豬屋日本料理

营业中

休息中

呢間價錢合理 都幾多選擇除左便當都有魚生、燒物、炸物可以揀🥸但我會建議揀魚生>燒物而炸物表現麻麻🥲—————————————————————🇯🇵沖繩便當 $94😋：5/10呢個便當有：吉列千層芝心豬扒、汁燒金菇牛肉卷、刺身(三文魚、帶子、甜蝦)而便當係跟日式咖喱飯同螺肉～本身就係比個芝心豬扒吸引住利申我就冇食過千層豬扒既但係啲豬扒入面係一片片咁口感唔太滿足同埋佢應該係用片裝芝士食落其實就冇咩芝士味外皮都幾香脆既但整體對個豬扒係失望既🥲而金菇牛肉卷都冇咩特別個汁唔會太咸反而刺身係最好既😂夠凍同埋都切得夠厚日式咖喱汁本身就偏甜嘅不過佢啲汁份量比得唔夠多啲汁唔夠撈晒個飯🧐🇯🇵奈良便當 $86😋：5/10呢個便當有日式炸嫩雞、薩摩流心芝士魚餅、刺身(三文魚、帶子、甜蝦)日式炸雞炸粉都幾厚 同埋唔算juicy 芝士魚餅係冇流心既感覺😂陣芝士味會重過豬扒但都唔係濃照舊魚生最ok😂🥤巨峰梳打 $12😋：6/10都幾大杯 同埋幾有味下但似係罐裝汽水針出黎🤣👅：總結而言其實佢款式幾多既🤨視覺上係幾豐盛但味道就普普通通🧐唔算難食既！雖然抵食但冇咩出色位唔洗突登去🤫可能叫燒物同魚生會好啲🥸—————

話說年30中午和大肚老婆，2歲小朋友，工人諗住食餐日本野，等完位入座，都知道會分開坐，只係我要照顧大肚同小朋友，隔離有一張枱準備走，就希望佢哋可以轉頭俾位我哋，但佢一句就話:入咗錯冇得轉，出面有人等，一係你哋出返去把幾火食都唔食掉頭就走，一世Blacklist

整體都好滿意 諗唔到食咩經常都會來吃每次嚟到要排下隊等一下 因為都多人食咖～咖哩汁好味一次過可以食到唔同野 滿足晒唔同嘅慾望價錢都好抵雞排煎到外皮脆脆的 入面都好j⃨u⃨c⃨i⃨y⃨下次想去試其他款式

無意中經過間店，見餐牌選擇都吸引，就入去試下！ 點知發現係好野😆！叫左個芥末八爪魚什錦丼，同埋照燒豬仔骨定食，附送麵鼓湯（😃足料有三文魚碎喺入面）。個丼份量好大，料多飯又多！入面除左有一般魚生粒，仲有螺肉粒👍🏼☺️個定食我揀左配烏冬，係我最鐘意既稻庭烏冬，仲要鰹魚湯底！ 超彈牙，個湯我地都清埋🤤！豬仔骨個味道岩岩好、肉質淋滑、真係好好味！🤤🤤我會再來的！但留意要早啲，否則7點後就開始要排隊了。

經過大圍，睇下openrice有咩日本嘢介紹，根本無機會試佢好唔好食，因為一入到去就俾個30出頭既女士一句彈埋黎「你入黎做咩！」下...我入黎唔係食野係咩？出面無牌無人！就算你間餐廳因為限聚令坐滿左人！我入黎同職員講聲都要喇！唔通唔出聲，企係出面等你地有人出黎先同你講我想食嘢，洗唔洗排隊呀？定係我估下你間餐廳坐夠限額未？點解態度可以咁差？連基本禮貌都無！呢d餐廳，我唔會再去！劣評餐廳，我真係第一次寫...

上Open Rice 見到呢個餐廳評價好似吾錯，就去試下，點知職員態度甘差！（坐既位太迫，見有檯客走左同職員講想轉檯，但男職員扮聽吾到無任何回應！之後陸續有幾檯客走都吾換）食物方面，叫左鰻魚便當。成個便當係涷既，鰻魚肉質鬆散，似食緊係超市買既未叮熱飯盒。好彩叫左罐可樂！環境方面，燈光比較暗，冷氣細，門柄地下有污漬，感覺吾太乾淨。價錢方面：佢既價錢吾會要求有幾好味，但至少服務態度吾係甘差，真係俾錢買難受

以前係大圍返學，間唔中放學／溫完書都會去豬屋食飯，都有好多回憶。上一次嚟係幾時真係冇乜印象，基本上裝潢都冇大變化，不過食物選擇就豐富咗好多。今日咁岩朋友想探索下大圍呢區有咩好野食，我就帶咗佢嚟呢度試下價位比較相宜嘅日本餐廳。鋪頭嘅位置唔算多，大約只有1x-20個位，經常都會坐滿客人。我自己揀咗食特選時令海鮮丼，分別有三文魚，油甘魚，劍魚腩同芥辣八爪魚，款款刺身都好新鮮，口感都唔錯，比好多連鎖日本刺身丼都要好食。跟餐仲有麵豉湯同雪糕糯米糍。麵豉湯味道就不過不失啦。朋友就叫咗鹿兒秘制汁煮豬軟骨定食同沖繩便當，賣相嚟講沖繩便當嘅吉列千層芝心豬扒就非常吸引喇，搞到我都忍唔住夾咗一塊試下味。外皮炸得好鬆脆，加埋流心芝士，呢個配搭無敵啊。呢間餐廳離大圍站大約10分鐘路程，位置唔算易搵，不過勝在庶民價格，高級享受。

每次經過雲疊都會到豬屋，成日都以為佢係間豬扒專門店，但原來唔係，原來佢係食日本野，朋友話食過都ok，咁我就再約佢一齊去幫襯下。兩個人坐低左一陣，左揀右揀都唔知食乜好，原因係因為佢好多定食，好多選擇，全部都好豐富，睇落好似好好食，每份定食價錢就大約$70-90。揀左好耐之後，最後就決定點個精選二人餐黎試下，呢個二人餐就$250，包刺身，兩個沙律，兩碗食，兩碗湯，四隻雞翼，一份主食，一份炸物，同杯$28以下的飲品。刺身有三文魚，甜蝦沙律，蟹子沙律兩碗和風醬汁飯，大大碗主菜可選照燒雞扒，雞翼同炸紫薯白桃梳打紅豆冰除此之外，我食親日本野都會點螺肉黎食的佢果螺肉係跟個紫菜同飯團，幾得意，我仲自己拎d飯團包住，整個螺肉軍艦黎食整體總括黎講，食物賣相都唔錯，睇得出廚房係有放心機落去，而且d.食物都大大份，以呢個價錢黎講，其實已經好好豐富，好扺食，值得再去幫襯

之前經過這間日式料理，排超長龍，最近想平日去應該少人，怎料人流甚多，一張枱埋單不夠5分鐘又有人。一看menu發現眼花撩亂，因為多款日本食物也有，令人有選擇困難。所以我們選了兩個套餐，一個芝士咖喱撈烏冬另一個拉麵。想不到小小的餐廳食物也很有誠意，餐湯是三文魚麵豉湯，連帶兩舊魚肉十分足料。拉麵和烏冬也算不錯，烏冬十分滑溜，配上咖喱和芝士也很大。配料也弄得很精緻，不會只有一個配菜，例如我的烏冬便配以雞翼、餃子、魚餅，滿足我每樣都想試的慾望。另外三文魚也燒得剛好，配以照燒汁很容易入口。看見別人的咖喱飯便當也十分吸引，份量超級多，雖然較貴但也算抵食。難怪逆市下仍不乏生意。不過地方較狹窄，適宜少人數才來吃。

以為係專門食豬肉嘅餐廳，入到去先知原來係日本料理（其實就係比豬屋呢個名吸引到）叫左個四色魚生丼，刺身都幾新鮮，啲飯就認真唔得喇又乾又硬仲要冇乜味。。。勝在跟飯有碗好清嘅應該係味噌湯，同一粒雪米糍串燒拼盤就不過不失，為左串牛舌而叫嘅都不錯，唔會燒到硬哂咬唔到。反而串豚肉有啲驚喜，有油香又腍個金龍卷等左大半個鐘食哂其他野先尼到，啲飯仲係熱嘅所以紫菜同炸蝦都冇咁脆。隻蝦都新鮮嘅，如果飯冇咁熱，應該會更好味

難得經過大圍，順便食埋飯。之前都聽過呢間餐廳，今日終於有機會一試。夜晚6點去到餐廳，入面已經有一兩枱客人，唔洗等位就可以坐低。Menu入面每個定食都以日本唔同地區名命名，好得意。我叫左一個沖繩便當（即係吉列千層芝心豬扒、汁燒金菇牛肉卷、刺身（三文魚帶子甜蝦）、咖喱飯同味付螺肉）。最值得一讚係個吉列千層芝心豬扒，食落去好鬆脆，唔會話好乾，亦都唔會話食哂全部會好漏。美中不足係我覺得個金菇牛肉卷如果可以再熱番少少會更好，同埋包得有d實。

7/10/2019 @大圍 豬屋呢間餐廳由細食到大，雖然加過幾次價，但係整體質素亦有所提升如果想食豐富啲就可以簡便當。 便當選擇超多遊六十幾蚊到過百蚊都有， 有啲可惜嘅係便當嘅餸唔可以自己配搭，一定要跟餐廳安排的選擇……宮崎便當 $7x汁燒茄子， 茄子燒到入曬味，而且醬汁非常多，亦都比較濃味，配飯一齊食會比較好！汁燒蟹棒，燒得香而不太乾，仍然有蟹棒的口感和香味燒雞扒！非常可口！香口之餘不膩！ 肉質唔會嫩到覺得生，又唔會太熟得太乾！而且份量超多！鹿兒島便當 $8x汁燒豬軟骨絕對係這間餐廳的鎮店之寶！ 入味之餘，豬軟骨一啲都唔硬，而且係呈啫喱狀的軟骨，有骨膠原的感覺！炸雞， 有日本的味道！香口而且juicy魚生和日式咖喱飯也是不錯的！ 星期六日要收加一服務費哦

同朋友住喺大圍一段日子，都冇乜點一齊喺大圍食過飯。是日有時間可以一齊食個lunch, 就去咗出名抵食嘅日本餐廳豬屋。由屋企行過嚟大概10分鐘，weekday lunch都坐得七七八八，好彩都有位唔洗等嘅。唐揚芝麻香雞翼拼蒲燒鰻魚壽司烏冬定食 ($69)同朋友好有默契咁揀咗呢個，幅圖望落好豐富好飽，實物嚟到都真係幾豐富，仲有粒雪米滋添。雪米糍建議食咗先，如果吾係最後先食就會溶晒。雞翼有三隻，鰻魚壽司兩件，烏冬入面有海帶、粟米、半隻糖心蛋同鳴門卷，都叫做有啲配料。另外仲有麵豉湯。樣樣嘢都唔錯，以呢個價錢黎講，真係抵食到爆，作為大圍街坊，有時間嘅話都會嚟支持支持。

因為想去看文化博物館的大英展覽，所以到了大圍覓食。這次就選擇了一間專做便當的日本餐廳——豬屋。香港很少有專門做便當的餐廳，有的也大多做外賣生意，飯菜也冷掉了，我就不太喜歡。便當的一大特色是一個便當裏會有數款菜式，可以是不同種類的食物。這次與男朋友兩人分別點了兩個便當，京都便當和宮崎便當。宮崎便當菜式有七味粉燒豬頸肉、鹽燒青花魚和燒菠蘿。便當裏放的是咖喱飯，咖喱汁甜甜的，是典型的日本風味。咖喱汁內有一點紅蘿蔔和薯仔粒，味道很好配飯，不錯。👍🏻 燒豬頸肉的賣相平平，吃起來有一股香口的炭燒口味，味道鹹中帶辣，有驚喜！鹽燒青花魚魚肉只有少量刺，吃起來很方便。調味也恰到好處，適當的鹹味與魚肉很配，魚肉質地比較實淨。燒菠蘿就沒有特別了。京都便當這個便當是男朋友點的，我想了一塊照燒雞扒，典型的日式雞扒。雞扒煎得香口，配上鹹鹹甜甜的照燒汁，容易配飯。另外的蟹棒和茄子就沒有太大特別，普普通通。推薦的話：宮崎便當〉京都便當我對這家便當屋整體的評分挺高，每款菜式都有用心烹調，吃起來也是熱的。部份坊間做的便當，菜式都是提前做好，吃的時候只是溫的，有時候更是放涼了。價錢來說也不算太貴，每人也不過$100。對便當

一直以來對 大圍美食的印象都離不開火車站附近，殊不知約舊同學見面，搜尋附近食肆時，竟留意到Openrice有些評語說CP值高的這間 主推日本便當的餐廳。雖然不太熟悉大圍地理位置，但經朋友指路，在港鐵大圍站B出口乘搭68K小巴、叫「水龍頭站」有落，過對面馬路往右直走5分鐘，到街口轉左行前幾步便找到。以「平民價」提供晚市定食的食店買少見少，一個豐富的便當售$65已是驚喜價! 閒日晚上六時多，店內仍可自由選座位。兩個人叫了一個水戶便當和一個蒲燒三文魚腩燒汁飯。五樣食物夾成一個便當賣相顯得豐富，晚餐來說很滿足。-左上、下：豬軟骨 + 加州卷-右上、下：天婦羅蝦 + 中華沙律 + 甜咖喱飯評: -豬軟骨軟腍、入味，讚!-天婦羅蝦炸粉稍厚，蝦都算大和爽，推!-加州卷多蟹籽 + 甜咖喱飯 -- 不過不失。我沒有正式問過朋友的食後感，只好憑目測。4塊三文魚腩看上去有點乾，魚皮有少許燒焦，配菜方面若多添一些更能減少整個飯的單調感，而且見朋友食完還剩了點飯，可能要再叫其他小菜才夠。店內棕色的餐桌使氣氛變得溫馨，讓人有可放鬆短聚的感覺，即使是家庭式聚餐，亦有大檯可選擇，至於食物用符合港人口味的日式料理設計，