象泰宴

营业中

休息中

前幾日睇左 d食評，揀左呢間嚟同屋企人慶祝生日，我地 book左 6點半，入去嗰陣仲有枱剩。佢個冬蔭公湯好足料，d蝦好大隻又唔係好辣。見有 d評論推介海南雞飯就點左嚟試，可能期望太大，覺得比想象中普通。原隻燒魷魚同芒果軟殼蟹紙米卷都值得一試。四個人叫左六樣野，埋單每人百幾蚊，性價比算幾高。可惜今次食太飽，下次再試佢 d甜品。

-泰式鐵板蠔仔炒蛋：最快上嘅就係呢個豪仔炒蛋好，蠔既份量都唔少而且用鐵板上， keep住個熱度，唔錯。-泰式生海蝦：第一次見生蝦用杯上，每一個杯裝住生蝦泰式傳統醬汁，一種係青辣椒另一個係紅辣椒製成嘅辣汁。生蝦都好新鮮，但係醬汁真係幾難，食完之後啲辣湧返上嚟，成條脷都會麻曬。-月亮蝦餅：味道似酒樓嘅蝦春卷，餡料尚算豐富新鮮，食到一粒粒馬蹄。一份蝦餅有8大塊，兩個人食就會多得滯。-蕉葉烤焗烏頭：烏頭原條由錫紙包上，魚肉尚算嫩滑，但係個汁就有少少普通，只係平時煮過咗龍既豉油。-泰式馬拉盞炒椰菜苗：略嫌馬拉盞嘅味唔夠出同埋比較多油。

壽星女想食咖哩蟹包，上openrice就介紹呢間。不防試試。 咖哩軟殼蟹包果然好味，也是招牌菜。一點就是十樣餸菜，還有特飲。飽飽滿足的。各樣菜式也很吃，唯沙嗲串燒太乾，有點失望。餐廳整潔，員工服務也很友善。下次還會再試。

唔搵唔知， 原來小曼谷已撒離，變左另一間泰國菜「象泰宴」。 是晚大約九點walk-in, 兩個人都要等15分鐘。店外有露天位置，但太熱應該無人坐。店內環境寬敞，有卡位，卡位仲要有USB 插提供俾你叉電，好細心😁👍🏻菜色選擇頗多，又有特色菜單，兩人叫左小食（泰式生蝦），主菜（泰式明爐香檸汁尖吻魚）及菜（豬頸肉啫啫椰菜苗煲），再加甜品。當然有冰凍既泰國啤飲，正呀！泰式生蝦配有兩款醬， 傳統酸辣汁及青色的。兩者分別唔大，辣味可以。加上蒜頭及辣椒粒， 爽口蝦肉，大大啖食完，good!泰式明爐香檸汁尖吻魚，好surprise, 好好味。 尖吻魚比較少見，尖吻魚魚油比烏頭少，但魚肉嫩滑，少魚骨。 泰汁加青檸， 好清新！兩人好快清哂😆豬頸肉啫啫椰菜苗較失望，醬汁好稀， 無左泰式平日既咸及辣味， 淡淡的。豬頸肉及椰菜苗本身不過不失。好經典既椰汁西米糕，味道唔算突出。用班蘭葉摺左個盒仔， 內有西米， 再用椰漿鋪上。椰汁糕椰漿味好濃郁，但食落會有少少咸味的🤔。好一個有咸味既椰汁西米糕！總結：象泰宴可以再去，上菜速度ok, 不過希望大廚唔會再失手啦！

很久沒有食過泰菜，有點懷念咖哩和柚子沙律於是WEEKED在區內附近尋找一下泰菜的味道泰國金柚子沙律 $88POMELO SALAD ｗ/ PRAWN柚子沙律是本人的至愛，就是愛柚子的酸酸澀澀柚子肉和大蝦的份量不少，而醬汁味道是偏濃的印度薄餅 $32INDIAN BREAD一上枱椰香味摸鼻而來面層也是烤得脆脆的沾咖哩食是很好的配搭黃咖哩菠蘿炒花甲 $118FRIED CLAM w/ CURRY咖哩味香濃，花甲鮮甜，份量比想像中多串燒沙爹(雞) $88/半打BARBECUED CHICKEN沙爹惹味，雞肉不會很乾即使是半份，二人食完也真的很飽碧深映紅 $36DRAGON FRUIT SMOOTHIES紅火龍果肉是很FRESH的味道為濃味的菜式作一個舒緩黃金戀人 $36PINEAPPLE SMOOTHIES菠蘿味很香，而且面層也有奶蓋如果不習慣紅火龍果肉太過青草的味道菠蘿也是不錯的選擇總括而言，這裡味道是不錯的始終是做街坊生意，份量和味道也是誠實晚上食客也不少，是區內泰菜的選擇

「未食先打八十大板」係31度高溫下等我地2個人係冇book位嘅情況下禮拜六夜晚7點黎到餐廳等左足足一個鐘係眼甘甘咁睇住人地有book位嘅幾個幾個咁入左去冇book位嘅就叫左大枱先雖然叫大枱先都可以理解咁人地埋張單數都大啲嘅所以奉勸大家一定要book位先黎食冇book位就要預左等一個鐘嘅耐性同決心不過下次我黎食之前都會諗諗先我冇咁等嘅時間就唔會黎了上菜速度都係要等好耐架！啲waiter好忙，咁即係人手不足啦。食評如下圖附加說明

我地食嘅時候明明係‪星期五9點，餐廳依然係‬Full house，見到咁多人食，應該都係幾唔錯。         炭燒豬頸肉       有爐一邊燒住，好貼心。即使慢慢食都唔怕凍曬 泰式鐵板蠔仔炒蛋         雖然話用蠔仔，但都幾甜。出面試過煎到好油好老。呢到唔會太焦，仍保留蛋香。底下有芽菜夾埋一齊食爽口兼減膩 泰式馬拉盞通菜炒得惹味而不辣，岩曬唔食得辣嘅朋友 網包雞絲炒金邊粉上碟個陣朋友驚訝左一下，因為賣相好加分。雞絲分量好多，炒得乾身不油膩 青檸梳打有原支梳打慢慢加，好重要 

本身想去食小曼谷，點知好多人，唔想等，就去搵下附近仲有咩泰國野食，就黎左呢一間野，揀佢既原因當然係因為唔駛排隊啦，食完之後亦都明白點解唔駛排隊因我都唔會再幫襯。其實間野d野食都唔係話特別難食，只係d侍應好有問題，如同我當初講係因為唔駛排隊而揀呢間野，所以客人唔多，理應服務員不是太煩忙。1）搵左位男侍應落單，問佢串燒半打可唔可以一半雞一豬，佢無答，只係黑面咁講：「繼續啦下樣」，態度好差。2）串燒黎到唔夠沙嗲，叫左位女侍應拎，當然最終都無拎黎啦！其實佢個沙嗲都唔係好食，完全無花生味，但半打串燒，沙嗲只夠點三串，唔點沙嗲d串燒完全無味，佢又唔拎黎咁無計啦！3）落單後想叫野飲，男侍應粗聲粗氣咁話「轉頭啦！」，當然啦，佢轉頭就無左件事啦，唯有再叫另一個女侍應落單⋯⋯4）點左個明爐烏頭，咁男侍應拎上黎果時無俾任何汁料就走左啦，咁我再叫個男侍應黎問佢呢個魚有無計點，跟手佢男面同反白眼咁，係我旁邊大叫:「xx, 幫我拎碟雞腳汁俾佢」，咁有位女士真係有拎碟汁黎，但問題係，中間有個咁熱既爐，對面既人點可以仲到隻手黎點果碟小小既汁，咁當然叫佢拎多碟黎啦，雖然唔明點解雞腳汁係攞黎點魚，但點都好過無啦。咁搵到開

早前食過呢間屯門泰菜實在令人印象深刻，所以今晚又再返黎encore辣椒膏炒青口係第一次試，雖然話辣，但我都建議唔食得辣既朋友都可以一試呀佢既辣係惹味而唔太辣呢款蝦餅已經係第二次食啦，外層係好薄既脆皮，中間夾有豐富既蝦肉，仲有d芫茜係度添菜就夠哂新鮮脆綠，仲有好多馬拉盞添呢個包入面認真有料到，面層有多隻軟殼蟹，黃咖哩醬帶有少少辣味，用黎點包認真一流甜品都好出色，紫色既糯米飯配以金黃色既芒果，上面仲有甜入心既椰醬百香芒芒既奶蓋口感層次豐富，粒粒的忌廉芝士加入海鹽，配以新鮮芒果作為沙冰基底，越喝越順口。最後仲叫多杯紅色花園試下，果然冇令我失望

第二次來到置樂的泰國餐廳象泰宴，比剛開張時熱鬧，晚餐繁忙時段全餐廳滿座。裝潢富泰國特色，乾淨寬敞。香蔥蒜蓉包 $42上次是整條蒜蓉包的每一面都塗滿蒜蓉和香蔥，今次略嫌蒜香及蔥味不夠，可多烘一會，更添香脆；麵包內裡鬆軟，拿來蘸咖喱一流。黃咖喱麵包雞 $138本來是青咖喱，可自行選擇其他咖喱，包括紅咖喱及黃咖喱，這次選了後者，沒青咖喱那麼辣。賣相吸引，滿瀉的黃咖喱熱辣辣香噴噴，啖啖雞肉頗足料，多點薯仔更佳；咖喱香而不辣，嗜辣的朋友可試紅咖喱或青咖喱；麵包偏軟身，建議烘底。 點了一碗油飯 $14，每一粒飯都油潤軟熟，配咖喱不錯。豬頸肉馬拉盞通菜煲 $76馬拉盞為東南亞常用的調味料，以蝦醬、蝦膏及蝦米加工而成，微辣惹味；通菜爽滑，頗多豬頸肉。泰式南瓜布甸 $78最後來一客甜品，以南瓜肉包裹著黃澄澄南瓜味布甸，賣相精緻，製作用心。布甸南瓜味香濃，口感則未夠幼滑；南瓜肉偏濕軟，稍欠口感。下次試試芒果糯米飯～餐牌

之前食過呢間象泰宴係食泰國餐幾抵食，所以今次決定介紹左朋友黎呢度首先出場嘅係月亮蝦餅月亮蝦餅外表脆脆而入面就係彈牙蝦膠，正然從就係招牌焗黃咖哩面包軟殼蟹咖哩好好味唔會太辛辣，點埋外面嘅面包一齊食味道超正。 蟹肉炒粉絲蟹肉份量唔少鐵板蠔仔蛋大大塊，而且蠔仔份量超多，正。泰式馬拉盞炒菜好惹味，菜唔會炒得太老而係僅僅熟。象泰芒果椰汁糯米飯，呢個時候食嘅芒果竟然一D 都唔酸，好驚喜 呢杯青檸梳打用左泰國牌子嘅梳打水

去過泰象宴食過lunch ，覺得午市唔錯😆就諗住同男朋友嚟食下夜晚☺️呢到氣氛唔錯🌈🦖裝修好新淨乾乾淨淨🙈我同男朋友又好餓😂😂又要大吃特吃先叫兩杯特飲我係芝士紅龍果果昔成杯嘢唔係好甜🤘啱啱好芝士好厚🌈味道就唔似飲開喜茶嗰啲啖啖果肉好足料芒果果昔都唔錯唔會好稀💪之後嚟前菜😛😛😛生蝦好大隻！！間住有唔同醬料幫生蝦加添味道⭐️🥰之後串燒嚟咗三串雞三串豬大大塊肉🤘🤘🤘良心串燒稍微有啲老有少少鞋口醬汁又加返分🌈最後主菜嚟咗咖哩包🥰軟殻蟹都幾多🤘❤️重點係黃咖哩極香濃！！！麵包入晒味🥰好有誠意🥰雖然麵包唔多但係已經好飽😀😀😀感覺店舖係mix 咗港式味道，好啱香港人口味下次會再嚟！

入到嚟屯門搵朋友，佢帶咗我嚟呢間位於置樂嘅象泰宴。餐廳好光猛，面積幾大，仲有室外嘅位置添。而且周圍都係泰國國寶大象嘅裝飾🐘 鮮椰青（$34）首先嚟個椰青先🥥 幾鮮甜，唔錯👍🏽串燒沙爹 半打（$88）串燒可以揀豬同雞，豬肉juicy，而且唔韌，而雞肉就較乾身～泰式飛天炒通菜（$58）呢個炒通菜好有鑊氣，未至於辣到飛天，但辣辣地都幾過癮🤪招牌焗黃咖哩麵包軟殼蟹（$168）香濃嘅咖哩配上軟殼蟹簡直係perfect match✨咖哩唔會太鹹太辣，所以唔會搶咗軟殼蟹本身嘅味～麵包外皮焗得香脆，點埋咖哩一齊食真係好正😋網包鮮蝦炒金邊粉（$78）金邊粉酸酸甜甜，幾開胃。分量唔少，而且鮮蝦都好多架🍤 總括嚟講，嘢食質素都唔錯。不過屯門真係有啲隔涉，如果市區都開返間分店就好了😛Menu:

泰國菜一向都鍾意食，難得今日搵到呢間環境舒適，又充滿特色嘅泰國菜，就係位於屯門嘅呢間象泰宴。泰式拼盤，啱晒我呢種有選擇恐懼症，有乜嘢都想試吓嘅人，講得上係拼盤，梗係五花八門乜都有啲啦，首先講下春卷，新鮮炸起，入邊嘅餡夠晒足味，仲有荷葉雞，裏面嘅雞肉好鮮嫩，而且充滿淡淡的荷葉香氣，媽媽就鍾意食炸蝦餅，外表炸至金黃色，裏面嘅蝦肉彈牙又爽口，點上泰式辣醬，份外窩心。串燒豬肉同串燒雞肉，講得上係串燒，又點少得沙嗲醬啊，沙嗲醬係串燒嘅精華所在，佢哋嘅沙嗲醬，入口唔會好辣，而且充滿濃濃嘅花生醬香氣，配上呢個全消，果然好味。海南雞飯，雞皮金黃色，又吹口，最緊要嘅係佢哋嘅雞，已經起咗骨，方便晒我呢種鍾意啖啖肉嘅人，雞肉鮮嫩，唔會好乾身，而且配上油飯，真係減肥都理唔到咁多啦。甜品方面，我哋叫咗芒果糯米飯，呢個芒果糯米飯，真係好有特色，之前完全冇見過，之前食開嘅糯米飯都係白色同黑色，但係呢個竟然係紫色，紫色配黃色，淨係見到個顏色，已經令我垂涎三尺，糯米飯仲係熱嘅，配上椰汁，入口香軟QQ彈彈，芒果夠晒甜，食泰國菜又點少得芒果糯米飯啊。馬拉盞炒椰菜苗，椰菜苗泰國嘅特色菜，呢度查得都好有鑊氣，而且份量頗多，又夠

由細到大都係住呢區，附近嘅泰國菜只係識兩間，自從人氣小曼谷搬左，我都好耐冇食過泰菜，舊址而家都係泰菜，店名象泰宴。最初開嘅時候，冇而家咁好生意啊，我諗口碑唔錯，加上不時有折扣，價格較吸引。當日週四，人流甚旺，8點鐘左右到都要坐近門口位置，幸好冷氣夠涼，唔會好辛苦餐牌選擇豐富，沙律、小食、燒烤、海南雞、炸雞、豬手煲、海鮮、咖喱、蔬菜、飯麵河等，價格合理。全部都係單點形式，如果有啲套餐，我諗都會幾吸引，畢竟呢頭都幾多一家大細。泰式酸辣鳳爪沙律 $68鳳爪沙律都幾足料，鳳爪軟腍入味。以大量沙律菜墊底，酸酸辣辣，好開胃，醬汁量適中爆炒鐵板牛仔骨 $98鐵板上牛仔骨，伴洋蔥、蘿蔔，淋上黑椒汁，熱辣辣。牛仔骨軟腍、入味，唔會話乸到好鬆，不過略嫌筋比較多。泰式飛天炒芥蘭 $58平時多數點椰菜苗，今日試下芥蘭。芥蘭都幾嫩，唔會苦澀，份量就唔多，勝在唔會好重口味。泰式經典明爐烏頭 $138烏頭值得一試，價錢唔貴，人多share食就更加抵。條魚都幾大條，傳統泰式明爐魚味道，酸酸地，唔會太辣。魚肉難得唔鞋，啖啖肉，細骨唔多，方便懶人食用。估唔到仲有粉絲墊底，幾入味呢。黃金戀人 $36類似菠蘿沙冰，打得細滑，