影片
以上资料只供参考，请与餐厅确认详情
食家推介
今日同家人购买糖水外卖,下单后等了好久终于收到后 回到家发现订单有误。榴梿变鸡翼尖，我立即致电您们的同事,希望可以更正错误或退还糖水单价，但您们的工作人员却要求我自行前往店铺取餐或退回差价,这对我来说并不方便。作为一家食店,我认为您们应该站在客户的角度解决问题 提供有效的方案，而已经不是第一次发生错误订单这样的问题,我对您们的服务质量感到非常不满意。我希望您们能够重视客户体验,培训一下你们的同事，
继续阅读
之前赏糖主攻西餐，近期佢转营做冰室，除咗供应冰品之外，仲早午晚市都提供餐点，一于就嚟试下佢先！转营后第一次帮衬（8月中旬），整体味道唔错，营运上尚有甩漏，胜在服务态度良好，积极修补小错漏👍🏻。转营后第二次帮衬（11月上旬），上次食唔到嘅嘢，今次拣啱时间嚟，午餐同下午茶夹埋一次过食。全日早餐 $48，相当丰富，主菜（鸡扒/猪扒二选一）、面包（鲜油菠萝包/猪仔包/牛油多士三选一）、配料（煎太阳蛋/煎熟蛋/煎火腿/煎午餐肉/煎肠仔任选两款）以及辣薯格、茄汁豆、胡麻沙律🥗。味道正正常常，呢个价钱嚟讲都真系经济实惠；卖相亦非常靓仔，一上枱就已经系呢个摆盘，唔洗再自己执样。唯一一段小插曲，就系我明明叫鲜油菠萝包，点知佢就咁俾咗个菠萝包我🤣，好彩提出后店员好快就加返嚿牛油俾我，仲几厚添～～即制芥末猪扒包 $28，猪扒又厚又大块，腌制得宜，唔会太咸或者有松肉粉味，配上生菜略显诚意，加啲番茄🍅令色彩更缤纷会更有食欲。赏糖自选饭餐 $50，主菜除左有一般嘅午餐肉、火腿、肠仔、煎蛋、猪扒、鸡扒外，仲有生炸巨脾、瑞士汁鸡翼拣；主食除左饭同意粉之外，仲有蕃茄螺丝粉同芫荽皮蛋汤米粉😮。份量同味道都正常，不过肠仔味道较咸，少食为妙😛。另外酱汁份量过多，建议另上等食客自己决定落几 多酱汁。双色冰 $50，冰品拣咗荔枝雪香同提子雪香，附送嘅三种配料分别拣咗三色蒟蒻、黑糖寒天同小丸子。荔枝同提子味道清新，唔会死甜好假，绝对可以翻兜👍🏻；份量够多，两三个人一齐食就啱啱好。芒甸园 $45，平时钟意食冰嘅姨甥竟然拣咗呢一款，令我大表惊讶，原来佢系食过返寻味。材料丰富，椰汁底配上豆腐花、芒果布甸、鲜芒果、芒果汁及小丸子，啱晒三心两意嘅人。
继续阅读
姜汁汤圆姜汁的独特香气和微辣口感与汤圆的甜度形成了完美的配合。汤圆外皮的柔软和内馅的香甜，然后搭配著温热的姜汁汤汁一起入口，能够令人舒爽，让身体感到暖和，尤其在冷天气时更显得温暖和舒适。树记腐竹白果薏米结合了腐竹的柔软口感、白果微苦和薏米的嚼劲，再加上浓郁的糖水甜味。无论是在冬天作为暖身的糖水真的很适合。
继续阅读
芒芋缘只有五粒芒果，五粒芋头，没有椰汁及芒果汁味道，大量不值的白色绿色清心丸，温度有20度以上的冻甜品。大量花奶成份，疴足成个下午。要唔要试自己谂啦⋯⋯试过都知系乜嘢，食价比低…….
继续阅读
好日都唔去上水，晚饭后睇下上水有咩甜品铺选择，见呢间既评论唔差就决定来试一试。餐厅布局好唔似甜品店，好似啲旧式餐厅多啲。枱布令人联想起旧时既西式扒房。好多选择，有咸有甜，我地嗌左两碗试试。一上到枱，我瞪大眼睛不敢相信。。。有如汤碗般大的甜品实在太夸张了。市面上的都相较细碗，呢个系两倍多，而且质素都高，大家一定要试下个牛乳软雪糕无得顶，钟意牛奶味既朋友一定会感觉到佢非常浓郁。😋其他配料例如啫喱小丸子等都做得好弹牙。芒果仲要超级甜😍。
继续阅读