赤丸製麵所 (已結業)

睇食評話依度D烏冬好食,就同男友專程放工去依度試下,七點咁早已經有人排隊,到我地肚餓再去排既時候己經七點半,我地都等左幾耐呀!八點先入得去.因我地唔係咁肚餓既關係只叫左三樣野.凍烏冬($10)---平,都幾特別,唔錯,夠彈牙,但如果有得可以加餸咁好啦!好似鰻魚凍烏冬,天婦羅凍烏冬等等,唔駛咁"斎".鰻魚飯($30)---有前菜同麵鼓湯送,反而我覺得依兩樣仲好食個飯,麵鼓湯o岩o岩好,唔會太咸,前菜就好似酸羅白咁,o岩我口味,d鰻魚飯我就覺得一般,同埋份量都幾小,男仔未必夠食.燒排骨($10)---好食,有兩件,d茄汁酸酸地,好開胃.依間店最好就係d小食,平平地,雖然唔多,得一兩件,但可以比d兩三人去既人試到多d款既野食.坐位都幾迫架!而服務唔錯,佢地執野都好快手,所以唔坐得耐,但唔收加一,都算係咁啦!

琴日睇左東方日報個副刊, 係介紹哩間野, 食烏冬.....之後就黎openrice 度睇下....點知d 人都讚wo....小妹剛巧係apm隔離返工, 一去就到....咪試下囉~ 2個人去~1)凍烏冬($10) - 哩個烏冬好正, 好有咬口....好彈牙!!超正....同平時個d烏冬唔同!!!價錢又抵wo, 只係10蚊雞, 加大都只係15蚊, 好平!!份量都唔少,夠一個女仔食~男仔可能唔夠~2)燒玉子($7) - 初初以為係燒玉子豆腐, 原來係用黎整壽司個d玉子....太甜, 小妹唔多鍾意!!!有三大條, 7蚊都抵, 但唔鍾意甜~唔夾...唔可以羅黎送烏冬~3)牛肉薯餅($7) - 雖然得一件, 但好大件既!!味道都一般,唔算太唔好, 但唔夠粉,鬆鬆散散...5)滑蛋蟹肉烏冬($25) - 個賣相非常好,個滑蛋好掂,完全係汁黎, 唔係湯黎ga, d蟹肉碎都ok啦...當然唔可以要求太多蟹肉啦, 賣得咁平呀!!!不過d烏冬無凍咁彈牙~ ~不過環境方面, 都幾迫, 因為好細.....而且都幾多人等位, d 野食都黎得幾快~ ~等位都唔洗等太耐.....遲d就唔知啦, 依家都咁多人lo!!!

前日特登去行APM，睇下有咩好食，見呢度有日本來料既烏冬就諗住試下啦。叫左兩個熱烏冬，炸牛肉薯餅，茄子天婦羅，餃子同露荀天婦羅。兩碗烏冬都煮得過淋，唔知係偶一失手定點，但肯定令我好失望。餃子係叮叮貨式，無特別，而牛肉薯餅亦係第二個失望之作，件頭大但入口好粉，但無薯仔味。茄子天婦羅無特別，反而露荀就幾嫩同清爽。埋單只係$71，真係幾抵，可惜唔會吸引我再黎。另外，我發覺呢個集團既員工培訓真係要徹底改善，當晚坐我隔離既一家三口發覺漏左單，但個女仔同佢地re confirm三次都未黎到個o岩既烏冬，跟住佢地發現上面冷氣滴水然後向個女經理投訴，點知女經理話係商場冷氣唔夠大，佢地都無辨法，但無話幫佢地轉位又無嘗試搵野都抹下個冷氣口，比著我實唔會就咁算。尋晚去食始創間和花亭，佢地既女經理連自己公司既出品都唔清楚，同個壽司師傳落order時，竟然話紅色o個D魚，加d蝦，圓碌碌咁既，個師傳諗到頭都大埋都唔知佢講乜，之前幾次去第二間和花亭都漏左好多次單，唉，既然開得咁多間餐廳就做好d員工培訓啦。

烏東冷食好好味, 又不設加一, 好抵食。($10)但燒排骨就一般, 不試乜吧!($10)燒玉子, 幾好味($7)海澡, 一般($5)

當我24號係互聯網上睇到有人講呢間店之後,我即刻諗返起我去日本個陣時成日去食個間100yen烏冬店....之後我25號晚即刻同女友去試下~~!!去到之後,原來係要排隊...之後好快已經有位坐(個格局係好似坐係回轉壽司枱咁,而個侍應就係入面落order/執碗筷..不過坐得過都幾迫)....之後枱面有d冰水比你自己倒黎飲..全部係以自助形式...我同女友叫左五樣野食:1.)牛肉飯定食($30)~牛肉飯+麵豉湯+咸菜,個咸菜應該係蘿蔔黎既,好好味...正...個湯就普普通通...個牛肉飯就真係...用o.k.形容啦...唔可以話差,又唔見得好好...不過我覺得"吉野家"好食個佢多多聲囉...2.)吉列牛肉薯餅($7)~我女友第一次食呢d野,佢話好好食..不過我就覺得好難食..同我係日本食個d差好遠好遠...係d薯蓉同牛肉都同日本個d完全唔同..我個陣時係日本晚晚都要食過佢先至開心..真係好正呀~~!!不過宜家...唉....3.)鰻魚飯套餐($35)~鰻魚飯+迷你湯烏冬+咸菜,女友話d鰻魚好正...燒得好岩..好好味..不過d飯就差左d..唔似係日本珍珠米咁..之後個迷你烏冬佢一食第一啖,佢

雖然有keep 住黎openrice 睇食評，但自己都己經有四個月沒出過食評了。初到APM ，原先希望跟女友行行街，但見好多鋪頭都coming soon，不過食店倒係開了不少，路過見赤丸價錢幾抵，抱住一試無妨心態入內試試。全店採大半自助形式，店員禮貌服務週到，侍應少了點，不過不收加一且價錢相宜就令人可以原諒。一向認為要食出烏冬既質素必係凍食無疑，但冷烏冬一向較貴且份量少，甚少食得過足口癮。見此處的只售$10，要了一個加大的亦只係$15而己，係前所未見的抵食。竹席上放滿烏冬，份量強勁，入口煙un 有口感，並非坊間部份的假手打烏冬可相比；本人尤愛其沾烏冬的鼓油，味道帶甜的，加入芥末及蔥後更覺好味，尖咀富久保的鼓油就太咸了，此處的有令人一飲而盡的衝動。蟹肉滑蛋烏冬($25)落足料制造，賣相討好之餘,杰杰的湯底由蛋汁跟蟹肉煮成，跟爽滑的烏冬同吃口感討好，跟女友share食至碗底見天，但無可否認放湯熱食的烏冬係不及凍食的爽口。小食牛肉炸薯餅($7)一客有一大件足夠二人share，即叫即炸當然好難失手，餅裏的係咸牛肉，過過口癮亦屬佳品。完餐後取單出外付帳亦只係$47，兩口子食得比預期的飽亦甚滿意。

10蚊一個冷烏冬或者熱烏冬去邊度搵？！食落都唔唔錯既，特別係冷烏冬，都好彈牙！另外再加天婦羅或者其他小食都係10蚊左右，又真係幾抵食喎！熱食o個個烏冬就煮得淋左一D，不過10蚊一碗都已經交足功課。另外食o左厚燒玉子，味道OK，7蚊有3大件。仲有吉列雞扒，又係7蚊，油o左少少，但新鮮炸起，夠晒熱，肉都算嫩，但個炸粉厚左少少。服務就絕對係食完就想你快D走o個隻，食完每一樣食物唔夠半分鐘就會有人幫你收o左佢，不過都係有禮貌o個隻，會先問你要唔要先收，而且佢只係收咁既價錢，都唔好意思阻人做下一轉生意，所以呢方面絕對可以接受。2個人食o左都只係34 蚊（唔收加一），仲抵過去快餐店食Tea！（雖然我地呢餐都係當tea食）