賞島咖啡屋

营业中

休息中

充滿日系復古裝修 環境燈光柔和令人放鬆雖然係小店 但店員嘅周到服務好值得加許食物高質素 樣樣都唔馬虎好好食🤤餐廳亦沒有時限 不趕人 真係傾偈聚會好地方地點方便價錢親民又好食 完全冇失望🥰‼️超推薦大家嚟試 連男朋友都讚不絕口🤭.二人套餐 ($468).🫕 是日精選餐湯餐湯係忌廉蘑菇湯 菇味香濃 入口香滑濃郁啖啖都有粒粒蘑菇肉 口感十足.🥗 慢煮雞胸柚子沙律份量絕不孤寒 又有擺盤 將雞胸肉拼砌成花狀 肉質嫩滑 入口軟腍 配有藍莓 | 草莓 | 車厘茄 新鮮沙律菜加上柚子汁 酸酸甜甜好開胃 .🍝 海膽味噌蟹肉意粉 (+$38)有驚艷到嘅味道！味道非常creamy！海膽味道甘甜 質感細膩 幾乎入口即溶海膽味噌醬汁濃稠 有姬菇及鮮味蟹肉吸附 意粉軟硬適中 做到掛汁之效 越食越滋味仲配海量蟹籽同碎紫菜 口感好豐富 大推❤️.🐷 慢煮西班牙豬鞍 (+$68)又大又厚嘅豬鞍 油脂含量較低 肉質嫩得黎有咬口 慢煮果然好夠淋豬鞍咁厚都咁嫩 原汁原味食已經好出色伴碟配自家製薯蓉 | 大啡菇 | 沙律菜影完相仲可以叫廚師幫手切靚靚☺️.🍎 Apple Crumble新鮮出爐 外脆內軟兼暖笠笠 有堅果同蘋果肉 焦糖

好耐無食Cafe既我，上網見尼間好評如潮，決定相約朋友一齊黎食🤭Cafe 環境裝修簡約木系風，感覺舒適宜人，仲有可愛嘅擺設公仔😍可以同啲食物打卡📸✨蒜油花椒蜆肉意粉 $98少見帶有花椒味既蜆肉意粉，初嚐一口蒜香味濃郁花椒麻而不辣，意粉口感適中油而不膩一啲都唔乾身，配埋鮮甜無沙既蜆肉食，真係停唔到口🤤✨芝士烤雞墨西哥餅 $88餐廳好好已經幫手切件方便同朋友share 食☺️芝士烤雞墨西哥餅香味四溢，餡料搭配青紅椒、洋蔥等，配合埋拉絲芝士🧀令口感味道更豐富，不過唔好睇佢細細份，食完相當之飽🤣✨Honey Grapefruit Tonic $48粉紅色少女心爆發😍原來係紅柚味，唔太甜岩岩好🤤打卡一流✨Bufferfly Pea Lemonade Soda $58亮藍色既蝶豆花遇上檸檬汁會產生變化逐漸變成法紫色非常吸晴🤩 味道酸甜好飲🤤餐廳食物質素高，環境舒服寬敞，服務態度好好，唔會趕客走👍🏻👍🏻岩哂同朋友吹水放鬆下，下次一定留肚食埋甜品🍮🤤🤤

餐廳位於太子，第一眼望落去有點復古feel、但係亦都有簡約既element，裝修有好多detail位，例如小擺設等等。裝修細節睇餐牌、選擇款式多、又有沙律、甜品同咖啡。我同朋友分別叫咗一份明太子櫻花蝦意粉、牛油果沙律同Ice Hazelnut Lattee。明太子櫻花蝦意粉擺設好有心機同好靚👍👍。將意粉捲起，在撈埋明太子醬同紫菜一齊食，令人胃口大開。四個字形容「回味無窮」。🤣🤣牛油果沙律，用嚟影相、打卡勁好睇。👍👍當然除咗賣相好睇之外、食物非常健康同可以當一份開胃菜。洋蔥粒碎，配上牛油果、面上仲有一片草莓🍓、細節位做好得，真係好有心思。👍👍Hazelut Lattee - 榛子味🌰、咖啡同牛奶味 三方面既味道非常平衡，唔會太甜。同埋值得一讚既係唔會話淨係飲到榛子或者牛奶味。👍🏻👍🏻😀餐廳個feel真係好啱同朋友嚟Hea同傾吓計。

在太子花園街上有一間以木系為主的咖啡小店燈光及色調偏向溫暖柔和給人一種溫馨的感覺💡🫕南瓜湯入口順滑 味道香甜面上更有幾塊麵包糠吸入湯的精華🍝鮮茄珍珠帶子意大利麵鮮茄醬汁份量十分多能輕易掛在意粉上整體味道偏向酸甜開胃旁邊有滿滿的珍珠帶子雖然較小型 但口感飽滿彈牙🍳All Day Breakfast 法包口感鬆脆🥖 材料相當豐富配搭旁邊的牛油果🥑、煙三文魚🐟、煙肉🥓、水煮蛋🥚、蕃茄🍅、沙律菜🥗及蘑菇🍄飽肚同時營養十足下次希望能品嘗牛角包🥐🌑Hot sesame latte with oat milk 飲品相對比食物出色芝麻味道突出散發淡淡的奶麥香氣🌾拉心精緻 值得一試☕️Latte 牛奶味道出眾🥛使入口順滑咖啡味道香濃☕️

走文青路線的太子cafe 入面嘅裝橫同擺設都好有空間感，每台放有乾花做擺設All Day Breakfast $138好大碟好豐富，牛油果好新鮮排得超靚，煙三文魚卷成花，誠意之作，配以日式溫泉蛋。小妹最欣賞佢的牛角包，好大個而且牛油味重，鬆脆內軟，咬開去時見到內裏層次分明👍🏻 沙律菜、牛油果和蕃茄吃得出得新鮮，大蘑菇有輕微煎香，咬落去有水份而不會太乾身，菌類獨有的鮮味完全帶出明太子櫻花蝦意大利麵 $128有驚喜的意大利麵，擺盤精美，一碟乾濕二食，很少cafe 有這種心思☺️乾身的意大利麵拼明太子，明太子份量多，足夠沾滿每一條意粉，加點旁邊的紫菜，惹味可口，乾爽又好有咬口！另一邊是有濃郁洋蔥汁的是櫻花蝦草菇意粉，香甜入味，意粉也煮得剛剛好。

今日行過太子，就嚟咗揾間「賞島咖啡屋」食lunch🍽️ 呢間店裝修好有feel，好多日式元素☺️ 我叫咗個午餐，鮮茄珍珠帶子意大利麵同芝士烤雞墨西歌餅，午餐包餐湯同飲品👍🏻☺️ 餐湯係南瓜湯，濃郁香甜，充滿南瓜蓉，好正👍🏻鮮茄珍珠帶子意大利麵好好味🤤，麵條彈牙，帶子新鮮，口感好好😋 鮮茄汁超濃，正👍🏻芝士烤雞墨西歌餅好香，烤得啱啱好，餅底脆身，加上芝士同雞肉搭配，好夾👍🏻❤️ Matcha Latte唔會太甜，茶味濃郁，好好飲☺️整體黎講，呢間「賞島咖啡屋」食物質素唔錯，環境舒適，服務態度非常好，絕對值得一試！🍝🍵🍴👍

這間cafe 空間都算大，不位坐位不算多，變相比較安靜，可靜靜享受與朋友共聚的好時光😌午餐時間有lunch set,價錢不貴.不過因為不想食飯麵類，所以叫了side dish.💠芝士烤雞墨西哥餅 $88味道非常美味，口感豐富😍搭配上烤雞肉和芝士，加入洋蔥答青椒，口感更加豐富。芝士的鮮香和烤雞肉的嫩滑口感相輔相成，加上一些蔬菜和醬汁，可以讓整個味道更加豐富和均衡👍🏻💠提拉米蘇 $48味道非常豐富和濃郁。咖啡和甜酒的混合味道增添了一種苦甜交錯的風味，與奶油芝士和脆餅乾的甜味形成了一種絕妙的平衡。在口感上，脆餅乾的鬆脆口感與奶油芝士的柔軟口感相輔相成，使整個甜點更加美味。💠黑芝麻拿鐵 $45口感獨特，有濃郁的香味和堅果的口感，加上牛奶，可以形成一種濃稠而滑順的口感。黑芝麻latte有一種濃郁的口感，但同時也非常柔滑和綿密.還具有一種微妙的堅果風味，可以增加整個飲品的豐富度和層次感。

人多到玩mma嘅週末，想搵食有幾艱辛大家都知🤪飲茶搵唔到位，唯有周圍行下發掘好東西吃。轉咗幾個彎嚟到比較靜嘅花園街一角，平時都無乜幾何行到過嚟😗見到評分都ok，個名又改得有幾分台味嘅cafe 試下。甜甜嘅汁煮比目魚西京燒好好食，affogato都唔錯，latte 中規中矩。而鴨胸令我有少少失望，用上同比目魚一樣嘅甜汁，令鴨羶味突顯咗😓整體而言都不錯吃，環境舒服、價錢合理、食物和咖啡都幾好（除咗鴨胸🥺）我會有興趣再返嚟試甜品🍰

❣ All Day Breakfast $138叫番豐盛既all day breakfast先, 包括有大啡菇, 煙三文魚, 煙肉, 溫泉蛋, 有黑醋既車厘茄, 牛油果, 沙律菜同埋牛角包!食材好新鮮～ 佢個大啡菇一咬落去勁多汁👍🏻唔會煮到乾晒❤️好滿足呀! ❣牛油果三文魚生角包 $68牛角包焗到金黃色～咬落去好鬆脆！ 入面包住三文魚 牛油果 蕃茄 芝士等～ 超match 既姐合🫶🏻 口感好豐富！ ❣ cheese cake $52嘩 見到隻裝住cheese cake 隻碟畫咗朵花同蝴蝶, 好靚～ 🥰用心制作！岩晒我呢d港女打卡😍 cheese cake 芝士味濃～ 配埋酸酸地既醬汁～ 好balance~ 又唔會太甜❣ Iced Hazelnut Latte $48話明係咖啡屋, 當然要試佢呢到既咖啡啦！ Hazelnut latte 味道濃郁，好香滑!❣ Dirty $42Expresso倒入凍奶入面～ 飲嘅shot同奶嘅分層。令到我可以慢慢品嚐到由濃咖啡味道至淺既味道👍🏻

賞島咖啡屋 📍:太子黎到太子文青cafe地帶，估唔到仲有cafe開到夜晚可以食埋個晚餐🤣 平時既cafe 都好早閂門 呢到簡約既cafe design 令人感覺番左屋企咁 so cozy✨配上輕鬆既純音樂 好適合星期六日同朋友聚舊食個晚飯🤭 除左a la carte 仲有套餐 主要係中日式fusion 既食物🤭 ✨西京燒比目魚香煎既比目魚油脂味滿分 肉質配上沙律同清新既芝麻醬😍✨海膽味噌蟹肉意大利麵味噌既味道好特出 好夾加落意粉入面！ 加上海膽醬既幼滑奶油仲有 海膽自身既鮮甜 令到成個意粉既味道與眾不同🥰✨榛子咖啡有水準既咖啡 配上靚靚拉花🥹 榛子味濃厚✨焙茶拿鐵飲到最尾都仲有焙茶粉！🤭🥰 落足料之餘仲有燕麥奶😍 拉花同樣精美😌

同朋友去太子傾野，見到一間小文青風格既Coffe shop - 賞島，想同大家分享一下今次我用餐既體驗。首先我同朋友分別點了2個lunch set，Set餐均配有沙律/餐湯，可揀熱美式咖啡/果汁/+$12升級其他飲品。我哋分別點左27碗蔬菜湯，西京燒比目魚，蒜油花椒蜆肉意粉，榛子牛奶咖啡，美式咖啡。推薦一下佢哋既蒜油花椒蜆肉意大利粉，蒜肉份量恰到好處，蒜油和花椒的香氣同炒過既意粉融合得好精準。接著係西京燒比目魚，呢款料理真係幾好食！西京燒麵豉十分入味，以日式的調味方式呈現，以酒、醬油、味噌等多種調味料作為調味基礎，甜甜的醬汁更加讓人回味無窮。比目魚肉口感鮮嫩，好似直接融化於口中，完全唔會有肉質過硬或嚼勁不足既問題。呢一點都正好彰顯左食材既新鮮程度以及料理既精細度。當然，來到cafe當然唔少得點杯咖啡黎試下佢既功架啦！我哋點左兩款，分別係榛子牛奶咖啡和美式咖啡。榛子牛奶咖啡係我最中意既咖啡之一，賞島既呢杯榛子既口感非常濃郁，榛子同牛奶既味道都非常契合，飲起來非常香滑；呢杯美式咖啡會係較喜歡喝淳香咖啡口味既人既好選擇，單純潔淨，享受到咖啡香味既純粹。總括而言，我對賞島的食物同咖啡既品質非常

同朋友嚟開花墟呢頭，上網搵食見到呢間cafe就嚟試吓。Lunch time 嚟講唔算多人，所以環境比較靜都適合傾計，都打卡able 🤍Lunch set 叫咗比目魚同All day breakfast, 蘑菇湯好好飲好啱我口胃。比目魚色香味俱全，雖然較貴，但完全對得住個價錢，魚肉煎完都仲好嫩滑，個汁同魚好配合，仲有個薯蓉一樣好好食！ADB 質素同樣高，個牛角包係新鮮香脆，唔係林晒唔新鮮嗰啲，第一次食ADB 唔係食炒蛋係食溫泉蛋，又有牛油果，啱晒！職員服務都好好，已經book mark 咗一定要再嚟！

行過見到有少少時間就入左去首先唔評論服務如何，單講食物質素先，我叫杯Expresso Orange ，岀到黎杯Expresso 的味道我真係諗唔到點形容，最後友人講法係洗潔精溝芬達，個Expresso 味道分離，強酸同苦味一飲盡岀，帶來強勁澀味，基本上，係我未嘗試過的衝擊。Iced Latte 黎講，就變到飲唔岀任何味道，sor 係雀巢咖啡的味道先岩，性價比就真係見仁見智，最後個蛋糕令我明白，餐廳對食物的要求是沒有要求。tiramisu 冇酒味，同我係快甜美食的一樣👍🏼👍🏼。

今日同朋友仔慶祝生日🎂食咗好滿足嘅一餐餐廳俾人好chill嘅感覺，店員亦好親切，環境好適合同閨密傾下計。<芝士烤雞墨西哥餅>推介！外層脆卜卜，入面係爆多嘅饀料，啖啖芝士、烤雞、三色椒❤️加分位係個黑醋醬❤️<青醬帶子螺絲粉>份量超多，帶子煎得剛剛好🫶🏻螺絲粉軟硬程度亦剛剛好。店員好細心，幫手畫happy birthday，隻兔仔畫得好靚呀😍<TPI Cheese Cake>Cheese cake質地好creamy，配藍莓醬，perfect🎂<Hazelnut Latte>中意nutty嘅我，表示好滿意。

☕️【 賞島咖啡屋】☕️⋄ —————⧫♟⧫————— ⋄呢日同朋友嚟太子覓食，揀咗呢間賞島咖啡屋，店面唔算大，但環境幾安靜，都坐得幾舒適。重點係食物，質素真心高! 樣樣都好味💯💓⋄ ┄ ┄ ┄ ┄ ❖ ┄ ┄ ┄ ┄ ⋄💚青醬帶子螺絲粉🍝（ $128 ） 青醬味道超濃郁，帶子有三隻，煎得金黃，內裏軟滑，非常唔錯！🥐牛油果煙三文魚牛角包（ $68 ）牛角包極富牛油香味，表皮香脆，內裏夾住軟滑嘅牛油果及煙三文魚，非常好食，大力推介😍🍌TPI Cheese Cake🍰（$52）店員話有原味同香蕉味嘅芝士蛋糕，我哋揀咗香蕉味，香蕉味真係好濃郁🍌蛋糕質地挺身，好食👍🏻🍯Honey Grapefruit Tonic🍹（$48）好清新嘅飲品，雖然顏色有啲假，但飲落清新，唔會有藥水味，放心點吧☺️⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：太子花園街233-235號偉雄大廈地下A號舖⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openri