赤橋拉麵 (已結業)

encore 赤橋拉麵，又係食魚介湯麵今次臨落場先到，排左15分鐘隊左右啦，不過坐低左都要等多15分鐘自有野食，比平時慢小小。今次走左蔥，影相好似無咁靚😂糖心蛋～一如以往半流心狀態，yummychasiu ~ 今次覺得有d 肥同淡味，想食濃味d麵～一樣好有咬口，好掛湯湯底～覺得比之前淡味左似乎以前好食d. 不過都算屯門頭幾位拉麵，會繼續幫襯

見網上有不少宣傳，特登來食沾麵。先講環境，店子雖小但企理，不錯。麵條質地還可，加上沾麵用粗身麵條，合格。只係湯頭好咸⋯⋯沾麵湯頭濃味預左，只是濃郁唔代表重咸⋯⋯其他應有香味欠奉。係得個咸字，除了咸，就係咸。以沾麵來說，個湯先係靈魂！唔覺得有傳聞中咁好食。而碗麵來到，麵係暖，湯頭唔夠熱，亦係一大敗筆。叉燒唔介意肥，其實也可以。唔鞋口，都入味。隻玉子就⋯覺得流心就收貨既，都可以既。只是我對玉子有D期待，蛋唔入味，係工夫問題？加上無蛋香，係材料質素差？日本seven賣果隻都好味得多⋯⋯當普通食店看待，行過食下還可，專登入去就未必再去了。麵：7/10湯：3/10叉燒：6/10蛋：2/10

店子小小的拉麵店，拉麵味道夠濃，忍不住要寫食評讚讚！全店只隻3隻味的拉麵湯底，魚介，海老（另一個忘記了），可揀湯麵只沾麵。兩款我都吃過，好鮮味！特別喜歡他們用粗身拉麵，好有“”口！一定再來！

據說屯門紅橋一頭有間隱世拉麵，今日就去咗一試。鋪仔細細，大慨得3張雙人枱、2張6人枱。所以晚飯時間去基本都要等位。今次我一個人食就大約等咗10-15分鐘。餐牌選擇唔多，得三款：魚介、黑油、海老配湯麵或者沾麵。我揀咗基本款魚介豚骨拉麵。拉麵湯底香濃，有黐口感動，証明好重骨膠原，溏心蛋都好溏心，很美尾麵上面仲有兩件叉燒，肉質厚、稔，不過就略肥餐廳仲有好多款日本直送嘅支裝飲料，我揀咗抹茶可樂，無咩抹茶味，不過就好多氣，似飲普通梳打

呢間小小小小拉麵店，全店得5張枱，所以基本上一開鋪好快就要排長龍！本人都很喜歡食沾麵，所以今次點了魚介湯沾麵。吃過幾間餐廳的沾麵，我比較喜歡這店的麵底，很彈牙！除左麵底，我都好欣賞那隻半熟蛋一咬裹面個蛋黃正到無得頂！但可惜湯底比我平時在其他餐廳吃的較為清淡，略為唔夠味可能每人口味不同，如果湯底濃味少少就perfect 喇！

上次同幾位朋友食過元朗嘅「彩」，睇番食評好多人都會喺赤橋拉麵呢邊，提及「彩」或者有少少比較。赤橋拉麵係由日本師傅主理嘅拉麵店，喺屯門開店都係唔錯嘅選擇，附近有嘅都係比較連鎖式嘅拉麵店，講到小區經營，可能只會諗到赤橋。見到佢評語都唔錯，所以都帶住少少期望黎食，更加想像到週末要等位，所以同朋友平日黎。週五下午時間剛開店，客人都唔少，受歡迎程度可想而知~店內住置唔多，有二、四人枱，不過聽講話都租左附近嘅鋪位 (?)旁邊有唔少漫畫書，牆上有唔少手繪畫，令我諗起附近嘅嘆甜品。有別於「彩」，赤橋拉麵除左有沾麵，仲供應湯拉麵，一共有四款：魚介豚骨、黑油豚骨、海老豚骨、辛肉味噌，定價$78-$85，本身已附海苔、玉子、叉燒、荀。由於我同朋友係比較鐘意食拉麵，所以都係選拉麵。辛肉味噌拉麵 $85一上枱聞到有陣好香嘅芝士粉味，原來面頭加左少量芝士粉，不過食落就唔覺嘅。先試左一口湯底，湯底夠熱，雖然有少少油，但係可接受程度。睇落以為幾辣，不過可能係味噌中和左，所以食落就唔係話好辣。旁邊有唔少辣肉碎~麵嘅份量都相當多，男士都夠飽。麵質比較粗身，食落會有少少硬，唔係特別彈牙，但掛湯能力中上叉燒肥瘦相隔，雖然較薄

屯門好出名的拉麵店, 朋友們都試過了,一直推介我去試, 今次終於有機會了。屯門確實是很少用心的餐廳, 大多都是連鎖店。到時, 排隊大約30MINS, 有大約7個人在我前面, 幸好門口有椅子可以試下, 由8:30等到9:00有得食, 我叫左蝦湯底, 湯底味道剛剛好, 唔會淡亦唔會好濃, D 豚肉好好味呀!!! 不過點解係碎既??? 不幸地, 麵不是我最喜歡吃既幼麵, 不過亦都不影晌我對呢度既評分, 我會返黎的!!!

平時成日見甘多人排隊～諗住應該好好食就去試下～ 等位等左好耐裝飾簡單～環境幾乾淨但食物真係好失望～麵條好粗～有少少硬～ 湯同麵味道完全分離湯底不過不失～但唔會再去食啦

好耐之前黎食過一次，不過那次係食湯麵。今次特登黎食沾麵。5點45分就黎排隊，去到竟然已有人排隊。。。仲諗住可以排頭位。。。不過都好彩我可以坐到入去。如果唔係都唔知要等幾耐。地方小小。放左好幾張枱。大概容納到14至16人。牆壁上嘅畫好得意。吸引了我嘅視線。今次我叫了黑油豚骨沾麵。黎到嘅時候，賣相相當吸引。將啲面沾落個湯度，然後再食。我覺得個湯唔夠熱。不過我第一次食沾麵，所以唔知道係唔係咁。。。友人叫黑油豚骨湯麵，我偷飲友人嘅一啖湯，始終都係覺得湯麵好食啲。食拉麵始終都係熱辣辣地食係最好。説回我嘅沾麵。麵嘅軟硬度確實不錯，又有我比較喜歡嘅粗麵。叉燒亦不會鞋。不過我那碗麵嘅叉燒偏肥。。。肥到我都不太敢食。半熟蛋好味！令人想食多一隻。整體尚算OK。下次再嚟的話，會叫返湯麵。始終覺得湯麵好食個沾麵。P.S.不過帶位的技巧仍需改善。

開了一段時間都未有機會幫襯，終於有住在付近的朋友終於約食飯，我們就擇左呢間了。當日6點多少少到都有1-2個人在我們前排隊，再奈少少已經勁多人，所以食晚飯最好早點到唔洗等咁奈。今次叫左個叉燒黑蒜油拉麵，嘩!好好味丫!個湯好濃好香，d麵又唔會過淋，肉唔鞋唔un. 總體都唔錯

七點鐘去到都要喺門口排15分鐘，當日都好凍落雨（飢寒交迫）！老闆似係日本人佢都講日文嘅！跟住喺門口已經要落order啦，鋪頭好細，唔多嘢食、極其量得四至五款拉麵，飲品都係四五款我本身去都想試吓綠茶汽水都冇貨，唯有飲另外嘅果汁汽水啦（全部都made in japan)✈️！拉麵還可以嘅只係覺得有啲肥膩，黑蒜比較惹味啲，海老湯好似有層cream咁, 但好彩唔似豚王咁槳（我最怕）抽起條筋都可以再去食嘅，佢仲啱啱係隔多兩條街開分店添！

去日本，一定要食拉麵。吃過新宿一間龍蝦湯沾麵更是愛上。可惜在香港很難找到合格嘅日式拉麵。我就鍾情較粗身嘅拉麵，所以我對一蘭沒大興趣。我喺香港嘅拉麵足跡唔多，重覆又重覆幫襯嘅只有幾間...由油麻地，食到荃灣/旺角，宜家可在屯門吃到有質素拉麵，真的實在難得。首間不多說，因為我覺得它退步了。他被荃灣/旺角取替了我心中的地位。今次赤橋要KO荃灣....我覺得它勝在有沾麵可選！今天我們十一點半開始排隊，，店子開市後，人數已有20多人，相信要等一小時。皆因店內桌子唔多，三張二人枱，兩張四人枱。雖然店子說好人齊才入座，但就算後面排隊嘅單位齊人，都不能入座，難理解他們怎樣編排。今次點選了黑油叉燒湯麵，它的叉燒偏肥，不過好吃的。吃得出黑蒜油嘅香，再加上生蒜，超好味！湯麵嘅熱度尚可，起碼見到煙的。仲有半熟蛋，蛋黃仲要流心，認真正正！老公就點了魚介沾麵，我會視魚介為original or classic嘅味道。欣賞個拉麵是熱熱的奉上，但可惜個湯唔夠熱。我會扣左啲分！不過湯味夠濃郁，也值一點分數。

元朗有間叫「彩」專門食沾麵，試過後久不久都會光顧，知道佢地在屯門都開左間「赤橋」（認得日本師父），當然要試下。赤橋不單食沾麵，還有湯麵，食過沾麵，比「彩」遜色。相反湯麵做得出色。有別於在港其他拉麵店，呢度既拉麵唔係幼直果種，係似北海道果種，粗少少，較有彈性，正中我鍾意既口味。湯㡳可選魚介，黑油同蝦，我三款都食過，其實三款都好味，我最愛黑油味（無原因）。叉燒夠淋，蛋也是流心。通常我食到中段，開始飽都會落佢地既醋，一來消滯，二來有另一款味道。在屯門食到好味拉麵的確不錯！

估佢唔到，平平冇奇小店，竟然食得返日本街頭拉面味道……先講湯底，濃郁，黑醬油香味撲鼻，麵條彈牙爽口，唔係淋patpat.仲有旦，係剛剛好的糖心旦，最正係叉燒，肥美，唔干，有肉汁，最後加埋大量蔥花。。。簡直一流，頂級水準。值得推介

吃貨朋友病左但好掛住赤橋拉麵，好想食拉麵 lol 唔講唔知赤橋原來係彩既姊妹店😶朋友叫左呢個魚介豚骨拉麵，我冇試味，因為佢病左嘛~🙈不過朋友話味道都ok。至於我已經第二次黎食，我覺得係屯門黎講算一間唔錯既拉麵，不過自從有報紙介紹就要排隊食，仲記得初開時可以隨便坐😭希望下次同朋友黎時恢復開張當時光景唔使排啦😢今次黎赤橋拉麵食佢既沾麵，上次食拉麵~ 今次同樣都係叫海老豚骨湯頭，但原來味道有分別，沾麵湯底蝦味較濃，都比拉麵湯底鹹啲，鹹啲對於我黎講味道岩岩好。兩者湯都有肉粒調味，湯底鮮上加鮮😁叉燒肥肉比上次多啲啲，好在唔係肥腍腍，唔係我應該會怕怕。叉燒肉軟腍帶點肉香，玉子糖心度一般，期待下次會更好味。