豐鍋雞煲 (京瑞廣場1期)

营业中

休息中

到了飯點時間，正好路過這頭，在這間餐廳點了一個套餐，套餐總共有一份醬汁德國豬手、一份青菜、一份配湯、一瓶可樂、一個白飯，份量好足，價格也不貴。重點分享一下這道主菜，醬汁德國豬手，這道菜看起來有些膩，但吃起來卻完全不一樣，豬手的肉質嫩滑，外皮又脆又有嚼勁，配上秘制的醬汁和芝麻粒，肉質完全被醬汁滲足了味道，蘇香的芝麻令味道更加醇香，鮮香濃郁，口感Q彈，咬上一口，還真是讓人回味無窮呢。醬汁德國豬手（$69）

天氣凍冰冰，熱辣辣嘅羊腩煲係冬天禦寒美食嘅不二之選，當然要歎番個暖笠笠嘅羊腩煲嚟暖一暖胃啦！雙冬羊腩煲分兩個size，大$368 小$238，價錢好實惠！羊腩煲大大煲好足料，仲跟咗好多菜！羊腩燜得惹味，肉質鮮嫩又唔會有太多脂肪，一啲都唔羶，口感軟硬適中，入口彈而不韌，膠質豐富，肉味濃厚。冬菇菇味清香，軟腍吸汁，吸收晒醬汁同羊肉嘅精華，食落味道特別香濃！食到咁上下，放埋啲生菜、芫茜落去，吸哂濃濃嘅羊腩汁，夠哂吸引！

自己一條友去左石門整啲野，女朋友成日串我無論去邊都係返番屋企樓下間茶記食飯。於是我就唯有鼓起勇氣自己探索下果度有乜好食。見到有個牌幢出黎有賣午市套餐，我二話不說入去坐低，揀好唔使煩。一隻佬食飯最緊要係啲乜？就係飽肚囉。我揀左醬汁德國豬手飯，午餐好齊全，如圖，$69有哂例湯、油菜、白飯、餸同可樂。每樣都大大份，合格。午餐都有咁大碟肉已經無乜可投訴，豬皮同肉的比例適中，豬皮炆得好淋，女朋友就會形容呢啲係骨膠原。醬汁本身亦唔會太鹹，我最怕味精，食左味精飲半打可樂都解唔到。另外，佢加左芝麻亦變得特別香。本身諗住食到咁上下先加飯，但其實份量好夠，我食晒都已經飽咗。女朋友果然講得啱，我既然出得街就真係應該乜都要試下，咁先會有開心大發現。

是日同客開完會，一個人貢左去美食沙漠🏜️馬鞍山稍為比較有較多餐廳選擇既，京瑞廣場都一定榜上有名📃今次揀左係京瑞廣場一期既豐鍋雞煲試下個lunch🐷即炒椒鹽豬扒上菜時見到真係嚇親，估唔到咁大碟，肯定連男仔都夠食椒鹽豬排除左醃得入味外，炒得亦好有獲氣；一咬落口，豬排鬆軟，排邊亦香口，加上惹味既椒鹽，好好味呀！岩哂我呢個食肉獸！加上個菜芯，為成個午餐set加左好多健康分數(飲食要均衡呀～)下次如果有黎石門一定會再拜訪，到時候試一試雞煲先😋

今日再次嚟到石門，跟Openrice 食評搜尋一下最有人氣嘅中餐。豐鍋雞煲，原來佢唔止雞煲好味，午市仲有極高質素嘅套餐，餸+日本飯+無味精湯 + 菜+熱飲 都係六十幾蚊。今次我試醬汁豬手，賣相已經相當吸引，一口咬入就知道一定用上幾小時去燜製，醬汁入味之餘，肉質非常軟嫩，不能錯過的是煙韌的豬皮。另外，最有驚喜的就係個餐湯，如果有飲品我都通常唔會飲的，但見到隔離檯嘅客人個個都飲晒，連煲湯骨都食埋，我就試試。我絕對贊同佢標榜沒有味精，除此之外，仲非常足料，假若佢哋有湯包賣，我諗我一定會買。呢度嘅午市套餐值得一試再試。

石門有好多餐廳選擇，豐鍋喺其中一間我比較喜歡嘅餐廳，呢度午市有住家飯套餐，價錢$70左右，有一個湯、一碟菜、一個小菜和白飯，見到周圍嘅食客，叫唔同款式嘅套餐，賣相都相當精緻，。同埋呢度嘅午市套餐會定期轉換，所以會有唔同嘅選擇。今次我就食咗海南雞飯。叫咗多飯，所以好多油飯，好正，不過略嫌油香味唔夠，如果再多啲油就好了。另外雞都夠滑，三個醬汁味道各有不同，都好味。有埋餐茶飲，熱飲唔使加錢，熱奶茶都唔錯，有港式茶餐廳奶茶嘅風味，唔會太多奶，好飲。

噚(6-11-2020 Sat)日同女同事ES, TF為farewell男同事FCP食晏,FCP揀咗呢間食套餐,我同佢都一樣要$68.00嘅馬來地道肉骨茶,我要熱檸水,佢要熱奶茶.ES同TF分要同樣$68.00嘅印尼東巴東牛肉同瑤柱蝦膠蒸釀豆腐,飲熱檸茶同熱奶茶.套餐包括老火湯,白飯,青菜.1. 老火湯應該係青紅蘿蔔湯,覺得真係冇味精,又唔會太鹹,舒服嘅.味道:4分2. 我o個份馬來地道肉骨茶排骨有啲嚡,湯味唔算好濃;白飯終於唔似前晚同10月31號喺大渣哥同四季常餐嘅唔夠水,呢喥係軟綿綿嘅.味道:3.5分3. 熱檸水正常冇問題.味道:3分抵食係2.5分PS:唔想請嘅意思係唔想同事走，請食飯係冇所謂，但係farewell就唔想.

難得嚟到石門呢邊行街，見到呢度咁多餐廳，見到呢間餐廳有燉雞湯食，而且lunch Menu價錢唔錯，就入嚟試吓～餐廳lunch主打住家菜，少鹽，少油，少糖，而且冇味精，感覺幾健康～而且有唔同款式嘅lunch選擇，幾正～原盅清燉椰子雞好大盅嘅椰子雞湯～椰子雞味好濃郁，幾香甜～有好多椰子同埋紅棗，幾養身，幾滋補～仲有粟米，好豐富～而且有好多舊大大舊嘅雞肉，雞肉食落幾新鮮，而且啖啖肉～隨餐附送白飯，青菜，仲有老火湯～真係飲咗好多湯，幾抵食～

天氣凍，又係時候打邊爐喇！今日同同事收左工去左豐鍋雞煲打邊爐。同事話麻麻地辣野，所以無食到麻辣雞煲，食左花膠雞煲。見到隔離檯食麻辣雞煲食得好滋味，下次飛甩唔食辣同事encore個麻辣雞煲先！講番今次野食，個魚皮真係無得輸，好似原條落去炸咁樣，一條長度係闊過一個煲！至於牛肉都睇得出係靚料，手打丸類都十分有特色。花膠雞煲同麻辣雞煲唔同嘅，一開始就會有煲湯比你煮花膠同雞，唔係一個乾嘅雞煲食炒/炆熟左嘅雞嘅，如果想食乾乾地嘅麻辣雞滋味，要揀麻辣雞煲。

終於book到正常時段(7pm)既呢間「豐鍋」食滋補花膠雞😋，餐廳地點非常方便，石門站出站步行2分鐘就到了。.餐廳主打雞煲/打邊爐，醬油費每位$8位（有基本蔥蒜辣椒等配料）今晚主打食「滋補螺片花膠雞煲半隻$208」拎上枱時已有六大隻大花膠鋪在雞件上面，好似好吸引咁😍全碟一併放落鍋內約6分鐘就食得😆.▪️頂級安格斯牛小排$178雖說是小份 但實際份量真係一d都唔少，牛肉味香濃 油脂分布均勻，鍋滾大約10-12秒就食得 👍🏻 牛肉好掂.▪️手工四寶丸$85(鯪魚丸x墨魚丸x黑色墨丸x蝦丸) 粒粒爽口彈牙 口感極佳 特別係黑色既墨魚粒粒墨魚丸😜 不過有點大粒 (如果細粒d女仔會好咬d ).▪️手工即炸魚皮$48同平時街市買既魚皮差好遠 魚皮即炸即食 咬落仲熱熱地 仲要好薄脆 放落湯一段時間都唔會完全淋晒👍🏻like.▪️紫菜響鈴$38呢度既紫菜響鈴又係即炸，響鈴裡面加左塊紫菜 咬落口又脆又林咁 幾特別 同埋最感要感覺無咁油膩☺️.火鍋唔少得要叫野飲，野飲價錢都幾合理，平均都係$30左右一大杯，一餐飲一杯都夠晒。.埋單價一位$200幾，食物高質素 ，價錢都算公道抵食，份量足👍🏻.。📌地址：沙田石門安群街

放工同朋友一行四人搵食，咁岩大家都想食雞煲，所以揀了比較近屋企的豐鍋雞煲火鍋。佢有幾個雞煲揀，我地揀左滋補螺片花膠雞煲(全隻)。雞同花膠都非常足料，非常大碟。之後我們點了手工紫菜響鈴、手工炸魚皮、肥牛、菜、手工四寶丸(手工墨魚丸、鯪魚丸、蝦丸和黑墨丸)。當中值得一提的是手工黑墨丸，雖然外表黑黑地，但食落非常鮮味彈牙，丸入面有一顆顆墨魚粒。手工炸魚皮和一般街市買的魚皮不同，非常大片，香脆可口，值得一試。飲品方面，我們點了椰青、蜜桃梳打和大話七。飲品方面大大杯，絕不欺人啊！這個雞煲真材實料，食完都唔覺有味精，唔會好口渴。

住沙田石門老友安約我吃豐鍋雞煲，群街3號京瑞廣場一期1樓137號舖，我們點左滋補螺片花膠雞煲半隻 $208，有六條花膠，煮熟後很腍滑，雞很新鮮，肉質嫩滑，湯底美味頂級安格斯牛小排$178，牛肉色澤肉質都好靚，油花均勻，牛肉味香濃，鬆化無渣，極好吃😋手工四寶丸，有蝦丸、墨魚丸、黑墨魚汁丸和鯪魚丸，爽口彈牙，無得輸。手工即炸魚皮， $48有三大塊，有筷子🥢咁長，香脆可口。即炸紫菜響鈴$38 ，中間左夾芝士，清香軟滑，美味可口。雜菜籃$68，有生菜🥬菜心、油麥菜和白菜仔，很新鮮。冰凍椰青，既解渴又甜清，清熱氣真一流！

沙田區石門站附近而家有好多新嘅商場，入邊有好多唔同餐廳，連火鍋店都有，今次同男朋友過嚟試吓雞煲火鍋。我哋叫咗台式養生煲，啱晒我哋鍾意冇咁濃烈味道食客。試一試個湯底都感覺好滋潤。醬油費每人$8，另外仲有白飯任裝。我有時喺屋企都好鍾意打邊爐食少少白飯，感覺好暖笠笠，夠晒飽肚。而且仲可以落少少湯入白飯，變成泡飯好正㗎！叫咗手工四寶丸，每粒丸都非常大粒。望落好似好好食，好彈牙咁。上面仲有好多蟹子做裝飾，好靚好精美邊爐梗係唔少得牛肉啦，我哋叫咗頂級安格斯牛小排！賣相好好，好新鮮呀。最吸引係呢一個自創爆芝響鈴😍邊有芝士真係好邪惡好吸引！仲叫咗呢個手工即炸魚皮，我未見過有咁大塊嘅魚皮㗎😱就咁食都好好食！當然要有啲蔬菜啦叫咗個雜菜籃😋仲叫咗玫瑰特飲同荔枝雪梨特飲！最啱就係食住熱辣辣嘅火鍋飲凍冰冰嘅飲品。滿足👍

豐鍋招牌麻辣雞煲：醬汁調教得好嘢味，配料好足薑蔥蒜頭可以話係雞煲嘅靈魂，佢地整得好好入晒味👍🏻👍🏻👍🏻頂級安格斯牛：油脂分佈得好好，入口即溶，打邊爐必備。手工四寶丸：蝦丸、墨魚丸、黑墨丸、鯪魚丸打得好爽好彈牙。即炸紫菜響鈴：響鈴包住d紫菜黎炸好特別，炸得好香口好味呀⋯⋯手工即炸魚皮：真係新鮮魚炸出黎，成條上見到都好滿足，炸得勁脆。什菜藍：樣樣有小小，唔使食咁多，菜又新鮮。玫瑰柚子：好香柚子味加埋小小玫瑰味，打邊爐唔係唔飲呀⋯⋯藍妹啤酒🍻唔使講啦⋯⋯

馬鐵沿線好多時都係我的落腳點，石門站旁的京瑞廣場餐廳多到數唔到，雞煲就鍾情此一間。滋補螺片花膠雞煲(半隻)：二人份量好合適，不會吃得太飽之餘，亦可以叫其他配料。半隻雞分量十足，大大碟上枱，還有五至六塊花膠片，店員會湯滾後協助放入鍋，還給你一個沙漏方便放雞後滾起倒數。大大件雞件絕不鞋口，還覺得Juicy！吃到原汁原味的雞肉。手工四寶丸：四寶包括有蝦丸+墨魚丸+黑麥丸+鯪魚丸 總共八粒。八粒都大大粒，我要將它一分為二放進口，超級推介墨魚丸，咬開會見到很多墨魚粒，彈牙可口。頂級安格斯牛小排：見相就知道屬頂級系列，而且大大碟。牛肉雪花分布均勻，牛肉味濃郁，加上雞鍋本身有點膠質，作牛肉火鍋滋味十足！自家製爆芝響鈴：即叫即製，除咗好食之外，就係要encore。大片芝士夾在響鈴中間絕無花假，響鈴吸收牛雞鍋湯精華，放入口冇得輸！推薦！吃火鍋當然要配特色飲品，鹹檸七和龍鳳檸樂帶點鹹酸味既醒胃又解渴，加冰大大杯保持涼快！