象泰宴

营业中

休息中

這一晚因為工作而來到屯門, 留意到有間泰國菜館, 看看手錶原來尚有時間, 不如先試試這裡的泰國菜才回家。飲品方面, 先點了珍多冰, 一條條的珍多，再加上椰汁冰是頗好喝。來個泰式生海蝦, 賣相方面與坊間泰菜店的不同，以小巧玻璃杯盛載,蝦肉口感爽脆鮮甜，配上了泰式青檸辣汁, 十分滋味。也試試泰式經典明爐烏頭，整條半熟的烏頭魚放在爐上, 淋上些酸魚湯, 再加熱後便可食用, 烏頭肉是鮮甜嫩滑,也沒有什麼腥味, 配合魚湯的酸味, 就更加惹味, 很快便吃剩一排魚骨。賣相已經討好的象泰去骨海南雞配油飯(例牌)，雞肉整齊排列, 雞肉烹得唔會太熟, 無骨海南雞食落啖啖肉,肉質嫩滑非常, 雞皮好滑，雞味夠濃, 油飯也有水準, 食落味道豐富, 油飯有香味，飯粒極有咬口，同雞肉的味道配合得非常夾, 蘸上酸酸地又有少辣的醬汁, 吃起來更醒胃。個人覺得這裡的泰國菜水準不錯, 價錢也不貴, 整晚人客不絕, 也是旺場。

同朋友遊車河黎開呢頭，又突然想食泰國野，於是就搵到呢間象泰.宴喇。座位闊落，坐得幾舒服。我地係下午茶時間黎食，兩點就有下午茶餐。我叫左個喇沙湯米粉，湯底幾香幾濃，料都算係多。有青口肉，蝦，豆卜，芽菜，蛋同蟹柳。朋友就叫左咖喱牛腩飯，聞落都幾香。佢個飯係午餐黎既，加$18有三隻雞翼，雞翼都okay，唔乾身。凍飲都係加3蚊，見隔離檯有青檸梳打水同埋椰青可以做升級飲品我個下午茶餐就$38，午餐咖哩飯就$56。份量足夠，味道唔錯

紅色花園泰式燒原條魷魚配酸辣汁最近兩個月約大家去市區吃飯，總是不成功，為求今晚飯局順利，我都約大家在屯門吃晚飯，在自家地方吃飯沒可能不來吧? 今晚終於可以跟大家見面，太感動了。在看餐牌的時候，店員給了我們一籃炸蝦片，讓我們邊吃邊選擇餐點。蝦片炸得香脆不油，帶點黑椒香味，非常過癮，不一會我們已把炸蝦片完全清空。其中一位朋友最愛的泰國金柚子蝦沙律出場，泰國的柚子沙律與日式，西式的很不同，佐以花生碎，蝦乾提味，金柚子酸酸甜甜，蝦隻爽口彈牙，開胃無比。象泰宴的泰式燒原條魷魚配酸辣汁我倒是第一次吃，我們都力推這燒原條魷魚，完全考驗廚師的功力。因為魷魚本身頗厚肉的，但燒太久又會變得很乾不好咬，這魷魚燒得恰到好處，外脆內軟彈，大家都超愛。泰式菠蘿海鮮炒飯所用的泰國香米炒得粒粒分明，裡頭還有大蝦，青口等海鮮，用料豐富，肉鬆，腰果，葡萄乾把炒飯調配出不一樣的風味，滿足大家的味蕾。泰式小食拼盤(小)炸雞翼炸得金黃帶著微脆，雞肉肉質軟嫩，調味剛剛好。串燒炭烤把香氣逼出來，火候恰恰好，肉質厚實，咀嚼嘴裡透出肉汁，完全不乾柴。蝦餅個頭挺大，富有彈性，細緻鮮美，非常討好。我們老是常吃泰式明爐冬蔭功烏頭，因為冬蔭功

住開屯門嘅朋友推薦呢間泰菜 所以tea time黎試吓青咖哩雞配多士🥘雞夠滑 配料充足 青咖哩好香 配埋多士一流。多士係厚方包 焗到微微香脆👍🏼如果俾多啲就perfect牛油雞翼配泰式沙律🥗泰式沙律又酸又辣 仲有花生粒 食到停唔到口！雞翼又夠大大隻 牛油味濃

屋企附近搵嘢食，見小曼谷舊址 象泰宴裝修靚靚 地方大大，試吓啦！全新嘅感覺，見到花咗心思😌而且非常闊落！消費就有免費小食，即炸泰式蝦片😋😋枱枱都叫左杯百香芒芝，即刻點嚟試吓，好飲，芒果🥭香，面頭個啲重係芝士嚟㗎😛泰式菠蘿海鮮炒飯超級大碟，用上鮮菠蘿🍍夠乾身，海鮮料多，仲有腰果呢😛去骨海南雞配油飯同樣大碟😂😂油飯夠香夠乾身，喜歡海南雞醬，惹味😋泰式燒完條魷魚配酸辣汁$108 超抵食，好大條，即叫即燒要等20分鐘，用嚟送啤酒一流燒牛油蒜蓉大花蝦都係$78有兩隻，只蝦大到好似隻碟咁長😂😂星期一至五仲要免+1，真係好味又抵食！埋單每人百幾蚊，已經食得好豪😎😎絕對有下次

置樂小曼谷易左手，都係泰菜，不同之處，呢間環境好好多🤩🤩裝潢 有泰國特色，坐位非常濶落！胃口都好D呀😂😂仲有usb 叉電，細心未入門口，店員已招呼👍👍俾左卡位，好似日本菜咁，好高私隱度😍😍一坐低已經有泰國蝦片，好香口，食住點菜，不另收費架😬😬必定要試 象泰去骨海南雞配油飯 超大碟，油飯香口，粒粒分明，海南雞很嫩滑，醬汁配搭得很好不太辣😋😋炭燒豬頸肉很有特色！賣相一流👍👍熱着食，冬天啱曬食泰菜當然要食炒椰菜啦😆😆不過不失燒牛油蒜蓉大花蝦好抵食 $78有兩只，係超大隻，好扺食，蝦肉彈牙鮮味，唔錯!飲埋椰青先夠圓滿發掘到多一個飯堂啦！平民價錢高級食物👍

對於我呢啲咁熱愛泰國嘅人，久不久就想飛奔過去一趟，可惜假期唔多，想飛都飛唔到🤭思鄉病發唯有搵間泰國菜頂頂癮🤣元朗嘅泰國菜食過好多間，平嘅唔係好好食，好食嘅都唔平，開飯見到屯門置樂有間開咗無耐嘅食評唔錯，癮起放工即刻走過嚟，星期一嘅晚上到達時7點多，座位居然已坐滿9成😅好彩剛有卡位客離開，確係好彩一坐低店員就送上一份蝦片，脆辣香口還意外發現有插頭差電位，加分Menus 選擇多而且有不少推介食物泰式明爐烏頭上枱已經有陣陣濃郁泰式香料味道，魚肉好嫩滑，泰式汁酸酸辣辣好開胃黃咖哩波蘿炒花甲呢個實在很驚喜，本以為係普通小型花甲，但原來隻隻都係湯匙咁大隻，而且每隻都脹卜卜仲好新鮮，黃咖哩味道唔太辣好啱我地，如果唔係太飽直係想叫個蒜蓉包點醬食網包雞絲金邊粉網包其實係蛋薄薄蓋住金邊粉，粉質QQ彈牙，份量足蝦醬粉通菜去泰國最鐘意食morning glory 同椰菜苗，呢度嘅通菜係深綠色嗰種，嫩口無渣值得一讚店員個個都招呼周到又笑容滿面，食得開心，仲要喺咁好嘅服務係免收加一服務費如果一至五7:30前離座有8折雖然今日享用唔到8折優惠，但埋單都係390免加一，我覺得好抵食呀！難怪平日都咁多人幫襯啦

筆者難得放假，約了附近工作的朋友吃個便飯。去年曾經品嚐過「象泰宴」的下午茶餐，今次則是在午飯時間光顧。入座後，店員便熱情詢問要否飲用中湯。自問是湯怪的筆者當然連聲說好，今天例湯是花生雞腳湯。拼盤有4款泰式小食，都是煎炸物。月亮蝦餅啖啖起膠蝦肉，頗為彈牙。炸春卷包著的都是菜蔬類，入口清新但味道則略淡。酸辣雞翼有2隻，炸得香脆惹味。雞肉串燒烤得金黃，但肉質有點實。年多前到訪「象泰宴」的另一間同區分店時，也有點過這道菜，今次再點可謂食過返尋味。豬頸肉爽口不韌，煮得蠻入味。椰菜苗炒得香，連同辣椒、炸蒜共冶一爐。而加了馬拉盞，亦令整個菜苗煲更加滋味。賣相相當美麗的海鮮焗飯，不要小看這一個椰青殼，飯量也是頗多的。白飯配了濃稠椰汁，每一口都是濃烈椰青香。但多吃會感到有一點漏，也許筆者本身不嗜甜。海鮮量也有很多，如青口、魷魚、鮮蝦等，種類豐富。點餐時店員大力推薦的飲品系列，想不到泰式餐廳也可以喝到芝士奶蓋飲品。碧深映紅其實就是芝士奶蓋火龍果。每一口都有紅肉火龍果肉，芝士奶蓋咸香但不夠挺身，味道不算太甜，但整體來說也是不錯。

同朋友今次嚟左食泰國嘢，依間喺翻以前食小曼谷嗰個位，平日夜晚嚟到，全條街同店舖人流都唔算多，好舒服依間店裝修都幾靚，坐位比之前闊落，咁當然喇，價錢都會反映番一般泰菜餐牌有賣既嘢佢都有一坐低，就有蝦片食脆卜卜，好正豬頸肉，個presentation 好靚，份量都唔小，有嘢熱住d肉，可以慢慢食，唔怕d油凝固左春卷擺盤好靚，同樣地入面都好多料，有粉絲，雲耳等依個勁野味，明爐花甲鍋，不過唔識得辣嘅朋友要小心，因為佢入面啲粉絲吸晒啲汁，會偏辣同重口味，不過我覺得好好食，花甲都係冇沙嘅，加埋好重嘅蒜蓉同辣椒味，係好食嘅！勁多料，係勁多料，多到粉都見唔到，同埋係好食既！每樣嘢都好入味，牛肉調味好好，又有菜，菇，蘿蔔，粟米乾等，份量都唔小，好食呢度啲服務員反應快，有禮貌，會經常幫我地加水收碟等，同埋因為我係平日嚟，係唔洗加一既

我久唔久都會去屯門搵朋友順便食飯，今日嚟到呢間餐廳是朋友推介的。係openrice見到很多人推介「泰國金柚沙律」所以叫左一個來試試。果然係好好食。大蝦有4隻爽口彈牙。大量酸酸甜甜的金柚肉我好喜歡，另外還有一些炸蒜和花生醉提升味道。泰式生蝦（6隻）賣相很漂亮， 每個杯子裝住一隻蝦和泰式醬汁。蝦肉彈牙新鮮而且很大隻。醬汁味道亦出色，味道酸辣刺激，推介！象泰小食拼盆（大）見到d小食相好吸引樣樣都想食所以叫左個拼盤。比想像中大份。有蝦餅，淩魚餅，紙包雞，雞牛串燒各一串，春卷，雞翼。 我最喜歡的是蝦餅，真才實料而且非常彈牙。原椰青海鮮焗飯賣相很靚。食落去亦很有驚喜。一上台時飄來陣陣濃濃的椰香味， 咬落去味道十分香軟creamy每粒飯都有沾上椰香昧而且不會感覺很濟。味道弄得剛剛好，很好吃。黃金戀人其實是芝士奶蓋菠蘿沙冰。上面的奶蓋做得很出色，厚厚的一層很香很滑亦很creamy，上面灑上芝士粉帶咸香味道好正。菠蘿沙冰亦份量十足，菠蘿冰的份量調配得剛好，飲到最尾都有菠蘿味。碧深映紅這個是朋友叫的，其實是芝士奶蓋火龍果沙冰，朋友說他味道很清新不太甜，好好飲。呢間餐廳食物美味而且食得飽飽，性價比高，下次約

今日去咗屯門嘅象泰宴食晚飯因為附近嘅小曼谷實在太太太多人等位了一坐低店員就送左蝦片俾我地食🥰咁我哋就可以一路食 一路睇menu叫左串燒 泰式生蝦 咖哩軟殻蟹麵包 鮮蝦金邊粉 生蝦好岩鍾意食辣既朋友 辣得好過癮🥵醬嘅味道亦都調配得好濃烈軟殻蟹+咖哩+麵包 配搭得好好 份量都預得岩岩好 軟殼蟹酥脆 咖哩唔算辣 好香 咖哩同蟹夠你食哂成個包最鍾意個金邊粉 d蝦好新鮮 個蛋網整得好有水準 影相時賣相一流 成個粉炒得非常入味👍🏻👍🏻

一坐低就有蝦片送D蝦片好送脆好好味我地點左小食拼盤 $148泰式生海蝦 $88招牌去骨豬手煲 $98越南生牛肉湯河粉 $68原隻椰青海鮮焗飯 $88碧深映紅 $36百香芒芒 $36黃金戀人 $36小食拼盤 $148因為裡面有好多野唔系好記得有咩大概有春卷，荷葉包雞，豬肉串燒，雞翼，蝦餠等等我最喜歡食荷葉包雞同蝦餠荷葉包雞D荷葉香味入曬D雞度蝦餠好香，應該有香茅，好正！泰式生海蝦 $88哇，這個真的不等了，實在太好食！！！點講呢？蝦，好新鮮，肉好有彈性個汁超正，好香，香得黎又少少辣，好開胃賣相更是無得頂！必食！！！招牌去骨豬手煲 $98好淰好入味，啖啖肉份量好多，我地幾乎食唔曬越南生牛肉湯河粉 $68從顔色可以分辨到，D牛肉好新鮮牛骨湯頭好美味加入洋蔥，蔥，香葉等配料提香又有牛骨的鮮味，感覺又好清新還有D河粉質地都好好，好彈牙原隻椰青海鮮焗飯 $88店家好有心，將D椰肉切成細細條放入飯中混合海鮮攘入個椰青D飯好香椰子味，好清甜碧深映紅 $36百香芒芒 $36黃金戀人 $36本別係火龍果，芒果，菠蘿特飲我肯定他們用新鮮生果整的唔系邊有咁香咁甜頂頂仲加左奶蓋我覺得36蚊認真超值，街邊一杯無釐

呢間泰國餐廳新開冇耐，之前同朋友食過一次唔錯，今日就帶女朋友試下😆我地6點幾就到咗，發現原來依家做緊7點半前埋單有八折優惠呀！見咁抵就一於嗌多少少嘢食🤭小食方面，我地嗌咗鮮蝦扎肉紙米卷、半打沙嗲串燒、燒尤魚筒同埋我最中意嘅泰式生蝦❤要特別讚下啲串燒，不單只大大份而且香脆多汁，唔會燒得太乾😋泰式生蝦都好正，有兩款唔同嘅味道，新鮮得黎又唔會太辣，食得過癮👍🏻由於嗌得太多小食，主菜只係嗌咗海鮮炒貴刁，佢炒得唔太油，配料都幾多下，有唔同海鮮，份量都幾多，所以食得好飽好滿足。最後我地仲叫咗一杯芒果特飲同芒果糯米飯😛啲芒果仲要幾甜幾新鮮我女朋友一向嘴刁但都話幾好食，遲啲一定會再嚟食過！

之前聽朋友推介，今日放工就過左屯門試下呢間新餐廳，地點唔算近西鐵站，但附近都有唔少餐廳，人流幾旺餐廳光亮搶眼，遠處已經見到鋪面啦門口有戶外檯櫈，方便有食煙既朋友老闆好細心，安排左卡座，環境幾開揚舒適一坐底送上一盤蝦片，朋友話好脆口食唔停😋牆身重有4個usb插頭，一班朋友都唔洗爭，值得一讚！而餐牌選擇頗多，心大心細完，終於揀左幾樣先上金柚子蝦沙律，賣相精緻，上面有2隻大蝦一直好鍾意食柚子，細心咁整碎左部分肉，可以一啖碎碎一啖大口肉 食落好新鮮好香然後係無骨海南雞飯，啖啖肉配以黃飯粒粒分明，味道唔會太濃，岩曬鍾意健康既我，重有菜心添隨之係香芒軟殼蟹紙米卷，係我心水之選😍軟殼蟹香脆唔油膩，芒果好新鮮滑溜溜，再輕輕沾上醬汁，一次品嚐幾種口味。隔離枱見到都嗌好吸引，轉頭就加單😝泰國菜唔係間間有椰青海鮮焗飯，仲要原個椰青上，椰汁甜甜地配飯唔錯，如果多d汁會更好其實已經好飽lu，無諗過蝦餅咁大份!!!熱辣辣擺入口，酥餅煎得岩岩好唔會一咬就碎，蝦味亦濃，點d酸甜醬，會食上癮!最後埋單400蚊左右，性價比好高。但嗌得太多最後打包左少少食物，店主好細心提供密實膠盒，輕身又可以重用😉遲d我都想帶屋企人黎開餐

今日黎到象泰園，見到啱啱裝修，室內富麗堂皇，充滿泰式嘅宮廷感覺， 十分典雅。泰式豬頸肉生菜包，豬頸肉爽口彈牙，表面有少少脆身，入口外皮趣身，肉彈牙，而且有淡淡的香草味，連同新鮮嘅生菜一齊享用，更是滋味鹽燒尖吻魚，魚嘅表面油光焦脆，淡淡清新，而且入面嘅肉身潔白柔軟，同燒香脆嘅魚皮一齊食，只需要有鹽味，都唔會太過單調，而且裏面充滿好多香料，味道充滿層次，食到好新鮮嘅魚香味。鹹魚炒椰菜苗，食得炒菜，最緊要嘅就梗係要有鑊氣啦，你一道菜鑊氣真係唔少得啊，除咗充滿鹹魚嘅香味，而且仲炒得夠晒爽脆，難怪我阿媽都話泰式嘅椰菜苗，真係只有泰國菜先炒得最正宗啊。泰國千層糕，呢個係我最鍾意嘅甜品之一，入口充滿香香嘅椰汁同椰青香氣，入口煙韌，而且黏糯。淨係睇個賣相，已經令人垂涎三尺，食完一舊接着一舊，真係想唔肥都幾難啊。