象月-泰式休閒餐廳 (已結業)

大埔泰國菜💛廚師有二十多年泰國菜經驗✨《秘製沙嗲牛肉串》$18串《秘製沙嗲豬肉串》$16串牛肉和豬肉肉質軟淋淋，配上沙嗲醬很美味👍🏻《泰式秘製豬手》$98豬手很入味，有肥有瘦，肉質易咬口，好味道👏🏻《青咖喱》$88配《烤薄餅》$38薄餅沾上青咖喱，不錯！青咖喱不算太辣，更有茄子、豆做配料，很好味💛💛《馬拉盞炒椰菜苗》$78泰國菜大愛椰菜苗🥰好好味✨以香港泰國餐廳來說，其實也算抵吃！食物份量也成正比！👍🏻

好鐘意呢間餐廳的氣氛！ 一個接著一個手繪圓體波波燈吊住，仿似宇宙中的一個又一個行星🪐。好得意👍🏻。 首選係要食呢個泰式金邊河，一件蝦好單調咩？但真係好好味。另外，小食:素味紙卷，辣汁完全有點精嘅作用，將紙卷內嘅新鮮蔬菜完美帶出。Chok Chok聲的呢～對！這份就是一份豬頸肉，但$10蚊有4片喎😳😳😳 真係估唔到咁抵食。 難道係因為我哋有4個人？泰式牛肉船河，因為自己對船河有要求⋯ 嗯⋯ 佢確實係有啲啲普通嘅。不過，咁有份量，啲肉咁多，同埋啲粉好似點食極都食唔完咁，你仲想點？P.S. 佢係用幼麵，有點像拉麵果種。今日先知道，泰式豬肉船河嘅湯係甜嫁，唔鐘意甜湯嘅你，就要注竟一下了。泰式蟹肉炒飯。食番呢嘅就啱啦！ 正正常常，夠鍋氣就咩都掂啦👍🏻P.S. 鐘意食烤薄餅嘅你，一定唔好錯過烤薄餅，真係又香又綿軟的。

好難食，午餐咖喱飯，咖喱無咖喱味，開水咁，薯仔變壞，配菜冇煮好仲係凍又硬，成碟都唔熱。真係鍾意香港，但啲嘢食都要整得好食先得㗎。唯一好就係碗白飯夠大碗。真係唔好黎食。

見到網上評論好似唔錯，特登黎試下，點知中伏了，小食拼盤份量小，而且d野唔新鮮。豬頸肉梅梅地😵飲品冰多過水，仲要一d都唔平店員態度差，未食完催埋單，一定無下次！

呢間大埔泰菜黃店都bookmark咗好耐，終於去咗試💛 佢哋有20年經驗嘅泰國廚師坐鎮，食物質素唔錯之餘，價錢好合理，CP值好高！大埔友想食正宗泰國菜可以試吓呢間💛▪️小食拼盤 $98▪️分別有炸蝦餅、豬頸肉、春卷同單骨雞翼。最鍾意係蝦餅大大件好脆口😍；豬頸肉搽咗少許蜜糖喺面，甜甜地好香口🤤；春卷同雞翼味道都唔錯，雞翼炸得再脆口啲就更好食💛▪️新鮮菠蘿炒飯 $108▪️炒飯放咗喺個菠蘿殼入面，好有泰國🇹🇭風味，而且配料超豐富，有青口、蝦、魷魚、肉鬆、腰果、菠蘿、提子乾等！飯炒到粒粒分明，味道適中又唔會太咸，配埋菠蘿食落特別香🤤 同埋呢個價錢有咁多海鮮算幾抵食！▪️秘製黃咖喱雞 $88▪️咖哩唔算辣，反而椰香味重啲，唔太食得辣嘅朋友仔都啱食🥰，雞件係無骨嘅，每件雞大大件食落好嫩滑！▪️必食蒜蓉包 $48▪️食咖哩緊係要叫返個蒜蓉包啦😆，個包焗得好脆口，不過蒜蓉味可以再重啲（我哋係重口味蒜fans）🤤▪️芒果沙冰 $28▪️呢個又大杯又好飲！超濃芒果味，天氣熱飲超解暑🥭

因工作關係，路經此餐廳，觀其裝飾不錯。看完餐單便下單，選黃咖哩雞飯。食物送到桌上，聞不到咖哩味，食進去像罐頭食品一樣。重點是雞肉是完全沒味道，估計用白開水煮完放進咖哩攪拌。極度失望！

呢間大埔象月其實我已經食過好多次，因為佢哋嘅嘢食好高質，價錢親民，店員都好friendly，所以次次食都有種好親切嘅感覺😌今日我哋7點鐘嚟到，店內full咗一半，我都建議大家book定位先👍🏻有兩樣嘢我哋次次嚟都係必叫嘅，首先係小食拼盤 ($98)☺️有蝦餅、單骨雞翼同春卷各四件，仲有幾塊豬頸肉😆蝦餅質素我覺得每次都有少少唔同，有時膠啲有時淋啲，睇彩數🤣另外三樣水準都keep到，炸嘢好香脆，豬頸肉都燒得好香嘅😌另一樣就係香辣肉碎生菜包 ($78)，呢個真係好好食啊！今次有九塊生菜，調味好惹味，好鍾意佢入面嘅洋蔥，令啲肉碎更加香😆而且都幾乾身，食嘅時候唔會太麻煩。今次仲叫咗泰式芒果魚 ($158)🐟呢樣係朋友推介，佢話有泰國朋友食完象月，話芒果魚係最有泰國風味🤣佢將條魚起肉，又拎埋條骨同肉去炸，上面淋咗啲青芒果同埋酸辣汁😋呢個真係幾重口味，好酸而且都幾辣，如果頂唔順酸辣就要留意喇😆另外仲叫咗個椰青 ($38)，好解渴啊！😋象月係我最鍾意嘅大埔餐廳，誠意推介😉

晚上來吃泰菜，見門面好有泰式感覺便入了去吃。最主要是我想喝芒果🥭沙冰而這裡有得賣。😍🥰入到去店員服務好好，座位距離較近，店舖面積不大。我們二人點了以下菜式：柚子沙律：酸酸甜甜，大碟，有一個柚子份量，還有幾隻大蝦🍤，吃到底如怕辣的會覺得濃。朋友想食咖哩，點了咖哩軟殼蟹，好大隻蟹，本人覺得咖哩太結了！😀😋這個飯值得一吃，很濃好香，炒得剛剛好，用泰國米，用予很多材料，例如肉碎，蔥花，臘腸等等⋯加豬肉鬆，好有泰國風味。😎😎芒果🥭沙冰味道令我失望，不是我想的味道，飲得出不是用整個芒果做出來，味道有點怪，果汁味～😣朋友說好飲，想飲多杯。🤩🤩

最近減肥，除咗自煮之外間唔中都想食吓街外野，但又想揀啲冇咁肥嘅嘢食。喺屋企附近發現咗呢間泰國菜嘅評價唔錯，又有比較健康嘅生菜包，就買嚟試吓。而家晚市正價餐牌有八五折，生菜包折咗後大概$70，係兩個人嘅份量。呢度嘅豬肉碎嘅肥瘦比例唔錯，瘦肉又唔會太乾柴，仲有啲洋蔥增加口感同甜味，同時調味好啱我口味，香茅味幾重，比較酸，辣味亦都幾勁，唔食得辣嘅人應該會覺得幾辣。生菜大概有8塊，生菜超級爽脆，夾埋肉碎食真係無得彈！

象月-泰式餐廳LunchSet 性價比高大慨五十幾、六十有一個餐，包括前菜、主食、飲品，前菜主要青木瓜沙或冬陰公湯，另外有不同追加小食每款$8-$10。Lunch Set $58🥢前菜:青木瓜沙律🥢主菜:泰式炒金邊粉🍹飲品:青檸梳打青木瓜沙律的青木瓜爽爽的，味道酸酸好開胃，小食份量來說十分滿足、足料。主菜泰式炒金邊見到時，嘩！份量十足！花生與辣椒粉放在旁按自己按需要加添，好細心喔～金邊粉唔會太油或漿住既感覺，可以一束一束夾起來，味道也惹味，金邊粉所配的配菜也非常好～大蝦也有好幾隻，非常滿足。整體似晚市價錢質素！

今日係大埔做完野 見到尼間餐廳好多好評所以就試試佢ge Lunch 果然冇揀錯 好食又抵雖然餐廳係一間小店 但佢ge裝修都唔馬虎鋪頭細但坐得舒服同同事都係叫左lunch set食Lunch set 包左一個主食 一個沙律/湯 同飲品我自己叫左個Pad Thai 個Pad Thai 炒得好香 又唔會油 加埋d花生碎 乾辣椒碎 辣度甜度岩岩好 好食尼個set好抵食 仲可以加$8換個小食我叫左個蝦餅 炸得好脆 唔會粉 好食👍🏿同事就叫左個海南雞飯 雞肉嫩滑 唔會鞋口加配ge豬頸肉都好食

我好鐘意食泰國菜，雖然冇得去旅行，食住開心一下😍😍我們於象月餐廳💛💛叫左2樣野食，第1樣係蝦醬炒飯，飯炒到好有鑊氣，有濃濃蝦醬味，入面仲有d配料有蝦，都好夾個炒飯👍👍賣相好吸引，擺碟好靚，好吸引人去食😆😆之後我們叫左泰式沙嗲串燒拼盤，有雞牛同豬，配左個特製沙嗲醬，好好食😋😋牛肉都唔會難咬，肉質滑👍👍整體評分：4/5味道：4/5環境：4/5

象月呢間泰國菜嘅lunch set好抵食！$60左右包埋前菜同野飲～前菜可以揀秘製青木瓜沙律/冬蔭功，青木瓜沙律好爽口，好開胃；冬蔭功嘅香料味好濃，酸酸地唔辣，細細碗，但都有菇同唔少香料&薑😙•🥢 泰式炒金邊粉 $58金邊粉唔會太濕，酸味都剛剛好，感覺幾正宗，旁邊有青檸、花生碎同辣椒碎，可按自己口味加落去撈埋一齊食～•🥢 泰式蟹肉炒飯 $62炒飯炒得乾身，粒粒分明，睇落唔多蟹肉，但食落蟹味都幾濃，再睇真啲原來幾多好幼嘅蟹肉絲，啖啖都有🤤 但如果保留返多少少蟹肉嘅質感會更好！

行完山番左大埔食飯，無book位，等左一陣都有得walkin😗-泰式沙嗲串燒拼盤$98 上枱時唔太熱，應該不是即燒☹️幸好肉質不錯，最容易韌嘅牛都表現良好。附上沙嗲醬，食落惹味-秘製青咖哩雞$88+薄餅$38本來額外叫薄餅係想沾咖喱，但因為咖喱質地偏水，所以hold唔住係薄餅上😣用黎配飯會較合適-馬拉盞炒通菜$78辣度可以接受，食到底都無好鹹幾好👍🏼-泰式明爐烏頭$158 食左其他濃味嘅菜，最後清清地食條魚🐟呢個價錢食成條魚都幾抵食🙌🏼上枱後有火係下面燒，保持熱度，燒完舊蠟就會熄，唔會一直滾到魚肉嚡😝另附上一碗湯，煲乾左可以加。個湯酸酸甜甜，d菇仲入哂味🤤

想食泰菜黃店，除左九龍城之外，大埔都有好既選擇💛 一年前食既而家先post🤪呢道每碟份量多，抵食🙌🏻🤤不過坐得有少少迫🙈 裝修就偏文青新穎😍😍同一般充滿泰國風情既泰菜餐廳不同喔😛餐具都特別靚！超滑海南雞 $98皮爽肉滑既無骨海南雞😭真係好嫩滑啊～雞既數量亦都對得住個價錢🐔😋泰式金邊粉 $68呢碟真係物超所值😆用蛋絲整左個網形包係金邊粉🥰金邊粉炒得都幾乾身🤪仲有海量既花生碎🥜整體甜甜酸酸好開胃🙌🏻燒豬頸肉 $78幾樣之中燒豬頸肉嘅質素就比較普通🥲 個人覺得肉質比較乾同薄身，咬落無咩質感，油脂感係零🤣 好彩醬汁係好惹味🥰飲品方面推介芒果沙冰 $28🥭 清爽冰涼💦 芒果味濃郁🙌🏻整體都可以值得一試