赤橋拉麵 (已結業)

元朗有間叫「彩」專門食沾麵，試過後久不久都會光顧，知道佢地在屯門都開左間「赤橋」（認得日本師父），當然要試下。赤橋不單食沾麵，還有湯麵，食過沾麵，比「彩」遜色。相反湯麵做得出色。有別於在港其他拉麵店，呢度既拉麵唔係幼直果種，係似北海道果種，粗少少，較有彈性，正中我鍾意既口味。湯㡳可選魚介，黑油同蝦，我三款都食過，其實三款都好味，我最愛黑油味（無原因）。叉燒夠淋，蛋也是流心。通常我食到中段，開始飽都會落佢地既醋，一來消滯，二來有另一款味道。在屯門食到好味拉麵的確不錯！