豐鍋雞煲 (京瑞廣場1期)

营业中

休息中

係石門咁多餐廳選擇下，一間雞煲餐廳竟然見到個午餐Menu有得叫餸食飯好特別！因為好驚喜就同朋友去試下！每個套餐都會有一碗白飯一碟菜同埋一碗湯！啲餸都絕對唔細碟！我同朋友們叫人頭數量套餐share食每次都食唔哂！湯好大碗又足料~ 碟菜唔係凍哂嗰啲架！白飯又好大碗！已經成日去食～～好喜歡嘅午餐之選🥰

午餐時間經過石門，一直想試吓豐鍋個午餐，午餐時段人逼逼就預咗啦，一坐低就送上碗湯水，有章魚花生排骨，超熱好好飲，唔似係味精水，跟手自己填紙點食物，叫左一個海南雞飯同豉汁蒸鱸魚，比我想像中好，好有住家味道，係嫌蒸魚個白飯煮得稍為淋左D，而每個餐都有一碟油菜，起初以為碟菜夾雜左一條其他菜，原來佢係突登咁炒，不過如果可以比多2條就更加好啦，成餐飯都幾滿意，由其係個例湯，最後起身埋先見到隔離枱3碗例湯，原來係有蓮藕，希望下次員工可以留意一下啦

豐鍋雞煲 (京瑞廣場) 秋天一定要食雞煲❤️❤️啲嘢食熱辣辣😁😁最愛雞煲👍👍豐鍋招牌麻辣雞鍋$288麻辣雞鍋，我哋叫咗小辣，有全隻雞，仲有好多配菜例如洋蔥、指天椒🌶️，份量十足😆😆，再加埋雞煲啲汁，好惹味，又有少少辣，好好食🥰🥰鮮淮山$45鮮淮山好新鮮，放咗落去火鍋度好入味，一定要叫❤️❤️頂級黑豚豬梅肉$115上到盤就知道啲肉質好靚，色澤均勻🤩🤩食入口，油脂分布平均，肉質濃味👍👍加埋雞煲啲醬汁，好正😁😁紫菜響鈴$42響鈴入面有紫菜，火鍋必配嘅響鈴🤩🤩水魷$58一碟都幾多魷魚，錄完之後啲魷魚好新鮮，又鮮甜😙😙地址：沙田石門安群街3號京瑞廣場一期1樓137號舖整體評分：5/5味道：4/5環境：5/5抵食：5/5

凍凍地緊係食雞煲啦，今次近近地去石門食豐鍋雞煲先來個豐鍋招牌麻辣雞煲（全隻）＄288勁足料，滿足哂食麻辣雞煲既期待，無負好多人對呢度雞煲既好評，但我只敢叫bb 辣，食得辣既朋友真係可以試下勁啲，可能更正豐鍋極上牛花展（小）＄238食完雞又食下牛，雖然話係細份，但份量都唔少，好有牛味，再加埋雞煲剩落來既湯底，超正嫩鴨血 $58雞煲邊爐點可以無鴨血，鴨血好夠滑，仲要係厚切，差點想叫多一碟，但都係要留返少少位比其他野食手工蝦丸 $78出街打邊爐其實好少叫丸類，今次胆粗粗試下手工蝦丸，幾ok wor, 好彈牙，應該真係打左好耐

天氣開始轉涼，唔係唔打邊爐呀🤤一於嘆左雞煲再打邊爐先🍲豐鍋招牌麻辣雞煲（全隻）$288有海量既芫荽，我至愛☺️食雞煲最鍾意佢嘅麻，好惹味-新鮮肥鵝腸 $102有冇人同我一樣都好鍾意食鵝腸㗎🦢😆洗得好乾淨一啲都唔臭🥰真係食到完全停唔到口🤣-滋潤養生三寶（花膠+魚肚+竹笙） $138打邊爐最鍾意叫竹笙，可以吸晒啲味😋花膠都好大條🥳女仔係要補下🤭-水魷 $58 雜菇籃 $70水魷🦑好新鮮，爽口彈牙🤩

呢幾日凍返 第一時間收工去打邊爐！成班同事朋友烚烚下🥰🥰善萵荀爽脆甜甜🤤仲點左餃餃陣啊喂咩都有仲有埋雲吞呢！當然仲有其他正野啦朋友同我講服務唔錯喎😎我都好驚喜比想像中更好味而且選擇多多價錢都係唔錯都係預料之內覺得都幾值既特別係啲牛同雞煲😍😍😍真係打邊爐點少得呢！鮮味喎而且睇色水都非常滿意飽到我地飛起 個肚滿載而歸全部好食在胃中滋味滿在肚皮裡🤣🤣🤣火鍋喎要趁早預約定趁呢幾日特別凍既時候～

天氣開始轉涼最岩就食雞煲打邊爐，有朋友介紹石門呢間餐廳既麻辣雞煲好正，主打十二種香料秘製而成，鍾意辣既一定要黎試，所以就叫埋屋企人一齊黎食豐鍋招牌麻辣雞煲 $288野食好快就送到，由於我地有四個人所以就叫左全隻雞，可以揀BB辣至大辣，食唔到辣都可以走辣，但我就唔太建議🙈份量都幾足料，雞肉肉質唔錯，辣度愈煮愈辣，相當過癮🤣其他配菜都吸哂味好惹味嫩鴨血 $58 鴨血件件都好厚切，口感嫩滑，索湯正.水魷 $58新鮮同埋價錢都幾抵，最後都食唔哂🤣.新鮮肥鵝腸 $102賣相乾淨企理，食落非常爽口滋潤養生三寶(花膠+魚肚+竹笙)三者我最喜愛花膠，膠質幾重，湯底愈煲愈鮮甜，幾值得一試雜菇籃 $70最鍾意食菇，高纖又低卡，湯飄出陣陣菇菌香，正😄

天氣凍又係想食火鍋雞煲咁，約依邊見就入座先。之前食過幾錢都唔錯。豐鍋招牌麻辣雞煲有麻既辣易接受同特別野味少少！仲有芹菜、芫茜同紫洋蔥加重味道！個麻辣汁痴住菜香口。雞肉份量適量既，細件多量雞件。嫩肉，雞皮有麻辣係到油脂唔係好過，可以食少少！滋潤養生三寶花膠、魚肚、竹笙係加湯後落佢地吸湯！花膠可以耐d，透哂爽口食！魚肚有時腥但有麻辣就無依個問題。竹笙就最爽！手工黑松露墨魚丸有蟹籽但易跌左，哈哈！墨魚丸都彈牙，黑松露好強勢！頂級黑豚豬梅肉有肥油脂令豬肉唔會乾身，入口豬味重又辣辣地解肥肉位過！

呢排天氣涼左，又有藉口打邊爐喇！(其實夏天咪又係成日打🙊) 🍴豐鍋招牌麻辣雞煲$288(全隻)好惹味既雞煲，入面落左好多香料，乾辣椒乾葱頭洋蔥芫荽芹菜等，但食落一d都唔麻，唔知係咪我地嗌左BB辣既關係。雞肉係ok既，真係會有雞既唔同部位。煮得耐會越黎越鹹，建議要食快d轉個火鍋湯底打邊爐🤣 🍴台式養生鍋$49(半價後)有食雞煲既話火鍋湯底會有半價優惠。呢個養生鍋湯底會有輕微既藥材味，但更多既係豬骨味，普普通通。 🍴頂級安格斯牛(大)$268牛肉淥到啱啱變色就可以食，好軟熟唔會韌，亦食得到牛味。👍 🍴手工即炸魚皮$52超大片原片魚皮，即叫即炸，比起正常魚皮厚好多，係食餅乾既感覺。🤣 🍴即炸爆芝響鈴$42(3件）炸到脆卜卜，一咬落去就脆到d碎碎周圍跌😆，都係鐘意浸湯食多d。芝士要咬到中間先有，個人覺得麻麻地，芝士同響鈴唔係好夾，食完一舊就滯左，飽肚之選。 🍴脆鯇魚腩$95魚腩好靚阿，件件都大大舊，肉質好實淨唔會鬆散，冇腥味好新鮮。 🍴餃餃陣$88鮮蝦雲吞、魚皮餃、韮菜餃、麻辣雲吞各2粒，比較特別既係麻辣雲吞，其他餃就正正常常。 🍴十優狀丸$102黑松露墨魚丸、蝦丸、墨魚丸、黑墨丸、鯪魚丸各2

諗住假期一家人去食下雞煲。訂咗四位6:15。攞位嘅時候店舖已經通知我哋8:00要還枱。我哋覺得時間都應該夠，所以都冇提出任何問題。但係點不知我哋點左嘅好幾款食物都漏單。最後一款嘅牛肉係經過多次催促之後7:40先到。跟住冇幾耐就要求我哋埋單。雖然當時我哋嘅牛肉仲未開始食，我哋都應店舖嘅要求先埋咗單。到咗8:00其中一個侍應就用好差嘅態度走埋嚟同我哋講叫我哋交枱，話出邊已經有客等緊，再比唔到張枱俾人佢哋就會走。我哋都盡量配合，開始執嘢飲埋啲飲品準備走人。到咗8:05侍應就開始幫我哋清枱。包括我哋仲有半杯準備飲埋嘅飲品。我哋當其時心諗⋯ 算啦人哋都係做生意，冇所謂啦！我哋都走人啦！點不知嗰位侍應仲不斷埋怨我哋，話我哋遲還枱，態度惡劣，仲不斷發晦氣⋯ 本來開開心心嘅一個飯局，多得呢位態度惡劣嘅侍應變得「難忘」。 當晚人均消費超過$450。相信呢個價錢係好多餐廳都可以享受到更好嘅服務同埋食物。唔值得嚟呢度受氣。

今次係第二次黎, 第一次黎覺得有驚喜, 所以再次光顧咁訂咗枱 6:15 到餐廳, 店員講明8:00要交枱, 我亦理解既, 一直都食得好愉快, 食物方面依然有水準, 但去到7:30我地點咗幾樣嘢都未到, 我地催單, 7:50左右先拎黎, 跟住即刻比埋張單叫我地埋單, 我地照比錢, 佢叫我地走, 話8:00要還枱, 佢漏既單唔係菜之類既單尾, 係主食, 係一份$358既牛同埋鴨血一份, 如果真係要咁準時交枱而又漏咗單既話, 好心就主動VOID單啦, 送碟嘢黎幾分鐘就叫我走, 我8:06職員已無理收走枱面飲品, 10分鐘內第三次面斥我地霸住張枱, 呢D服務態度真係不敢恭維, 永遠唔會再幫襯

外賣酸辣檸蜜炒鸭 $70 鴨給了一堆骨，一件有多少少肉的都沒，唔係化，正常一隻鴨有2隻脾，2邊胸肉，一件都沒有😡，莫非入貨料錢是用走胸走脾，平易貨色，沒肉的翼有一大件長骨，又搭一件鴨腿骨，食鴨皮嗎？ 注意餐牌是寫炒鴨，與商品條例不符，要寫清楚是炒沒肉的鴨骨喎⋯⋯跟一大堆檸檬片，薑片及蒜頭（後補回相），這餐值不值願意花$70去買，好想老闆賺到笑到㗎㗎聲，看似廚房佬好為公司賺錢，實事倒米，永不回頭食骨骨骨我從不寫食評也給一個極差食評

昨天同家人去試了一直收藏了的麻辣雞煲，總括來說雞煲不錯，可以嘗試，但火鍋真的可以不試！性價比唔高，而且牛肉冇牛肉味，手打墨丸只得個彈牙爽口，但完全冇墨魚味，只有魚皮餃同午餐肉係有啲味道。好後悔因為諗住之後要火鍋的關係，叫雞煲只點了半隻份，早知就點一隻，雞煲比火鍋好食好多 🤨。仲有調味料只有蒜茸，䓤，芫茜和豉油，沒有其他了。 所以當食材沒什麼味道時也沒有其他調味料補救！響呢度建議都係專注食佢嘅招牌麻辣雞煲，叫一隻否則半隻唔夠喉😋

食過好多間雞煲，論味道既話最鍾意呢間既！雞煲一上黎會有人幫你係隔離炒好，所以特別惹味！而且辣度啱啱好，我自己可以食得幾辣，感覺小辣已經夠，煮耐會越黎越辣。距地既雞特別入味，而且唔會只係得某些部位😋仲有最欣賞既係距地自家製既芝士紫菜響鈴，真係現炸，超級好味！必點！環境都幾舒適，但係座位唔多，建議晚飯時間黎既朋友預先book位，而且醬料自助另計，不過好多醬料選擇，仲有白飯任裝🍚價錢屬於中等，食開雞煲都知道大約既價錢，飲品雖然唔算平，但係勁大杯！叫一杯就夠！抵飲！

今晚同屋企人去咗石門食晚飯，去到決定唔到食咩，一向上望，見到雞煲嘅招牌，就上去睇吓有冇位。我哋今次叫咗BB辣，4個人一隻雞啱啱好😊D staff 會係一邊攪拌好先攞上嚟，一上台就食得，幾方便。唔知係咪BB辣嘅關係，個汁就唔係太香啦。已經攪拌好嘅麻辣雞煲食完雞煲之後，我哋加水打邊爐，因為已經食咗一隻雞嘅關係，我哋冇叫太多野，就係叫咗碟牛肉拼盤同埋水餃。講返個牛肉拼盤，入邊有牛胸爽，牛脷，牛展，牛頸脊等。除咗安格斯牛肉同牛脷比較好之外，其他都有筋，唔係太好食😔個水餃就正常常不過不失。值得一讚，員工服務好好👍見我哋加咗兩次水，成樽水俾埋我哋😂