四人枱 環境舒適 方便兩個人傾偈 餐廳滿佈乾花做背景 打卡一流📸黑松露薯條 68份量一般 薯條香脆可口 明太子岩燒蟹棒貓耳朵 148好濃忌廉明太子味道 蟹棒亦都好大條 三文魚子嘅鹹香配上小帶子嘅鮮味 口感豐富 貓耳朵軟腍腍 好食😋北海道帆立貝海膽醬扁意粉 178兩粒燒過嘅帆立貝好大粒 有菇加埋小帶子 海膽醬唔好話好濃 岩岩好 扁意粉又有口感 軟硬適中之如又掛汁 值得一試🤩跟餐加$55包餐湯 餐包 飲品餐湯係甘筍湯🥣好濃好creamy 有驚喜餐包係蒜蓉包🥖香脆 少硬桂圓紅棗茶☕️足料 甜度適中士多啤梨白茶🫖好多士多啤梨籽餐飲奉上兩束藍色小花💐💐打卡一流…查看更多

💐旺角乾花世界Cafe💐係彌敦道575號大廈㩒10樓，一出lift就會帶你進入乾花世界～環境有氣氛，但得好少位，好彩一早係OpenRice嗰到book咗位，因為佢冇限時，所以啲位俾人訂哂就唔會接受walk-in了 。坐低，叫完野食，服務員就會過嚟你張枱幫你點著個香氛爉燭，一路同朋友傾住計，一路聞到香氛飄過嚟嘅香味，好relax😊呢間舖嘅食物我覺得很足量，所以我哋散叫咗一個主菜+$55跟餐，有一杯$60以下飲品同餐湯（可以揀忌廉粟米湯或南瓜湯）。另外，叫咗一個小食拼盤同甜品。個南瓜湯係直接用南瓜加cream打成，所以係真材實料，口感好厚，味道非常濃郁。附上脆脆嘅蒜蓉包好好食，整塊都好夠蒜蓉味😋每叫一杯飲品，都會有扎細乾花附送，貼合番間舖以乾花為主。主菜嘅忌廉龍蝦汁甲羅燒貓耳朵，龍蝦汁完全包住每一粒嘅貓耳朵。甲羅燒有啲驚喜，用蟹蓋盛住焗芝士包住滿滿嘅蟹膏，蟹膏唔腥👍小食拼盤入面最好食係蜜糖單骨雞翼同脆炸芝士圈，蜜糖嘅甜度啱啱好，會令你有啲食唔停口嘅感覺，芝士圈炸得好通透，佢嘅芝士唔會令到你好滯 。甜品窩夫擺盤好靚，但窩夫製作過程可能加入太多梳打粉，味道有少少苦。Joyfoodstop心動值：💓💓💓/5(以上純屬個人口味）走過十萬八千里找到你(香港)地址: 香港旺角彌敦道575號Ladder Dundas 10樓電話: +852 98898055…查看更多