走過十萬八千里找到你

营业中

休息中

今日去左一間bookmark左好耐的樓上cafe😍特登避開繁忙時間好彩有位😆唔洗等 正呢度裝飾好靚，擺放着唔同的花同裝飾品環境好舒服好適合同朋友坐低飲杯野傾下計⭐️餐湯：今日餐湯係薯仔湯，係用新鮮薯仔打磨成，每啖都飲到薯仔溶，好濃味😋，配上餐包非常夾。⭐️日本廣島蠔肉意大利飯：餐廳選用日本廣島蠔，蠔肉飽滿鮮甜，每粒意大利飯都吸收咗蠔肉嘅鮮味，仲可以加幾滴檸檬汁提升鮮味，🥳正。⭐️北海道帆立貝海膽扁意粉：一上枱就見到啲木魚絲郁吓郁吓，廚師用咗海膽汁煮扁意粉，味道唔錯，帆立貝好有口感😙，亦好鮮甜。⭐️飲品：試咗餐廳嘅招牌打卡拿鐵，分別係紅寶石巧克力草莓鮮奶及特濃巧克力，前者入邊有草莓果肉，啲cream又好好飲😁，好適合打卡，後者巧克力味十足，唔會太甜，非常解渴😊。

週末將至，計劃約朋友出來放鬆，互訴生活中的大小事，朋友想行街購物之餘，又可以食晚餐，於是大家多番決定之下，來到地點人流很旺，交通四通八達的旺角「走過十萬八千里找到你」的西式餐廳。天花板同窗邊都掛滿乾花，佈置成漫天花海，專業花藝師設計，餐廳打卡度非常高。餐牌上設有多款菜式選擇，美食當前無法抵擋，放縱一下自己，美味的食物，我都很鐘意，價錢很相宜。南瓜湯配小麥包南瓜湯濃郁，入口美味，非常creamy，配小麥包，食落十分煙韌，感覺唔錯。海蝦海膽意大利飯海膽味好重，燒海蝦彈牙爽口，令人品嘗到香味，魚子好美味，仍然保留了誘人的味道，整體算得上高水準表現，瞬息之間便食了。紅寶石巧克力草莓鮮奶草莓鮮奶是限量供應，面層有牛奶忌廉仲放滿玫瑰花瓣，底層有草莓果肉，喝後在喉嚨徘徊片刻，口感細膩的飲品。走過十萬八千里找到你（旺角）地址：旺角彌敦道575號Ladder Dundas10樓

一直都想試下這間人氣樓上Cafe，但2次book了最後都臨時有事去唔到，不過我無放棄，上星期終於趁個囡仲放緊假捉佢陪我去😝依度最特別就係到處都是花的裝飾，天花掛滿七彩的乾花💐，加上木系設計，充滿文青氣息，打卡一流📷。食物就以西餐為主。主餐牌食物加$45可轉套餐，多餐湯、餐包、飲品。餐湯係忌廉南瓜湯，用動物造型杯盛載，加上小法包，小品精緻，很可愛。🦞忌廉龍蝦汁甲羅燒貓耳朵一聽到貓耳朵個名阿囡已經話要，因為好可愛喎😂貓耳朵比較厚身，所以也比其他粉麵不易變軟，配上忌廉龍蝦汁夠creamy又帶海鮮鹹香味，很有口感。甲羅燒才是主角🦀，芝士面層下是鋪滿綠色蟹膏，一羹羹食最滋味，獨特的鮮味令人難以抗拒。😋🦑磯燒魷魚筒墨魚汁意大利飯黑猛猛的意大利飯總係讓人又愛又恨，明知食得滿咀污漬但又偏偏味道鮮甜令人喜愛。反正只是跟女兒來，不用顧儀態🤭，當然要大快朵頤。原條磯燒魷魚筒都幾揼本，界了花更是精美。意大利飯是有米骨的一款，也是我喜愛的口感，吸收了鮮甜的墨魚汁，充滿海鮮的味道，好味。🩷自家製草莓醬梳打半透明粉色帶有草莓果肉，味道和色素都純天然，健康解渴，俾小朋友飲都幾好。🤎凍Mocha賣相好吸引，喜歡佢既咖啡

🔸日本原條鰻魚意大利飯 $178鰻魚幾大條，肥美厚肉面頭淋上鰻魚汁，好多鰹魚乾鰻魚醬汁唔會太鹹，甜度剛剛好用來送飯唔錯🤪如果飯量多啲就更好😜味道：7/10性價比：6/10🔸北海道帆立貝海膽醬扁意粉 $178 海膽汁非常出眾汁夠多撈得夠均勻👍🏻啖啖重海膽味海膽汁同鰹魚乾好夾😜帶子好有香烤海鮮味道整體味道好有驚喜！🤪不過份量如果大一啲就仲好味道：9/10性價比：7/10▪️手工黑芝麻 $56好濃黑芝麻味，會食到磨好細嘅黑芝麻碎口感creamy，拉花靚▪️鮮奶焙茶 $56雖然係Latte仍然有香濃嘅焙茶味道拉花細緻而且好靚😍口感creamy個人覺得黑芝麻更加好飲以上主食加$45變套餐（包餐湯，餐包，野飲）🥣是日餐湯係紫薯湯唔甜，入口似番薯湯飲完好飽🤰🏻🔹環境：餐廳燈光暗暗地，好有feel🤪裝修天花有好多乾花吊落嚟環境幾靚，好有少女感覺☺️座位唔太多，建議預先book位🗣另須加一服務費-人均消費：～$250-整體味道：7/10性價比：6/10-#走過十萬八千里找到你📍旺角彌敦道575號Ladder Dundas10樓

鮑魚意粉份量太少，只有一隻細鮑魚，俾兩隻都唔過份吧！味道普通，又是過譽的餐廳意粉份量太少，女生食都未必夠飽。餐廳環境不錯，但食物質素有待提高，下次不會再光顧了。

▫️原條鰻魚意大利飯($178)👉🏻絕對冇呃大家嘅原條鰻魚，非常之長，賣相燒得好靚同好香😮咬落有彈性，照燒汁好夠多去撈飯，甜甜地好惹味😋👉🏻意大利飯好Creamy，有洋蔥粒，令到口感唔會好漏，仲有蘑菇粒同埋翠玉瓜粒，口感豐富⭐️⭐️⭐️⭐️.▫️ 北海道帆立貝海膽醬扁意粉($178)👉🏻 帆立貝有兩大嚿，仲有d 魷魚仔同蝦仁，同面頭嘅木魚碎，即刻有日式既味道😆👉🏻 海膽醬非常之濃味，掛滿每一條意粉，扁意粉質地幾彈牙⭐️⭐️⭐️⭐️.▫️餐湯+餐包 ($45）👉🏻我嗰日係甘筍忌廉湯，質地算厚身，絕地唔水，味道好夠濃👉🏻 餐包有烘過暖暖地，點湯一留☺️⭐️⭐️⭐️⭐️.▫️Matcha Latte (套餐補$1）👉🏻抹茶味同奶味恰控制得到好處🥰咖啡好滑⭐️⭐️⭐️⭐️.▫️Hojicha Latte (套餐補$1）👉🏻塔茶味超香濃，但又唔會過分苦澀，我自己本身鍾意重茶味所以鍾意佢多過抹茶Latte🤪⭐️⭐️⭐️⭐️——————環境：天花佈滿乾花，超Colorful，點影都靚，好有韓式Cafe feel 😙🌺🌷🌻🌼🌸評分：8/10.平圴消費：~$250

過完個復活節假期又有排先再有假期so sad，今日Happy Friday就緊係要去happy下😂😂😂其實都只係約朋友食個飯~係無乜idea既情況下碌下Openrice，碌碌下比間餐廳名吸引左，走過十萬八千里找到你(´▽｀)餐廳用乾花佈置，好岩打卡.北海道帆立貝海膽醬扁意粉 $178 (+$45 跟餐包餐湯，餐包，$55以下飲品)餐包有少少硬，不過點埋湯一齊食就岩岩好好少見意粉用碗裝幾特別😂帆立貝鮮甜彈牙，每條意粉都佈滿海膽汁惹味又creamy ！.磯燒魷魚筒🦑墨魚汁意大利飯 $148(+$55 跟餐包餐湯，餐包，$55以下飲品)平時食墨魚汁飯都係有色無味，今次呢個入口好香濃墨魚汁味再加入洋蔥增加口感，魷魚嫩滑彈牙唔會韌.紅寶石巧克力草莓🍓鮮奶 $68朋友係士多啤梨愛好者，見到士多啤梨飲品係必點！士多啤梨味唔會太甜牛奶味香濃，仲有士多啤梨果肉係入面，但就唔太飲到朱古力味，整體都幾好飲，面頭有玫瑰花瓣好岩打卡.手工黑芝麻 $56最近愛上黑芝麻，加上比較少見sesame latte，一見到就決定飲呢款，芝麻味濃郁配上牛奶好夾，好好飲不過有少少甜

係ig 見到好多人都去呢間到食飯，個環境有好多花花佈置，即刻心心眼，鍾意打卡嘅我即刻搵埋朋友過嚟食，我覺得環境同食物賣相更勝味道，味道真係好一般，唔覺得特別好食，仲要收呢個價錢，唔係好值

🚩 走過十萬八千里找到你三訪依間餐廳啦‼️第一次嚟係我未做Foodie嘅時候，同朋友一齊過嚟食lunch～嗰時初嘗明太子貓耳朵，至今念念不忘🫶🏻〰️〰️〰️〰️〰️〰️〰️〰️〰️〰️〰️〰️〰️〰️〰️🌈午市套餐 ✨南瓜湯配餐包 $45唔係好重忌廉味嘅嗰一款南瓜湯取而代之嘅係更加飲得出南瓜嘅香味同清甜餐包鬆軟，帶有微微鹹香，小麥嘅味道✨忌廉龍蝦汁甲羅燒貓耳朵 $158貓耳朵口感較有咬口，中間內陷嘅位置可以完美裝住湯汁相對於龍蝦汁我更加食得出蟹嘅燒香味甲羅燒裝滿蟹膏蟹肉絲，入口綿密甘香✨鮮奶焙茶 $1我人生第一次飲焙茶拿鐵就係呢間餐廳一試就愛上咗🫶🏻所以每次嚟返依度都會回味下焙茶粉質唔重，飲落係好濃郁烘焙嘅味道好想即刻整返件cake🍰

聽過呢間餐廳好耐，係因為佢個裝修，勁多乾花，又有壁畫超級無敵靚！加埋呢度個名超級好聽，令人少女心滿滿。今日叫左北海道帆立貝瓦海膽扁意粉$178超級creamy，完全冇腥味，意粉口感亦都好好，唔會overcooked。另外個日本原條鰻魚意大利飯$178超大份，呢個價錢值得！兩個都有得加$45跟餐，包餐湯、餐包同$55以下飲品，扺啦，點都一定要跟餐！餐湯係南瓜湯好味，麵包又熱辣辣，正！飲品我叫咗杯手工黑芝麻$56，佢唔係咖啡，基本上就係黑芝麻同牛奶，夜晚飲呢杯正呀，有咖啡拉花嘅視覺，但係又唔會瞓唔到覺！佢係好濃郁嘅芝麻飲品，鍾意芝麻嘅人一定好鍾意，好香滑！另外就叫咗杯自家製草莓醬梳打$68，飲落一舊舊jam幾得意，又唔會太甜。

襯住復活節假第一日，放假出左去旺角hea返一日☺️因為唔早起身，出到去都已經lunch time hour,於是上網搵左間幾多好評嘅樓上cafe餐廳🍴其實係見佢環境同個名好吸引🤭🤭上到去環境唔算太大，但係坐得尚算舒適☺️周圍滿滿乾花嘅佈置，好有feel🥰最後我哋點左兩個Set lunch 😉再加每人$45跟餐湯及麵包🥯食到勁滿足✌️酥炸軟殼蟹黑松露扁意粉原隻軟殼蟹非常驚艷我🤤🤤上到枱已經覺得好吸引，入口勁酥勁香😉好快俾我地消滅左🤣扁意粉配上黑松露醬，又夠掛汁，愈食愈滋味😋磯燒魷魚筒墨魚汁意大利飯磯燒魷魚筒多一份炭香，唔知係咪我掛住相機食先，到我食用時覺得比較乾身😅但係黑色意大利飯充滿驚喜😍估唔到入口有瓜、八爪魚🐙等等嘅配料，口感豐富😋咖啡師特調好可愛嘅小貓咪立體拉花🤩真係栩栩如生😍好療癒，令人心情大好☺️巨峰提子🍇梳打顏色好靚，未攪勻前，非常透光又精緻，加埋小花束💐打卡一流📍 走過十萬八千里找到你 (旺角)旺角彌敦道575號Ladder Dundas10樓#旺角美食 #樓上Cafe #Cafe推介 #美食資訊 #美食推介 #美食推薦 #coffee #relax #yummy #相機食先 #打

花花Cafe｜走過十萬八千里找到你｜旺角—————————————🫶🏼 主食+$45/$55 可跟餐配埋是日餐湯、餐包同埋飲品—————————————🫶🏼 明太子岩燒蟹棒貓耳朵 $148貓耳朵口感煙韌，啖啖都沾滿醬汁濃郁creamy嘅明太子加上三文魚子放入口口感豐富 味道好食！🫶🏼 日本廣島蠔肉意大利飯 $158意大利飯煙靭 粒粒分明茄汁底 面頭有3-4隻廣島蠔 唔腥—————————————🫶🏼 紅寶石巧克力草莓鮮奶 (+$8)牛奶味好重士多啤利味唔會過甜 啱啱好面層仲有玫瑰花瓣 打卡一流🫶🏼 鮮奶焙茶 (+$1)上到枱面 見到個拉花好靚 🤍入口焙茶味香濃————————————————————————📍旺角彌敦道575號Ladder Dundas10樓————————————————————————Overall 💗💗💗💗#香港 #cafe #香港cafe #food #delicious #hk #hongkong #eatwithfoodiez

旺角乾花打卡Cafe夜晚氛圍幾有Feel日頭有自然光影相更靚～｜走過十萬八千里找到你｜明太子岩燒蟹棒貓耳朵 $148貓耳朵好特別呀～食落其實好似貝殼粉咁比較有嚼勁口感明太子醬都幾多蟹棒上面仲有粒粒魚籽更提升口感和味覺！原條鰻魚意大利飯 $178有d 日式X西式 fusion既感覺鰻魚好大條呀仲加左木魚絲，令整體更豐富燉飯味道唔會太鹹加埋鰻魚汁就岩岩好+$45跟餐，含餐湯、餐包和$55以下飲品2款飲品超靚，打卡岩晒～玫瑰抹茶Latte抹茶味好香好濃，係用宇治丸久小山園抹茶調製紅寶石巧克力草莓鮮奶限量供應，面層有鮮奶油底層食到草莓果肉充滿層次感！適合想係旺角想搵一個休閑既地方坐下既好去處

雖然餐廳個名好似好遙遠，其實佢好近地鐵站，仲要係油麻地呢啲咁方便嘅地方😂。絕對唔洗走十萬八千里路。😆全間咖啡室放滿乾花，加上木製餐具，好有田園風。我哋兩個女仔點咗兩個套餐，我的是原條鰻魚意大利飯，朋友點了法式蟹肉蝦膏汁扁意粉。蘑菇湯好好飲，應該係用咗好多蘑菇打成，好香。我個鰻魚飯好大，成條鰻魚，飯又多，差啲食唔晒。意大利飯煮得幾煙靭，我自己就覺得啱啱好，因為我覺得意大利飯係要呢一種程度先至好食，太淋就唔好食。原條鰻魚，好足料，朋友唔食魚，每一個人食晒，其實都幾飽。朋友點的蟹肉蟹膏汁意粉portion 就細少少，女仔嚟講就啱啱好。朋友話個醬汁好味，意粉又係煮得啱啱好。要讚吓我杯咖啡，叫咗杯 flat white 加shot ，我喜歡佢用嘅咖啡豆，夠香，唔酸，啱我口味。朋友杯凍mocha 都好靚。地方同餐具都好乾淨，有窗口自然光，店員都幾nice 。靜靜哋幾好坐，適合女孩子傾偈打卡，或者小情侶拍拖。

女生總是喜歡浪漫且有情調的地方用餐ꕤ𓂃見到不少Blogger都有介紹這家，以花藝作為主題.ᐟ.ᐟ⭐︎少女心滿滿，而且非常打卡，更重要是花瓣佈置都是本地小店負責！　(\ (\ („• ֊ •„)　ꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀ.• ♥️ 麵包+湯 $40麵包偏硬，點蘑菇湯一起吃比較好。.• ♥️ 北海道帆立貝海膽醬扁意粉 $178滿滿的海膽醬淹沒了扁意粉，兩粒北海道帆立貝在頂上令菜色更豐富。扁意粉也很彈牙，沾滿了海膽汁在麵條上，而且佈滿木魚絲和紫菜，吃起來不會那麼濕。.• ♥️ 日式原條鰻魚意大利飯 $178見到原條鰻魚已經非常心心眼，一上菜也被份量驚訝到。鰻魚配和風醬料果然一絕，燒到恰到好處。因為鰻魚太多導致飯量減少，不過對於小胃星人就正好了～.• ♥️ 柚香菠蘿檸檬蘇打 $58像園景一樣清新的人口味，很符合這家餐廳。柚子味足，菠蘿味都自然，不過價錢便宜點更好ꔛ‬.• ♥️ 草莓白茶 $48草莓白茶有點特別，所以點了一杯.ᐟ.ᐟ⭐︎草莓味道足夠，唔算很有茶味但作為飲品還是不錯的。