象泰宴

营业中

休息中

今日忙裡偷閒就黎食個lunch環境：3/5有點迫，座位距離都近，但好彩樓底高，有點裝修食物：4.5/5好惹味，馬拉盞炒通菜好惹味，蒜辣椒等調味料落到好足，係真係有d辣既！呢到所有餸既調味都好出色串燒又燒到岩岩好食左個撈蒙！好fresh，有紅蘿蔔絲青瓜絲生菜！好食👍🏻👍🏻服務：4/5服務態度好好，會周圍行黎行去望下有無野要執，出飲品果時佢竟然仲幫我打開罐7喜，好難得呢個價錢都有咁既服務性價比：5/5無可挑剔，好食，又平，套餐加小食加18，加通菜28，每人加小小已經係超飽！

食物味道OK嘅，我哋三個人嗌咗八碟野，係好飽嘅，不過最搞笑係熱食來晒，不過就唔係好熱囉，明顯睇到係有好多台客一齊叫，跟住將啲嘢分翻開比唔同嘅人，啲冷盤反最後先來，食嘢嘅次序有啲怪怪的感，其他都算OK，加上父親節，都有得訂枱7:00 ，早咗到仲比我哋入，知我哋喺出邊好熱，我哋都準時8:30前交枱，其實我覺得招呼都唔錯，尤其係出面嗰個唔知係經理定老細，好識照呼人，一坐低就送甜品，下次等平日再嚟一次，希望佢哋會做得更加好

門口個人態度差都算，等個花甲等左成個半鐘，啲侍應係咁話幫你跟跟，跟到最後直程舉手都唔show你。真係等到成肚火。成間鋪8成人走去整外賣。當啲堂食客唔係客咁。外賣真係咁好搵咪成間野摺左佢淨做外賣算囉。呢間野真係冇下次！

今晚同屋企人一齊慶祝母親節，唔想出街同人迫，所以買外賣返屋企一齊食。我地係OpenRice禁咗外賣之後，千辛萬苦等咗兩個鐘頭終於拎到外賣喇！返到屋企終於食到一啲唔熱既咖喱軟殼蟹，凍嘅冬陰公湯。真係為呢個五月增加唔少涼意！雖然啲咖喱幾好食，都有唔少味精！冬陰公湯就幾夠味，但係食完都覺得自己對唔住屋企人，因為成屋人都一齊由6點等到8點先有得食，大家都好肚餓！媽咪真係對唔住啊！唔關我事架，我都唔知道架野又漏單門口個4眼佬做野又差又卸膊！下次我地去曼谷食泰國嘢啦！

在黃金海岸附近，友人的居所作客，附近都沒有什麼餐廳，而且我們在開鵲局，因此梗係叫外賣。翻看資料才知道原來這間餐廳在置樂，也是兒時間中會到的地方。以屯門區的這種泰式小店來說，這間都算是不錯，咖喱非常杰身，用來點咖喱的麵包夠厚，但又不算太過乾身，中間都算軟林，伴咖哩來吃也相當不錯。之前都已經說過，其實泰式豬頸肉，因為用燒烤的爐火去燒豬頸肉，往往令到豬頸肉變得比較乾，因此近日反而喜歡吃普通自家煮豬頸肉，又或是浸在湯裏做湯麵的豬頸肉。海南雞也不錯，大部份位置都好像去了骨，而且不算太過肥膩，最重要的是它的海南雞的確本身已經醃有味道，不像很多泰式店，完全沒有味道的海南雞都叫做海南雞。菠蘿炒飯雖然沒有見到什麼菠蘿，而且只是用膠兜盛載，但內裏有點提子粒以及肉鬆，吃到非常滿足。

今晚收左工，老婆又唔想煮飯，落街行行下就走到去象泰宴門口🥘🥘見到門口餐牌又幾抵食，入去試下。點左個兩人餐加印度餅，條烏頭好入味😋足料（檸葉南薑香茅青檸汁），海南雞🐔啲汁一流，提味好👍🏻，個菠蘿炒飯就細碟左小小，但賣相味都不錯，呢小朋友都話正，最後一提，你地嚟到一定要點佢地杯芒果，好好味，跟餐半價抵到爛，最後只係覺得個份量細左少少，但其他都好有水準🍹，下次叫多幾個人叫多幾款食物encore，爽😝😝

網上訂購，17:43訂購，18:09顯示可以取餐，最後等左廿分鐘左右入去問有未，職員話仲未要等多陣，轉身行出門個陣聽到職員話唔等得咪叫外賣囉！嘩！你哋明明顯示拎得先嘅，已經再等廿分鐘先問，仲要咁樣態度講野，最後18:35先拎得，仲要走左返屋企先發現俾漏野食，又要等多十幾分鐘佢地送過嚟，最後19:00先食得！全程一句唔好意思都無，唔會再幫襯！

雖然係等一陣就入得，但等緊位個陣周圍勁多人食哂煙，一路食二手煙一路等，食完二手煙食龍肉都冇味啦。到入座後個呀嬋重要態度差到呢，單又唔識落，又要串串共，我唔係話客人大哂，但都唔使咁串，講尊重架姐。好彩個店長都算有禮貌，但個整體印象已經差哂了，d食物叫做ok但對比佢後面間小曼谷其實差唔多質素但價錢貴好多，我本身係openrice見到間野咁高分打算試下啦，依家真係不了

見食評唔錯就試下啦。第一次到印象幾好，裝修企理又有空間枱唔逼，卡位仲設冇义電位。叫咗$238/2人餐再加$68冬蔭公(好抵呀)，每碟都大大碟完全唔似套餐size,而招呼亦很好，男侍應會主動換碟。下次會再試下其他菜式。

餐廳：象泰宴 (屯門)地區：屯門地址：屯門青善街康景花園8-10號舖日期：8/5/2020 時間：19:00人數：4人等位：10 mins 價錢：$398好耐無食過泰國菜，上OpenRice 搵到呢埋評價幾高嘅象泰宴，於是就夜晚過咗去試吓，我哋walk in入去，估唔到咁早就爆場，好彩都只係等咗兩個字就有位。我哋叫咗個4人餐 $398有5款餸食，我哋簡咗1. 豬頸肉啫通菜、2. 招牌焗黃咖喱包軟殼蟹、3. 泰式經典明爐烏頭、4. 網包鮮蝦炒金邊粉、5. 泰式波蘿海鮮炒飯，每樣都唔錯幾有水準，值得一提嘅係佢嘅招牌焗黃咖喱包軟殼蟹，咖喱非常之香口濃郁，同麵包同軟殼蟹好夾，我哋個個食完都讚好👍🏻，另外碟魚對家中兩老嚟講就偏辣咗少少，唔太啱佢哋，同埋覺得多骨咗啲，下次會改嗌其他菜式。$398有5個菜食到好飽，係香港嚟講算係非常抵食，所以值得推介👍🏻

炎炎夏日食泰國菜最啱喇好鐘意食泰式料理酸酸辣辣、椰奶香氣的味道!我哋倆口子點咗泰式生蝦、月亮蝦餅、金柚子蝦沙律，馬拉盞炒椰菜苗（蝦，差唔多全部都係蝦）生蝦用shot杯裝住，每隻蝦配薄荷葉、蒜頭辣椒一齊食，蝦肉彈牙而新鮮，難怪系招牌菜最鐘意就系呢個月亮蝦餅，月亮蝦餅外面好薄，炸到脆脆好味道金柚子蝦沙律非常醒胃美味，充滿泰色風情！柚子鮮甜，用嘅大蝦彈牙，口感豐富每次去泰國餐廳，除了食串燒、咖喱、冬蔭公外，都總會叫一客蔬菜，當中最愛必定是惹味的馬拉盞炒通菜或炒椰菜苗總體用餐好滿意下次再試下其他，今日真係食唔落了#以上食評乃個人竟見，不喜勿插

已經第二次來到呢間餐廳，套餐十分抵，兩個人可以叫3款餸，而且啲菜式都好大路，實有岩款，埋單2百幾蚊咖哩軟殼蟹，都有2小隻，是剛剛炸起，仲熱，本身諗住叫個白飯，點知個麵包咁大，食完都飽咗豬手，之前都食過，下面有啲菜墊底，豬手又夠淋，但今次稍為多毛，扣了小小分小食拼盤，必叫，係啲雞翼乾左小小其他都好味，春卷皮簿餡多，蝦餅彈，串燒正常叫左2杯飲品，菠蘿同芒果特飲，本人中意菠蘿多啲，但fatty 中意芒果，2杯都好fresh

工作辛苦左成個朝早，終於到Lunch hour 時間啦今日同事推薦我黎到青善街呢間叫象泰宴既泰國餐廳覓食泰式蠔仔蛋飯（午市配餐湯/$56）一上菜不得不讚佢既泰式餐盤，夠哂特別主角蠔仔蛋夠哂足料，有成十幾隻珍珠蠔，味道鮮甜唔會腥炒蛋香味十足，唔會炒得太老辣醬唔會太辣，送飯一流午市仲包埋豬骨湯同一杯熱飲，絕對對得住個價錢打工仔午餐之選

已來過多次，感覺都不錯，但今次人多，而且他們現在做的六人優惠套鎖餐確係抵，所以按今次 birthday boy 指示，給餐廳寫個評，支持一下。六人家庭生日聚會，全部成年人，有半數不辣，有一位海鮮要戒口。於是看上六人套餐，在15款菜式裡任選8項，另外各特色飲品有6杯半價（椰青和啤酒除外）。點了以下8款再另加上冬蔭公湯。

Such a bad experience and food is over cook. Inexperience in dealing with large group... Waiter/waitress are all inexperience. Over flux with customer at the same time. I would really not recommend coming to this restaurant. It purely waste of time.