象月-泰式休閒餐廳 (已結業)

象月啱啱開張嘅時候幫襯過 , 隔咗幾個月今日又嚟食飯 , 星期日晚飯時間等咗一陣就有位喇 !秘製青咖哩雞 ($78) 青咖哩好香 , 都幾辣下 , 雞件係雞柳 , 冇骨 , 帶極少量雞皮 , 非常嫩滑好食 ! 仲有啲茄子 , 豆角同車厘茄青咖哩同雞肉份量都幾多 , 絕對對得住價錢 ! 我哋仲叫咗 1 碗白飯 ($10) 嚟配青咖哩 !! 送飯一流 !!燒泰式豬頸肉 ($78)外層焦香 , 肉質好腍 , 唔乾唔鞋口 ! 🤤🤤 豬頸肉調味足夠 , 就咁食已經好好食 , 點埋辣辣哋嘅醬汁就更加惹味 !生果冰紅茶 ($18)有水果味 , 但係唔算好濃 , 有大概 5 - 6 粒菠蘿 , 未有驚喜 , 但呢個價錢可以一試 飲品冇提供長匙羹 , 大家要諗諗方法點樣食啲菠蘿啦 ~ 😂食店冇加一服務費 !! 食物質素都唔錯 !! 絕對會回頭 😁😁 

最近大埔開左間新泰菜館，主廚係正宗泰國人🇹🇭，有d特別的菜式可以預早訂。所以約左一班朋友去試菜。首先冬蔭公出場，湯會一直保暖。呷一啖，酸辣度適中，仲有新鮮的大蝦。十分開胃。沙爹串燒有三種肉類，雞牛豬，好Juicy。食得出每一種肉都要用唔同溫度同埋時間，廚師很用心機去烹調。豬肉用配上青辣椒、檸檬葉，包上新鮮的生菜既清新又野味。炒通菜好有火候。酥炸蝦餅，好彈牙，新鮮的蝦肉炸到金黃色，好正！生蝦刺身，食落去極新鮮，原來配上一片苦瓜，更加突出鮮味。不得不試呢個爆炸大頭蝦，香茅切成絲狀，連埋秘制的鹹蛋黃漿一齊炸至金黃。又係大廚級的手工之作。最後呢個咖哩肉蟹需要預先訂，即日買即煮，香辣黃咖哩加啖啖蟹肉刺激味蕾。剩低的咖哩汁一d都唔嘥，嗌返d蔥油餅點汁食，滋味無窮。👍🏼👍🏼👍🏼呢間泰菜館價錢親民，可以俾街坊食上五星級大廚的廚藝，真係好幸福。😋

周日約了一班朋友來大埔聚會，晚上到象月吃泰菜。特别喜歡光顧街舖食肆，因為從門外已一目了然。這餐廳雖然不算很大，但裝修雅緻，座位舒適，有親切感。我們點了多款菜式，先來個沙律作前菜。青木瓜沙律 ($62) 泰式沙律醬汁風味獨特，這個沙律青木瓜絲又多又新鮮，小辣、微酸，吃了食慾大增!飛天通菜 ($58) 通菜青嫩，很有蒜香，辣得惹味! 叫飛天通菜，不知是否指炒菜在鑊中被拋上天? 果然很夠鑊氣!生蝦刺身 ($95) 生蝦刺身非常鮮甜，涼瓜很爽口，蘸些青色的酸辣汁，有提鮮的作用 ，美味更上一層樓!泰式沙爹串燒 ($88) 豬、牛、雞串，肉質都好，烤得夠香，雞肉尤其嫩滑! 串燒醬汁很美味，如可加點花生粒，相信更惹味!炸蝦餅 ($78) 蝦餅很有蝦味，肉質非常有彈性，外皮金黃香脆卻不油膩，做得好!香辣肉碎生菜 ($78)暖烘烘的香辣肉碎，入味又有肉汁，夾在生菜葉面，好味又清新爽脆!秘製冬蔭功 ($138) 因有秘製的元素，這冬蔭功與别不同，顏色特別鮮艷，看來濃稠像咖喱汁，但喝起來卻濃度適中，十分美味，酸和辣都恰到好處。椰汁、香料濃郁，海鮮和香草的味道也很突出。軟殼蟹青芒果沙律 ($75) 吃了幾道

而家泰國菜，同便利店差唔多，總有一間係你左近，再唔係話一定要出到九龍城先至有得食。但正宗好食既泰國菜真係唔多，今曰就同大家推介一下呢間泰國菜，非常正宗，味道唔錯，回頭率高。頭盤： 軟殼蟹沙律軟殼蟹炸到非常咁脆而且很肥美，有膏，再加上洋蔥生菜蒜頭夾配搭酸酸味味嘅沙律汁非常開胃。串燒： 雞，牛，豬串燒有3個選擇，適合唔同口味既你，燒既時間岩岩好，肉汁唔會太老，仲可以保存肉汁，再加上燒烤醬汁，非常回味。生蝦刺身泰國菜呢一味都可以話係靈魂主角，除左唔食生冷野既人，一般都好難抗拒。佢地用新鮮既蝦整，所以要啲都唔梅，而且非常彈牙鮮味，再加上醬汁配合天衣無縫。炸蝦餅蝦肉結實，火喉適中 ，加上泰式辣醬，食落口唔會太熱器。泰式肉碎生菜包肉碎加蒜頭洋蔥抄出來，味道非常濃郁同香，加上生菜去包住黎食中和返唔會太脷。冬陰功湯冬陰功湯用咗蝦蕃茄蘑菇其他菇類同埋香料 去做成嘅， 酸辣適中。 蝦肉吸收咗湯嘅味道亦都好好味。炸彈蝦呢味都可以話係呢間舖嘅主打菜， 用泰國嘅虎蝦， 開邊炸。 再加上香茅，紫蘇， 香蒜 炸到蝦嘅肉身金黃脆連殼都可以食得 ，非常惹味。飛天通菜用醬料將通菜炒加辣椒， 食完咁多肉食返個清新嘅菜都唔錯

入去大埔探朋友，突然好想食泰菜，朋友話附近開咗間味道唔錯嘅泰菜，就帶咗我地去食好彩先訂位，因為我見到都full House 雖然地方唔算好大，但裝修同擺設都幾精緻 Menu都幾多菜式揀最後就揀咗以下幾個菜式：食泰菜一一一一定要叫嘅飛天通菜係我嘅至愛啊睇佢炒得好入味有啲指天椒同炸蒜喺面通菜炒得都幾夠鑊氣，食起嚟好爽口然後上個冬陰公湯睇到都幾足料，有晒幾款海鮮最緊要個湯嘅味道酸酸甜甜，好濃冬陰公香料味飲完都幾開胃之後又係必叫太菜之一：生蝦刺身好好味呀！蝦夠新鮮又夠凍仲有啲苦瓜隔住每一隻蝦夾埋一齊食又爽又新鮮再嚟喺香辣肉碎生菜包真係唔可以睇小依道菜，佢肉碎睇上去好乾身，但其實食落口非常多肉汁係真係好好味，炒得好香啲汁係好甜，好似係精華咁食完一包忍唔住又包第二件，最後encore多一碟終於嚟到成晚嘅重點兩道菜：泰式炸彈蝦蝦好大隻，一碟有三隻蝦分咗一半，即有六件啱啱好夠分調味有香茅味同埋炸蒜炒埋一齊，呢個配搭令到蝦味特別香口口感特別爽口另一道菜就係必食咖喱蟹加多份薄餅呢段真係好抵，$300都唔使有隻咁大嘅蟹，以佢嘅咖喱汁仲要好香甜咖喱味極濃，每隻蟹鉗都會打碎左，方便我哋食啲蟹肉都好入味最後因為想

泰菜永遠都係我首選，因為大部份所用的食材都是海鮮或蔬菜，必要新鮮處理才是最佳食用期限。大埔新開的象月，雖較遠離市區，但它的店名讓人致身暹羅仲夏之感，便相約友人一試。店內新派泰式菜館的格局，簡潔舒適。頭盤是鮮蝦刺身，海蝦肉厚鮮嫩，若與碟上伴菜或醬汁配搭一下，每隻蝦在口中都能有不同的效果。跟吃刺身一樣，先從淡味開始。第一款蝦可配苦瓜，一嚐海蝦的鮮甜。第二款可配蒜頭，由於蒜頭與海蝦的質感有比對，此能一嚐海蝦的肉質。最後一款配上紅椒及蒜頭，盡情感受泰式辣味帶來的刺激感。請不要忘記在吃泰式鮮蝦刺身時，必要醮上少許的青椒汁，因為這才是這道菜的靈魂唷~青木瓜沙拉也是泰菜不二之選，小蕃茄與青豆角非常新鮮，再配上特製的香辣魚露醬汁，酸辣得宜，胃口大開。前菜的沙爹串燒也不錯，有牛有雞，火喉剛好，肉汁香口。另外青辣肉碎生菜，新鮮爽脆的生菜包著熱騰騰的肉碎，一啖放在口中尤其滿足。主菜則點了爆炸大頭蝦及咖哩炒蟹。前者配以香茅蒜頭油炸，香氣撲鼻。蝦身較細，但也吃到蒜香。咖哩炒蟹的蟹肉豐厚甘甜，配上較重奶香味的咖哩，肉質更滑。建議加點米飯配咖哩，比酥餅更佳。甜品的椰青糕清甜可口，清一清味蕾，這是一餐最美好的終結。

九龍城可算是泰菜館最集中的地方。回想起當年曾經在九龍城住過五年，差不多每星期都會幫襯泰菜一次，曾經光顧過十五間同的泰菜館，但當然最後都是選定一兩間幫襯，反而搬離九龍城後，少吃泰菜，但我對泰菜的熱情還是不減的。適逢K新婚兼新居入伙，所以就算路途遥遠，我和一眾同事都要上她新居踩場，順道來她極力推薦的泰菜館象月食晚飯，今晚一行十一人，好久沒那麽熱鬧了！店子雖然小小，但佈置乾淨清新，燈光柔和，頗有一點文青feel, 由於我們人比較多，所以我們只可以把幾張四人枱弄成一張長桌，每款食物全部double上。今晚試了十二款美食，多人食飯就是有這樣的好處，可以嘗試多一些菜式，而且非常熱鬧又開心！青木瓜沙律$62~以青木瓜絲，紅蘿蔔絲，車厘茄，長豆角，配以青檸，魚露，指天椒作sauce, 酸酸辣辣，非常開胃！軟殼蟹青芒果沙律$75~軟殼蟹炸得非常酥脆，配上酸酸甜甜的青芒果十分清新滋味！生蝦刺身$95~生蝦肉質爽脆彈牙，非常鮮甜美味，一問之下才知是即日新鮮蝦，果然和一般泰菜館雪藏蝦大大不同。蘸埋泰式酸辣汁更加清新開胃，好正！炸蝦餅$78~炸得外面金黃香脆，蝦肉彈牙爽口，蝦味濃郁，正呀！泰式沙爹串燒$88~

大埔舊墟直街是區內的美食地帶之一，食肆林立，多國菜館、各式餐廳、特色小食都有，晚飯及宵夜時段尤其熱鬧，假日很多區外人士都來吃飯。這晚約了一班朋友聚會，想吃泰菜，來了這家近期開業的象月- 泰式休閒餐廳吃飯。不過要留意，舖位的大厦在舊墟直街與美新里交界，餐廳入口其實在美新里，在街口轉彎便看到。 青木瓜沙律 $62 ~ 青木瓜絲、甘筍、豆角、車厘茄，微辣、酸酸甜甜，很醒胃!軟殼蟹青芒果沙律 $75 ~軟殼蟹酥脆，青芒果清甜，配紫洋蔥、香蔥，清新之中帶點點激情 !生蝦刺身 $95 ~ 生蝦鮮甜爽口，肉質通透。併紅椒、涼瓜 、杞子，橘紅翠綠，漂亮又美味! 炸蝦餅 $78 ~ 外皮金黃香脆，蝦餅鮮甜、軟嫩彈牙，超讚! 泰式沙爹串燒 $88入 ~.. 豬、牛、雞肉共6串。 牛肉略燒得過久，但豬和雞都美味，香口得來有肉汁! 香辣肉碎生菜 $78 ~ 嫩綠的菜葉，包著口感滑溜的肉碎吃，清爽中香香辣辣，很美味! 飛天通菜 $58 ~ 通菜青綠爽嫩， 有紅椒和金蒜，特别惹味，夠鑊氣 ! 秘製冬蔭功 $138 ~ 顏色鮮豔，賣相吸引! 椰汁、香料濃郁，海鮮和香草的味道也很突出。酸得好

今天頗忙碌，但開心，與朋友們去了之前蠻多食店的大埔吃晚飯，這趟是他們選擇，他們帶路，泰式的小店，坐位有點迫喼，幸好坐好位後便沒這感覺。飛天通菜 $58鹹鹹香香，通菜新鮮嫩。炸蝦餅 $78外邊炸得脆口， 裏邊有著彈牙的蝦肉與蝦的鮮味。香辣肉碎生菜包 2碟 $156肥肉不多，香辣惹味，竟然有越吃越想吃的感覺。大家商議追加生菜包還是蝦餅吃，結果 .....。泰式串燒沙嗲六串 $88兩串雞肉~味道一般。兩串豬肉，兩串牛肉~ 牛肉外表雖然略為過火, 但這兩款肉有著自己本身的肉味，不錯。沙爹醬雖略為不夠香濃，也夠味。秘製冬陰功湯 $138濃郁的冬陰功香味，湯內沒有咬不開的香料，還有蘑菇草菇雜菌，當然少不了蝦子。爆炸大頭蝦 $198這碟有三隻開邊大蝦，滲入了香茅味道，我吃了有些炸得比較脆的蝦殼，原汁原味， 粗蝦腳也有肉 。咖哩炒肉蟹2碟 $596咖喱汁濃稠又有椰香味， 伴飯伴烤餅也美味； 蟹肉彈牙，尤其是蟹鉗, 肉扎實，碟內的洋蔥與青紅椒，無一倖免的KO晒！補充： 在 Facebook按讚，每人送件椰肉糕。吃了兩碟蟹，結帳總數也不貴，可以再回頭呢！

成日路過呢間裝修得咁靚嘅餐廳，今日終於有機會行埋去睇吓佢係食物嘅，咁優雅嘅裝修，原來係食泰國菜！行入去，原來有set lunch食，我哋就點左呢個咖喱雞飯，好足料啊！有好多薯仔同埋雜菜，咖喱味亦都好香！呢個肉垂煎蛋飯超好食呀！啲肉碎完全唔乾！一食會停唔到口㗎！我哋見到加小食都只係$8一碟，所以我哋四款小食都加晒，而最好食係薄餅啊！因為可以將個咖喱點嚟食。連個餐湯冬陰公湯都好好飲喎，如果大碗啲就好啦～裝修都真係幾靚㗎～連隻杯都靚過人

我以前住喺大埔，都唔知有一條食街， 我最鍾意食泰國菜，一年起碼去一兩次泰國，喺門口見到間泰國餐廳，幾光猛、裝修又幾型格， 我好鍾意燈飾跟杯碟好襯，圓圓的有星空feel，所以試一試 。我最鍾意食泰式刺身蝦，畀其他泰國餐廳大一個碼，好fresh好新鮮。冬陰功湯非常 yummy，我本身唔食得太辣，佢嘅酸和辣配合得剛剛好，好惹味 、好出，都幾多料。點咗個青木瓜沙律 酸酸辣辣配合得好好 唔會 只得個辣字， 仲好似有啲芒果喺裏面添。沙嗲係我 honey 我的至愛， 豬牛羊都有，都幾大件，肉質好juicy， 有水準。餐廳不大，十幾張枱，6.15到，好彩行早一步 過多幾分鐘都冇曬位，真係好爆呀，雖然啲侍應好忙好忙，但係態度誠懇有禮貌(靚仔搭夠)。下次一定再嚟。

今日約左幾個朋友一起去太和象月泰式休閒餐廳吃晚餐，第一次去呢間泰國菜餐廳，感覺好清新好有特色，風格好文青，唔講仲以為去左咖啡廳，而且裝潢都比較有心思，好適合年輕人去食同打卡😊😊😊我地人多都叫左好多野食，第一樣有小食拼盤（裡面有2塊炸蝦餅，2塊豬頸肉，2件炸春捲，4件炸單骨雞翅）呢碟小食好多人叫，聽聞開舖以來一直都係頭三甲受歡迎👏🏻呢個小食配上秘制醬汁，真係好惹味，難怪係受歡迎👏🏻👍🏻👍🏻👍🏻👍🏻第二樣我超級鍾意的泰式炸彈蟹，唔識形容，總之好好味，炸得好正好正好正，去的話真係必點的，而且份量十足，👍🏻👍🏻👍🏻👍🏻👍🏻必點啊第三樣係新鮮菠蘿飯，中規中矩的菠蘿飯，沒什麼特別，味道係好的，份量也多，抵食但我想介紹第四樣，椰子飯，哇呢個好味囉，沒咩地方有得食的椰子飯，超香超美味，有埋椰肉係裡面，又有海鮮，來的話又係必點的主食👍🏻👍🏻👍🏻👍🏻👍🏻第五樣係泰式炒金邊粉，呢個炒金邊粉同出面唔同既係佢既心思，除左好食仲好看，廚師特登飯上面用蛋汁包住個粉，好靚，好啱打卡，好味好食👍🏻👍🏻👍🏻👍🏻第六樣三味魚，魚可以每次有不同選擇，有甜，辣，酸三隻味的魚，好特別，開胃，份量也多👍🏻👍🏻👍🏻👍🏻第七樣係好有特

好耐冇黎大埔區，見完朋友之後周圍搵嘢食，先發現大埔舊墟原來有一條食街，兩旁都有好多唔同嘅小店，最後揀咗呢間好似新開嘅泰式餐廳。先來個生蝦刺身，雖然得六隻，但每隻蝦都幾大隻，啲蝦好新鮮及彈牙。冬陰公湯味道唔算辣，酸味同辣味個比例都幾好，有成三隻蝦，另外都有好多唔同配料，令到湯嘅層次感更加豐富。飛天通菜其實係辣椒炒菜，越食越會覺得辣，食唔到辣嘅唔好點呢個菜。炸蝦餅係我最鍾意食嘅泰菜之一，蝦膠打得唔錯好彈牙，炸得亦都非常好。泰式串燒，豬肉彈牙有咬口，雞肉十分之嫩滑，牛肉味道都唔錯，不過嗰醬好似唔係串燒花生醬，如果唔係會更加好食。最後叫咗個咖喱炒蟹，隻蟹好大隻好足料，亦都好肥有多膏，個黃咖喱炒得幾香，食完晒蟹先至發現仲有好多咖喱汁，再叫咗個薄餅加埋咖喱汁食就一流啦。可能係新餐廳嘅推廣，只係社交媒體Like 就會送甜品啦，可能係送嘅甜品不過不失。

第一次既食評奉獻左比呢間餐廳我同女友黎左呢度食晚飯,初時叫左生牛肉沙律,泰式炒金邊粉,青咖哩雞同埋炒通菜,之後話冇生牛肉沙律,咁我轉炸春卷啦,點知都係冇,咁我同個後生仔侍應講落住咁多先全個場有三台客,落左單之後又多一台客人坐低,但竟然係岩坐低果台客上菜先,我地就淨係黎左碟通菜,我追菜時個侍應話幫我上左個白飯先,就係咁,我望住碗白飯一陣d 餸就黎啦,但係個咖哩佢落錯左單,我要青咖哩佢黎左黃咖哩,唔理啦,太肚餓都照要啦，不過d 雞勁鞋...侍應唔識主動去fill水,要叫先fill到埋單果陣諗住碌卡,連卡機都提供唔到服務...總括黎講環境係ok 既,但服務係差,食物都麻麻地,有d 碗同杯都係崩既,要轉另一邊飲水爬飯...失望

同朋友跑完步冇咩胃口，朋友提議食酸酸辣辣嘅泰國嘢食，又開胃又可以試吓位於大埔呢間新嘅泰國餐廳。我大概八點左右嚟到唔使等位，鋪頭好有太空感覺，啲燈係好多唔同嘅星球，睇落去似DIY，幾有心思！叫咗小食拼盤$98、柚子沙律$72、鹹魚炒芥蘭$66、新鮮菠蘿炒飯$108。小食拼盤$98 ，咩都有啲啱哂花心嘅我哋，炸蝦餅好味，豬頸肉都唔錯。柚子沙律$72，居然係最後食晒炒飯先上呢個沙律，次序亂咗搞到我哋最後都食唔晒呢個沙律。鹹魚炒芥蘭$66，鹹香出眾。新鮮菠蘿炒飯$108，一般冇乜特別，但係新鮮熱辣辣嘅。最後有送下次消費嘅食物優惠卷，有機會會再嚟食呀！