豚本家 (已結業)

餐廳位於地鐵站附近，唔使5分鐘就到啦！位置闊落由於餐廳係用QR code落單，親切友禮嘅職員會主動提供menu 俾啲長者客人，俾多個選擇去睇有咩食定食可以加錢轉烏冬/蕎麥麵，白飯同椰菜仲可以免費無限追加🤩🤩∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 吉列厚切豬扒定食 $115前菜｜麵豉湯｜吉列豬扒｜飯｜茶碗蒸金黃酥脆嘅外層，入面包住多汁又腍嘅豬扒，豬扒嘅厚度係小編兩隻手指咁厚，不得了🤩茶碗蒸滑溜足料，味道鮮甜😋❥ 雜錦刺身丼定食 $138前菜｜麵豉湯｜雜錦刺身丼｜茶碗蒸刺身：三文魚｜赤身｜赤蝦｜三文魚子｜油甘魚｜玉子三文魚、油甘魚肥美厚身，赤身味道濃郁赤蝦肉質彈牙、好大隻三文魚子新鮮卜卜脆Wasabi仲係花型，好有心機👍🏻❥ 照燒雞翼 $38雞翼有4隻，隻隻都好飽滿，雞肉嫩滑juicy，照燒汁唔會好鹹，仲有一點甜☺️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

前幾日放工諗住去荃灣買少少野，一出荃灣站就見到對面富華中心一樓開左間叫 「豚本家」既日式餐廳，諗住上去睇下有咩食囉！整間餐廳走日式食堂風格偏簡約，見到Menu 都幾吸引！有吉列定食、刺身丼、同和風定食等等⋯仲要有生啤供應添！吉列厚切豬扒定食$115整個定食份量有點驚人，豬扒好厚好大件炸得酥脆，都仲有肉汁！定食除左有基本既味噌湯同黃蘿蔔青瓜前菜外，佢仲有埋茶碗蒸，而且味道調較得不錯，白飯同椰菜仲可以無限添食😂不過我估計要完成份餐都唔容易，可能最夠多都係添下椰菜！吉列炸蠔定食（四隻）$105二份定食基本上係一樣，只係厚切豬扒換成炸🤭但佢隻蠔好大隻，我食左二隻已經開始減慢速度😂飲品叫左生啤同西柚梳打，我覺得同吉列係最夾❤️我見佢地既午餐相當抵食，好似5:00前都係午餐價！（午巿仲不用加一！）* 設有加一服務費

荃灣地鐵站附近開間新日式餐廳正正以前三聯 / 爭鮮個位🙈而定食黎講都幾多選擇，有魚生飯、爐燒牛排、吉列、天婦羅 *吉列三文魚柳定食 $125其實係衝住呢款黎而試厚身三文魚柳肉質粉嫩，呈半生熟效果😍外層炸漿夠薄，入口外脆內軟😋口感好特别，中意食三文魚唔可以錯過*虎蝦天婦羅定食 (三只) $125唔係講笑，虎蝦成隻手咁長❤️炸粉份量啱啱好，咬落鬆化唔油膩，而且蝦肉肉質鮮嫩彈牙🤤

今日黎到一間簡樸既日式食店 荃灣站一出就已經見到佢👀地方闊落 所以黎食野都幾舒服 空間感足夠👍🏼帶有少少日式既擺設🎏為店內環境增加氣氛佢地係以定食套餐為主🍱款式選擇上係都幾多天婦羅 吉列 燒物 魚生等等既選擇都有😍所以係可以迎合到唔同客人既口味😌➷🪐 吉列厚切豬扒定食大大舊超厚切既豬扒呈現係眼前 見到都已經舔舔脷😋吉列層非常鬆脆又唔會厚粉👍🏼面頭乾身唔會感覺到油膩豬扒雖然厚 但肉質保持軟腍唔嚡口🐖帶有適合油脂好惹味如果怕味道單調的話 可以試吓沾佢個醬汁💦可以多一份滋味另外會配有椰菜絲 有助減輕肉類帶黎既個種飽濟感🤰🏻§🪐 蒲燒鰻魚定食每個定食都會配有茶碗蒸 麵豉湯同漬物🍱定食黎講有埋茶碗蒸係一件興奮事😍個人比較喜歡本應打算食牛 不過🧸見到鰻魚又想食 就揀咗呢個😆我認為好食既鰻魚 係食落口唔會有好霉個種口感當然就唔可以同即燒個隻去做對比喇只要揀得岩貨源 咁加埋個汁就已經可以好好食🤤§🪐 唐揚魷魚鬚係都要叫返個小食先可以滿足🤣近期都比較鍾意食魷魚鬚🦑好似食開就要食一排咁魷魚鬚粉量適中 炸到香脆可口 有彈牙既咀嚼感👍🏼➷整體上都係令人滿意 食物亦都唔會馬虎 做得幾到位😌經過開都可以試吓 呢類

在荃灣地鐵站對面開了這間日式料理店內主打不同吉列定食、刺身另外也可自己燒肉灸燒牛小排定食$1288塊薄薄的牛肉以一人份量來說也算足夠套餐亦包括茶碗蒸、白飯、漬物和麵豉湯把肉放上去三兩下便燒好了非常簡單可以自己控制生熟程度和沾醬汁及鹽唯一缺點是炭精太細塊要經常更換吉列豚肉卷定食$115套餐亦包括茶碗蒸、白飯、漬物和麵豉湯可以免費追加白飯和生菜絲吉列豚卷內有豚肉和芝士幾特別店內環境非常闊落服務員很友善而且很留意客人需要最後結帳後店員還送了一張小食優惠券下次光顧時可以免費獲得餃子一客

📍放假hea下近近地食個晏🍱我哋今日就揀咗食日本野嚕🥳呢間好近荃灣地鐵站🚉餐廳地分好寛敞😍空間感十足✅整體感覺乾淨整齊👍環境舒適🍱🍱雜錦刺身丼定食 $138🌈雜錦刺身丼定食係我最愛嘅日式定食 ❤️儀式感滿滿💯一份set🈶️雜錦刺身丼飯🍱蒸蛋🔥同埋麵豉湯全部都係我最鍾意食🥳最緊要係佢地呢個雜錦刺身勁新鮮呀✅隻蝦仲起大隻添💯食完好滿足呢🥳🐠蒲燒鰻魚定食 $108🌈用肥美去形容呢份蒲燒鰻魚定食就最啱喇🔥呢個絕對係價錢親民同時質素又高嘅鰻魚飯呀🤤性價比高💯🍵抹茶蕨餅 $22🌈好驚喜呢度可以食到抹茶蕨餅😍佢哋嘅抹茶蕨餅風味清涼😍充滿嚼勁嘅口感✅層次感豐富👍

期待開幕好耐，三聯笠左好耐，睇佢搞左好耐先開業，率先幫襯下～第一次一定要食評一定要同大家分享！真係想講 真係好難食！！我叫吉列豚，係厚豚呀冇錯！但因為厚既關係佢炸得好老🙄！茶碗蒸有得一舊菇，一舊明門卷，未試過入面係冇其他料，麵豉湯勁難飲，多查飲落唔順口，一飲到落口就忍唔住濁親要咳。醃蘿蔔勁乾身應該放左成日先找出黎應酬大家🙊最好笑係個美國牛小排定食，個爐完全唔夠熱，我都未開始燒就要換第二個啫喱，熱嘅程度只係啱啱好可以整熟舊肉，我個感覺好似白烚牛肉一樣，個爐夠熱產生唔到梅立反應，啲牛肉幾靚都唔會好食得去邊啦！性價比極低！食到一半想放棄….但又覺得好浪費，問佢找個盒諗住入起外賣…點知要收3蚊…我都係放棄唔要好過了🙄又難食！下次請我嚟食 我都唔會食 ！救命 真係唔好黎食救命 真係唔好嚟食！救命 真係唔好嚟食！好想在餐廳同未叫餐既人講唔好坐底啦，好難食呀，去過第二到啦！！🙄

裝修得好日系 店員好有禮貌 呢間最出名就係吉列豬扒，一定要試吓先得🤣每個set都係$100左右都幾抵吉列口厚豬扒定食🐽包咗吉列豬扒 茶碗蒸 麵豉湯 麻醬椰菜沙律 前菜Oh My God塊豬扒真係超厚 啖啖肉炸到金黃色又酥脆 食落又唔會好油仲有個酸酸甜甜嘅燒汁俾你點 好正😊 茶碗蒸🍳蛋好滑，仲有鳴門卷同埋冬菇喺面超鍾意食佢個麻醬沙律好清新 可以解油膩感燒牛舌定食🐮牛舌嘅色澤幾靚 都有10塊牛舌店員會拎埋個爐俾你自己燒中途見到冇火 即刻嚟換好細心🥰見佢啲炸物係招牌，所以我哋單點左吉列炸蠔超級大隻 好juicy 配埋他他醬 同檸檬汁好夾真係有半隻手掌咁大一口炸豆腐 加咗七味粉有少少辣 炸粉好薄 外脆內軟

日本和式炸物，燒肉，定食和風餐廳 - 豚本家。今次我又去到食之聖地~荃灣，近排開左間好近地鐵站(係正對面)既日本餐廳。入一到去地方超級大，卡位相當好坐， 4-6人都容納得到。今日我叫左呢間出名既炸物:吉列三文魚柳定食 ($125) 同 烤肉: 燒牛小排定食 ($128)，2個都係set，附有茶碗蒸蛋、味噌湯及珍珠米白飯。自己DIY, 牛小排肉薄切易燒，配上鹽巴，可以自己控制味道， 沾上特制既芝麻燒汁，我個人就覺得不錯。三文魚柳厚切，炸面漿吾會太厚，配以沙律醬同檸檬，可口得黎吾會太油膩，Jami近排都好鍾意食D可以自己DIY既美食，另外我仲轉左蕎麥麵，蕎麥麵口感彈牙都幾正，所以呢間餐廳就正正滿足到我啦。飲料方面我就ORDER左波子氣水同雪碧，仲有好多其他飲品嫁，大家都不妨一試呀~另外，呢度lunch都免加一 ，整體來講都幾抵食👍🏻

自從某大型書店結業後，都好耐無黎過富華中心，今日經過發現原來開咗間新餐廳，午市定食都幾抵食，仲做到下晝五點，就一於試下。餐廳有好多選擇，刺身、炸物、燒味都有，定食包茶碗蒸、味噌湯及白飯，亦可加錢轉烏冬或蕎麥麵。吉列厚切豬扒定食 :又厚又大塊嘅豬扒炸到金黃色，賣相好吸引，豬扒外皮炸得鬆脆，肉質依然保持鮮嫩多汁，配埋豬扒汁及芝麻醬食更加好味。伴碟有椰菜絲，仲可以無限添加，食完感覺無咁熱氣。跟餐嘅茶碗蒸亦唔錯，入口好幼滑，一d都唔老，配料有鳴門卷及冬菇。豚肉生薑燒定食 :豚肉份量都幾多，加埋洋蔥炒，味道鹹中帶甜，食落好惹味，生薑碎令豚肉更清爽，配上清清地嘅蕎麥麵，感覺清新。炒雜菜 :有椰菜、紅蘿蔔、冬菇、青椒及芽菜，所有菜都好新鮮，經輕輕調味後已經好好味。煎餃子 :一碟有四隻，食落唔覺得油膩，外皮煎得香脆，內餡豐富多汁。青檸梳打 :套餐加12蚊可以有特飲，唔加冰都已經夠晒凍，味道酸酸地好解渴。

今日過開嚟荃灣，見到地鐵站對面有個好搶眼嘅燈牌寫住豚本家，朋友話係新開張嘅日本餐廳，我哋見Menu有好多選擇，所以就入去試下。叫咗三樣嘢：三色刺身丼定食 ($128, 7.5/10): 三文魚，帶子，甜蝦刺身都好新鮮，份量都唔少。醋飯調味適中。燒味噌五花腩丼定食 ($98, 8/10)，五花腩燒得啱啱好，唔會話好乾身，仍然帶有油香，點埋個燒汁一齊食仲正。另外每個定食都有附送味噌湯、茶碗蒸同腌漬蘿蔔，整體質素都唔錯。吉列廣島蠔 ($85, 9/10) : 蠔肉好大隻好鮮甜，炸粉厚薄適中，外脆內嫩，入面非常juicy。如果你鍾意食蠔，一定要試下！總括而言，豚本屋嘅食物水準唔錯，價錢合理，餐廳嘅服務都幾好，侍應好nice，好留意客人需要，環境都好舒適。💰人均: $170

最近荃灣開左間日式餐廳位於富華中心，一出地鐵站就到，十分方便餐廳主打不同定食套餐例如吉列、海鮮丼、燒物等等店內環境闊落簡潔，以木系為主店員主動有禮，親切有善定食套餐主菜｜白飯｜菜碗蒸｜麵豉湯｜漬物可以另外免費追加白飯或椰菜絲✾ 吉列厚切豬扒定食 $115豬扒表面炸至金黃酥脆，乾身唔油膩肉質鬆軟唔嚡且肉味濃，食落仲帶油脂香而豬扒厚切，啖啖肉；啖啖滿足沾埋濃郁豬扒醬汁更添滋味伴碟椰菜絲細緻爽脆，可減輕膩感✾ 牛肉生薑燒定食 $78（轉熱烏冬另加$18）牛肉片煎得微微焦脆，加有洋蔥炒香甜甜鹹鹹醬汁又帶點薑味口感清爽開胃，相當下飯熱烏冬湯底溫和清淡，烏冬煙靭有咬口✾ 唐揚魷魚鬚 $58魷魚鬚炸到香脆可口入口鮮嫩彈牙有嚼勁✾ 一口炸豆腐 $28炸粉好薄，外脆內嫩灑上七味粉，微辣惹味

📍荃灣 豚本家🩵🐷琴日經過荃灣 見到呢一間性價比幾高而且星期六都有定食嘅日本餐廳🥹🩷就即刻衝左入去試！好食呀~~ 同大家即刻推介！🐷吉列厚切豬扒定食 $115佢哋個名係豚本家 所以我對佢有豚肉嘅set好鬼有興趣✨😌就即刻叫咗呢個吉列厚切豬扒定食！~ 豬扒炸到勁金黃色 而且肥肉同埋瘦肉嘅比例1:1 絕對唔會覺得好梅身🥹🥹係我近期食過最高質嘅吉列豬扒！而且價錢都好抵 有良心嘅餐廳！🥲💝💝 🐟葱吞魚蓉丼定食 $108呢幾日唔知點解朝思暮想葱吞魚蓉丼🩵🐟見到個價錢咁抵，即刻叫咗黎試！一嚟到冇諗過竟然有一隻生蛋喺上面🥹🙏🏼撈埋一齊食完全唔會dry 好開胃！🤎btw 佢哋嘅茶碗蒸同埋麵豉湯都好高水準！茶碗蒸蒸到啱啱好 唔會好老身！🍣三文魚刺身 我諗你哋就咁睇張相都見到佢有幾肥美🥲🥲而且十分厚切唔會食落去好似一陣風咁！🥹寫下寫下 而家都想再食添💰人均: $80-150 ————-📍荃灣 豚本家🩵🐷地址: 荃灣青山公路荃灣段210號富華中心商場2樓B號舖

今日嚟咗荃灣地鐵站對面嘅富華中心 上一層樓梯就有新開嘅日式餐廳😮 餐廳格局好舒適 坐得幾寬敞 而且有日光曬入嚟 光線好充足 令人心情愉快😸南蠻炸雞定食呢個係其中一款午市定食 價錢真係好大眾化🐥 雞扒好大塊啊 入面仲有好多雞汁 外層嘅炸粉好薄身 而且脆口 上面嘅他他醬同炸雞好夾呀 定食仲配埋麵豉湯 茶碗蒸 白飯 漬物👍🏻 真係好抵食 難怪勁多人嗌呢個餐燒牛小排定食呢個定食同樣有麵豉湯 茶碗蒸 白飯同埋漬物 麵豉湯入面有海帶同埋豆腐😉 呢個牛小排定食可以親自燒 可以話有得玩 又有得食🔥 照燒雞翼每隻都好大隻 仲要好juicy👍🏻 照燒汁甜甜地幾好食唐揚魷魚鬚底下有椰菜絲🥬 唐揚魷魚嘅外層唔厚🦑 入面嘅魷魚好肥美 魷魚鬚有咬口一口炸豆腐炸豆腐外脆內軟😙 面頭有五香粉同芝麻 幾惹味 份量都幾多呢間日式餐廳嘅地理位置真係好方便 超近地鐵站 午市套餐又高性價比 值得一試🤪 白飯同麻醬椰菜沙律都任食 真係好抵🥰

《 荃灣新餐廳食晚市定食》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧今日喺荃灣B2出口一出嚟就見到一個非常醒目嘅日式餐廳招牌：豚本家。行上富華中心嘅2樓，見到裝修非常之新淨，原來係新開左一間食日式炸物，天婦羅，燒物，刺身定食嘅一間餐廳，價錢親民，晚市定食由$80至$130不等。套餐中已經包含咗茶碗蒸，麵豉湯，漬物，飯同主菜，一啲都唔失禮！吉列廣島蠔定食$105去親日本餐廳都一定會有吉列炸蠔，但係就唔係間間都炸得好食。呢間餐廳嘅炸蠔定食有四隻，半個手掌✋咁長嘅廣島蠔！以薄薄嘅面漿包圍，鬆脆可口，炸完都十分之多汁鮮美，絕對係出色之作！因為有陣時喺外面食嘅炸蠔，唔係炸得太乾，就係好細隻😵‍💫但係呢一間嘅炸物，伴碟有沙律醬同埋檸檬汁，令你食完唔會有好大嘅油膩感。而且重配以生椰菜同蕃茄仔。燒牛小排定食$128自己即燒即食嘅，八片牛小排，厚薄程度合理，油脂分布都均勻，可以自己控制生熟程度，沾上燒汁。當然咁嘅價錢就唔可以要求和牛嘅級數，但對於牛魔王一族嚟講，絕對可以止到口癮！而且值得一讚嘅，係服務員十分之有禮貌，見到客人離開嘅時候都會同佢講話下次再見，有啲客人見到啲份量咁巨大，服務員仲會笑笑