賞糖冰室

营业中

休息中

呢間食店位於上水，店內除咗有甜品食之外，仲有正餐食，不過同行既朋友話呢間店既甜品出名啲，所以我地就去左食甜品！今次試左焦糖香蕉牛角窩夫配雪糕($48)🥐🧇 & 荔枝+和芒雪香 ($50)🍧牛角窩夫係我近期既喜愛，因為我本身中意食牛角包&窩夫，而呢間店既牛角窩夫上碟時香噴噴熱辣辣，食落外脆內有少少鬆軟感覺，沾少少石板街雪糕&都小舊焦糖香蕉一齊食，冷暖中和，好好食，唯一就係覺得份量有啲少🥲另外雪香即係雪花冰，份量就好好，我揀左一半香芒味，另一半係荔枝，本身預期荔枝有機會會好淡味，點知一食落口就有勁濃荔枝味，好好食！香芒就正常發揮，而且有得比你揀3個配料，我就揀左芋圓珍珠、寒天&乳酪魔豆，佢仲有有好多配料選擇，可能會考起啲選擇困難既朋友仔🤣總結而言，去開上水既朋友仔真係值得一試！