賞島咖啡屋

营业中

休息中

太子哩條街多野食左好對 Coffee 開係到相對上人流都無咁多 可以坐耐d 又唔會太逼莎莎玉米片 $78我最愛 明明屋企自己都整到但就係想睇下出面食會唔會好味d😂粟米片底係我食開既牌子 認得出隻味❤️上面加左芝士再拎去焗熱辣辣加埋忌廉好邪惡 點會唔好食先得架😍明太子櫻花蝦意大利麵 真係好想食哩碟 但買曬 證明多人叫 轉左青醬帶子螺絲粉 $128青醬我本身都好鍾意 螺絲粉條條都沾滿醬汁好好味 3粒帶子兩邊都煎香左 蜜糖香草烤鴨胸 $128 蜜糖味好出 肉係粉粉嫩嫩 整得啱啱好 加埋配菜薯蓉好滑 蘑菇用牛油炒過好香飲品 莓莓益力多蘇打連d冰都係有水果既汁整

今日下晝同屋企人行完花墟，攰攰地又肚餓，行過見到有間綠色門口既小小咖啡室，就諗住入去坐一坐，抖一抖~餐廳有lunch 同dessert set，可以加$20就有得飲埋佢地既咖啡~有pasta, main course 同小食～我地叫左一個truffle fries，帶子青醬螺絲粉，同埋一個佢地既signature cheesecakeTruffle fries即炸粗薯條夠外脆內軟，仲加左D鹽調味！個黑松露沙律醬好惹味，有足料黑松露，食到停唔到口帶子青醬螺絲粉賣相係十分吸引！好似田園畫既擺盤，有士多啤梨做點綴，仲有好多basil，螺絲粉每一條都比青醬包住！當然唔少得煎到外脆既鮮甜帶子。好清新，一D都唔膩！signature cheesecakecheesecake 好濃芝士味但質地鬆軟唔會好硬好實，唔會好甜，仲有雜莓果醬，士多啤梨同藍莓！飲品我地叫左flat white 同capuccino，capuccino既拉花十分有心思，係隻雀仔！一上枱不得不瘋狂打卡！咖啡味道香濃！係太子鬧市中想靜一靜，不妨去賞島咖啡屋 飲杯咖啡慢活一下

今日同男朋友去太子行街睇戲 經過發現太子呢一間Cafe好有特色 入邊嘅裝修好文青 好啱影相打咭 一睇到就😍😍😍 餐廳好闊落 一入到去嘅右邊係吧枱 裏面仲有個書架 嘅裝修主要係用木嘅傢俬 主要色調係啡色 白色 餐桌上邊有蠟燭同木棉花嘅擺設 有少少復古嘅感覺💕💕💕名稱明太子櫻花蝦意大利麵 $128份量好多 明太子好香 意大利粉咬落去好彈牙西京燒比目魚 $168煎得好香好出色 魚油好豐富 魚肉嫩滑 外皮香脆 味道剛剛好 配上旁邊嘅沙律不會太油膩 仲有薯蓉伴碟🤩🤩🤩Summer white $58Flat white加上一片果乾係頂 打咭一流 果香同咖啡好夾😍😍😍Butterfly Lemonade $48顔色好靚 少女心爆發😆😆😆

我朋友響附近搵野食，路過見到門面裝修綠色，望入去又舒服，其後有店員出嚟介紹佢地係新開咖啡屋，食物味道都係大廚特別調味，聽落都好用心，於是同朋友入去試下。我地叫左2樣款式，西冷牛扒，比目魚。出奇地有驚喜👍🏻👍🏻👍🏻比目魚超滑多汁😋鐘意食魚既朋友一定要試。必食推介⭐️⭐️⭐️⭐️⭐️西冷牛扒煮得出色，肉嫩多汁⭐️⭐️⭐️⭐️⭐️連伴碟既薯菜擺盤賣相亦花心思。薯蓉更係有顆粒感，有咬口👍🏻👍🏻😋😋連小食黑松露薯條，炸雞翼都香脆可口，食得出係即炸新鮮⭐️⭐️⭐️⭐️⭐️開新黎講食物質素有驚喜睇得出廚師係有花思餐牌上仲有幾道餸都十分吸引留待下次過黎再試試

響附近諗緊食咩好，行過見到新開cafe，就同朋友入去試下新野。環境裝修簡約舒適👍🏻 店員服務都唔錯最重重重要係食物味道質素估唔到真係有驚喜🤩🤩🤩食物真心一流西京燒比目魚，五星推介⭐️⭐️⭐️⭐️⭐️魚肉多汁又滑連我朋友唔鐘意食魚都話好食😋

你有吃過「紅絲絨蛋糕」嗎？知道它是巧克力蛋糕的一種嗎？而可可粉又怎麼會呈現紅色呢？原來是因食用醋以及帶酸性的白脫牛奶(Buttermilk)，這些酸性食材與可可粉中的花青素混合後，便產生變色的化學變化，是否很神奇呢！而酸性食材加入小蘇打，更會令蛋糕膨脹蓬鬆，如絲絨般輕盈和鬆軟。雖然甜度稍高，但也不失美味。室內環境簡潔。#青醬帶子螺絲粉#cappuccino#紅絲絨蛋糕 #賞島咖啡屋 地址: 太子花園街233-235號偉雄大廈地下A號舖電話: 66607480

姊妹聚成日都去發掘d文青cafe，熱門個d已經滿足唔到我地，今次朋友搵到間新開既好唔錯。芝士烤雞墨西哥餅 ($88) 係冇預期之下我覺得可以封為鎮店之寶，新鮮焗起熱到燙手，入面芝士多到滿瀉，有拉絲效果得黎唔會膩，係有奶香同清新既芝士，烤雞嫩滑，完全忍唔住食到冇哂儀態狼吞虎嚥。雖然對凍既主食/湯有偏見，但西班牙凍湯大蝦蕎麥麵 ($98)令我覺得可以encore。 最重要既凍湯唔係一般好杰個種，食到蕃茄幼粒得黎似返日式沾麵既流質感，有種好熟悉既界乎泰式同西式之間既酸甜味道，蕎麥麵夠彈牙掛湯，大蝦都有咁上下質素，仲有滿滿卜卜脆既蟹籽，食得好滿足。青醬帶子螺絲粉 ($128) 醬汁落得好足，似係自家製味，撈埋cream一齊食好香，如果可以咸多少少會更好。 帶子大大粒煎得好香口，鮮甜幼嫩。炸雞翼 ($58)正常發揮，脆卜卜好食。Grapefruit Soda ($48)係有誠意之作，有半杯都係果肉，重點係佢可能係我人生食過最甜既西柚，連裝飾個半邊原個西柚我都食埋，性價比高。招牌cheese cake ($52)味道濃郁，略膩有少少散唔夠實淨。

花墟入面有幾間cafe，但因為好多人好亂都冇入過去飲咖啡，今日發現咗呢間附近新開嘅賞島咖啡店。鋪頭行小清新淡綠色、木、雲石裝修，staff都係後生仔女同超好禮貌，barista係個男仔，見佢得閒就keep住沖黎影相，可能練緊拉花，好有heart👍🏼辣媽All day breakfast （$138）有牛角包，溫泉蛋，牛油果，好多舊大大舊蘑菇，bacon，煙三文魚，沙律用上溫泉蛋唔係煎多，牛油果切得好靚一排，煙三文魚烤過一半再捲番一朵花咁靚，所有嘢都睇得出店鋪好有心做好每一樣嘢，擺盤好靚之餘仲好好食。芝士烤雞墨西哥餅（$88）勁多芝士餡，點埋酸忌廉係我中意嘅味道，沙律配菜仲有藍莓，驚喜，好揼本，抵食。炸雞翼5隻（$58）食完第一隻，我話：好耐冇食過咁好食嘅炸雞翼炸皮好薄，薄得黎好脆，唔會好似平時食嘅buffalo果種咁厚炸粉摻口，加上味道唔錯Ice Latte（$45）呢杯其實好飲嘅，但個樣冇特別覺得小貴，後尾見到熱嘅拉花好靚同埋朋友杯Matcha Latte超靚好後悔冇揀到熱Latte🥺Matcha Latte（$48）靚到爆，打卡必叫，Matcha Latte 黎講價錢算好平，曾經飲

今日去太子搵朋友仔，喺花墟行咗一陣，朋友仔帶咗我去一間Cafe食lunch，覺得食物質素好好，所以喺度推介一下。賞島咖啡屋 。去到餐廳門口，見到有幾棵植物，同埋門口招牌都係綠色，感覺幾舒服。餐廳嘅裝修好簡潔，比到我一種好舒適嘅感覺。坐低職員好有禮貌幫我哋點餐。值得一讚。蒜油花椒蜆肉意大利麵 98 元，意大利粉份量都好多，雖然蜆肉唔係好大size,但係肉質都好新鮮,最鍾意就係蒜油炒香左個意大利粉，每一啖意粉都食到好香嘅蒜油同蜆肉味，味道調校得啱啱好，加上意粉軟硬度適中，食落去有少少口感。好好味。烤安格斯西冷牛扒 120 安士 268元，牛扒一上枱已經聞到好香嘅味道，加上其他嘅配菜望落去已經好吸引，牛扒肉質好嫩滑，牛肉味香濃，有入口即溶嘅感覺，食得出係好靚嘅牛扒。另外側邊有個煎蒜頭，加少少落牛扒一齊食，令到牛扒嘅味道層次更加豐富，真係好好味。caramel Latte 45 元，去到Cafe當然要飲返杯latte，咖啡味道好香，入口好香滑，有少少甜味。下次再去太子，我都會再嚟呢間Cafe幫襯，食物質素好，最重要食得好舒適，比到我一種好休閒嘅感覺。

最近朋友們都提及太子花園街嗰邊開咗間新Cafe，裝修簡約得來就有啲裝飾適合打卡，屬於小清新系列！明太子櫻花蝦意大利麵$128每條意大利麵都沾上了明太子醬汁，上面仲有和風紫菜同蟹子，食落口感非常豐富！而且意粉不會太乾，整到岩岩好～😍😍芝士烤雞墨西哥餅$88呢個係即叫即整，上菜嗰陣超級熱！入面d 芝士好多，除咗烤雞同芝士外仲有啲蔬菜，有點似Pizza上面的餡料被一塊薄餅完全包着！啖啖肉，仲要好juicy! 黑松露薯條$68新鮮炸起，又脆又好食！另外我地叫左2杯打卡野飲😍😍蝶豆花檸檬汁$48本身佢上枱嗰陣係紫藍色的，另外更換一個細細的檸檬汁，倒檸檬汁杯嘢飲度，會慢慢變咗紫紅色😍玩得又睇得又好飲！ 酸酸甜甜，幾消暑！蜜糖西柚梳打$48入面勁多西柚果肉，真材實料！由於加咗蜜糖，所以遮蓋了本身西柚的苦澀！ 飲完我哋仲食埋啲西柚，真係好正😍Overall 黎講，呢間餐廳性價比好高！我同朋友都食到勁飽！仲影咗唔少相！叫咗咁多嘢先一人$200左右！平時行過太子個面，記得唔好錯過！

太子新開咗間門面雖然唔大但裝修得幾靚嘅cafe☕️ 入面嘅裝橫同擺設都好有空間感，坐嘅梳化凳好舒服，張木台又夠大，每台都有乾花做擺設，岩晒幫啲野食打卡🙈🥗All Day Breakfast $138好大碟好豐富，牛油果好新鮮排得超靚，煙三文魚第一次見係微微煎香過再卷番成花，好有誠意，一共兩大塊，最特別係隻蛋🫐🍳竟然係日式溫泉蛋😮本人勁鍾意，牛角包🥐好大個而且牛油味濃郁外脆內軟好好食，沙律亦到罕有地會加上士多啤梨🍓同🫐水果，好鮮甜🌮芝士烤雞墨西哥餅 $88誠意推薦呢個烤餅，一碟3件超大份😳最好同朋友share🫣 外皮微微煎焗過，入面餡料好爆，有芝士有拉絲🧀 雞肉唔鞋，仲食到有好香嘅豆蓉，加埋洋蔥甜甜地中和番膩感👍🏻重點係隔離仲有一大pat greek yougurt 比你點住嚟食😋🍗炸雞翼（5隻）$58雞翼外皮嘅炸粉非常薄而且炸我好香脆，雞翼咬開中間有肉汁好嫩好juicy🍰 Tiramisu $48好厚嘅mascarpone cheese 🧀同香濃嘅牛奶 cream🥛 味道， 隻cream 打得好滑好細緻, 冇乜酒味小朋友都可以食👍🏻🍵 Matcha latte $48打卡嘅必選🤩 成杯好

去開旺角花墟，搵到附近有間新開嘅咖啡店，一於試一試～咖啡店有十幾個座位，枱上有些咖啡豆、蠟燭等小擺設，感覺悠閒😌All Day Breakfast🍳(Smoked salmon, bacon, eggs, avocado, tomato, croissant, mushroom, salad)一嚟就比依個all day breakfast嘅份量震攝到，食物幾乎覆蓋晒成個盤，見唔到盤底之餘亦都好似就嚟滿瀉嘅感覺，雖然份量多但係唔覺得雜亂，因為每一樣食物嘅擺放都好細心，牛油果整齊地切片，車厘茄用精美嘅小兜裝住，望落賞心悅目，唔知從邊樣開始食好🤩賣相好味道都唔錯，煙三文魚有輕輕燒過，食落有啲似壽司嘅火炙三文魚，牛角包嘅表面烘得好酥脆，牛油果、沙律菜等蔬果食落都係新鮮嘅，整體唔錯！Lunch set配飲品同埋小食都有優惠，飲品可以平$20，揀咗Summer White☕️杯面有一片燒過嘅西柚，其實係一杯蜜瓜味泡沫咖啡，相當特別🍈

去完花墟 最岩就係cafe坐下💓經過門面就吸引左🥰🤭 呢隻綠色真係好難令人抗拒🤪 中午黎到 好好彩得返一張枱😍 坐低一陣後面既客就要等位😎 好彩😝 室內環境簡約舒適💓 傢俬都好靚🥰一坐低要即刻叫返埋flat white ☺️ 入口順滑～ 掛杯效果👍🏻 叫lunch set 再加飲品可以減$20🥰 好抵～ 亦有跟餐優惠 $16 有兩隻即炸雞翼 大大隻😍 明太子櫻花蝦意大利麵🤪 作為明太子控～ 必點！ 好濃郁既明太子sauce ~ 蟹籽份量都好大方！ 啖啖都脆卜卜～ 醬汁唔會過盛～ 唔會太油膩😊 蒜油花椒蜆肉意大利麵 ～ 係一個又中又西既意粉 哈哈 極重花椒味👍🏻👍🏻 蒜香味都好重☺️中意辣既人必點～ 蜆肉都幾新鮮 so far 都無沙 份量都多💓 仲叫左杯mocha☺️ 朱古力同咖啡味做到並存～ 唔會一方太重👍🏻 要讚一讚咖啡既拉花好靚🥰😍 最後叫多個甜品結尾😆 Cheesecake 賣相幾靚😋😋 Cheese 口感唔鬆散 ～ 好鬆軟 有個酸酸地既 （梅醬） 幫助中和膩感👍🏻 餅底都好食🥰 Overall 食物都幾好食～ 環境舒服 仲要好多跟餐優惠👍🏻 要去就要快 ～ 驚遲啲會無左哈哈

朋友約親去太子飲嘢傾計, 十次有八次都淨係識去去開嘅cafe, 隨住佢越黎舊又越黎越多地方有, 真係唔想去黎去去都係佢, 所以今日搵左間新嘢去坐下, 小店環境好舒服, 一間人情味小店, 食物同嘢飲都有驚喜表現.蒜油花椒蜆肉意大利麵我估因為佢加左花椒嘅原故, 所以比起平時出邊食到嘅蒜蓉蜆肉意粉 佢多左一份惹味, 香香辣辣, 蜆肉都好鮮甜 粒粒都脹卜卜🐚 而意粉都十分Al Dente.西京燒比目魚呢個不得不推! 即使on side嘅沙律🥗都一啲都唔hea 新鮮之餘, 仲有平時好少食到嘅橄欖, 仲有士多啤梨, 淨係個presentation都絕對唔輸比啲9ssss西餐廳💁🏻‍♀️ 兩舊魚燒到好香, 魚肉好嫩, 入口即溶🧊 味道亦啱啱好, 調味又唔會cum左魚嘅鮮味.Summer White放膽一搏mode 完全唔知係乜🤡 原來係一杯latte加左兩片柚子, 就係呢兩片柚子, 令到成杯latte多左一陣果香, 小清新🍊 Matcha Latte本身以為呢杯無乜特別, 但係呢杯嘢係好味到唔捨得太快飲哂 要用隻小匙羹 慢慢逐淡細味 抺茶味極濃🍵 質地好厚 雖然抺茶味好濃 但係一啲都唔苦, 下次再黎,

今日咁岩係花墟行 就去左呢間係花墟球場隔離條街既cafe 門口唔算好花巧好特別 但內有乾坤 佢既裝修係簡約文青風 我地去個陣大約下午3-4點 都全場爆滿 仲要出邊一路有人等緊位 都唔簡單佢主打都有意粉同咖啡 另外仲有主食同埋小食個d 不過今次就冇叫到喇先黎個蒜油花椒蜆肉意大利粉 佢個賣相好似圖咁 冇呃你 花椒味完全融入意大利粉 加埋有蜆肉配埋 成個口感都好豐富 另外佢炒到意粉乾爽 食落口會更加好真係唔錯的第二款意大利粉係 明太子櫻花蝦 呢款意粉大家都會成日食到 佢個口感係100分 鮮明的 明太子 加埋蟹子 仲有洋蔥粒同埋菇 再加上cream 煮 佢係將所有野都融入得岩岩好 值得一試如果大家都係食意粉 佢有option 加 $20 差價買咖啡 同埋 加$16 有小食 雞翼2隻 或 蒜蓉包3舊 我地加左雞翼 新鮮炸 熱爆 同埋都算大隻多肉食咖啡一杯熱mocha 一杯flat white幾靚 我地坐係咖啡師附近 見佢拉花沖咖啡都係享受～佢而家可以半價食埋一款蛋糕 我地叫左佢招牌芝士蛋糕 佢用左梅醬 加埋杏仁片同埋生果配搭 唔會只係得芝士既味 唔錯唔錯～