賞糖冰室

营业中

休息中

點一份蜜糖牛奶厚多士，聲稱每日限量二十多份。換來單片類似生命麵包質素嘅多士，又乾又硬，搽上只有甜味嘅糖漿。店內人流不及一半滿座。需時20多分鐘，職員態度散慢，索價$25。

自從上次食完一次之後，都一直念念不忘，今日終於抽到時間嚟二訪。今次叫咗兩個自選飯餐，1）香煎厚切豬扒 - 豬扒厚切但入口都好鬆化。厚切餐肉太陽蛋 - 太陽蛋嘅蛋汁加埋厚切嘅餐肉，配咩都咁好味啦。白飯配白汁 - 白汁好creamy ，唔需要其他配料，就咁送白飯已經好好食😂2）生炸巨脾 - 真係巨脾，外皮炸得好脆，雞脾啖啖肉。厚切餐肉腸仔 - 腸仔都有兩條㗎，加埋厚切餐肉都好易送飯。白飯配白汁 - 白汁好creamy ，唔需要其他配料，就咁送白飯已經好好食😂炭烤奶茶真係幾好飲，我極度推介。另外餐牌見到有芫荽皮蛋湯米粉，下次再訪都想試下。

而家呢間糖水鋪轉左做冰室，賣埋熟食。今次食住個糖水先下次先試熟食🤣✨賞糖（$45）呢款糖水入面有好多生果，涼粉，珍珠等，再加上椰汁底，好好味👍🏻又有比起之前賞糖果陣大碗左好多，好抵食😍

雞翼尖勁鹹，食半隻已經頂唔順，食完條俐勁乾！重味精！好似食緊鹽水咁！勁那咸！依間野越做越差！再冇下次！其他甜品份量又勁少！就算附近無糖水舖都唔會再食佢！真係超級差！

今日食飯入咗上水，偏遠地方真係特別凍🤣所以就搵咗呢間甜品店～見佢有燉椰皇，好似會好暖☺️呢間餐廳嘅裝修都幾得意，有懷舊味道，而座位亦算幾寬敞，我哋就坐單邊卡😌甜品選擇都算幾多～見到有個甜品好吸引😍叫賞糖四重奏 ($78)🤤心太軟入面係非常流心，甜甜嘅朱古力味😋Brownie都係好香嘅朱古力味，質感都不錯😚泡芙都好軟熟，細細粒一啖食哂😌雪糕我哋就揀咗曲奇味～襯返呢三件甜品😆我話要食個暖笠笠嘅～所以叫咗個原個椰皇燉桃膠 (配流沙奶黃湯圓) ($65)🥰呢個真係好足料，入面有滿滿嘅桃膠～我仲刮埋啲椰肉嚟食🤣甜度剛剛好～粒湯圓真係流沙架！幾好食😚食完真係好滿足，好暖呀～😚😚

上水可以食糖水既鋪頭好少. 賞糖一直都係我嘅愛店前牌轉型做埋冰室. 立即增加咗去嘅次數🐓白汁雞扒烏冬個白汁望落去好似有啲稀.但係其實好濃味烏冬有咬口. 好彈牙雞扒塊雞皮卜卜脆. 肉質鮮嫩多汁大塊過我塊面😳🍳全日早餐呢個早餐非常豐富. 有薯格、菠蘿油、熟蛋、雞扒等等雞扒一樣咁好食菠蘿包大大個好鬆軟. 入面件牛油好厚實. 有冰火交融嘅感覺薯格炸得好脆🤤如果有多啲就好啦🥜即烤厚多士（花生醬+煉奶）好有兒時嘅味道🤤花生醬同煉奶份量都好多花生醬重要係有花生粒. 好有咬口🥤桂花烏龍鮮奶茶&炭烤奶茶兩杯飲品嘅茶味都好濃郁. 茶奶比例均勻桂花烏龍茶帶有濃濃嘅回甘味.我好鍾意☕️冬瓜茶飲落去好清甜嘅冬瓜味. 味道唔假好解渴

呢間食店位於上水，店內除咗有甜品食之外，仲有正餐食，不過同行既朋友話呢間店既甜品出名啲，所以我地就去左食甜品！今次試左焦糖香蕉牛角窩夫配雪糕($48)🥐🧇 & 荔枝+和芒雪香 ($50)🍧牛角窩夫係我近期既喜愛，因為我本身中意食牛角包&窩夫，而呢間店既牛角窩夫上碟時香噴噴熱辣辣，食落外脆內有少少鬆軟感覺，沾少少石板街雪糕&都小舊焦糖香蕉一齊食，冷暖中和，好好食，唯一就係覺得份量有啲少🥲另外雪香即係雪花冰，份量就好好，我揀左一半香芒味，另一半係荔枝，本身預期荔枝有機會會好淡味，點知一食落口就有勁濃荔枝味，好好食！香芒就正常發揮，而且有得比你揀3個配料，我就揀左芋圓珍珠、寒天&乳酪魔豆，佢仲有有好多配料選擇，可能會考起啲選擇困難既朋友仔🤣總結而言，去開上水既朋友仔真係值得一試！

之前賞糖主攻甜品，中式西式包羅萬有，外加各款小食。近排佢轉營咗做冰室，除咗供應甜品以外，早午晚市都提供餐點，一於就黎試下佢先！1️⃣轉營後第一次幫襯（8月中旬），整體味道不俗，營運上尚有甩漏，勝在服務態度良好，積極修補小錯漏👍🏻。2️⃣轉營後第二次幫襯（11月上旬）上次食唔到甜品，所以今次揀啱時間黎，午餐同下午茶夾埋一次過食。🌖全日早餐 $48All day breakfast 相當豐富，包括主菜（雞扒/豬扒二選一）、麵包（鮮油菠蘿包/豬仔包/牛油多士三選一）、配料（煎太陽蛋/煎熟蛋/煎火腿/煎午餐肉/煎腸仔任選兩款）以及辣薯格、茄汁豆、胡麻沙律🥗。味道正正常常，呢個價錢黎講都真係經濟實惠；賣相亦非常靚仔，一上枱就已經係呢個擺盤唔洗再自己執樣。唯一一段小插曲，就係我明明叫鮮油菠蘿包，點知佢就咁俾咗個菠蘿包我🤣，好彩提出後店員好快就加返嚿牛油俾我，仲幾厚添～～🌖即製芥末豬扒包 $28豬扒又厚又大塊，醃製得宜，唔會太鹹或者有鬆肉粉味，配上生菜略顯誠意，加啲番茄🍅令色彩更繽紛會更有食慾。賞糖自選飯餐 $50🌖瑞士汁雞翼拼午餐肉太陽蛋飯；🌗雞扒拼腸仔火腿扒飯主菜除左有一般嘅午餐肉、火腿、腸仔、煎蛋、豬

💦今日入黎上水, 見賞糖冰室除左有甜品提供, 🥠仲有午餐同小食, 就試試佢啦! 🕓而食食下發現佢地4pm打後就只供應甜品🍰❄️益力多豆腐雪香 ($50)❄️😉已經好多年無食雪花冰, 見餐牌有咁多款味道既冰揀, 🧊十分吸引, 於是就叫左益力多同豆腐味, 🍪配料方面就揀左Oero餅碎, 粟米片同星鑽芒Q果. 🤩一片片既益力多雪花冰甜甜酸酸好開胃, 豆腐冰細嚼下更有微微既豆香, 兩者各有特色!😎🥣紅棗桂圓燉桃膠 ($48)🥣☃️叫左凍食既燉桃膠, 用匙羹一撈就知佢超足料, 桃膠, 紅棗同龍眼肉份量好多, 🍯而食落夠滋潤之餘又微甜, 係適合女仔食既一個甜品!👩🏻🍮法式焦糖燉蛋配雪糕 ($48)🍮🌈賣相七彩繽紛又夢幻, 絕對係打卡之選! 🔥焦糖脆皮燒得啱啱好, 入面燉蛋軟滑濕潤, 味道都唔錯既!🥚🦑沙拉海苔魷魚鬚 ($36)🦑☕️呢個小食+$12有杯熱飲, 我就叫左無糖桂花烏龍茶黎解解膩. 🍙魷魚鬚外層既炸漿有海苔碎, 配搭夠曬特別又新穎, 🤙🏻而魷魚亦炸得酥脆, 食落好香口, 點埋個醬真係會令人食唔停口!🤪😋總體 (味道, 性價比, 環境, 服務態度) : 8/10——————————————————

響港島食咗飯搭車途中好想食糖水，於是返到上水落車去搵糖水啦！印象中呢條街有，咦。。。唔同咗，但見到佢都有糖水咪入去囉！掃完安心出行就入店，店員問完全有無安心出行見我地掃咗就話是旦坐，坐低成分鐘後咩都無。。。終於見到另一店員佢攞咗餐牌，睇完諗住叫佢落單，店員再比張QR code自助下單。。。合桃芝麻糊。。。完全無花生芝麻味，仲要唔熱椰汁燉圓肉紅棗桃膠。。。圓肉同紅棗唔林，貌似將兩種材料放落去叮熱出嚟炸燒賣小辣。。。真係得兩小吓辣粉灑響面總括店員可能係小妹妹，所以唔會有服務禮貌可言，而糖水真係好待待改進呀！

🐵🐵 《賞糖冰室》在香港搵食😋，有時好鍾意❤️裝修靚靚嘅西餐廳🎁。貪佢可以影靚相🖼，有王子🤴🏼公主👸🏼嘅感覺！有時又好享受人與人之間嗰種人情味☺️，香港情懷🤓。今日去嘅，就係後者🧐。從前上水係水貨客天堂🛍，一個疫情將佢變回一個情感豐富嘅unplug小城市⛲️，少咗好多高樓大廈🏠，個天其實好大🌤，其實你有幾耐無抬頭看一看天空呢☀️？今日要到嘅，就係知道最近由糖水舖改革為冰室🍝，實行鹹甜兼備🍡，問你死未😆！講笑啫😂！🐶🐱🐭🐹🐶🐱🐭🐹🐶🐱🐭🐹🐹🐶🐱✳️全日早餐：香煎豬扒+鮮油菠蘿包+辣薯格+煎蛋+煎腸仔+茄汁豆+胡麻沙律⭕️配炭烤奶茶 HK$48———————————————————————-🔹呢個真係好偉大嘅創舉🎊！全日早餐🌤向來都係被西方雄霸多個世紀🙈，今日終於有香港人走出來挑戰佢💪🏼！點都要試吓啦😆！香港嘅代表：鮮油菠蘿包🍔！新鮮鬆軟富麥香，上面塊糖皮要同呀大人搶食😂，仲有大大塊牛油夾住🐮，香港勝🎉！加埋其他豐富嘅配料😋，應該唔係叫做全日早餐，叫做兩日早餐就差唔多😂！🔹炭烤奶茶🔥個名好吸引，好期待☺️！不過就唔多夠味，可以濃多少少茶、濃多少少奶😂。✳️皇牌自選飯餐：芫荽皮蛋湯米粉+香煎薄切豬扒+煎太

呢間餐廳以前係糖水店，近期重新裝修成冰室。店鋪內樓底高，有彩色磨砂玻璃同舊香港壁畫，以白色，木色同墨綠色為主調，陪襯霓虹燈招牌，幾有港式懷舊風格。下午2點左右黎到，有全日早餐、午餐、吐司同小食選擇。而甜品就下午3點先開始供應。我就最鐘意港式全日早餐呢個選項。全日早餐 （$48）呢個價錢真係超抵，食物非常豐富，有煎豬扒、鮮油菠蘿包、4款配料(辣薯格、煎雙蛋、茄汁豆同胡麻沙律)，仲跟埋飲品。煎豬扒質地稔而且有肉汁，有3大塊。菠蘿包係熱辣辣嘅，上面焗得好鬆脆，中間夾左好大塊牛油，好邪惡但超滿足。配料方面，本來以為要選擇其中一款，原來全部都有架。太陽蛋煎得好靚，蛋汁可以撈沙律。薯格其實係唔辣嘅, 個人喜歡拌茄汁焗豆一齊食。賞糖自選飯餐（$50）包主菜一款、主食一款、配菜兩款同飲品。生炸巨髀（主菜）:雞髀真係好大隻，而且上碟前已經索曬多餘嘅油，令雞髀兩面都保持乾身，雞皮咬落脆卜卜，雞肉好厚而且多汁，鹹度啱啱好。芫茜皮蛋湯米粉（主食）: 好大碗，好似嗌左兩個餐咁，如果喜歡食芫茜嘅朋友一定要試，芫茜份量好多，皮蛋大概係一隻開4塊。碳烤奶茶 （跟餐）色澤比一般絲襪奶茶白，有點麥精+台灣奶綠嘅味道，茶味

我今次嚟呢度唔係食糖水，食糖水就要3點後先有。聽朋友講過呢度嘅午餐唔錯，今日就嚟試下。▪️賞糖自選扒餐 $50 選擇咗雞扒餐肉蛋飯配香濃白汁，呢度嘅雞扒真係好嫩滑，加上午餐肉，太陽蛋嘅蛋汁，再配埋特製嘅超濃白汁，好想好似食神咁大叫 — 好好味啊😋▪️全日早餐 $50 香煎豬扒 - 豬扒又係好好食，勁鬆軟嫩滑，份量都幾多。鮮油菠蘿包 - 菠蘿包就一般啦，但配埋塊厚切牛油，就乜都加晒分。其他太陽蛋丶辣薯格丶煎腸仔丶茄汁豆丶胡麻沙律全部正正常常。▪️炭烤奶茶 (跟餐凍飲加$3) 第一次飲炭烤奶茶，茶味都幾香，味道有啲似台灣嘅珍珠奶茶味，我覺得好好飲呀。▪️無糖桂花烏龍 (跟餐凍飲加$3) 我平時好鐘意飲無糖茶，帶有回甘味嘅烏龍茶我更鍾意，呢杯又係好好飲。總結：餐廳仔難免坐得比較逼夾，但食物質素唔錯，我又多咗一個食飯嘅地方💛

食物質素有待改善$38 仙草芋圓 芋圓顏色不似常態 同普遍黃色芋圓有分別 偏暗 上枱黐埋喺一齊 部份未熟 實心 涼粉品相甚憂 成嚿嘢黐埋一齊 味道奇怪反胃 餐廳通風系統差 室內有異味手機訂餐介面清晰易用

以前行完維園年宵成日去電器道嘅殿糖級食甜品，可惜近幾年年宵都冇乾貨嘅關係已經冇乜去個頭喇，估唔到佢哋而家開咗新分店係上水，做埋冰室，今日去開個頭就順便試下新分店水準如何🤤嗌咗個印尼沙嗲生炸雞髀雙蛋飯🍗印尼沙嗲汁同港式廣東嘅沙茶醬唔同，相對係偏甜，但都幾夾個雞髀，撈飯一流🤪 原隻雞髀大大份，雞髀外脆內嫩夠多汁😋 太陽蛋煎到啱啱好有少少燶邊同埋中間流心，而且佢餐牌寫係用日本無激素蛋，啲蛋黃好似特別濃蛋味而且好大粒好有精神🍳啲飯嗌咗少飯都勁多😂😂真心好抵食👍🏻個日食係星期五，勞碌一個星期都想食啲甜品獎勵下自己🥰上一次食雪花冰係幾年前係松記，細份到有陰影🤭今日難得見到有得食，就嗌咗雙色冰要咗豆腐同牛乳味🤍豆腐味幾清新，牛乳味偏甜，兩隻味溝埋一齊食就啱啱好喇🤣而且個碗好深好大份其實可以兩個人share😂配料嗌咗Oreo碎、芋圓珍珠同小丸子🍡 一開頭仲以為芋圓珍珠係芋圓同珍珠，原來係芋圓版嘅珍珠😆芋圓珍珠結實有咬口，係芋圓味但珍珠口感，小丸子就偏煙韌Q彈，鍾意邊個口感都可以自己揀😛見到呢間好多人食all day breakfast 都好靚，而且都係48蚊，講緊出面double都未必食到一份🤑下次會