象泰宴

营业中

休息中

最近工作繁忙，難得平日放假梗係要陪下屋企人去，食番餐好嘅!唔想出鬧市迫，揀咗喺附近嘅一間泰國餐廳，七點鐘入座唔算好多人，餐廳格局寬敞，比起同區同類型嘅餐廳都算坐得舒服!天氣炎熱，坐低涼冷氣之外，梗係要叫返啲凍飲啦!黎泰國餐廳點可以唔叫象啤呢($28)青檸梳打亦係必點嘅消暑極品，仲要成樽上($26)唔想成日都傳統蝦餅咁悶，可以試下呢度的招牌月亮蝦餅($88)造型幾特別，三角形一塊，外面係脆皮，入面係蝦膠，真正外脆內軟，口感比起一半蝦餅更加香脆!辣椒膏炒蟶子皇($138)入口第一個感覺係好夠鑊氣!隻隻蟶子都好肥美，個辣椒醬好出色!一啲都唔辣，有點甜味仲好惹味，我哋仲忍唔住用嚟點埋啲小食完全唔浪費,連D椒都清埋海鮮招牌星洲咖哩大肉蟹($298)好夠份量，啖啖肉，蟹蓋亦有糕!個咖哩暫時係喺同區餐廳食過最滋味嘅一個加咗20蚊配伊麵底，個面完全索曬啲咖哩汁，十分入味，份量又多，對得起價錢泰式馬拉盞炒通菜($58)食飯點都要有個菜balance返~食親泰國菜必點馬拉盞，貪佢夠惹味!呢度的食物令人幾有驚喜，有質素，絕對可以再光顧!亦都好適合多人聚會值得一讚的是，職員都好勤力換碟，一見放滿蟹殼就換，食蟶

天氣悶熱唔想煮飯，去置樂搵食，之前向呢間泰菜食過tea都唔錯，今次再黎試下晚餐。時間尚早，唔洗等位餐牌有好多選擇，價錢都合理樣樣都想試下，花多眼亂就梗係叫拼盤，一次過滿足曬咁多個願望啦!點左象泰小食拼盤拼盤($108)有春捲，香茅雞翼， 沙嗲串燒同埋蝦餅，味道唔錯，最欣賞係沾串燒嗰碟曬沙嗲醬，調得好好味，令串燒生色不少。蝦餅亦炸得卜卜脆飯肚底一定要食飯先飽肚，點左去骨海南雞配油飯($98)，呢度的海南雞可以揀份量，我地叫左半隻試下其實半隻雞都幾多下，雞本身味道不重，但配埋個雞醬就大不同了，少少辣好惹味!個油飯都有水準，有香油味，仲有幾條菜跟埋~我地仲叫左辣椒膏炒蟶子皇($138)，唔辣但個汁好好味，蟶子新鮮，啖啖肉，賣相都好靚~推薦鮮椰青同泰菜一直係perfect match，飯後飲返個解渴又透心涼唔洗同人迫，食物有質素，服務都好好

屯門都有唔少嘅泰國菜嫁，今日嚟到置樂花園,一再品嚐泰國菜,呢間泰國菜,裝修簡潔,而且又有卡位坐得舒服,真係適合同朋友一齊來共享晚餐。如果鍾意食泰式生蝦，呢個就真係必點嘅推介啦，你問我點解？平時食親嘅泰式生蝦，只會得壹個張，但係呢一個泰式生蝦竟然有兩種口味，一種係青色嘅辣醬，一種係紅色嘅辣醬，青色嘅冇咁辣偏甜，紅色嘅就偏辣，但係最緊要嘅係，佢哋嘅蝦好新鮮，已經將蝦腸跳乾淨，而且入口冰凍又爽口，配上佢哋特有嘅醬汁同埋香葉，真係好好味呀。鮮蝦炒金邊粉，話明係鮮蝦，梗係有隻大大隻嘅哈啦，入口爽口咬落清脆，至於個金邊粉，份量一啲都唔少嫁，金邊粉唔會好林，入口彈牙有口感，最緊要嘅係佢嘅味道酸酸甜甜，好開胃。黃咖喱軟殼蟹麵包，嘩！一上枱已經覺得好震撼啦，一大個麵包，裏面裝滿着黃咖喱同埋軟殼蟹，麵包雖然吾脆身，但係鬆軟得來都別有一番風味，裏面裝着嘅黃咖喱唔會好辣，偏甜，最重要嘅係軟殼蟹勁大隻，而且新鮮炸起，入口脆身，黃咖喱配上麵包，入口真係覺得好窩心。

屯門區嚟講，置樂都算係一個美食天堂，尤其講緊係彩華花園一帶嘅餐廳，好多都係臥虎藏龍。講到彩華最出名嘅餐廳，一定係食泰國菜。不過唔單係某間老店，近一年半載先新開嘅象泰宴都係唔錯既。這間泰式餐廳環境佈置得唔錯，坐得幾舒服，仲有卡位添。同時佢有下午茶餐，價錢實惠親民。嚟到泰國餐廳，梗係要試試泰國菜啦。所以就唔會揀三文治過嚟喇，主要都係試下佢啲湯麵同埋咖喱嘅手勢。泰國船民湯河粉。之前都諗住呢款係一碗普通嘅河粉，但食物又唔係噉講法喎，船河嘅湯底非常濃郁，有好香嘅牛肉味，真係會忍唔住飲曬成碗湯底。同時間加入肉丸同牛腩，牛腩都燜得幾林嘅，所以成碗麵都唔錯架。青咖喱雞和蒜蓉包。呢個咖喱雞就唔係用啲雞髀肉，而係用鮮雞，需要加分，不過食起上嚟就比較多骨，青咖喱味道都濃郁，唔錯。呢度菜嘅重點就係蒜蓉包。蒜蓉包真係好香脆可口，亦都好香蒜蓉味，加上青咖喱汁真係絕配。熱咖啡。飲品就係中規中矩嘅，遲啲有機會都想試下佢嘅特飲。總結，佢嘅下午茶真係有返咁上下，可以值得一試。

最近返左屯門，發現喺舊小曼谷個鋪位原來都開左間泰國野，決定同爸媽入去食😋菠蘿炒飯— 每次食泰菜都必點，原個菠蘿蓋上，而且份量都好多！有兩隻青口同埋幾隻蝦，夠新鮮彈牙，仲炒得好夠鑊氣👍🏼炒椰菜苗— 出街食飯都會嗌返碟菜，好似健康啲丫嗎🤪 通常食炒菜都會好油，但呢碟又唔算。而且辣辣地，好正🌶蒜蓉包— 一客有六舊，同朋友share啱啱好。每邊都搽上牛油蒜蓉，包你啖啖都食到，而且焗得夠脆，我同爸媽都好鐘意🤩雞+豬串燒— 串燒唔會燒到太燶，豬幾軟熟；若果雞串可以用雞脾肉燒會好啲，無咁靭～最後嗌左杯紅豆冰，大大粒紅豆溝埋上面嘅椰汁，係夏天最解渴嘅飲品啊！

住喺屯門嘅朋友應該都對置樂嘅小曼谷唔陌生，但你地又知唔知佢搬咁鋪位呢？🤨 以前小曼谷嘅鋪位被呢間新進餐廳取代咗。象泰宴同前鋪一樣係主打泰菜，款式多同上茶速度快🤓 今日食咗咖哩大肉蟹（甜）—$298、要襯熱食，唔係凍咗咖喱就會變咗啫喱，一舊舊咁😂明爐烏頭（酸辣）—$138，啲汁會越滾越辣，佢有個蠟燭🕯️喺底唔使驚啲魚凍咗會腥。鳥頭少骨，小朋友食都唔驚👍🏻👍🏻串燒沙爹一份有6串—$88...... 飽到差啲行唔到🤫🤫黃金戀人💑—$36，菠蘿🍍沙冰加忌廉，超大杯，但略嫌杯身太高飲筒唔夠長👀環境方面：卡位好寬敞，同埋新裝修幾靚，但爆滿所以少少逼服務：全場爆滿，所有職員都忙到甩輪，唔好有太大期望，不過又唔會黑面嘅，最多叫極唔應😂😂

今晚突然想食泰國菜，所以晚餐就決定去屯門置樂個邊搵野食。嚟到青善街，見到依間泰國菜舖頭門面都幾光鮮新淨，望入去見到環境好企理而且食物賣相幾好喎，於是就決定入去一試啦！雖然只有兩個人，但店員都很好安排咗張四人檯俾我地坐得闊落啲，餐廳裝修唔錯，環境都係木材為主，都會令人有身處泰國感覺。而且冷氣夠，通風好，可以舒舒服服咁食飯，唔使食餐泰國菜都同人背撞背（有經驗嘅人應該知我講咩）坐低之後就送咗份胡椒蝦餅俾我地食，卜卜脆口感唔錯。之後我地就開始點菜。我先點咗個菜式生蝦，依個生蝦不得了，上檯嘅擺盤相當出色！一杯一杯咁放喺酒杯架上，賣相有100分！而佢嘅蝦身size係比其他食肆明顯大隻，咬落亦新鮮爽甜，杯中嘅酸辣汁亦分咗兩款，紅色係好辣嘅，綠色就微辣。另一個前菜點咗個無骨鳳爪沙律，呢個沙律入邊嘅鳳爪非常之多，份量好充足， 我無實際數過有幾多隻，只覺得係食極都有！鳳爪咬落好爽脆，連埋配菜食落口感覺好滿足！而個酸辣汁好夠味，辣度夠又唔覺得好嗆喉！主菜我哋就揀咗一個椰醬海鮮焗飯，由於係即叫即焗，所以等嘅時間就比較長，但係一上枱，嗰陣香噴噴嘅椰醬就香氣撲鼻咁湧埋黎！椰漿焗飯嘅材料好充足，個飯食落口返除咗有甜

最近都幾鍾意去處於置樂嘅呢間泰國餐廳！以泰式餐廳來講，通常裝修比較簡單，但呢間竟然有卡位，仲要裝飾得幾靚！坐得好舒服！今次叫咗三個下午茶餐，價錢幾平，性價比勁高！泰式船民湯河粉$38一般食船河，個湯底都偏鹹，但呢個係牛肉味好濃，食完唔會口乾，連啲河粉都充滿牛肉味，好正！雞柳炒金邊粉$38呢個粉外表好吸引，入面有超級多雞肉，好多配料，幾好味！香葉肉碎炒飯$38呢個飯配料比較少，但香料味好重，適合重口味人士，香口得來好正，不過單食個飯有少少單調，如果可以多少少肉碎就完美喇！

東南亞美食，本人首選必定係泰國餐，所以不出一頭半個月，我就會拉埋男朋友一齊去食返餐勁既，今日男友送我返屋企，順路見到象泰宴就一於試下咩料子啦！蝦片坐低無耐就餐廳職員就奉上免費小食，蝦片香脆好味，仲好重蝦既味道添！香蔥蒜蓉包有如積木盤堆砌既蒜蓉包，外表乾脆芳香，包內郤柔軟有水份，認真開胃！串燒沙嗲(雞&豬)食泰國餐又點可以無串燒喎，火喉控制得啱啱好，看表燒到有少少焦香，內裡既肉汁充份地保持！辣椒膏炒聖子王大排檔式既炒聖子王食得多，今次試下呢個用辣椒膏既泰式炒法，味道比中式既有過之而無不及，額外多份微辣感，聖子新鮮不含半粒砂石，一流！象泰招牌去骨海南雞黎到本人最喜歡既海南雞，首先要講既係雞係熱既，皮下沒有透明狀既脂肪，雞皮爽脆應該浸過冰水處理，雞肉鮮嫩又帶雞味，十分正宗！泰國千層糕千層糕椰味極濃，鬆軟而家黏度適中，唔會癡牙郤入口有仲溶化既感覺，好正！

屯門泰國菜的選擇不太多，除了市中心外每次經過三聖附近，第一時間就會想到青善街有幾間特式餐廳，這次剛好在兆麟運動場跑完步，兩口子當然要豪食一餐!首先登場的是餐廳每檯贈送的一籃炸蝦片，口感如印尼蝦片較為硬身，蝦味甚濃，作為我們今次半泰蝦宴的前菜的確一流👍推介! 泰式生海蝦(6隻)，生鮮的海蝦肉厚身，裝在小杯中，配上蒜粒辣椒粒以及兩款泰式酸汁，開胃爽口有口感😋👍月亮蝦餅，本身好奇取名月亮而叫的蝦餅，吃了兩塊後認定它是第二推介的菜款，月亮外圍有一層脆口的餅皮，內層有蝦肉及馬蹄口感爽口豐富。辣椒膏炒花甲，大隻夠味，有洋蔥紅椒綠椒肉碎調味。燒牛油蒜蓉大花蝦(2隻)，這個好味，BBQ大蝦一人一隻開邊啖啖肉，蒜蓉剛剛好夠不會食完成口蒜頭味👍泰式麻辣多春魚，微辣大條，難得炸得剛剛好，如果麻辣味再多點應該會更吸引突出。百香芒芒，見到不少飯友推介而點的飲品，芒果鮮味，食辣的話這個沙冰絕對夠解渴，上層咸芝士由下而上再喝到最底，推介😋鮮椰青，朋友點的飲品，大大個椰青足夠解渴👏象泰芒果椰汁糯米飯，甜品時間店員好細心收拾檯面給新碟進食，雖然這個未算是吃過泰國餐廳最好食的糯米飯，但紫糯米夠濃味，微溫點上椰汁，為整餐留

今晚跑完步出了一身汗！爽！做完運動要補充返energy先得🤣同友人來到呢間「象泰•宴」今晚都幾多人食喎入到去職員遞上一籃炸蝦片 望住menu的確有好多款都好吸引最後我地叫左泰式生海蝦(6隻) $88蝦好大隻而且又特別用個小杯裝住佢有兩隻味紅色果款會辣d但食完幾開胃月亮蝦餅 $88蝦餅擺放得好似月亮咁裏面有蝦、馬蹄、蔥......好香好爽脆佢有兩款汁我最鐘意就係泰式辣醬酸酸甜甜好開胃辣椒膏炒花甲 $98好大隻少少辣本身以為會好辣點知唔會呀我唔食得辣都食到呀又香又惹味！正！職員仲好細心比多個碗仔我地裝殻👏🏻燒牛油蒜蓉大花蝦(2隻) $78牛油蒜蓉好香蝦又新鮮又係食到停唔到口泰式麻辣多春魚 $58炸得幾好食落又唔覺得好辣岩岩好友人叫的：百香芒芒 $36 芒果超濃郁鮮椰青 $34超解渴又青甜跑完步飲一流👍🏻象泰芒果椰汁糯米飯$68用紫糯米製成煙煙靭靭沾多d椰汁仲好食😋呢間餐廳的確唔錯職員態度友善下次一定會再來👍🏻

聽講屯門置樂新開左一間泰國菜，係之前小曼谷嘅位置，今晚和媽媽想不到吃什麼，就去試試看😝佢嘅環境都幾大幾光猛，離遠就見到佢嘅招牌，而且佢出面設有雅座，感覺都幾輕鬆幾chill😃最近胃口麻麻地，食泰國菜就最好啦，貪佢啲酸酸辣辣好開胃，首先我哋點咗一個豬頸肉馬拉盞芥蘭煲（$76）去親泰國餐廳我定要叫馬拉盞炒菜，因為貪佢夠惹味我又想食多啲菜，豬頸肉感覺有蝦醬醃過，都十分入味，很送飯。我哋重點左一個泰式去骨海南雞飯（$68）雞肉份量都幾多而且幾新鮮咁，雞皮很靚又有光澤，雞肉唔算腍都有咬口，點埋佢隻辣醬汁就更加好味！黃姜飯都算合格。跟住我哋仲帶咗一個泰式明爐尖吻魚（$138），平時食烏頭就食得多我哋見到條魚嘅名咁特別走點一條試吓，點知有驚喜喎！魚size唔算好大，不過勝在魚肉夠滑，有冇乜嘢骨，加上佢用酸辣湯浸住真係好開胃！最鍾意佢下面墊底嘅粉絲索曬啲汁！正泰式海鮮炒貴刁（$78）就比較普通，海鮮都叫足料不過好似冇乜嘢味，剩係得辣椒醬嘅味道，而且炒得唔係好夠乾身，可能食開廣東嘅炒貴刁，唔係好慣呢一款泰式。最後嘅椰汁千層糕，睇相估唔到係熱嘅😲我仲以為係凍嘅添😔重要啱啱蒸起好熱好難夾，所以我哋食咗一舊就

屯門哩間泰國菜都CP值都幾高喎，去完黃金海岸玩，去食下哦！餐廳又坐得舒服～鮮蝦扎肉米紙卷：一上枱就呆一呆，好大卷哦！好多材料、夠新鮮。泰國船民湯河：今期流行，流行食船河，就試一試哩間先，湯底牛味十足，河粉夠滑又彈口，餸菜都好多，特別牛丸幾好味。焗黃咖哩麵包軟殻蟹：哇！哇！哇！滿滿既咖哩呀～食哩個真係好正，味道唔錯之餘，仲要好方便呀～食咖哩，有麵包點咖哩，軟殻蟹又唔洗剝殻，啖啖肉！馬拉盞炒通菜：馬拉盞太辣，仲有香，唔錯、唔錯～

復活節假 來點瘋狂點吧。趁住臨飛前，去到屯門吃個晚飯🍴 好像有點意思呢。基於地點位置 平時真係好少入屯門，今次難得相約小六好友 專程入屯門走走呢。位於屯門青善街有間泰國菜館，舖面有特色 帶點椰林樹影既感覺。見食客也不少，相信質素都有一定保證 今次決意試試。Thai Spicy Minced Pork Served with Lettuce Wrapll泰式風味不能少既生菜包辣肉碎🐽，用上青檸`香茅`辣椒調味，再用手卷住吃 真係好有泰國風情既味道呢。 Vietnamese Salami Rice with Prawnll煙韌既米紙卷🌮 包住鮮蝦🦐`扎肉🐽`生菜 材料豐富，沾點埋酸酸辣辣既醬汁亦係重點之一，為清新既米紙卷帶出另一番味道。Wok Fried Mixed Musknooms w/Garlicll泰國菜館不能少既正菜，芥蘭🌿。簡單用上香蒜`菇菌🍄，已經能帶走蔬菜本身既草青味 吊起菜原味。Fried Vermicelli with Crab Meatll炒粉絲不如說是燴粉絲，炆得入味又不會油膩。蟹肉🦀 加彩椒`蛋絲，炆煮而成。不會太乾太油太濕，挺喜歡這道菜呢。海南雞飯 (例牌）以一

去屯門食泰菜除左諗起小曼谷仲有咩揀？原來小曼谷後面仲有間象泰宴，裝修比較靚，雖然價錢比小曼谷貴DD咁多，但都係一個唔錯既選擇！.炭燒豬頸肉🐷打卡之選😂 下面有個爐仔燒住啲豬頸肉，炭味其實唔多覺，不覺食到尾都仲暖，配埋佢個都幾辣既汁，真係食下又一舊⋯⋯.象泰招牌去骨豬手煲🐽去泰國淨係個豬腳飯正，未試過豬手煲，今次食好驚喜😱豬手冧到入口即溶，味道有啲似滷水，個汁好黎撈飯一流，我覺得最唔起眼煲底啲菜，竟然吸哂味，好食過馬拉盞炒菜！.象泰招牌去骨海南雞🐥真係無骨架，肉質好嫩，配埋佢個油飯，正，所配既泰式海南雞汁好辣，沾左一次之後都係淨食雞算.香蔥蒜蓉包又一打卡必影，整到金磚咁，聞落係幾香蒜蓉味，但食落個麵包皮有點硬，唔夠鬆脆，敗筆敗筆！.如果要同小曼谷比，小曼谷係食傳統泰國風味，而象泰宴就岩一啲想一路食一路傾計既人，同時佢啲菜色比較新派同多選擇咁，不過味道我就都係鍾意小曼谷多啲既😂.店名：象泰宴地址：屯門青善街康景花園8-10號舖