走過十萬八千里找到你

营业中

休息中

朋友好耐之前已經儲低左呢間餐廳，要大讚佢地係真材實料，食物質素全部非常高，紅寶石士多啤梨朱古力鮮奶，期間限定而且其他餐廳好少有，打卡一流玫瑰花瓣鋪滿忌廉，少女心爆發了，朋友點左玫瑰綠茶鮮奶，濃郁既日本抺茶味，口感細滑，餐廳係擺盤有明顯花心思，主菜忌廉龍蝦汁甲羅燒貓耳朵，超級好食！原來貓耳朵係類似貝殼粉既一種，第一次食口感煙韌，甲羅燒滿滿既蟹膏同燒芝士，完美搭配合曬我心意哈哈，朋友既北海道帆立貝海膽醬扁意粉，海膽醬味道十分之濃郁好好食，有木魚紫菜等配料，帆立貝煮得恰好，滑嫩濕潤，至於環境同睇相一樣，很適合朋友仔來談心聚會💜

"走過十萬八千里找到你" 唔只餐廳名浪漫，一入到餐廳已經見到滿滿嘅花海，聽聞係搵咗花藝師室內設計，以各式各樣嘅乾花佈置為主，同唯美手繪壁畫，少女心爆發晒出黎，其實食物都唔錯，岩晒一班朋友係到吹水打卡，或情侶黎撐枱腳!我地點咗主食+$45升級做dinner set (有埋餐湯, 餐包同揀$55以下飲品)➡️"北海道帆立貝海膽醬扁意粉"，用石盤裝住意粉，面層配有紫菜絲同木魚絲，賣相都唔錯，有兩大粒煎香咗嘅北海道帆立貝，同配有細粒嘅魷魚, 硯同蝦仁, 扁意粉好彈牙同掛汁，每啖都沾滿濃郁嘅海膽醬，都幾creamy, 但海膽鮮味未夠出~另外仲點咗➡️"日本三文魚籽海鮮龍蝦汁意大利飯"，Risotto口感煙韌，每粒飯都索晒龍蝦汁，仲有蟹肉、青口、虎蝦、蟹柳做配料，配埋三文魚籽完全唔腥，仲有份鹹香，令到鮮味更出!飲品方面, 身為抹茶控梗係揀咗➡️"鮮奶抹茶"，個拉花好靚，抹茶味都好香濃，唔係苦澀，口感仲幾滑!另一杯➡️"手工黑芝麻latte"，飲落似淡味版芝麻糊，黑芝麻咪都幾香，甜度適中👍🏻🔸北海道帆立貝海膽醬扁意粉 ($178)🔹日本三文魚籽海鮮龍蝦汁意大利飯 ($178)🔸鮮奶抹茶 ($56)🔹手工黑芝

一入到餐廳已經見到好多花花座位唔多，嚟之前最好訂枱夜晚燈光比較暗，所以我地坐低之後侍應就放咗蠟燭喺枱面餐湯同餐包：餐包一般，餐湯都幾濃檸香海鮮明太子扁意粉：都幾多明太子，味道都ok~就係正正常常嘅意粉日本三文魚子海鮮龍蝦汁意大利飯：呢個好食過意粉，好多海鮮，不過飯嘅份量就比較少，男仔應該唔夠飽鮮奶抹茶：奶幾好飲，好重抹茶粉紅寶石巧克力草莓鮮奶：幾特別，比想像中好飲整體呢間餐廳啲嘢食都唔錯，不過份量就偏少，食完好似都唔係好飽咁

🍽 走過十萬八千里找到你📍 地址：旺角彌敦道575號Ladder Dundas10樓一入門口被店內的畫作吸引著，佈置亦都相當有情調，非常適合談心剛坐下時，侍應為我們點上香味蠟燭，令氣氛更加昇華👉🏻餐湯＋多士 跟餐+$45特色甘筍湯，好香濃嘅甘筍味，非常鮮甜多士其實就係餐包，但覺得佢比普通餐包更加煙靭，更有咬口非常鬆軟👉🏻檸香海鮮明太子扁意粉 $138落咗檸檬，帶出鮮味，當中夾雜一些小海鮮。味道不過不失，幸好有檸檬提味，如果掛汁力再強一點，相信會更加美味😚👉🏻原條鰻魚意大利飯 $178原條鰻魚吸睛，意大利飯都相當煙靭，口感唔錯，有紫菜同鰹魚乾嘅配合，更加有日式嘅味道，口感特別👉🏻Matcha 跟餐+$1採用嘅抹茶係拎過獎既丸久小山園調製，抹茶香再混合奶泡，唔單止打卡一流，連味道都一流添👉🏻冰黑芝麻 跟餐+$1👍🏻絕對要點呢一杯芝麻，入口充斥着濃濃嘅芝麻香味，好似食緊芝麻糊咁，超級正啊好味指數: 3.5/5 性價比: 3.5/5環境: 3.5/5

Bookmark咗哩間人氣餐廳好耐，今次終於可以黎打卡。餐廳用幹花佈置天頂，入黎好似入咗花園咁，好靚。晚市提供唔少嘢食，有意粉，義大利飯同主菜，加55HKD仲可以跟餐湯，餐包同60HKD以下啲飲品。餐湯同餐包好快黎咗，餐湯係用貓爪馬克杯裝住，好得意。今日餐湯係蘑菇忌廉湯，飲落蘑菇味好重，唔錯。餐包送上來仲熱笠笠，搭配湯一齊食唔錯。熱玫瑰鮮奶咖啡，飲落玫瑰味好濃，同咖啡balance得幾好，好飲。凍柚香鳳梨檸檬蘇打，落咗柚子蜜，鳳梨果汁同檸檬汁，飲落酸酸甜甜，唔錯。日本原條鰻魚義大利飯，哩份義大利飯真係不得了，係用咗成條鰻魚。鰻魚燒得啱啱好，鰻魚肉好厚身食落好肥美。義大利飯仲加咗好多柴魚花同蘑菇，撈埋鰻魚醬一齊食，好滿足。鮑汁磯燒鮑魚扁意粉，鮑魚處理得好乾淨，食落好新鮮彈牙。鮑汁同意粉都好夾，每一啖意粉都帶埋醬汁，好味。今次未夠時間食埋啲甜品，下次一定要encore！

久遠已聽過那天花布滿乾花的樓上西餐廳，網上圖片通常為日光打卡為主，今次晚餐到訪，該氣氛如為永恆的乾花多添一份浪漫。餐廳除了天花掛了乾花外，也有不少壁畫如摩天輪及日落等，加上燭光的點綴，富有浪漫情懷跟餐是日餐湯為蘑菇湯，帶有淡淡蘑菇味的忌廉湯，可惜未有發現有蘑菇粒在內，而餐包外脆內軟但味道不足，加上沒有牛油附上，沾湯一起吃更合適。原隻炸軟殼蟹外脆內軟熱，蟹香而乾爽，黑松露忌廉香滑而不膩，汁量剛好撈勻每條意粉，少許雜菇加強黑松露菇鮮味。被木魚片全覆蓋非常神秘，蓋著灑有紫菜碎等牛肉片，牛肉彈性咀嚼度適中，但壽喜燒味道不太突出，飯浸著味道如雞湯及醬油鹹香的湯汁，亦有粒狀翠玉瓜等撈於飯中，整體似意大利飯overabsorb而多出雞湯情景，而不是想像中浸泡飯畫面，溫泉蛋作用不大，因為成碗飯都係濕😂。冰黑芝麻：足料黑芝麻！撈勻後味道如芝麻湯圓。自家製草莓醬梳打：草莓醬帶有草莓蓉較難完全撈勻，所以整體士多啤梨味清幽，但有士多啤梨蓉增加口感。

旺角LADDER Dundas成棟都有好多野食，今次小編就去左10樓既呢間花花Cafe😍環境好Chill，可以好舒服咁同朋友坐低食吓嘢傾吓計☺️🍝北海道帆立貝海膽醬扁意粉 $178主食可以加$45配埋飲品、餐湯及多士🍞帆立貝大大粒，意粉煮得剛剛好，配上海膽醬惹味香口😝🐟原條鰻魚意大利飯 $178原條上啖啖肉好滿足，另外意大利飯食落有咬口，鍾意食鰻魚嘅朋友仔可以試吓😝☕️Cafe Latte (跟餐）🍓自家製草莓醬梳打(跟餐加$13)餐廳有提供多款飲品選擇，仲有花茶飲添㗎☺️小編都幾鍾意杯梳打，飲落去唔會好甜夠晒清新，仲會食到士多啤梨果肉😉

今日早咗放工，所以就同同事過咗嚟呢一間餐廳食午餐😆聽咗呢間嘅舖頭個名好耐同埋見到好多人過嚟呢度打卡，因為天花板上面嘅🌸🌸好靚傾偈飲嘢嚟講呢係一間幾唔錯嘅Cafe 😚😆我哋分別都叫咗一個午餐，佢包嘅嘢都好多就係有一杯嘢飲，餐湯同埋一個餐包😆我就叫咗一個墨魚汁魷魚意大利飯，好朋友就叫咗一個海膽帆立貝意粉😚😚我哋分別叫咗兩杯咖啡就係玫瑰latte同埋朱古力咖啡播啲海膽意粉入邊沾滿左海膽，所以非常好食另外墨魚汁意大利粉亦都幾好食

旺角人氣漫天花海打卡Cafe走過十萬八千里找到你📍旺角彌敦道575號Ladder Dundas10樓➰好歌推介「誰還未入座，想給缺席的這個你來唱首歌，不知你在，不知哪裡在聽麽，woo」#給缺席的人唱首歌 #馮允謙➰臨近情人節，相信唔少男仕都會頭痕究竟有乜地方陪女朋友慶祝過節好，今日就介紹返間係旺角度人氣度好高嘅樓上Cafe，皆因餐廳裝修佈置成漫天花海，打卡度非常高，啱哂情侶們打卡放閃。✥小食 𖥕慢煮豬肋骨配蜜糖芥茉醬 💲158 ⭐️3.9/5⭐️雖說是小食，但其實係主菜份量，豬肋骨有薯蓉蔬菜伴碟，仲抹塗咗厚厚一層蜜糖芥茉醬增添風味，肉香味濃有咬口，唔錯。✥主菜➿所有主菜均可加💲55轉成套餐，包含麵包，餐湯，💲60以下飲品一杯𖥕日式壽喜燒牛肉茶漬意大利飯 💲158 ⭐️3.7/5⭐️上枱外表吸引，滿滿木魚碎鋪面，中間仲有溫泉蛋，切開流出蛋醬伴飯更為滋味。仲有牛肉洋蔥等配料令意大利飯層次感更高，可惜筆者個人口味唔太鐘意過於濕潤嘅飯底。𖥕酥炸軟殼蟹黑松露扁意粉 💲148 ⭐️3.85/5⭐️擺盤精美，原隻軟殼蟹置於意粉上，非常吸睛，入口香脆。扁意粉煙韌彈牙，混和黑松露醬汁更為滋味。✥餐湯及飲品𖥕南瓜湯及

今日同朋友去旺角食晚餐餐廳，環境相當打卡。聽講餐廳搵咗專業花藝師設計室內空間，因此天花板同窗邊都掛滿乾花，成間餐廳都充滿咗打卡位。我同喜歡打卡的朋友都忍唔住喺咁影相。我地叫咗主食+$55就可以升級為set(包餐湯、餐包&$60以下飲品)。是日餐湯為南瓜湯，如果驚餐包太乾身都可以向侍應附加牛油。<北海道帆立貝海膽醬扁意粉> $178意粉用咗好特別既碟裝住，睇落幾有日式風情。海膽醬味道濃厚，鮮味十足，而且唔會好腥!!!扁意粉相當掛汁，沾滿橙黃色醬汁。兩粒北海道帆立貝大大粒啖啖肉，我更推介這個。<日式原條鰻魚意大利飯> $178日式x意大利菜的fusion配搭~意大利飯相對比坊間偏硬身，同雜菇嘅配搭味道清淡健康。鰻魚一整條好抵食，日式燒汁x海苔絲x柴魚片食落好似章魚燒haha<玫瑰抹茶> $56熱飲有漂亮嘅心形拉花~上面仲有玫瑰乾花，整體奶味濃厚。<桂圓紅棗茶> $56紅棗茶只提供熱飲，飲落較甜，滋補養生。

Bookmark已久的餐廳，一個如此有詩意的餐廳名字——走過十萬八千里找到你。餐廳位於旺角鬧市，電梯門一開「嘩」一聲，被餐廳的乾花佈置吸引了!!!!天花板吊頂五顏六色的乾花群令人眼前一亮，心情愉悅~下午茶時分去到，不用等位。餐廳輕鬆cafe設計，播着柔和音樂，店員都禮貌友善，和朋友聊天都覺得餐廳感覺不錯!! ʕ•ﻌ•ʔ☁️香辣日本蜆炒扁意粉 $128推薦!!!食物一送到上枱，香味直撲入鼻!! ॱଳॱ濃郁的蒜香味!!!! 扁意粉掛滿蒜油，味道不錯，色香味俱全。並不會太辣，食得很滋味!!日本蜆幸運地沒有沙，可以安心食用!!☁️ 黑朱古力布朗尼 $68很推薦的一款甜品!!朱古力味非常濃郁，布朗尼外面有一層油亮的脆皮，裡面很濕潤軟心的效果!! 吃起來口感很豐富，而且不會太甜~可以食雪糕中和一下!!☁️焙茶鮮奶 $56店員推薦的一款飲品，他們的主打是培茶!!所以我都點了一杯焙茶鮮奶，結果都沒有令我失望!!首先賣相拉花漂亮，入口就能感受到帶有溫暖的炒焙茶香，茶香醇厚!! 當中的甘香和牛奶的甜味配合適宜( ᵒ̴̶̷̤ꈊ˂̶̤̀ )✧☁️餐湯+多士 $45加$45可以跟餐有餐飲和多士。當日餐飲是蕃茄湯，多士鬆軟好食。

《走過十萬八千里里找到你》係區內出名嘅樓上Cafe，浪漫靚靚花海裝潢，仲有一幅摩天輪牆壁，一片五顏六色，日光之下顯得特別靚，好有少女心，打卡able。餐前有餐湯同餐包，南瓜湯口感順滑，燕麥包好煙韌、微暖，感覺好健康。北海道帆立貝海膽醬扁意粉係西日式fusion，海膽醬非常creamy，口感好濃郁，有兩大粒煎香嘅厚肉帆立貝、木魚絲同紫菜絲，用石盤裝盛，份量偏多，大滿足！食完意粉，當然要餐飲，叫杯桂圓紅棗暖下胃，陣陣清香，上枱仲有一支靚靚乾花🌸💐📍走過十萬八千里找到你 (旺角)旺角彌敦道575號Ladder Dundas10樓

終於有機會嚟潮聖一下，呢間cafe以環境打卡作為主題，再配以cafe食物，係收工後三五知己嘅好去處。今次叫咗呢到出名嘅明太子岩鹽貓耳朵。貓耳朵煮得好有咬口，配埋蟹子同明太子，會有豐富口感。重點係作蟹子同明太子都俾得幾多。另外叫咗海蝦海膽意大利飯。呢個飯海膽味都幾重，而且好creamy，食完好滿足。仲有一大隻海蝦同魚子。晚飯會配埋一碗湯同餐包。飲品方面都係比較精緻同打卡，影相都幾靚。嚟呢度食都係後生女同ok比較多😊

呢日同閨蜜傾偈食飯，揀咗呢間走浪漫風嘅餐廳，一入門口已經被佢密密麻麻嘅乾花佈置吸引。餐牌食物選擇以日式西餐為主，意粉，意大利飯同扒類供應。主食加$55就包埋餐湯、麵包同$55或以下飲品。原條鰻魚意大利飯（$178）- 原條無骨鰻魚，份量充足。意大利飯入口creamy，味道濃郁。北海道帆立貝海膽醬扁意粉（$178）- 帆立貝配上木魚絲、紫菜，鹹鹹地，入口好惹味。海膽醬入面有魷魚同蜆肉粒，醬汁掛滿意粉，意粉亦煮得彈牙。藍莓白茶 - 特別欣賞佢嘅擺盤，好有心思咁放咗一束小乾花喺旁邊。花茶味道清香，入口舒服。黑芝麻latte (+$1) - 芝麻味好香好濃郁，入口好滑，拉花亦都靚仔。餐廳環境佈局好有心思，打卡位處處，食物質素唔錯，好啱情侶或朋友坐低傾偈食飯。

今日大食妹同好耐冇見嘅朋友去打卡花花cafe呢間走過十萬八千里找到你非常有人氣, 大食妹一直好想去, 但係又驚個場太旺等位要等好耐今日收工收早少少, 一於去碰下運氣<明太子岩燒蟹棒貓耳朵>貓耳朵口感煙韌, 配搭creamy嘅明太子醬汁非常好食中間仲加入咗好多飽滿嘅三文魚子, 增加口感層次最後加上少少火炙過嘅蟹棒, 更加有風味呢<北海道帆立貝海膽醬扁意粉>扁意粉口感同樣比較煙韌, 而海膽醬帶有少少酒嘅苦澀味, 食落唔會好膩帆立貝都好大粒, 加入日式柴魚碎, 又幾香口<紅寶石巧克力草莓鮮奶>最後當然要試吓佢嘅特飲, 紅寶石巧克力草莓鮮奶超有少女心綿綿嘅鮮奶同奶泡裏面加入左士多啤黎果醬同朱古力, 上面仲有好多玫瑰花瓣甜蜜清新