環境唔係好大， 因為疫情，變得更少位，好彩有人岩岩走，我等咗一陣就有位。 坐位唔太闊，要就住先入到卡位。
午餐選擇都多，另超平加配迷你小食， 仲可以無限加。 老公叫咗海南雞飯，雞肉滑都好好味， 我叫咗青咖哩豬頸肉， 味道超香，又夠熱， 無骨雞腳同跟餐個沙律好爽，不過辣咗d, 蝦餅好彈牙，好味到我要追加多一份，可惜試唔到冬蔭公湯，因為賣晒， 我估都相當有水準。
樓面水吧都係一些年青人， 經驗唔係好夠， 包外賣時都見佢地比較亂。其中一個似落命令式，但感覺他是最亂個位，叫到其他都手足無措😂。 但以佢地咁後生，咁多外賣單，都算唔錯。
我下次一定會再去。
