豬屋日本料理

营业中

休息中

相約朋友係雲疊花園交收，交收時間亦係晚飯時間，所以乾脆就係雲疊花園食晚飯，加上雲疊花園附近好多錶位，方便泊車，錶位對面有好多餐廳，加上我地又想食日本料理，見便當好吸引，所以我地交收完就去豬屋食晚飯啦。7點鐘入到去未算好多人，但到了7點半已經全場滿座，豬屋主要做街坊生意，所以侍應都好好服務，好親民，而且亦見到好多熟客同侍應有講有笑。見便當咁吸引，我地點了兩款便當。福岡便當（$69）便當好豐富，有炸豬扒，日式炸餃子，日式炸魚餅，中華沙律，咖哩飯，咖啡飯量都算多，咖喱汁有少許辣，炸豬扒都好大件，肉質嫩滑，唔鞋口，唔會有好厚好多粉既感覺，炸餃子，炸魚餅味道都唔錯。熊本便當（$71）有日式芝麻雞翼，香炸軟瑪蘇里拉芝士片，加州卷，中華沙律咖哩飯，我最欣賞佢既芝麻雞翼同香炸軟瑪里蘇拉芝士片，芝麻雞翼炸得表皮香脆，好香芝麻味，內裡雞肉好滑，而香炸軟瑪蘇里拉芝士，芝士味香濃，而且有拉絲效果，非常美味。7吋玉子壽司&醬燒三文魚壽司平時都係見到三文魚壽司有7吋，原來玉子壽司都有。

今日同老公入大圍食飯，因為之前有個朋友推介食呢一間日式餐廳，所以今晚就入左去食飯，未到20:00去到，都已經有好多人喺出邊等緊位，等左都唔係好耐就可以入座👍🏻，環境幾好，服務員好親切好有禮貌，食物款式亦都好多👍🏻👍🏻，1）熊本便當🍱，裏面有芝麻雞翼，中華沙律🥗，加州卷，香炸軟瑪蘇里拉芝士片及咖喱飯🍛，芝麻雞翼及芝士片都係即炸，芝士片好香，食嘅時候仲可以拉絲😝，2）雜錦海鮮拉麵🍜，裏面有，多春魚，蟹柳，帶子，燒完之後喺上面加左啲醬汁，甜甜地好好味😋，3）七吋玉子壽司🍣，黎到嗰陣時我都嚇咗一跳，真係要試一試👍🏻，4）醬燒三文魚壽司，因為三文魚燒過，所以有好多魚油，好好食👍🏻整體來講，價錢不貴，味道不錯， 值得一試👍🏻👍🏻

呢間位於大圍嘅豬屋, 便當款式相當多, 有成十幾款。 一個便當就有齊吉列豬扒、日式炸餃子、日式炸魚餅、中華沙律, 3款餸都係炸嘢, 全部都新鮮炸起, 熱度十足, 夠曬邪惡呀。吉列豬扒仲有成隻手掌咁大塊, 非常浮誇, 日式餃子外皮香脆, 炸魚餅雖然說不上彈牙但亦唔會過腍, 不過不失。朋友見隔離檯隻芝麻雞翼好靚仔, 都唔執輸書叫返個, 熊本便當。 熊本便當有日式芝麻雞翼、香炸軟瑪蘇里拉芝士片、加州卷、中華沙律 , +$9就可以轉芝士咖喱撈烏冬。芝麻雞翼果然無令我地失望, 外皮炸到金黃色, 咬落雞皮嘅油脂, 混合芝麻香, 惹味非常。食完唔夠喉！encore一份雞翼！

有日到大圍探朋友，她介紹了一間日本料理《豬屋》因抵食而且非常飽肚。另外，有多款便當、仲可以追加壽司、刺身及烏冬。 日本通當然要突地過去看過究境！ 進入餐廳後環境很舒適，裝潢以木造為主。 適合大班朋友！ 客人大多都是街坊，價錢也很親民，熊本便當 HKD 71 日式芝麻雞翼2件 香炸軟瑪蘇里拉芝士 加洲卷3件 中華沙律咖哩飯 這個便當分為五格，首先食雞翼（連雞翼尖），炸得金黃色，不多油，內裡的肉汁仍很嫩，也沒有一點血水。外層還鋪上炒過的芝麻把香味帶出來。 炸水牛芝士，質感軟綿綿又煙韌，鹹鹹的，挺好味加洲卷內裡有蟹柳及青瓜咖哩味道遍甜 ，適合男女老幼醬燒三文魚壽司 （2件）HKD 18推介推介！ 醬燒汁加上沙津醬還有入口即溶的三文魚，令我唾延三尺啊。感覺好像炙燒似的，很複雜！7 吋玉子壽司 （2件）HKD 25甜玉子壽司也可以7吋長！

大圍田心邨食肆林立，豬屋本應會係其中一間要食的家庭式日本料理。一看餐牌食物款式林林總總，決擇困難的我馬上點選了鹽燒鯖魚定食，同滑蛋豬扒飯。鹽燒鯖魚定食配菜逐樣講，先黎個最基本位於正中既中華沙律菜，其實不值一提，因為太鹹了右下角燒魚餅比想像中好食，彈牙而不會太味精味。左下角既主角鹽燒鯖魚演出正路，燒得火侯剛好，表面不會太乾，魚肉保持到肉汁。左上角是日式咖喱飯，咖喱味甜而不辣，中規中舉。右上角既配角燒菠蘿反而是全個定食既精髓燒得清甜多汁另點了滑蛋豬扒飯這個反而有點失色，滑蛋份量少不是最主要的問題，問題是煮得老且醬油味太濃，失了滑蛋的意義。豬扒份量雖然大塊而厚實，卻炸得過了火，乾而硬了。餐廳雖有點舊，但服務是是加份的。可能今晚生意太旺而令食物失準呢，希望下次來食會有所驚喜

以前住大圍，今日收工返左舊居拎野，家姐又呼喚我。原來佢今日都去大圍做野，所以我又有得呃飯食，有姐的孩子像個寶~~~我地叫左黃金香芒三文魚加州卷（$53）賣相唔錯，你睇下我將佢打斜咁揸住都冇散開XD 三文魚片都幾厚且新鮮，配埋香甜芒果做成嘅加州卷，好味到我同家姐都爭住食~~~鹿兒島便當（$82）份量十足，我最愛當中煮得入味又軟綿綿嘅日式汁煮豬軟骨，而鐘意食刺身嘅家姐亦表示便當入面嘅細份刺身夠新鮮。伊賀便當（$71）日式蜜糖烤雞翼食落juicy，雞翼冇雪味。兩個便當都有咖喱飯，係日式甜咖喱，個汁好香濃！另外值得一讚嘅係，所有炸物都係即叫即炸，唔係預先炸完再翻熱！飲品方面，我地就叫左罐裝可樂同蜂蜜雪梨茶（跟餐叫各加$6）平平無奇嘅小店竟然水準咁高，糧尾比較手緊嘅朋友都可以食日式料理XD

位於大圍田心街雲疊花園4號地下的豬屋日本料理 (Pig House Japanese Restaurant), 主打抵食又好味日本菜。餐廳在午市提供了不少特惠套餐，吸引了不少居民和學生來吃午飯。餐廳的位置約有四十多個，環境明亮又潔淨。食物落單後約十五分鐘便來到了，效率頗高。首先來到的是鹿兒島便當，侍應拿著一個長方形的便當盒來到，每一格都放滿食物，令人食指大動。日式汁煮豬軟骨的味道頗濃，能吃到微甜的日本醬油味道。如果豬軟骨的口感能再滑溜一點便更好。香炸南瓜餅炸得外脆內軟，裡面的南瓜蓉質感滑溜，味道甜甜的，送咖哩飯一流。咖哩飯的份量十分巨大，廚師把飯疊成一個大圓球，約有兩碗飯的份量，男士吃也一定夠飽。咖哩是甘口的口味，嚐到蔬菜的清甜味道，當中還有少許紅蘿蔔。味付螺肉則在咖哩飯旁。刺身包括有三文魚、帶子和有頭甜蝦。三文魚的份量十分慷慨，又厚又大塊，十分滿足。另一款則是伊賀便當，當中也是有五款食物，菜色也相對地較簡單，但味道也相當不錯。日式蜜糖烤雞翼的size小小的，煮得熟透而入味，味道香甜。師傅在日式炸魚餅上加了少許日式醬汁，味道甜甜的。伊賀便當的其他配料為日式炸嫩雞、中華沙津。當然也不少得

最近跟一班沙田的友人齊齊搵食，老實說我對這區亦不算太熟，去的地方往往只是新城市和沙田圍一帶而已。今次跟著一行四人的沙田友勇闖大圍區，一個公屋和村民林立的地區，到底要吃什麼東西呢？抵步後，原來今晚是吃日本菜。門面裝修看似是一家街坊風格的日本餐廳，我懷著戰戰兢兢的心情進去（因為在香港吃過不少難吃的日本菜）。第一道就是燒牛舌。雖然比我想像中來得厚，但意外地完全不硬和乾，肉汁依然鎖在牛舌。加上烹調中有加上醬汁、海監和黑椒，令牛舌吃上來更香口。第二道就是洋蔥豬柳飯。一粒粒香噴噴的白飯上配上充滿洋蔥醬汁的豬柳，大嚥下去亦都沒有什麼難度。第三道就是灸燒芝士大蝦反卷。蝦炸得很脆，表面的粉漿亦比較想像中少，水準比外間某些知名連鎖壽司店好。但芝士的香味不算太突出，但幸好壽司有加上蟹籽，口感上增加不少層次感。如果下次有機會再來大圍時都想再吃一遍，不過要挑一個較少人的時間比較好。

喺朋友屋企經過，見到一間都幾多人等位嘅日式餐廳，主要都係食便當，仲有好多款式嘅食物選擇，我哋就俾啲圖片吸引左入去試吓晚餐🥣。餐牌上嘅圖片有實物圖片同埋畫出來嘅圖片，圖片精緻吸引，繪畫得非常生動。而且店員服務周到，隨即俾咗幾杯熱茶我地。和風洋蔥豬頸肉粒飯用汁燒嘅洋蔥同埋豬頸肉粒鋪滿飯嘅面頭，份量好多，好大碗，而且遠處已經聞到好香嘅燒汁香味。食落去洋蔥爽口之餘，豬頸肉肉質鮮嫩，而且非常彈牙嘅口感，配以白飯一齊食更加match。炙燒芝士大蝦反卷一份炙燒芝士大蝦反卷切成6，7件，賣相精緻吸引，好多沙律醬喺面頭，食落去大蝦香脆可口，根本唔需要點豉油同Wasabi，都已經好夠味。除此之外，我哋仲叫咗火炙三文魚壽司同埋便當等等，同樣地都係餐廳嘅招牌菜。

朋友住大圍，而且佢好鍾意食日本料理，所以今次同左佢去豬屋日本料理餐廳，餐廳位置非常當眼，位於馬路旁邊，等左5分鐘就有位了。餐廳以木為主，而且燈光以橙色襯托，富有諧和氣氛，更可以坐窗邊嘅位置，可以望到馬路嘅風景。店員推介有幾款便當選擇，每一款便當都包含餐前開胃前菜、刺身、小食同埋主菜等等，非常豐富。我哋就叫咗一份和歌山便當🍱，當中包括辣味螺肉、三隻鹽燒大蝦🍤、日本咖喱飯、兩塊日本炸紫薯餅同埋兩塊翠玉瓜。當中嘅燒大蝦非常大隻，有我手板咁大，而且蝦肉爽口彈牙，非常新鮮。另外日本咖喱飯唔算好辣，甜甜地、辣辣地嘅味道，好滋味。小食我哋叫咗一份鹽燒牛舌，食落去肉質好林，而且有好濃郁嘅牛肉味道，燒得好香。除此之外，餐牌仲有林林總總嘅日式便當選擇，而且各款食物都好食，難怪全場滿座。

即興來了吃晚餐 ， 大約晚上8時多，餐廳算多人。八成的枱都坐滿了。。但也不用等位。其實食物有很多選擇，刺身，壽司，飯，拉麵，便當等等。。由於不是太餓，我只點了一碗拉麵。叉燒拉麵。主角叉燒有點兒太硬，如果淋小小口感會好一點。但湯底等味道還不錯。麵的軟硬度亦適中溫泉蛋仲幾好食添！友人叫了便當，但忘了拍照！還蠻豐富的！便當有幾種小食，還配了芝士烏冬下次可以來試！

一向喜歡吃日本料理，今次放工後就相約男朋友一齊二人世界，食個飯啦！豬屋就在大圍雲疊花園，十分易搵呢！工作一整天，當然要獎勵下自己啦！餐廳主打多種便當🍱，價錢十分親民，而且還很豐富！除了便當外，還有多種串燒呢！鹿兒島便當🍱內有豬軟骨、炸南瓜餅、刺身及螺肉💁🏻‍♀️豬軟骨煮得十分入味，而且還很腍，一點也不會太老！炸南瓜餅外脆內軟棉棉，整整充滿南瓜蓉！便當內的刺身也絕不欺場，新鮮肥美，色澤明亮呢！！🤤黃金香芒三文魚加州卷🍣作為三文魚愛好者的我們，真心沒有選擇錯呢！每片三文魚也是厚厚大大的，上面還有一大堆魚子！芒果也十分鮮甜，食指大動呀！唐揚魷魚鬚🦑即叫即炸，粉漿薄薄的，但魷魚仍保持嫩滑，口感十足，賣相也一流！豬屋🐷真是親民，主打街坊又誠意十足的日式料理，列現在也回味無窮呢！🤤

今晚放工時間又到大圍雲叠花園的「豬屋日本料理」吃飯，三人看上了數款食物。先見一看menu 🤣餐廳主打爐端燒及便當🍱款式繁多，價錢十分親民呢！「照燒蜜糖豬仔骨拉麵」的拉麵吃落爽滑而不過腍，蜜糖燒出豬仔骨得入味，濃味之餘又不會過於飽滯。「伊賀便當」內的蜜糖烤雞翼烤得入味；炸魚餅有彈性；炸嫩雞鬆化；中華沙律清爽，能中和濃味；咖哩飯甜中帶軟腍。至於「黃金香芒三文魚加州卷」則賣相吸引，厚厚的三文魚色澤光鮮，肉腴脂香；黃金香芒果汁豐盈，配合得宜；加州卷輕盈得來好吃。而且wasabi還用上豬仔頭形狀上碟，可見餐廳花足心思！值得一讚呢！「豬屋日本料理」位於田心街，交通方便，食物水準甚高，職員服務態度良好，誠意向區外食客推薦，值得光顧。

登·登·登·登！～～～今次去左大圍田心村附近既一間貼地日式餐廳「豬屋」。一見佢地個名仲以為佢地只係出名「豬」原來唔係，好多其他野都好正 就好似呢個芒果三文魚細卷超級夠料，大件+新鮮我俾5個like..鹿兒島定食，呢個定食認真唔講得笑，1個人都未必食得哂睇落好似唔係好大份，其實好足料，豬軟骨好多件，又入味夠哂淋 同埋個咖喱汁係正宗日式甜甜既咖喱汁放心個汁是濃濃的北海道定食，軟殼蟹係成個定食個重點（我覺得😂），大大件加上皮唔厚😌 裡面唔乾又好汁唔錯照燒蜜汁排骨拉麵，呢個排唔好睇佢好似黑蚊蚊咁其實好入味，個蜜汁好香，只可惜只得3件，如果再多1-2件應該會正好多😂另外，我地叫左個三文魚頭即叫即煮所以等得有點兒耐左少少，但係係值得既以上食評，只是本小姐個人食後感

工作關係, 路過大圍, 經朋友推介, 進到豬屋日本料理享用晚餐。它的確弄出美味食物, 其食物質素, 賣相及味道均好, 絕對是大圍雲疊花園的福氣。我們點了三款食物, 黃金香芒三文加州卷, 鹿兒島便當及照燒蜜糖豬仔骨拉麵。加州卷上的芒果與三文魚很夾很滑, 吃時不但有芒果的清新香, 口感豐富, 軟棉而滑的質感配上爽口的青瓜, 蟹柳等餡料, 好味! 鹿兒島便當極其豐富, 有厚厚三文魚, 帶子和甜蝦剌身, 樣子同味道都新鮮。味付螺肉爽口, 香炸南瓜餅甜而香脆, 不油不膩, 連同咖哩飯吃都好吃。豬軟骨很軟淋, 吃時其部份肉身和筋部如融化般, 很可口, 汁甜惹味。 最後是豬仔骨拉麵, 皮有點脆而香甜, 肉鬆化易咬, 湯底濃而不鹹, 拉麵彈牙。值得一試!!! 但要早點到, 大概晚上七時已很多人等位! 特別推介便當👍