象泰宴

营业中

休息中

好耐無食泰國野啦～～揸車黎開屯門，見有間隱蔽小店評價不錯就試下啦蟹肉炒粉絲 - 份量好多，炒到乾身入味，蟹肉多D口感會更好串燒沙爹 - 要左半打，一半豬一半牛，燒得焦脆但無燶，火候剛剛好燒牛油蒜蓉大花蝦 - 好大隻呀，抵食！肉質仲係鮮美多汁泰式明爐花甲鍋 - 花甲堅大隻，湯底無得輸，但原來有粉絲係入面，飽到食唔完香芒軟殻蟹米紙卷 - 食時D料咇哂出黎，但食材都好新鮮辣椒膏炒蟶子王 - 香料無蓋過海鮮味，海鮮就係要有海鮮味！爽！彈牙！泰式馬拉盞炒通菜 - 都唔錯，但無咩特別百香芒芒 - 好勁芒味，足料呀鮮椰青 - 至解渴，無酸味

今日下晝入左屯門公園玩，果度新開左一個有沙有水玩，又有新式千秋玩...不過人多到不得了...入左屯門玩就梗係係屯門搵食...隨便上黎OpenRice 搵...搵到呢間食泰國野！佢門口都有好多車就咁泊門口，如果搵唔到位，行入小小有個大咪錶位！過去時打左去留位同埋問泊車位置！聽電話果位小姐好好人，話就黎有兩檯人走，泊車既話門口啱啱有一個位去到佢地留左個卡位俾我地！太好啦！小朋友可以坐入去安安全全，食都食得安生d 我地叫左7樣野同3杯野飲，第一樣到既竟然係薄餅同蒜蓉包大佬，但我個咖哩未到喎！冇計，食住先啦！個蒜蓉包好好味囉再黎係個豬頸肉同馬拉盞炒通菜！個豬頸肉就一般般，我覺得唔夠熱，但可能因為上埋個小火爐等興熱先食掛! 個通菜又係好好味！不過就細碟左小小然後上左杯芒果野飲，一般般！但個樣呃得下人另一杯西瓜冰，我仔話好飲！我最尾試時就覺得同果汁鋪打既西瓜汁差唔多！不過呢度賣成$38杯然後個咖哩大蝦到啦！呢個賣$188， 但有成4隻大蝦仲要開邊，所以夠晒食！我地之後仲叫多份薄餅點咖哩汁！好味！個汁唔辣！又有旦花👍🏻👍🏻👍🏻最後蝦片漏左單！問時個姐姐仲講笑話聽日黎請我地食🤣🤣🤣但我仔話要食，最後等

邊個話食泰國菜一定要去九龍城？屯門區一樣有好選擇。月亮蝦餅春卷皮酥脆、內餡 Q 彈，非常香口。泰式燒原條魷魚配酸辣汁燒魷魚，簡單惹味。魷魚鬚烤得焦香。泰式馬拉盞炒椰菜苗椰菜苗生熟度剛剛好，非常爽口。馬拉盞分量準確，沒有過鹹。完美。招牌焗黃咖哩麵包軟殼蟹咖哩汁帶一點點蛋香，非常香濃。配麵包、飯或薄餅都一樣咁夾。軟殼蟹分量夠多，而且 “索” 哂香濃咖哩汁，無得輸!象泰芒果椰汁糯米飯極受歡迎的泰國甜點和街邊小吃。糯米飯軟綿度適中，恰到好處。芒果香甜無比。泰式千層糕口感Q彈。班蘭椰汁好香。青檸梳打新鮮青檸汁 + 原裝進口泰國梳打水 = Refreshing 

呢間位於屯門嘅泰菜餐廳好有泰國風, 除左播住泰文歌外, 佢嘅室內設計都有好多泰國特色佈置｡餐牌圖文並茂, 啱晒我呢 D 鐘意看圖點菜嘅人｡一坐低, 店員就會送上一份免費嘅蝦片｡招牌焗黃咖哩麵包軟殼蟹 呢款真係餐廳嘅招牌菜, 差唔多每張枱都會 Order｡黃咖哩加入雞蛋煮成醬汁, 再用麵包裝住炸到非常香脆嘅軟殼蟹 & 黃咖哩醬汁, 黃咖哩醬汁多到漏晒出黎｡ 軟殼蟹啖啖肉, 黃咖哩醬汁辣得黎又帶有少少甜味, 用麵包沾黎食真係無得頂 !!泰式馬拉盞炒椰菜苗份量超多, 椰菜苗煮到非常爽口, 食落去唔會好硬身, 馬拉盞既咸香提升左成碟椰菜苗嘅味道｡泰式燒原條魷魚配酸辣汁好少餐廳會用成條魷魚燒俾客人食, 魷魚唔會燒到過硬, 口感仍保持到淋身, 配埋兩款酸辣汁食, 非常惹味｡泰國千層糕 以為係凍食嘅甜品, 但原來係即叫即整, 所以上枱時仲係熱辣辣｡ 一層班蘭, 一層椰奶, 食到啖啖香濃嘅班蘭和椰奶味, 口感軟軟 QQ, 係就算幾飽都要食嘅甜品 !!

就到聖誕，提前食聖誕大餐比較划算，所以今次就黎左屯門食就返我家姐等佢唔駛走咁遠呢闁象泰宴係我姐簡的，佢話食過呢度嘅泰國餐幾抵食所以今次就介紹左黎呢度所以出場嘅係月亮蝦餅月亮蝦餅外表脆脆而入面就係彈牙蝦膠，正炭燒豬頸肉，下面有一個火可以幫佢保持溫度，唔怕會凍左網包鮮蝦炒金邊粉原隻椰青海鮮焗飯都幾大個，抵食招牌焗黃咖哩面包軟殼蟹軟殼蟹蟹腳咖哩好好味，點埋面包一齊食超正泰式馬拉盞炒通菜泰式馬拉盞炒椰菜苗象泰芒果椰汁糯米飯，呢個時候食嘅芒果竟然一D 都唔酸，好驚喜

星期六去屯門行下由黃金海岸海灘慢慢行本身晚餐想在黃金海岸餐廳解決但價錢實在所以行下行下行走左去三聖嘩見到好似西貢咁海鮮檔加海鮮加工酒樓肚開始餓都想食嘅但價錢係遊客價都係留返比遊客享用了慢慢行左入村本身睇中附近一間泰國野但泰國姨姨話落左場五點九先返黎在都幾肚餓的情況下入左象泰宴本身諗住叫兩個茶餐醫醫肚晚餐再食第間很安全咁叫左點知非常好食冬蔭公酸酸甜甜辣辣36蚊有魷魚蝦青口非常抵食又好食。炒飯係香同好食嘅但冇話好驚豔的感覺但那冬蔭公湯米就令我有掛住心思思返去食嘅感覺由於太好吃叫多左一客生蝦超爽脆汁超好吃但紅色那款超辣當我one shot 慢慢咬時辣椒子在舌尖爆開的時候總之好吃抵食服務好

屯門原來除左小x谷都有高質泰菜😍呢間泰國菜館都幾大間重點係啲嘢都好大碟下 低估左😱.🐔海南雞無骨之餘仲皮薄肉滑真係啖啖肉 油飯食到底有少少油~sᴜɢɢᴇsᴛ隔左油先 如果食到底😀.🦐炸蝦片係心血來潮想食 無諗過咁多有20塊左右 好香好脆 不油膩❤️.明爐冬陰公烏頭係我最愛🥰是關可以飲埋個湯條魚又吸曬個湯既精華 入曬味好正而且好多配料 可以慢慢食💙.🥬生菜包同🌛月亮蝦餅算係幾出色肉碎炒得乾身 小辣 生菜好大塊容易包住肉碎仲包到好多🐷食完好開胃 生菜量仲好足夠添。.🌛月亮蝦餅超大 呢樣食物我淨係係台灣食過比起我想像中大好多 而且炸至金黃 蝦肉又多點埋個泰式辣醬食 好一流‼️💜.以後食泰菜又多個正正子選擇🥰

以前喺屯門區紅極一時嘅小曼谷原址變左呢間象泰宴，同樣係泰國菜館，營業左一段時間我都未試過。餐廳有重新裝修過，店面光猛企理，比以前寬敝，而且舒適得多餐牌都係一貫泰國菜，沙律、小食、咖喱、海鮮、肉類、串燒，仲有D其他東南亞菜蹤影，例如越式生牛河、海南雞飯等等。店員(老闆？)送嘅蝦片，好香脆！今日點左月亮蝦餅，一份88，唔似其他蝦餅，唔係呈圓形或者球狀。類似薄撐形式，煎炸後切成八件。蝦餅有明顯蝦味，食落香脆另一樣我地好鐘意嘅鹹魚椰菜苗，一份68，菜苗嫩綠無渣，食落都好香，又唔會有苦澀味。鹹魚蓉感覺唔係好濃，變相冇咁鹹啦，油份唔重。泰式酸辣鳳爪份量都唔少，另外用D泰式沙律墊底，酸酸辣辣勁開胃泰式明爐花甲鍋，一份108，以前多數點明爐烏頭，今次轉一轉口味。見有花甲又想試，都冇失望喎！鍋上嘅明爐，與其叫花甲，其實直頭係大蜆，都有10隻，隻隻有肉，配酸辣湯底，入面有肉碎，菇菌，仲有粉絲墊底！味道酸辣，又唔會太過剌激，好正！粉絲份量都唔少，索哂D湯汁，又飽肚！我覺得好過炒花甲~最有驚喜就係去骨海南雞配油份，點左半隻share食，98蚊都抵食。一上枱已經見到海南雞色澤光亮，睇都睇得出新鮮而且雞肉相當嫩滑

今日同個屯門friend行V City, 夜晚佢帶我嚟呢間新開嘅泰國餐廳食飯。我哋兩個人點了泰式明爐冬陰公烏頭，泰式馬拉盞炒通菜和泰式菠蘿海鮮炒飯，另再叫了紅豆冰和珍多冰。初時諗住呢啲普通例牌泰國菜唔會好大碟，點知原來碟碟都份量十足，比外面的泰國餐廳大碟好多，兩個人食足夠有餘。泰式明爐冬陰公烏頭好大條，浸在冬陰公湯裏滾著食非常滋味，我差不多連所有配料都食埋。泰式菠蘿海鮮炒飯勁大碟，3, 4個人食都可以，菠蘿果仁肉鬆配料再加青口蝦仁，真係食多多都唔會厭。泰式馬拉盞炒通菜係我食泰菜嘅指定食物，呢碟菜又係大大碟，熱辣辣炒到好香好好食。我食泰菜一定飲珍多冰，好鍾意一路飲椰汁一路食到裏面嘅綠色粉條，呢杯珍多冰好正，冇令我失望；我個 friend飲嘅紅豆冰都好味，佢話啲紅豆好淋甜，全部食晒。

帶班朋友去屯門一日遊，最後一站就係去食泰國菜，之前有屯門友講過呢間高質，咁梗係要去一去！揸車去附近都有錶位，易泊入嘅！門口都幾靚，入面好大，裝修都係泰國feel!朋友話佢嘅泰式生蝦好特別，一定要叫，估唔到佢一shot shot咁上枱！打卡一流！生蝦夠晒新鮮，大大隻，d汁夠晒辣，夠晒開胃！生蝦夠辣，即叫杯餐廳推介嘅百香芒芒同紅色花園(西瓜)降降溫，原來面係芝士奶蓋，層次分明，口感特別，大大杯絕對值得推介！之後就係期待已久嘅招牌菜，星洲咖哩大肉蟹加伊麵底，仲叫埋個香蔥蒜蓉包點汁食！大肉蟹充滿晒濃濃嘅咖哩汁，撈埋伊麵食，好味又飽肚，最surprise 嘅係估唔到蒜蓉包係咁大舊！香味洋溢，點咖哩汁更美味！最後叫多個馬拉盞炒椰菜苗加原隻椰青海鮮焗飯作結。椰青焗飯表面淋有厚厚嘅椰青汁，上枱果刻真係椰香四溢！整體而言，呢間泰國菜環境靚，食物高質，真係多謝介紹俾我嘅屯門友！我一定會再幫襯！

呢日黎開屯門呢邊, 梗係要搵下好野。難得9點左右呢度重好旺場, 二話不說即刻入去坐低。先到小食!香芒軟殼蟹紙米卷!賣相一流, 紙米卷皮 皮薄, 而香芒同軟殼蟹用足料!!非常好。燒牛油蒜蓉大花蝦!蒜味本身同燒蝦味道好夾, 大蝦燒到外表金黃色, 而且大蝦厚肉。食得好有滿足感。呢一味必嗌!炒聖子王!一般炒聖子會係以兩/斤計; 但呢度一個size上, 唔怕聖子殼重秤。而且落足料。聖子新鮮, 又洗得乾淨無沙! 另一推介必食!明爐花甲鍋!花甲用料大大隻, 係泰式湯底之配搭下味道好出。而湯辣辣地, 寒冬最岩食!另外, 食泰國菜點可以無串燒!叫左豬/雞各半, 啖啖肉沾上咖哩醬, 無得彈!食左咁多肉當然要叫碟菜平衡下, 泰式通菜絕對係泰式餐廳必定拿手好菜。小朋友都爭住食啊!泰國菜味道豐富, 當然少不了飲料中和, 我叫呢一杯百香芒芒。味道剛好不太甜, 又有粒粒芒果肉, 超正!呢間泰國菜食物一流, 而且坐得舒服。有機會過黎一定要再食!

最近發現置樂多左間新開既泰菜，於是就同家人黎食晚飯，試下有冇泰國既味道先！泰式青木瓜豬頸肉沙律餐前一定要食返個青木瓜沙律開下胃，酸辣既醬汁惹味得來唔會太嗆辣，加上本身有調味既豬頸肉，食到爽脆青木瓜同時又有爽口嘅豬肉，好夾好好味～泰式生蝦嗜辣人士必食！用小酒杯去裝住，成個觀感已經好特別，估唔到紅青兩種醬汁更加有驚喜！至於邊個辣d我就唔開估啦，到時食落口就知啦，係刺激到口水鼻水一齊流呀🤤泰式麻辣多春魚又一餐前小食，平來期望會好似燒多春魚咁入味，不過佢就外面好香脆，入面冇乜味，食緊多春原味咁樣，點返醬就會更惹味青咖哩雜菜+簿餅見到有雜菜呢個選擇就即刻叫左，因為冇寫有咩雜菜，以為應該都係得一兩樣啦，點之係有超多種類，正呀！青咖哩味道ok 有少少椰奶香，不過唔係太辣，加上d菜放耐左會出水，所以要快d食啦😩海南雞飯例牌都叫既海南雞飯，皮薄肉滑，啖啖肉，如果午市再來都可以再食！仲有叉電位！整體黎講都味道唔錯，價錢就比附近另一間泰菜貴些少，不過呢度好在環境好d 坐得舒服d~ 一家大細食飯，或者多人都唔驚坐得唔舒服，有機會再食啦～

今日搵食搵到屯門置樂，呢度真係好多野食，最正既地方係附近有個停車場，泊位完全冇難度，方便各位黎開餐叫左個豬頸肉，餐廳非常貼心，提供個爐仔整返熱返佢地架呢款蝦餅都係第一次食咋，外層係好薄既脆皮，中間夾有豐富既蝦肉仲有d芫茜係度添菜就夠哂新鮮脆綠，仲有好多馬拉盞添我個椰青焗飯終於黎啦，上面有兩隻青口，入面仲有蝦、魷魚、魚柳，椰漿味好濃，鍾意椰汁既話一定要試呢個包入面認真有料到，面層有多隻軟殼蟹，黃咖哩醬帶有少少辣味，用黎點包認真一流最後都叫多個粉醫肚甜品都好出色，紫色既糯米飯配以金黃色既芒果，上面仲有甜入心既椰醬

係屯門睇完戲喊到七彩，諗住食返餐泰國野平衝一下心理，點之又喊到七彩！講緊嘅係辣到喊🤧🤧泰式生海蝦 6隻 $88就係呢味生蝦啦！咁樣用shot杯裝住真係幾靚，影影影完相就開始食啦，老闆話一個係溫和版，一個係激辣版，係邊隻色就留返畀我地試啦～結果我地一齊拎起平時都成日見到嘅青色，一野倒晒落口，頭三秒冇咩事，之後就feel到黎料啦。。。慢慢啲辣開始衝出黎，不行了即嗌野飲先！另外紅色醬就係比較酸，食起來冇咁刺激。珍多冰 $26飲返啖冰凍椰汁解下辣先泰式青木瓜豬頸肉沙律 $68將豬頸肉切條直接撈落青木瓜度，食落口更好，微辣嘅沙律又帶少少清新，非常岩開餐之前食。冬陰海鮮湯 $108冬陰公湯好足料，用咗蝦、魷魚、青口去煮，入口辣而不嗆，非常鮮味。海南雞配油飯 例牌 $68海南雞飯都值得一試，雞肉鮮嫩而且唔太肥膩，份量亦都恰好。順帶一提，有個奇怪位係餐牌寫咗去骨，上到黎雞翼就係連骨，有點令人費解，不過我地都冇乜所謂嘅～～青咖哩雜菜 $68印度薄餅 $32前面已經嗌咗好多肉，又想試下咖哩，所以就嗌咗青咖哩菜，估唔到菜嘅種類，數埋都有四五款菜，一啲都唔齋，而且青咖哩個味好正宗，辣得黎係有層次，有驚喜，點薄

屯門對很多人來說真是一個陌生又遙遠的地方，要不是今天要幫朋友搬家，我想一年都不會踏足這地方一次。大約晚上九時終於安頓好，朋友就帶我們來慰勞一餐。朋友知我們辛苦，特地點了招牌星洲咖哩大肉蟹給我們，滿滿的咖哩把整隻一公斤的肉蟹都覆蓋住，光是香味已令人垂涎三尺🤤甜甜的咖哩沾滿了所有蟹肉，肉質鮮甜有口感，即使配菜的燈籠椒和洋蔥都不容忽視。香蔥蒜蓉包也不是一般的貨色，金磚般的賣相，蒜香味濃厚，釀咖哩汁絕對一流，大食如我的吃兩條已覺得飽肚。青咖哩流心蝦球，比拳頭還要打，切開後青咖哩傾盆而出，而且蝦球十分彈牙，味道也蠻配的。椰汁清雞湯，不能吃辣的人一定喜歡，雞肉即使上檯後用小火一直煮仍很嫩滑。最後不得不提呢兩杯飲品，味道清香，唔會太甜，有果肉，奶蓋非常出色百香芒芒(芒果)黃金戀人(菠蘿)