象月-泰式休閒餐廳 (已結業)

個日睇完醫生，周圍搵地方食lunch, 見到呢間象月， 就決定去試下。 環境唔係好大， 因為疫情，變得更少位，好彩有人岩岩走，我等咗一陣就有位。 坐位唔太闊，要就住先入到卡位。午餐選擇都多，另超平加配迷你小食， 仲可以無限加。 老公叫咗海南雞飯，雞肉滑都好好味， 我叫咗青咖哩豬頸肉， 味道超香，又夠熱， 無骨雞腳同跟餐個沙律好爽，不過辣咗d, 蝦餅好彈牙，好味到我要追加多一份，可惜試唔到冬蔭公湯，因為賣晒， 我估都相當有水準。樓面水吧都係一些年青人， 經驗唔係好夠， 包外賣時都見佢地比較亂。其中一個似落命令式，但感覺他是最亂個位，叫到其他都手足無措😂。 但以佢地咁後生，咁多外賣單，都算唔錯。我下次一定會再去。

大埔其實係隱世美食天堂🥰今日就試左其中一間食店「象月」！店名有個象有少少帶出小店就係食Thai food既意思！我地三個人叫左一人一杯野飲，椰青$3X，串燒（$17/串）豬牛雞各三串，菠蘿炒飯，通菜，冬陰公，每人都只係$200😙值得推介既係佢地既串燒同椰青，串燒燒得熟，感覺安心，擺碟都靚，有一點點香茅味道正啊！椰青係正宗椰青，即可刮到椰肉架，甜而不漏，好配食左thaifood既感覺（消淡thaifood既spicy !)

專登出去太和支持黃店, 由於早咗去, 大概6:30PM 就到咗, 所以唔使等位☺(PS. 7點左右開始已經多人要等位)門口已經貼晒抗爭標語👍🏻見到伙計同收銀清一色都後生仔, 本身冇太大期待, 但估唔到出奇地好高質!😍我哋兩個人, 叫咗豬頸肉, 馬拉盞通菜, 青咖哩雞&椰青, 每一樣都好味到讚不絕口🤣豬頸肉烤得好好, 少少香口得嚟又唔會韌炒通菜有少少辣味好啱我哋口味, 份量都幾多青咖哩味道適中, 送飯一流最後特別要讚個椰青🤤🤤🤤從未見過椰青咁大個, 厚肉多汁, 啲椰肉仲要好易挖出嚟食, 超滿足😋好食到竟然忍唔住要叫多一個飲😆最後埋單兩個人大概total $400內, 性價比真係好高，絕對要再嚟食！😃💪🏻

在大埔區內吃泰菜的次數不算多今次在妹妹的提議下，和家人一起來試試這家新開業不久的象月！店面小小的，星期六晚未夠7pm都已全場爆滿！幸好妹妹預先訂座～食客較多，所以也設了用餐時限，是合理的時間限制～和家人用餐，點的食物都是較為大路的食品～泰式生蝦刺身，生蝦肉質爽口彈牙，味道鮮甜！醮泰式辣汁來吃，好滋味！辣汁沒有蓋過蝦的鮮甜呢～認真開胃！！軟殼蟹米紙卷，剛好前一晚吃了不好吃的米紙卷今晚吃到這款就覺得好好吃！擺盤一般，看不見軟殼蟹但味道方面，軟殼蟹香脆，味道不會過鹹加上各種蔬菜，口感清爽不油膩米紙卷薄身柔軟，質感不會韌～～馬拉盞炒通菜，吃泰菜時點蔬菜幾乎必點這款馬拉盞微辣夠惹味，通菜爽嫩脆綠，夠鑊氣！！青咖喱雞配薄餅，青咖喱雞還配有豆角和茄子青咖喱味道偏甜，幾乎沒辣味，但配薄餅來吃都好滋味！惜雞肉不夠嫩滑，略乾一點點薄餅有些焦了一點點，都可以接受質感都算酥化，但脆些會更好吃，稍稍偏稔身呢～泰式沙嗲串燒拼盤，雞牛豬各2串串燒燒得夠香，肉質不會乾身，微微帶點肉汁醃得夠入味沙嗲醬汁香濃惹味，推介秘製燒泰式豬頸肉，跟沙嗲串燒拼盤相比，豬頸肉這款略略被比下去豬頸肉的外層燒得焦香，肉質尚算稔身，但稍稍乾

好耐無出街食飯，今日突然好想食泰國菜就去試新野。本身好想試個小食拼盤，但朋友想食得清啲我地就揀d無咁熱氣嘅嘢黎食。鹵水豬手炆得好冧，非常入味，半肥半瘦好正！泰式炒金邊粉炒得幾乾身，細細碟有4隻大蝦，啲蝦都幾新鮮，肉質彈牙，但我覺得整體可以再濃味少少。碟邊除咗花生碎仲有啲辣椒乾，都幾辣架，如果唔食得辣建議撈少啲。蟹肉炒飯炒得好乾身，蟹肉絲唔算好多但都好夠味，好食！最欣賞嘅係杯菠蘿沙冰，好好飲！真材實料好夠菠蘿味，大大杯，啲味好天然。佢仲有西瓜沙冰同芒果味，下次一定會再試。P.S. 員工服務好好，好有禮貌

今日一早要返工入咗大埔， 做完嘢之後要搵嘢食， 行到去近太和附近， 發現咗呢一間泰國特色小店， 仲要係好有良心嗰隻。 一個午餐都係50幾60蚊， 雖然話唔係平， 但係佢仲包埋前菜同埋飲品。 個前菜係木瓜沙律， 真係用泰式木瓜切絲整， 不過就辣咗少少， 但個份量好足， 然後我叫咗海南雞飯， 啲海南雞係無骨嘅， 重點係個油飯真係好香， 唔算話太鹹太油， 啲海南雞都好夠滑， 加埋叫多杯青檸梳打， 好有泰國風味。 重點原來喺小食嗰度， 午餐加八蚊就可以有一份小食， 好似我今次叫咗呢個雞粒真係好特別， 好似扎肉， 而且好好食 好香口。

⭐️泰式金邊粉 $68🦐蝦醬炒飯 $88🌞炸春卷 $45 (+10%).呢三碟嘢份量十足 賣相都幾靚仔！全部都係偏濕身 油份較高但有鑊氣！.金邊粉係濃郁嘅茄膏味 有蝦有豆干醬汁整得偏厚身 黏附喺金邊粉上面可以搭配埋花生碎同辣椒乾一齊食仲有隻炒蛋令到整體嘅層次豐富🤤最後可以唧啲青檸汁 可以減輕油膩感.蝦醬炒飯 有臘腸有肉鬆 好很惹味因為佢啲料真係夠多 蝦醬又唔死鹹就算一個人食 到最尾都唔會太膩😋以味道嚟講 個人會推薦炒飯多啲🙌雖然唔係好知點解要攞隻炒蛋遮住碟飯.春卷就少失望 咖喱味同油份太重🍛咖喱滲出嚟令到春卷皮都慢慢變軟掩蓋咗蘿蔔 木耳 粉絲 本身嘅味道食物我覺得可以 晚市人均$100🙌食完晚餐 附近仲有好多糖水舖㗎🥣

直街個頭不嬲都多野食, 見新開左間泰國菜咁多人排隊咁緊係要去食下啦😉餐廳唔算大所以晚飯時間去到都等左廿分鐘🕣直接介紹野食啦👇🏻👇🏻<泰式沙嗲串燒拼盤>兩牛兩豬兩雞呢個拼盤咩都可以試下~ 好遺憾係肉好乾硬, 唔係幾ok😐但我依然比四星係因為個沙嗲醬呀💁🏻‍♀️沙嗲醬好香花生味仲有花生粒添! 比得上係新加坡街邊食到既沙嗲醬呀🇸🇬最後呢碗醬係舔乾淨晒既! (係肉咁乾既情況下真得多得個醬)<泰式金邊粉>呢碟粉普普通通, 唔洗估估下, 就係你望到佢個樣諗到個隻味👀金邊粉最驚太濕一patpat/太乾身唔易入口, 呢碟濕度剛好都要讚既~👐🏻<泰式秘製豬手>佢係中式豬手💁🏻‍♀️ 真係要諗同中式豬手既分別, 可能佢個汁偏甜少少(?!) 豬肉煮到夠腍, 唔痴牙, 多肥肉🐷本身仲諗緊泰式既豬手係點, 食完呆左😹<椰青>夠清甜! 入面好厚肉! (飲過難飲既椰青就知道唔同餐廳既椰青真係有分別架😿)------------------------------overall:: ok啦, 不過未必take two~

今日年三十晚，瞓到晏一晏先起身。心諗一定要搵間乾淨嘅食肆食中午，咪一陣充滿某地落嚟嘅同志係度咳真係唔得店。於是去左呢間泰國嘢。見門面乾淨，所有職員有口罩又有禮貌。就知安全。入嚟食個lunch 5X蚊唔算貴，仲有頭盤同飲品，仲可以加八蚊食小食，係咁加加加，正呀，反正未食早餐，啱晒我啦。我叫左個蝦餅同雞粒。個炸雞係肉丸定扎肉咁嘅嘢嚟，咬落又幾好食幾特別，幾彈匸。主食我地食左青咖喱同肉碎飯，兩樣都好正。大家有緣去試下啦

休假日就是該好好休息，完全不想動手做飯。記得呢間餐廳大概開了半年，一直有不少大埔友推介，不過之前幾次經過都見很多人排隊。今晚決定再來碰碰運氣，很lucky地居然有位喎，梗係要試試啦！文青風的簡約裝潢感覺很舒服。天花掛著一盞盞星球吊燈，杯碟也是同款的。店員還很窩心的在這寒冷的天氣送上暖暖的水因為有選擇困難症，環顧旁邊幾枱客人所選的食物，照樣點了串燒拼盤、飛天通菜與炒金邊粉。雖然通菜不是當季蔬菜，但還是很爽脆，麵豉充滿豆香，不像一般中式的死鹹。串燒拼盤有齊豬牛雞，而且有夠厚切，非常juicy不會乾柴，配上香濃的沙爹醬，每一口都是滿足。這份Phad Thai更是不得了，只看賣相已經很加分。大蝦有先煎香再與金邊粉一起炒，再放些微茄汁調味恰到好處，整體不會油膩清新開胃，蕾絲蛋皮更顯誠意十足。鄰桌情侶的芒果沙冰看來也很不錯。晚餐二人總計$250有找，非常抵食，質素絕對好過不少九龍城泰式菜館，必定encore！

媽媽生日梗係要食好野，近近地係大埔食！搵到間新泰菜食！叫左8個餸加個油飯，我地叫左-軟殼蟹青芒沙律-芒果沙冰-泰式金邊粉-炸通菜-火焰海鮮椰青飯-小食拼盤-烤薄餅-咖喱炒肉蟹-海南雞-油飯個青芒沙律都幾酸，做頭盤一流夠晒開胃杯沙冰多到滿，我仔話好好飲個金邊粉有小小辣，好味但小朋友食唔到呢個炸通菜好正！好似食緊炸天婦羅咁樣，一定要叫去親泰式鋪頭，都想叫椰青飯食，就係因為鍾意佢上面嘅椰汁，呢個都做得好香好甜呢個拼盤不過不失啦！$90有咁多又係好抵嘅呢個咖喱炒蟹隻蟹好新鮮，好實肉！個咖喱汁又好味！用黎點薄餅一流呢個海南雞都好滑㗎，跟呢個醬汁點佢真係好好味埋單$1000有找👍🏻物有所值

除夕打算出去震興下黃色經濟圈❤️當日朝早打去book位竟然都仲有位雖然無fc佢咩原因係黃，但去到好有驚喜原來出面有黑板寫住唔招待黑警💪🏻店面有文宣同口號講返食物，呢間算係我覺得唔錯既黃店份量足，賣相又靚，價錢抵，仲要味道唔差👍🏻🔸炸蝦餅 $68炸得岩岩好，蝦餅好彈牙🔹串燒（三併）$39牛就韌左少少，雞肉好嫰，豬調味唔錯🔸蝦醬炒飯$88炒得夠乾身，蝦醬味唔出🔹咖哩炒大蜆加薄餅 $108+$38咖哩係甜甜地，可惜個薄餅漏單等左20分鐘先上檯，d咖哩都凍晒🤦🏻‍♀️同埋個薄餅超硬超乾，好難食🔸菠蘿冰 $28唔算甜，好大杯🔹椰青 $38💬香港良心小店，位置未必最方便，但好值得大家去支持💪🏻

最近食得多日本野 今次黎食泰國野～我地7點左右到 本身以為要等位結果入面仲有空枱 太好啦真係好餓😭😂鋪頭係中型size 唔算好多位但坐都唔會好逼 不過枱面有啲細我地叫左三個餸都差啲放唔晒首先叫左個冬蔭公湯 價錢唔算平問佢portion size幾大 佢話5-6個人 但兩個都飲得晒 所以都照叫但其實上到黎既時候我覺得兩個人就飲岩岩好🤭佢有個爐仔係下面熱住個湯保溫👍🏻個湯都有好多海鮮我個人覺得個湯無一般個啲咁辣所以我自己好中意 好易入口 好快就飲左好多碗🤤本人係pad thai愛好者所以呢個係必點！首先擺盤好靚🤤 味道我都覺得幾好係我食過咁多間黎講既頭3位之一佢賣$68真係餐牌入面算平 可能因為佢無加海鮮個啲炒 但都真係可以一試！見到個湯無想像中咁大份就即刻叫多左個飯對我呢講個飯比起另外兩個有啲失色味道偏淡 菠蘿又得幾粒唔係唔好食既 但好普通無乜驚喜咁啦～——————————————————————總結係岩我自己個人口味既泰菜價錢公道 都有質素👍🏻門口有塊黑板寫滿加油說話💛都係大埔泰菜既一個好選擇👍🏻

平安夜仲要返工所以夜晚放工近近地去咗大埔食晚飯我哋冇book位但係未夠六點去到餐廳仲未開原來佢晚市6點先開始 不過已經有堆人排緊隊🤔入到去餐廳裝修好精緻有d星球燈咁 杯碟都係galaxy tone咁座位都好舒服! 😆係有少少迫🙈我地坐低冇幾耐已經叫咗野食叫咗一個咖哩豬加薄餅一個泰式金邊粉一碟飛天通菜同埋一杯芒果沙冰 先唔講野食質素我地等咗20分鐘都未有一樣野嚟到🙄🙄🙄然後眼見其他遲過我地落單嘅人都有野食我忍唔住催幫我地落單嘅waiter 我諗佢應該落漏咗😀最後 我地等咗半個鐘先嚟碟咖哩豬😀😀係幾好食幾入味 d汁好啱同薄餅食不過薄餅太油同硬 唔推介飛天通菜份量都幾多唔算多油 不過菜有d老金邊粉正正常常 唔算突出對得住價錢 料都豐富嘅其實成餐最推介係個芒果沙冰😂🙈好真材實料! 同埋真係沙冰狀態 唔係水! 配辣野一流🥰🥰雖然佢遲咗好多先上菜 不過食物質素真係唔錯嘅~

去食因為係黃店。雖然係禮拜六晚，但已經九點幾所以唔多人。門口冇人帶位所以直接進店，但一入去就覺得有啲伏😅 見有幾張吉檯但全部都仲有之前客人嘅碗碟，望咗兩望都見唔到有waiter，終於有個坐係客人位玩緊電話嘅後生仔企起身安排我哋坐邊度，再望住佢用毛巾將檯上嘅垃圾清理但同時掃落地下，即時令我諗起譚仔阿姐🤦🏻‍♀️食物方面，點咗青咖哩（$78) 加薄餅（$38), 咖哩唔跟白飯須另點（$1O），飛天通菜（$58)。食物係真心好食份量正常，但價錢以大埔嚟講算偏貴。仲有加一服務費，但就連一杯水都無😭😭 而且服務同環境衞生都有待改善。雖然盡力撐黃店並希望黃色經濟圈可以越做越大，但有的基本野都要做好。長遠最終不能單靠顏色，否則客人可能給你一/兩次機會便不再回頭