象泰宴

营业中

休息中

屯門都有唔少嘅泰國菜嫁，今日嚟到置樂花園,一再品嚐泰國菜,呢間泰國菜,裝修簡潔,而且又有卡位坐得舒服,真係適合同朋友一齊來共享晚餐。如果鍾意食泰式生蝦，呢個就真係必點嘅推介啦，你問我點解？平時食親嘅泰式生蝦，只會得壹個張，但係呢一個泰式生蝦竟然有兩種口味，一種係青色嘅辣醬，一種係紅色嘅辣醬，青色嘅冇咁辣偏甜，紅色嘅就偏辣，但係最緊要嘅係，佢哋嘅蝦好新鮮，已經將蝦腸跳乾淨，而且入口冰凍又爽口，配上佢哋特有嘅醬汁同埋香葉，真係好好味呀。鮮蝦炒金邊粉，話明係鮮蝦，梗係有隻大大隻嘅哈啦，入口爽口咬落清脆，至於個金邊粉，份量一啲都唔少嫁，金邊粉唔會好林，入口彈牙有口感，最緊要嘅係佢嘅味道酸酸甜甜，好開胃。黃咖喱軟殼蟹麵包，嘩！一上枱已經覺得好震撼啦，一大個麵包，裏面裝滿着黃咖喱同埋軟殼蟹，麵包雖然吾脆身，但係鬆軟得來都別有一番風味，裏面裝着嘅黃咖喱唔會好辣，偏甜，最重要嘅係軟殼蟹勁大隻，而且新鮮炸起，入口脆身，黃咖喱配上麵包，入口真係覺得好窩心。