豐鍋雞煲 (京瑞廣場1期)

营业中

休息中

📍石門-豐鍋雞煲🍲 @richpotsm 今日同大家分享嘅日子去石門食嘅雞煲❤️🍲嗰日咁啱想試啲特別啲嘅嘢 所以就冇嗌到平時嘅麻辣雞煲 叫咗一個滋潤版嘅version！覺得幾有驚喜想同大家分享♪( ´θ｀)ノ🍲滋補螺片花膠雞煲 $218呢一個花膠雞煲真係極級足料❤️！又有螺頭又有花膠 啲雞仲要好高質素 好滑身🥹💕花膠食落去即刻覺得骨膠原返返嚟嘅感覺(*ˉ︶ˉ*)好養生好滋潤！女士們快啲沖去試吖🥩極品本地手切牛頸脊 $238打邊爐點可以冇牛肉呢💭呢一個極品本地手切牛頸脊 我覺得幾高性價比！而且雪花分布都好平均(///▽///)🥟餃餃陣 $88餃子方面就叫咗呢一個餃餃陣🤣🥟個名真係好QQ！有四款餃子，每款有兩隻！四款餃子都好足料🥹推介！🪿新鮮肥鵝腸 $112另外鵝腸都係打邊爐必叫嘅！呢一間仲要有肥嘅鵝腸 脂肪同埋肉分布得好平均🥹💕好爽口之餘都帶啲肉汁！🥦雜菜籃 $70面對着我呢一啲選擇困難症嘅朋友仔 有雜菜籃真係啱晒我！佢哋啲菜都好新鮮好甜 推！🥬🥗🍸大鹹檸七 $34飲品方面見到咁特別一定要叫啦！好少地方打邊爐有得飲鹹檸七 飲落去酸酸地加埋七喜真係好開胃 重點係而家天氣咁熱 打邊爐一定要配杯冰

喺石門食中午食咗照燒雞扒飯😎估唔到有前菜又有沙律仲有麵豉湯👍🏻好豐富雞扒份量多👍🏻滿足到鐘意食肉嘅我其實依度主打係火鍋🍲估唔到中午都有lunch set☺️遲啲經開石門會試吓打邊爐同食雞煲

公司好近石門京瑞廣場, 這商埸出名多嘢食，平時午餐都係食快餐為主。今日落雨涼涼哋放工約埋同事去食火鍋啊！有間豐鍋雞煲 可以食完雞煲再食火鍋，6:30咁早見已有一半食客入座，估計可取！真的有驚喜！原來雞煲都有很多選擇，除了招牌麻辣雞煲之外，仲有滋補螺片花膠雞煲同埋藥膳雞煲，任你揀！不過愛食辣的話就一定點招牌雞煲，辣度可以自己選擇！雞煲小辣剛剛好，半隻雞$178雞件滑，有洋蔥和辣椒乾混合，辣辣地非常惹味！極上牛花展$248賣相非常吸引，份量十足，牛肉色澤均勻非常新鮮，打邊爐湯底帶點辣味好吃！即炸紫菜響鈴$49，新鮮脆口，而且內含芝士，香氣四溢，而且入口滋味，吸收火鍋湯汁是火鍋必選的！麻辣鴨血$68，另上的菜式，麻辣味道濃郁，非常入味！鴨血厚身大件，亦可以放入火鍋湯底加熱和更入味，與雞煲火鍋味道非常配搭！

沙田區🥥🐔高質椰子雞火鍋🥘店舖：豐鍋雞煲火鍋地址：沙田石門安群街3號京瑞廣場一期1樓137號舖今日黎到沙田區既地鐵沿線"石門"，餐廳就喺馬鐵站隔離嘅商場，好就腳😯 一坐底，店家就建議我地揀咗鍋/湯底先。餐廳有多款雞煲同配料選擇，好多火鍋材料都好足料新鮮，價錢都親民🤣🤣 ▫滋潤椰子雞煲 (半隻) $198椰子雞煲材料非常豐富 ，原先湯底已經有野生竹笙、杞子及同紅棗等養生滋潤既材料。另外店員會攞個椰青過黎🥥你我地面前將椰青水加入湯底，再刮埋d 椰青肉落去，令湯底更重椰子香。雞肉肉質鮮嫩🐣半隻雞既份量岩哂我地兩個人，重忍唔住要飲湯😋😋😋▫頂級安格斯牛小排$ 198安格斯牛有好重牛味，肉色深紅新鮮， 師傅刀功切得幾薄身， 好fit打邊爐🤩▫十優狀丸 $108有黑松露墨魚丸、黑墨汁丸、鮮蝦丸、鯪魚丸， 可以食得出每粒丸都係新鮮手打，非常足料爽口彈牙🤓有驚喜😍▫滋潤養生三寶$138一碟有齊有竹笙、花膠&魚肚。竹笙真係必食，爽口又索晒湯汁，好好味😍😍😍 花膠腍滑黏口😌魚肚就非常厚身😙😙▫雜菜籃 $70有款4款菜🥬生菜、菜芯、白菜、油麥菜😝

好耐無食雞煲同朋友即慶嚟石門呢間主打雞煲嘅餐廳呢間嘅雞煲同配料 好有水準✨豐鍋招牌麻辣雞煲有唔同辣度選擇．面層舖上大量芫茜混入同雞煲嘅醬汁之中．非常惹味雞肉嫩滑．食到停唔到口✨極品本地手切牛頸脊雪花均勻嘅牛頸脊牛味濃郁．擺盤仲好靚✨沙爆魚肚魚肚口感軟彈徹底吸收湯底雞汁嘅精華✨手工即炸魚皮魚皮都係鎮店之寶大大片．薯片咁香脆唔加入湯底就咁食都好正✨十優狀丸有齊5款唔同款式嘅手打丸真材實料．口感爽彈✨雜菜籃食肉之餘當然也加個蔬菜籃中和一下✨水蜜桃梳打✨龍鳳檸樂飲品大大杯．食雞煲又怎點缺少有汽飲品呢

🌟跟朋友來到「豐鍋雞煲」佢食過呢間話好得，要帶我嚟試吓，餐牌有好多選擇，我哋揀咗一個BB辣雞煲。***** ***** ***** ***** *****🥘豐鍋招牌麻辣雞煲$178雖然只係半隻雞，但份量好足夠，每件雞都啖啖肉，肉質非常鮮嫩好入味，而且完全唔覺油膩，BB 辣嘅辣度好輕微，好啱我哋呢啲唔係好食得辣嘅新手。🥟餃餃陣$88（鮮蝦雲吞、韭菜餃、麻辣雲吞、魚皮餃）餃子好新鮮，好唔錯。🥩手切牛頸脊$238 牛頸脊一向係我最愛，鐘意佢完全沒有肥膏得嚟，完全唔鞋口，肉質非常軟腍，打邊爐一流👍🫔滋潤養生三寶$138（花膠、魚肚、竹笙）食材好新鮮，花膠價錢好抵吃。🥬白菜仔$36菜仔都好新鮮，好正。🍹藍蝶雪梨$38🍹玫瑰柚子$38見到特色飲品，好奇心order試試，好飲好解渴。***** ***** ***** ***** *****總括嚟講，呢餐真係冇介紹錯，好味食到唔停得口。

突然雞煲癮起，見到屋企附近有間好似唔錯，所以去試試。我地先叫左半隻BB辣麻辣雞煲，見到姐姐係隔離個爐炒左好耐，食個時雞同啲配菜都好入味，個麻辣香味味好濃郁，有花椒香氣，開始食唔覺得辣，但愈食就愈辣。一人叫左杯咸檸七解解辣。食完雞煲加湯打埋邊爐。叫左個手工黑墨丸- 彈牙有嚼勁，唔錯的。本地手切牛頸脊 – 好有牛味，建議唔好碌咁耐，牛肉一啲都唔韌，係有質素既牛肉。新鮮肥鵝腸 – 爽口，有油香，配埋麻辣湯底，一流。仲叫左個雜菜籃，蔬菜都很新鮮。

最近發現石門好多人，食店都非常多，今次就去咗京瑞廣場1期嘅「豐鍋」，主打雞煲。睇Menu有4款招牌雞煲，亦有多種食材選擇，目不暇給。包括手工丸、餃子，另有肉類(如豬、牛、羊、雞)，多種海鮮、各式火鍋配料同蔬菜。招牌雞煲我揀咗：滋補螺片花膠雞煲雞味香濃，花膠嫩滑、螺片爽口。食材方面：頂級安格斯牛雪花均勻厚薄適中，肉質鮮嫩，正！😋手工四寶丸（蝦丸＋墨魚丸＋黑墨丸＋鯪魚丸）食過呢款手打丸就知平時嗰啲真係冇得比，超讃！😍即炸爆芝紫菜響鈴真心好食，響鈴包住紫菜已經加倍香脆，加埋芝士嘅香味，增添咗香滑嘅口感👍！飲品：鹹檸七、玫瑰柚子玫瑰加柚子味道清新，打邊爐嘅絕配！

今日過咗嚟石門呢邊打邊爐，有驚喜，支持小店🙌🙌滋補螺片花膠雞煲湯底十分足料，無味精！真材實料！非常濃郁！隻雞超香雞味！好耐無食過咁重雞味嘅新鮮雞😍肉質結實得黎非常鮮嫩，雖然只係點左半隻，但份量大到2⃣️個人都食唔晒。芝士紫菜嚮鈴呢個好食到dum一聲，上枱時係熱辣辣，應該係廚房新鮮炸起，脆卜卜，淥一淥，芝士溶溶地，腐皮索左香甜嘅湯，少少脆口，真係食過番尋味，要encore 餃餃陣係粒粒新鮮手包餃，其中麻辣餃實在太好味，咬開爆哂麻辣汁出嚟，涵料豐富。極品本地牛手切牛頸脊牛肉味非常濃郁，肥瘦適中，值得一試！

❗️豐鍋雞煲 (京瑞廣場) ❗️ 餐廳燈光光猛，環境唔升大但坐得幾闊落舒服。豐鍋招牌麻辣雞煲（半隻）$178店員好好人，講解佢地餐廳小辣比出面既辣，建議我地唔食得辣可以選擇BB辣。雞煲惹味份量多，雞肉質感嫩滑又唔霉。手工四寶丸（蝦丸十墨魚丸+黑墨丸＋鯪魚丸)(8粒）$89爽口彈牙無雪味，值得一試。頂及黑豚豬梅肉$125肉厚而又唔嚡口，有肉味。即炸紫菜響鈴（3件）$43有3件同6件選擇，6件就$73，想食多啲款所以叫3件。手工即炸魚皮$54原塊炸魚皮，調味足夠，好大片又脆口。雜菜籃$70玫瑰柚子$38藍蝶雪梨$38整體嚟講，性價比高，除咗招牌雞煲仲有螺片花膠雞煲、藥膳雞煲同椰子雞煲，配料選擇都好豐富。🏠：沙田石門安群街3號京瑞廣場一期1樓137號舖

食過咁多間雞煲始終都係石門豐鍋最正，非常惹味，最鍾意佢嘅海量紫洋蔥，掛滿雞煲醬超好食～半隻份量兩個人食非常足夠，叫咗BB辣都好夠辣。上桌一刻雞已炒熟，唔駛等即刻食得🙌🏻醬料區執得企理，所有野都自助，想幾時再加配料都得食完雞煲打埋個邊爐，揀咗手工餃拼盤，有魚皮餃、麻辣雲吞、韮菜餃等，款款都飽滿彈牙。自家製響鈴夠脆唔太燶，好食🙌🏻本地牛頸脊細份都唔少，肉味香濃唔韌。蔬菜籃有唔少款式，用料新鮮。食辣野免不了要杯野飲解辣，推介藍蝶雪梨，清清地唔甜，賣相仲好打卡able~

今晚揀咗麻辣雞煲做晚餐🍗，個湯底辣辣地，令人胃口大開！😋蔬菜籃🥦，啲蔬菜新鮮靚色，口感脆嫩，好健康！啲雞件好嫩滑，食落勁有口感，數量又多手打丸🍡都好好味，彈牙又有嚼勁，真係令人回味無窮。芝士紫菜響鈴🧀🌿絕對係我最愛之一，個芝士濃郁香滑，同埋紫菜脆口，夾左係響中間，一口咬落真係好享受！肥牛🥩肉質鮮嫩，每一口都帶來滿滿的肉香。必吃！鴨血🦆則係我哋的另一個驚喜，質地滑嫩，鮮味十足，配上湯底更加美味。最後，我哋仲叫咗兩杯特色飲品🍹，影相靚靚，口感清爽怡人，完美地平衡了整頓美食餐。除咗食物好味之外，要特別讚揚佢哋嘅服務態度良好😊！我哋7點到達食晚餐，唔使等位⌛，服務員迅速帶我哋坐低同埋介紹菜單。上菜速度快🚀，每一道菜都喺適當嘅時間送上黎，唔使等得太耐。而且服務員態度親切有禮，耐心解答我哋嘅問題，令我哋感受到賓至如歸嘅待遇。總括而言，呢間餐廳唔止係食物好味，仲有優質嘅服務，令人滿意！如果你鍾意辣辣口味同埋好嘅服務，絕對值得一試！👍

今日阿叔黎搵我食飯，我就帶左佢去美食綠洲既碩門，今次就帶左佢去係京瑞廣場1/F 我成日去食既雞煲便爐既餐廳，地方唔算大，但座位都算寬敞，有幾多卡位。既然話係主打雞煲邊爐，點少得雞煲打頭陣，我就叫咗個麻辣雞煲BB辣，未上枱已經聞到好香雞煲味，雖然我哋只係半隻，但份量都非常充足，隻雞好鮮味，而且一啲都唔肥，食完仲可以加返湯去打邊爐。極品本地手切牛頸脊（小）：雖然話係細size但份量都好足牛味好濃。十優狀丸：黑松露墨魚丸/蝦丸/墨魚丸/黑墨魚丸/鯪魚丸各2粒，每樣少少份量可以每一種口味都試勻晒，手打丸非常彈牙，而且好新鮮。薯粉：薯粉永遠係打邊爐嘅絕配，每條薯粉都掛滿濃濃嘅雞汁，超級好味。大話七：就咁聽個名真係唔知係咩飲品，原來係鹹柑桔配七喜，又可以解辣又可以解渴。總結：朋友食完讚不絕口，雞煲真係鎮店之寶。

一直以為豐鍋淨係雞煲呢類口味轉重既野食，結果午膳係有著重少油少鹽既健康餐！目測餐牌大約一星期更新一次（餐廳社交平台會update 餐牌）.見到每次餐牌都有該有蒸魚餐，有7-8 款比大家揀，每個餐有湯（基本上你一坐低、付應就會即刻送上大碗老火湯比你）、有飯，菜，主菜同野飲（凍飲另加錢）真心叫蒸魚餐，無諗過原條魚咁大條…（$7x) 絕對抵食過好多茶記！ 魚蒸得剛剛好，唔會太老！相對藥膳雞.. 味道真係轉為健康😂😅 .. 肉質滑身既，只係個人認為調味可以多番少少！其他粉絲排骨同肉餅豆腐都好好食，送飯一流！ 基本上女仔黎講，餐既份量可能會食唔曬😛

現在的石門發展有點像深圳的羅湖商業城，港鐵站一出就已經係京瑞廣場，內裏遍布食肆，今晚想吃雞煲，便來到這裏。幸好早點來到，七點之後已經全場爆滿。如果下次來的時候，預訂會比較好。麻辣雞煲半隻$178，這裏的雞煲，有很多香料，侍應會在店內其他地方炒熟之後，放在客人的枱上，不用等待，便可進食。雞肉吸收了醬汁的香味，非常滋味，加點蒜頭、芫荽，已經回味無窮。吃完雞煲之後，加上湯便可開始火鍋。四寶丸：鯪魚球、墨魚丸、蝦丸、墨魚汁墨魚丸$89，除了鯪魚球之外，其他丸類都很爽口彈牙。西班牙頂級黑豚豬梅肉$125，肉質結實，肉味濃郁，這個火鍋配料非常值得推薦。萵筍片，如果喜歡吃軟淋的萵筍，可以等待十分鐘以上便可進食。魚腐，放在湯裏5分鐘，可以吃到有魚肉和豆腐鮮味的魚腐。大話七，酸酸甜甜，味道特別，個人非常喜歡。龍鳳檸樂，兩種不同酸味的檸檬，加上可樂，是吃雞煲必備的飲料之一。