貓之眼

营业中

休息中

今日放工之後，同朋友去左呢度食。好耐之前已聽過佢嘅蛋包飯好味，今次慕名而來！我叫左蕃茄牛肉 配 咖喱豬肉 蛋包飯，牛肉既味道似茄汁沙甸魚，肉索晒汁好濃味。我欣賞佢既牛肉大大舊幾好。豬肉就普通，因為我鍾意食辣咖哩，佢呢個甜既就冇咁吸引我。朋友叫左 忌廉雞肉 配 咖喱豬肉 蛋包飯。我試左佢既忌廉雞肉，雞肉好滑，忌廉同蛋包飯既蛋都有好香牛奶味。最後埋單:Remark一下，服務態度方面，服務員都好有禮貌，最深刻係走既時候，2位都鞠晒躬，搞到我有啲唔好意思lol$79，食到飽，服務又好，人唔多靜靜地食個晚飯，仲有咩要求？我就冇了。

食Lunch 最怕排隊，但朋友話呢間好好食，所以就算要排隊都要一試。大約都排左15分鐘先入到，排緊嗰時要寫定食咩，入去就交比侍應。我揀左忌廉雞肉+濃茄牛肉蛋包飯首先係個蛋真係好好食！非常滑溜之餘唔會感覺油膩，調味適中。個人認為個滑蛋配忌廉汁食係好食過蕃茄汁，可能因為滑蛋加左牛奶炒，同忌廉都係乳製品，味道好match。本身好驚忌廉汁會好滯，但可能因為排隊排到太肚餓，而且個汁唔係過份濃稠，所以都唔會話食到一半已經滯哂。而濃茄牛肉嗰邊就覺得唔算特別好食，但牛肉粒肉質都好鬆軟，唔會痴牙。食野期間侍應唔小心倒左啲水係地下，佢就一直道歉，又多番提醒我地小心，到離開嗰下都仲話真係唔好意思，感覺服務好好！待客友善亦有禮。

A small Japanese omelette rice shop in wanchai, just around 5 mins from MTR station. Just be reminded that there is no booking with only walk-in during Friday night (rush hours) ~.~ Small store with only 30 seats! And most famous is the omelette rice with burger steak while our table was luckily to order the last burger steak 😅Overall taste is fine. Portion is good enough for a person.

灣仔既餐廳多不勝數，但當中真·高質既未必下下搵到。今次黎左一向好評多多既貓之眼食我最愛既蛋包飯，果然係名不虛傳！前- 咖哩漢堡蛋包飯 ($94) | 後- 咖哩濃茄汁蛋包飯 ($78) 餐廳採用日本既和牛漢堡，肉質鬆化，食落又唔膩。 更抵讚係煮得半熟既雞蛋，一切開啲蛋漿就流哂落啲飯到，簡直係視覺同味覺既一大享受啊😍And most importantly, it tasted sooooo goooooood! Taste: 👅👅👅👅Value for Money: 💰💰💰💰Service: 👍🏻👍🏻👍🏻👍🏻(on a scale of 0-5 emojis)

建議白汁，小編覺得好味啲。白汁雞+咖哩汁 漢堡排。咖哩汁+番茄汁 漢堡排。汁似係包裝汁的味，但不錯。漢堡排的肉地不硬，有口感。蛋抄得很滑。店裡的冷氣非常凍😂😂😂

Cat's Eye係一間日式蛋包飯專門店。店名嘅由來應該係因爲蛋包飯嘅賣相真係好似貓咪嘅眼睛。雙色蛋包飯 忌廉雞肉+濃茄牛肉($78) 顏色好繽紛。蛋半熟，炒得剛剛好，超級滑！忌廉雞肉個白汁幾香滑，應該好肥蘿蔔夠林好入味。番茄牛肉味道似羅宋湯。由於配料切得好細同煮得好林，唔需要太多咀嚼，可以一口接一口咁食，話咁快就食哂！餐廳座位唔多，午飯時間都要等15分鐘左右先可以入座。雖然係幾好食，但要成$78，又冇餐飲，算幾貴下 。

某日lunch time經過這間位於灣仔既日式咖哩飯，店鋪細小只可容納大約20人，中午時間也算多人，已有幾個人在排隊，要排一陣，幸好五分鐘左右就到我們了。第一次食，當然要試一試它的招牌蛋包飯。咖哩豬肉番茄牛肉蛋包飯 $78個人認為醬汁非常出色 蛋都好滑好好食 份量對我黎講亦岩岩好！賣相原來真係好似一隻貓貓眼～雖然餐聽細小但環境唔錯，服務都ok，可要求店員提供水。是一間唔錯的日式咖哩小店，會再回頭幫襯喔！！！

Cat eye 係一間主打三種醬汁伴蛋包飯既和食屋，出奇既係，佢主力推既係日式豬肉咖哩汁，但最好味同有獨特之處既，係另外兩種Cat eye位唔多，二十個左右，午飯時間店外排住十幾廿個人好正常。好彩店家上菜極快，即場煮好個蛋，淋汁就上，叫做轉流好快，唔使等太耐位。豬肉咖哩汁我唔多講，有水準既，不過唔特別。另外兩個分別係 忌廉雞肉汁 同 蕃茄牛肉汁。呢兩個好正，忌廉雞肉汁係有一種鮮味，唔膩，好fresh 好濃味，配上少少西蘭花同蘿蔔，伴飯食一流 蕃茄牛肉汁係清同甜，牛肉煮到腍，入哂味，齋食汁都好好食。另外，試加左個手打和牛漢堡，係加塊肉喺個飯到份量都有小朋友拳頭咁大，誠意十足。個人覺得手打夠鬆化，唔似機打牛肉咁死實。不過舊肉係錦上添花，唔加都好夠食，始終主打都係個汁，唔好本末倒置。

颱風後的心情很鬱悶-在手機/電視上看到新聞報導天災奪取不少生命、摧毀了財物感到不安和惋惜，嘆息人的生命真脆弱啊。回到公司努力甩掉負面情緒，可直到午餐時間還是一直不在狀態。午餐提議嚐嚐蛋包飯，希望籍美食改變心情。咖喱豬肉+忌廉汁雞肉蛋包飯（不包飲品），承惠$78，這個價錢來說不算便宜，且一嚐味道看是否值得。雞肉只有4小塊，碎碎豬肉泡在咖喱汁裡面、感覺醬汁多於主菜，對於無肉不歡如我，自然是不甚滿足。忌廉和咖喱汁味道較淡，不算出色。蛋汁香滑，配合日本珍珠米的口感，算是不過不失。

一直都好想試下呢間蛋包飯，見今日難得冇乜人排隊就排下啦，lunch time 4個人排10分鐘左右就入到去，都算幾快。佢價錢由68到108左右，有咖哩汁，番茄汁同忌廉汁揀嘅。咁我唔食午就揀左咖哩豬match cream chicken($78), 唔包野飲。好快就上枱，都幾大份，d汁佔左隻碟3分之2,中意撈飯嘅你一定好開心。咖哩豬有小小辣，偏咸，冇乜豬肉，而是忌廉白汁雞就太多啦，太多汁食左幾啖就投降，雞只有2細舊 蛋都幾好食嘅

下雨天要等待OT的男友 孤單加上肚餓... 行下行下遇上貓之眼望到menu上的咖哩蛋包飯 我果一刻忍唔住喇! 要衝入去大啖大啖咁食! 因為當日時間已不早 所有有漢堡扒既菜色都售罄其餘的汁配肉有3款: 濃茄汁配牛肋、忌廉汁配雞、咖哩汁配豬以上的汁是固定配某種肉 冇得自選~因為一早睇中咖哩先入黎 又唔中意忌廉汁 所以毫無疑問就簡左咖哩豬再加濃茄牛呢個配搭  食物終於來了 慰藉我餓著既肚子!香濃的咖哩汁同濃茄汁加上軟滑既蛋蛋是半熟連著蛋汁~~ 超香一口濃汁+蛋+飯 好滿足呀~~~~~~~~~~~~~~~~將剛才所有的委屈一掃而空一口接一口 好快就就俾我清晒 一滴汁都不剩! 哈哈意想不到一間小小店鋪可以帶俾我大大既感動希望下次男友早點收工可以帶佢一齊黎食啦!

咖哩汁漢堡扒蛋包飯：這是繼紅磡的asobu bistro 之後做的很好吃的蛋包飯！蛋炒的很滑，薄薄的覆蓋在珍珠米上面，而最惹味就莫過於漢堡扒汁了！店家的蛋包飯有三種醬汁可以選擇，而這三款都熬制了不少時間，還添加了很多配料，例如咖哩有很多的蘿蔔和蔬菜，而濃茄醬甚至吃到了數塊牛肋肉，真叫人驚喜啊。至於主角漢堡分量十足，味道就有點像某日式漢堡快餐店的燒汁，甜甜的帶醬油和燒烤味道。灣仔區的上班組有福了！比較遺憾的是有漢堡的咖哩飯定價比較進取，否則我應該會是這裡的常客！同一條汕頭街有咖啡精常到的cupping room, 和「鬼佬三文治」等有趣的食店，有時候上班上到悶午餐時候吃一點好的也是賞心樂事啊哈哈不過店員可能太忙，大家都好像有點對顧客不置可否的樣子呃。所以小店沒有像那種日式家庭風的感覺～

Miss O’ 好鐘意食雞蛋，今次去開灣仔記得有朋友推介一間日式蛋包飯專門店 - 貓之眼 就毫不猶豫去左試。貓之眼舖位細細，燈光光猛，大約可以坐到20人。門口嘅設計都幾日式feel。Miss O’ 星期日晚去都要排一陣隊先食到，聽聞平日lunch hour條隊好長架!O等左一陣佢嘅蛋包飯黎喇! O’! 好多汁呀! 聞落幾香。望落有3隻色，形狀好似一隻貓眼咁。你可以選擇咖喱、忌廉或者濃茄汁其中2款汁。Miss O’ 本身想叫漢堡扒，不過已經賣哂(>﹏<) 。最後叫左忌廉濃茄汁蛋包飯，2款汁味道唔錯，中間黄色嘅蛋幾滑，不過蛋香唔夠多。整體黎講其實都好味嘅。另外，Miss O’都點左甜牛肉炆豆腐。不過，Miss O’ 就覺得依個餸偏甜左D喇。不得不提嘅係餐廳侍應服務態度好好 ^ _ ^ 

本人一直都相信好多小店都想製造排隊效應，位置少＋即叫即整（上菜慢）＋好wow既造型，但真正成功既排隊效應一定離不開「好味」！如果唔係點會有人係選擇咁多既灣仔都肯花時間排隊等食呢？貓之眼一直都係to eat list上面，但就係的唔起心肝話要試過百蚊既蛋包飯，今次2人鐵下心就要排隊，雖然等左3／4枱但一路睇住menu一路等 感覺又唔係好耐。小店得十幾20個位，位置都頗窄，由於面對open kitchen， 所以都有少少油煙味...不過可以望到廚師拎野煮野，見到D野都處理得乾淨，都係幾放心既！小店主打漢堡蛋包飯，所以小食得幾款，我地就試左個芝士魚肉條（＄32／4條）。咬開睇熱！有芝士流出黎，同埋熱熱地點D沙律醬食都幾開胃，食完2條‘till'起你條食癮，更加想快D食主食！特選漢堡蛋包飯，可以揀2個配料，梗係試最多人叫既咖哩／蕃茄配搭！日式咖躍唔辣，overall除左幾濃外無乜驚喜，蕃茄果面酸酸甜甜，同漢堡一齊食會無咁油，幾好！我既咖哩漢堡蛋包飯，其實D配料都係果幾款，差在有無漢堡同要幾多。個蛋好滑！我相信佢落左好多牛油一齊煮的...雖然肥但真係做得好滑既目的（點解肥既野都咁好味？）切開漢堡

某本雜誌介紹過灣仔有間日式蛋包飯，而且相當多汁，老婆一向喜歡多汁嘢，今日得閒就陪佢食個，late lunch, 去到可能太之遲，手打漢堡居然賣哂，唯有只叫鴛鴦飯。我食白汁/咖哩，蛋非常正，好滑，可惜老婆不太喜歡，覺得太奶，但滑蛋要加牛奶炒至滑，敬請牛奶過敏人士小心，白汁味道幾好，雞肉份量都O K，但咖哩味道可以，可惜食不到豬肉，太碎肉了，扣了d分。另外牛肉不錯，汁味道像羅宋湯，而且牛腩肉不少，夠淋。希望下次可以試到和牛漢堡。