一個便當就有齊吉列豬扒、日式炸餃子、日式炸魚餅、中華沙律, 3款餸都係炸嘢, 全部都新鮮炸起, 熱度十足, 夠曬邪惡呀。
吉列豬扒仲有成隻手掌咁大塊, 非常浮誇, 日式餃子外皮香脆, 炸魚餅雖然說不上彈牙但亦唔會過腍, 不過不失。
朋友見隔離檯隻芝麻雞翼好靚仔, 都唔執輸書叫返個, 熊本便當。
熊本便當有日式芝麻雞翼、香炸軟瑪蘇里拉芝士片、加州卷、中華沙律 , +$9就可以轉芝士咖喱撈烏冬。
芝麻雞翼果然無令我地失望, 外皮炸到金黃色, 咬落雞皮嘅油脂, 混合芝麻香, 惹味非常。食完唔夠喉！encore一份雞翼！
