豬屋日本料理

营业中

休息中

朋友住大圍，帶咗我嚟呢間民居附近既小店，幾有特色！朝日便當和風燒汁飯+蒜香牛油燒三文魚扒+蒜香牛油北海道帆立貝2件+烤鮮菠蘿2件+味付螺肉呢個便當好豐富，款式多，想特別讚吓佢個燒菠蘿，好甜而且好暖～三文魚扒都好多肉新鮮～係一個好豐富嘅便當炙燒芝士大蝦飯卷（8件）賣相好靚，佢個吉列蝦皮脆肉厚，壽司飯都好味灸燒帶子壽司帶子鮮甜，我覺得佢燒得唔夠平均，應該可以再燒多少少三色花之戀花之戀喺香港嘅名物，緊係要叫下～佢個三文魚好鮮甜肥美，食落去有油脂味，好正！青柑桔柚子梳打、清爽西柚梳打柚子梳打因為有柚子皮同埋兩粒青檸，甜酸度適中好好飲！特選燒物盛有好多款式，例如鰻魚、牛舌、雞肉等等。我覺得佢都整體都OK嘅，最鍾意牛舌，因為佢本身都幾淋！鰻魚無骨而且肉幾淋～

之前就有留意呢間餐廳，見呢日收早就過黎買外賣返屋企慢慢食，街坊小店，呢日見到都唔少學生幫襯。舖頭細細，但食物選擇都幾多，有便堂，丼，拉麵，小食串燒等等最後叫左個和風便當，可揀燒汁/咖哩汁有三文魚扒，燒帆立貝，燒菠蘿，味付螺肉份量都幾多，三文魚煎得香口，配上惹味日式咖哩汁，真不錯另外叫左個築地海鮮丼外賣仲會一個小乾冰包埋，熱天都唔怕魚生厚切 肥美又鮮味，入口帶油脂，屋企人都好鐘意下次經開要再試下其他！

朋友住係周邊屋村朋友介紹呢間小店我又喜歡幫襯小店就去試試啦原來有便當，壽司，刺身，小食一人套餐，仲有多人套餐𠻹雖然細細間但係算多選擇打開門見到小店裝修都似日本小店沒有menu 睇因為用QR code 落單又可以睇吓自己d order除時改唔係怕麻煩人我地叫咗便當，壽司同埋卷物👉🏻名古屋便當和風燒汁飯(蒲燒饅魚+日式炸嫩雞+日式圓蔥魚餅+味付螺肉+咖哩飯)如果唔想要咖哩汁可以要燒汁👍🏻仲可以加錢轉其他麵食例如烏冬...等等👉🏻灸燒芝士軟殼蟹反卷將芝士放係飯團上面燒好香👉🏻限定壽司"吞拿魚腩蓉軍艦"😋吞拿魚蓉份量好足$26/2pcs 👍🏻👉🏻灸燒帶子壽司 $32小店沒有加一👍🏻

今次咁啱喺大圍附近所以回訪豬屋~🍜汁煮豬軟骨拉麵(豬骨湯) 💰65 豬軟骨頗大件&淋身，幾抵食👍🏼溏心蛋甜甜哋相信有調過味，湯底濃郁，拉麵都好多所以食哂真係好飽🫠🍱福岡便當 💰80 (吉列豬扒1件、汁煮豬軟骨2件、日式圓蔥魚餅1件、咖喱飯、味付螺肉)豬軟骨同樣淋身，雖然係外賣不過吉烈豬扒塊皮都唔會好淋/濕，只係有啲可惜佢有部分同啲肉分離咗😢但係份量一樣充足🫃🏻🍱朝日便當 💰97 (蒜香牛油燒三文魚扒1件、蒜香牛油北海道帆立貝2件、烤鮮菠蘿2件、燒汁飯、味付螺肉)呢款上次都食過：揀咗燒汁，但係比較似豉油所以應該咖喱好食啲🥲 帆立貝算大隻仲好乾淨，三文魚煎得香，菠蘿多汁🤩

三文魚扒睇落精神，表面有金黃色焦而且唔會太燶。聞到牛油香但係唔蒜香，香味唔濃。表面香脆但內裡少乾無咩汁，味道同聞到一樣 有牛油味無咩蒜味，味道唔會過鹹。總體黎講係好食ge！至於螺肉同麵豉湯就太普通了，記得以前飲個麵豉湯會有三文魚肉塊，非常有誠意，宜家就無了。服務方面，原本我地5個人，第五個未到就坐住4人枱先，等另一6人枱走我地就shift過去，但係d野食竟然快過人到，變左要自己搬d野食去另一張枱，都幾le hea🫣

收咗工唔知同朋友食咩好，咁啱我屋企附近有一間店面好靚嘅日本餐廳，於是我同朋友就入咗去試吓啦。餐廳入邊好多嘢食，包括便當套餐，拉麵套餐，仲有壽司、刺身、串燒小食添，真係好令人吸引呀，唔知揀咩好。炙燒帶子壽司（$32)帶子本身已經非常新鮮，加埋炙燒完帶子嘅香味完全散發出來。三色花之戀（$69)餐廳最大嘅特色就係所有嘅刺身例如三文魚、海膽都係非常之新鮮，完全冇一啲腥味，真係好值得大家去試清爽西柚梳打（$20右）青柑桔柚子梳打（$16左）夏天天氣咁熱呢就最啱飲番啲冰涼嘅梳打，呢兩款梳打都非常之解渴，西柚就係酸甜酸甜而青柑桔更加係非常之解渴啊，而且唔會太甜呀，飲完真係爽呀！和風燒汁便當（$95)呢個便當就非常之豐富，而且性價比非常高。一邊有三文魚扒、帆立貝、燒菠蘿、海螺。炙燒芝士大蝦反卷（$60)

結論: 份量足、抵食同朋友喺大圍想食個late lunch 就入左呢間度諗住叫個便當加啲小食share首先講下個十和田便當先($88)，入面有4件照燒雞、蒲燒鯛魚腩、味付螺肉、兩大件燒菠蘿、白飯同照燒汁。雞都幾入味而且冇雪味，處理得幾好，鯛魚腩個味略嫌俾個燒汁掩蓋左不過食落口個油份都ok keep到唔會太老，螺肉正常發揮啦，燒菠蘿好甜！overall 係非常之抵食！另外就係個香芒蟹棒蟹子粟米沙律($50)，同樣都係份量好足嘅，值得一讚嘅位就係芒果好甜，不過就真係有啲太多沙律醬，令到本身應該清爽嘅沙律有啲漏啦。壽司嘅部份同朋友嗌左醬燒三文魚($20)同埋炙燒蒲燒鰻魚加州卷($42)，基本上都係正常發揮不過不失啦，但呢個價錢黎講再加埋安靜舒服嘅環境真係好抵！

姐姐番鄉下，天氣又熱，放左工唔想住就係附近買外賣啦。細路異口同聲話日本野，就諗起豬屋，因為之前無論堂食定外賣質素都好好。特別外賣，之前叫過food panda,係疫情下衛生係我最concern,因網上太多恐怖偷食片。但豬屋外賣超衛生，唔單止包得好密實。今次簡左脆香吉列套餐$85拉麵彈牙爽口，無梘水味。吉列炸物番到屋企又脆又熱，最好食係吉列蝦。青森便當$75咖喱飯又香又唔那辣，小朋友都食到。豬頸肉好入味，仲有螺肉，好味。奈良便當$75燒汁飯都好味，炸魚餅好吃，炸雞好juicy 一d都會乾柴柴

豬屋係一間比較隱蔽嘅日式餐廳，前排見到佢menu有更新，多咗啲便當款式(仲有刺身拉麵烏冬⋯⋯)，外賣 packing都好好；如果想喺大圍食decent嘅日本嘢但又唔想咁貴都係一個好選擇👍🏼🍱宮崎便當 💰78 (照燒雞排1件、七味燒豬頸肉3件、照燒茄子、咖喱飯、味付螺肉)便當嘅飯可以揀配咖喱/燒汁，咖喱係甜嗰種、有啲淋嘅紅蘿蔔粒幾好食😋不過我哋覺得個照燒汁太濃，豬頸肉就唔太有肥膏/油香 (但係怕肥嘅人會鍾意!)，同埋略嫌螺肉唔夠彈牙，不過其他嘢都唔錯！🍱朝日便當 💰95 (蒜香牛油燒三文魚扒1件、蒜香牛油北海道帆立貝2件、烤鮮菠蘿2件、咖喱飯、味付螺肉)呢個揀咗燒汁，但係比較似豉油所以應該咖喱好食啲🥲 帆立貝算大隻仲好乾淨，三文魚煎得香，菠蘿多汁🤩🍱佐賀便當 💰88 (蒲燒三文魚腩4件、炭燒雞肉串2件、挪威三文魚壽司2件、咖喱飯、味付螺肉)蒲燒三文魚腩味道似鰻魚，不過自己覺得好似太多醬同埋少少腥，重口味人士之選😂 雞肉串正常、調味ok；三文魚壽司都唔錯，食到係日本米同埋有加醋👌🏻

見到個名咁得意😎即刻買外賣試吓先！外賣pack 得超好,返到屋企都冇倒瀉嘢👍🏼而且冇俾漏醬汁叫咗個名古屋便當🍱，估唔到入邊有咁多美食。一個便當滿足晒所有要求，有鰻魚,有味付螺肉，有魚餅，有炸雞🍗😊簡直好似叮噹嘅法寶袋咁 要咩有咩😆超滿足！ 另外仲叫咗三文魚壽司同埋玉子壽司🍣 我冇食三文魚壽司，但奶奶話超級新鮮，好肥美👍🏼$21 有兩件真係超級抵👍🏼滿足晒佢呢個三文魚粉絲💓另外叫咗個芝士炸蝦反捲，返到屋企仲熱辣辣，香脆卜卜，10分推介👍🏼👍🏼經過今次之後一定會再encore呢一間！

大圍區有好多小店，我哋今次晚餐來到豬屋食日本野😊 呢間餐廳位於田心村，喺大圍站落車之後, 行10分鐘左右就到。裏面嘅裝飾都幾得意，都幾有心思。有唔同嘅poster，有車站站牌，亦有熟悉嘅零食裝飾，頗用心！估唔到呢間小店嘅菜式選擇非常之多！我哋兩個人，呢日晚餐嗌咗一便當，一飯，一甜品。—————-因為這天希望食魚，我哋點咗呢一款便當，上枱嘅時候發現原來好豐富！先食三文魚壽司。魚生都好肥美，好滿足😊比我們預期嘅大件。三文魚腩連同醬汁味道不錯，配飯食非常滿足！另外，日式咖喱醬汁味道都幾濃郁，下邊仲有紅蘿蔔粒，增加口感。而家雞串都唔錯，香口，雞肉嫩————-相信呢度叫豬屋豬扒應該唔錯😊 豬扒香脆，調味合適，裏面嘅芝士溶化，好滿足！———甜品精緻，外層蛋糕鬆軟，裏面嘅忌廉餡料香濃。如果大份啲會更好😊總括嚟講，今次食呢個晚餐都幾開心，品質不錯，價錢合理

平日於大圍做facial，都會搵吓附近有咩好食。今次行遠少少，去左雲疊睇吓有咩地道小店，見呢間餐廳平日都坐滿人，於是就決定試試。餐廳用手機自助落單，一打開餐牌，估唔到咁多野食…有好多款唔同嘅便當，便當入面有啲食物又可以轉(例如拉麵可轉咖哩飯)，然後又有佐酒小食、有壽司又有刺身，我揀食邊款都用左10分鐘🤣最後，因為好想食香芋丸而揀左呢個套餐(滋味雞翼套餐）。套餐入面有三文魚味噌湯，湯入面係有好多塊三文魚肉，所以味噌湯入面都有三文魚嘅香味，唔係用粉沖出嚟果種。蜜糖烤雞翼同名古屋炸雞翼，我鍾意後者多啲，因為我好鍾意食芝麻雞翼，佢炸得脆口又唔乾，好味👍🏻咖哩飯都幾大碗，甜甜地幾開胃。三文魚壽司食落唔腥，仲好肥美，啲壽司飯亦軟硬適中，唔錯👍🏻香芋丸依然都係我好鍾意食嘅炸物之一❤️另外再點了三色刺身拼盤，三文魚、油甘魚和有頭甜蝦各兩件。三文魚同油甘魚都屬於厚切，而且新鮮又肥美，估唔到喺呢個地方可以食到呢個質素嘅刺身❤️因為有好多餐廳油甘魚都會偏腥，呢間嘅油甘魚望落已經冇太多粉紅色，食落又冇腥味👍🏻食物種類真係好多，相片數量有限，只可以upload咁多…下次做完facial又可以再嚟食吓❤️

經過呢間日式食店，見到好多外賣平台嘅人嚟拎外賣，估計食物質素一定唔會差，所以同朋友入去一探究竟！入到去人頭湧湧,原來堂食都差唔多full house,好彩仲有少量位置好朋友唔需要等位就可以直接入座，睇返呢間食店嘅裝飾都非常有心思，每一樣裝飾品，都係精挑細選😀比想像中價錢合理，而且選擇好多🤩秋田便當～啲人成日都話餐牌中嘅圖片係只供參考，但實際呢間小店竟然可以做足九成，非常精美，份量同圖片中絕對相符！特別欣賞豬軟骨，非常入味而肉嫩，每一件都係完整嘅，咬落去仲啖啖肉添！旁邊嘅炸豬扒都非常香脆，炸漿亦唔算厚，沾上沙律醬，簡直一流😋😋日式炸雞拼吉列炸蝦咖喱烏冬～朋友食呢個烏冬，覺得咖喱汁份量剛好，炸物香脆，都幾抵食😝我哋各自點左唔同嘅飲品同湯品，完結咗完滿嘅一餐🤗

一直都以為大圍係一個冇乜好嘢食嘅地方🤣 朋友介紹咗呢間日本便當餐廳俾我 話呢間啲便當大件夾抵食 今日嚟咗試 果然冇介紹錯喎🤓鹽燒三文魚頭餐牌上面寫到明連埋魚鮫 三文魚頭嚟到嘅時候仲好熱辣辣🐟 店員將魚鮫收藏咗喺魚頭下面 一拉出嚟見到魚鮫都有好多肉 食落口唔會過分油膩🥰北海角切雜錦魚生丼呢個丼飯有碗三文魚味噌湯附送 材料有海帶同埋三文魚肉 夾上嚟都見到有幾多件㗎😗 而且個湯唔會太鹹 好適合我 雜錦魚生丼入面有 三文魚 白身魚 海螺 蟹柳 蟹籽 玉子 青瓜 魚生份量多☺️ 食落口好豐富青森便當嚟到呢度當然要食佢嘅推介菜式 便當啦😊 我呢個係全豬宴 有七味燒豬頸肉 5件 豬頸肉燒得好乾身 比較有咬口🐷 汁煮豬軟骨 2件 個人最鍾意呢個餸 豬軟骨煲得好腍身 而且好入味 甜甜地嘅醬汁好好送飯 味付螺肉 呢個係我好鍾意嘅前菜😂 同埋粒粒蟹籽加州卷 3件 加州卷入面有蟹柳 玉子 青瓜 面頭有沙律醬同埋蟹籽 主食方面我哋揀咗咖喱飯🍛 係日式果種甜咖喱 仲可以揀多汁同多飯 多飯就好似一座小山咁 多汁就係另外再配一兜汁😮 咖喱汁入面仲有薯仔蘿蔔等嘅配料呢間都可以算係街坊人氣小店 一路食都留意到有幾多一家大細

去到大圍雲疊花園呢間日式小店，平日晚上都有唔少人等位。睇睇餐牌原來有多款套餐，非常經濟實惠！有壽司、刺身飯、日式便當等等。餐廳仲唔駛加一，真係超抵！▶️成田便當🍱$88便當非常豐富，有蒲燒原條秋刀魚1件 、黑椒照燒雞2件、味付螺肉、咖哩飯、粒粒蟹籽加州卷3件。飯揀咗咖哩飯多汁，正！照燒雞幾滑，秋刀魚配上蒲燒汁幾惹味。▶️特選五色丼$98有三文魚、北寄貝 、帶子、赤蝦、海膽，配三文魚味噌湯。呢個價錢刺身飯幾豐盛。赤蝦幾大隻鮮甜，三文魚及帶子都鮮味。其他刺身都唔錯。