豐盛閣

营业中

休息中

1月1日plan左一家人去挪亞方舟, 見豐盛閣推悠閒海景迷你自助午餐, 雖不嬲都知道呢間野的buffet是麻麻地, 但個景靚, 而且$88一位, 唔貴, 諗住都可以食下(完成不會帶任何期望), 我一家12:15pm去到, 自助午餐話是12點開始, 只有幾個人入座, 當我地坐低左, 出去走一圈, 不用2分鐘已走完. 整個拿野食的area唔太, 但都只開了1/3, 枱上只有4-5款熱野, 有一些菜, 意粉, 粉飯, 隔離有白飯, 有湯, 自助水吧.我見到真係眼都凸哂, 竟然香港有咁樣水平的自助餐, 仲要在樂園裡面, 我忍唔住問waitress 出面係咪做緊早餐, 未轉午餐? 佢話已經擺哂出黎, 我即時O哂咀, 真是一肚火, 迷你都唔係差成咁呀!! 我無奈都坐左半個鐘, 有幾個小朋友, 佢地都要食, 我就冇乜食, 最多都是食左幾塊薯餅及薯格. 我拿野時, 都聽到其他人係咁鬧, 食哂成肚氣走人, 在門口真係忍唔到, 見到有人想俾錢入去食, 我都提一提, 叫佢地望下有咩食先入去. 如果知道咁的水準, 我出馬灣那些餐廳食好過!我唔係成日出街食, 以前亦冇寫評語, 但我為左佢地咁樣的服務, 今次專登

馬灣嘅挪亞方舟酒店最近多左好多優惠同活動。有時仲有食自助餐送住宿優惠。我地早前就去左挪亞方舟新增設嘅「e-Planet夢想星球」影靚相打咭。玩完當然要食埋自助餐先滿足啦！ 呢間餐廳地方夠大，坐得舒服，食物種類繁多。刺身壽司🍣款式多，仲有花之戀！ 好味！ 冷盤海鮮好新鮮。 蝦🦐大大隻，又爽口鮮甜！甜品種類繁多，啱晒我同小朋友。 熱食都好多。蒸魚好出色，蒸到剛剛好。推介：西冷扒！ 好Juice 又有肉味！平時好多酒店都會整到乾硬化。呢度做得好好，令我好驚喜！仲有dreyer’s雪糕🍦大滿足🥰

唔係第一次黎馬灣食自助餐，之前黎食覺得佢性價比好高，但今次黎差咗好多！成個buffet cut 咗出面露天的bbq 、牛肉同埋揚物已經少咗好多野食，入面熟食都cut咗一部分變咗擺汽水，連最普通的燒味同pizza都無埋，變咗六和，諗住咩六和每個人頭計會好味啲。點知上埋啲垃圾，第一道係冬荀炆鴨，有陣臭味，食都無食叫佢令走第二道苦瓜炆排骨，啲苦瓜好似隔夜淋晒黃晒，其他有蝦四隻、有兩舊叉燒同油雞，仲有蟹棗又係諧濕濕，最後唔記得乜野炒雞，呢啲咁cheap 既野仲要限人頭派，擺出去任食都未必有咁多人令，仲要味道麻麻！任食果到只得六道熱食，其他係沙律、凍海鮮無咗長腳蟹食，雪糕係Dryers佢啲咁既質素比$188都嫌多，仲收人$388加人，全場四十個客都唔夠，我曾經係豐盛閣的Fans,佢做到咁樣真係好趕客好失敗！

黎到挪亞方舟唔食自助餐真係嘥哂，今日一行四個家庭黎食，安排嘅海景位真係開心，班小朋友最想食嘅甜品都應有盡有啦，超開心係有花之戀壽司，一岀場就俾人，清哂😂⭐️仲有我最鍾意嘅薑醋蛋🥰夠哂入味⭐️熟食盤都有十幾款，蒸魚好啱小朋友食⭐️有青口、長腳蟹、蝦嘅海鮮⭐️有汽水添飲💕⭐️岀面有BBQ 天婦羅🍤同燒牛肉😍⭐️甜品有十幾款⭐️平日價錢$388 好抵食⭐️前菜種類繁多⭐️有bb椅，不過無小朋友餐具提供然後酒店內有些懷舊香港的佈置影相，今次主題是灜風滋味海鮮自助餐，最喜歡足料的去濕湯、蒸石斑、牛扒、花之戀等等，重點一提這裡是dreyer’s雪糕，勁好味😍

可能因為馬灣得一間自助餐，所以唔太重視質素。需要以海鮮做主題，但實際上回本海鮮得長腳蟹，但size都偏細，不過幸好唔太咸有鮮味。魚生有4款，但唔唔新鮮，感覺唔太實淨，似溶過雪甜品有香蕉pancake及雪糕，其他都味道麻麻。羊架嫩，但味道偏淡牛扒有d鞋口

  暑期我又入咗馬灣玩，今次目的地係挪亞方舟新開嘅「e-Planet夢想星球」！  其實佢係一個以大自然為主題，  以光影及音效等製造嘅投影互動體驗館， 森林、海洋、四季及未來城市4個主題，  透過觸碰、揮手、跳躍等動作，可以同投影畫面產生互動，  希望可以從 體驗館中了解動物嘅可愛， 同時學習保育！  躍動之森呢度係各種動物嘅 小宇宙， 小朋友可以摸下長頸鹿佢會同你點頭， 又可以沿著石仔跳過小河， 林小姐畀 鱷魚 嚇親真係好搞笑！  藍色奧秘其實呢度係一套3d電影， 首先感受下海底世界嘅 寧靜美好，然後你會發現人類嘅垃圾掉曬落去，就會變成完全唔一樣嘅光景。。 千色四季四季嘅變化又唔同嘅特色，落葉或落雪，又或螢火蟲， 都可畀小朋友追逐探索。 未來城市你到呢度小朋友可以用顏色筆畫上自己嘅車仔，素描入電腦， 行緊上面就會見到自己架車仔喺未來世界風馳！  玩完梗係要去食自助餐啦，  以青馬大橋嘅夜景 在背景其實真係幾浪漫！～～ 嘢食方面話多唔多話少唔少，應有嘅都有，冷盤有大蝦青口等等， 蒸魚至 燒牛肉、現場燒烤粟米菠蘿都有， 甜品款式選擇多，  由蛋糕仔、涼

趁住放暑假，我地約咗同學仔一行四人，去左馬灣參觀，親親大自然和觀賞青馬大橋見到挪亞方舟酒店有個唔貴嘅自助餐，預先book左枱，食埋晚餐先走。豐盛閣主打海鮮自助餐，有一盆盆新鮮嘅凍蝦、海螺、青口等等，介有超級豐富嘅日式料理，包括新鮮刺生、魚生飯及冷麵。餐應門外仲有燒烤區，即叫即燒，十分惹味！除左以上菜式，來到豐盛閣必試馳名燒味，今晚係豉油雞及叉燒，比燒味店更好吃！講左咁耐，甜品亦是重點，除了有一個裝滿甜品的櫃，仲有朱古力噴泉、即焗疏乎厘，及任食dryers 雪糕！食完之後，離開時更可以看到青馬大橋夜景，很適合一家大細或情侶到來

轉眼又結婚一周年喇今年想同老公仔去下香港一日遊，於是就過左黎珀麗灣食呢間餐廳既自助餐。身邊朋友都食過，個個都話呢間幾好，係交通淨一d。終於等到今日過黎試喇職員安排左一個好靚，可以睇到汲水門大橋既位比我地個view真係無得頂! 加上位與位之間比較寬敞，坐得好舒服，環境好大，自助餐範圍都闊，仲有戶外既燒食物區添(初初我地無為意，但見人地一碟碟羊架咁拎住，爭d miss左)6點已可入坐，615正式開始! 好豐富喔以佢400幾既價錢，我覺得食得開心，質素也佳。先講凍盤，有蝦，青口(兩款，一款普通另一款係法國藍青口)，田螺同埋長腳蟹。除第一隻長腳蟹較鹹外，其餘都鮮味，最緊要係唔~駛~迫同排隊…感覺好舒服。另外刺身都有五款，有三文魚，吞拿魚，喜靈魚，鯛魚等，刺身我試過就覺得一般，但勝在比好大份我熱盤有少見的田螺薯蓉，三文魚頭(呢個好入味，好好食)，又有魚，燒味，豬仔骨，又有意粉檔，師傅整意粉時最後會係個超大芝士輪度轉一圈，幾特別甜品有火熖雪山，即整的梳乎理同埋pancake, 大滿足以佢價錢，環境同質素我覺得性價比好高! 回頭值高

是日太太生日，揀左入黎呢度同佢食餐飯。享受一下寧靜人煙稀少既晚餐。入到黎好舒服，唔駛好似市區咁多人咁迫，餐廳出面環境無得頂，早啲黎唔知睇唔睇到日落。晚餐對住呢個景食一流。食物類別還好，唯有欠缺左生蠔或者龍蝦，信用卡優惠左之後三百幾蚊，但我寧願佢$500但係有生蠔或者龍蝦可以食。是日冷盤食物都算新鮮比較推介嘅係青口同埋長腳蟹，長腳蟹好鮮味海水味重好濃，好食既。魚生選擇少，餐廳出面set左bbq counter,羊架燒得好食。順帶一提服務係幾好！

望住個靚景食自助餐的確幾浪漫同享受🧡四月既主題依然係好吸引既情迷葡萄牙做主題。四月之選每位客人仲可以有一隻粉絲蒸扇貝。夜晚6:00就可以安排入位，6:15就可以正式拎野食。————————————————————餐廳環境都幾大，食物種類都算好多，望落都幾吸引👍👉🏻沙律區（擺款好精緻👍）👉🏻冷盤區最吸晴係松葉蟹腳，不停地拎唔停👍👉🏻刺身區（有三文魚對我黎講都好滿足）仲有火炙壽司🍣（壽司面上既芝士粒最特別👍）、👉🏻熱食區（除左有一盤盤睇落好豐富既熱食，當中仲有啲叫師傅即場幫你煮湯麵🍜，貼心照顧唔同人既需要。）葡萄牙海鮮炒飯有勁豐富既材料🤭仲有一款叫廚師推介，真係幾特別。仲要有芝士火鍋😱戶外仲要有燒烤區，有個女師傅幫你喺鐡板燒野食，有燒雞中翼、三文魚骨、羊架等等，絕對要一試。👉🏻甜品區有朱古力噴泉🤭有得比你自己串住啲水果/棉花糖，隔離仲可以叫staff幫你整pancake ，即叫即造，仲可以俾你自己去加醬或者其他配料。👉🏻#跟住皇后去葵芳—————————————————————📍豐盛閣 (馬灣)馬灣荃灣珀欣路33號挪亞方舟度假酒店

呢日係清明節，而小妹我上星期經已同家人提前左去拜山，有假休息唔洗返工所以就決定帶家中女皇大人出去遊走下原來女皇大人一直都無入過去馬灣，一早聽朋友講過個度有間酒店既自助餐幾抵食，仲可以邊食邊欣賞青馬大橋既靚靚夜景添反正plan左同女皇大人黎行下，咁就順便同佢去食返餐buffet 放肆下啦呢期酒店自助晚餐既主題係『情迷葡萄牙』，主打葡國菜式同海鮮食品場内既地方都幾大幾闊落，食物種類都好多元化咁啵冷盤區有各適其適嘅凍海鮮，當中即蟹腳又粗又長，啲肉仲好鮮甜添！！除左凍海鮮之外，仲有各類既沙律同前菜小食熟食方面既選擇都唔少，主打一定係燒得皮脆肉嫩必食既葡式燒乳豬除此以外，仲有葡國雞、西班牙海鮮飯、燒牛舌等等，連中式既豬腳薑都有得任君選擇而戶外區仲有即點即燒既烤肉，個羊架食落都唔錯啵刺身壽司區就擺放左唔同款式既刺身同壽司卷物，當中既三文魚刺身厚切肥美，而火灸壽司既質素都唔差wooo~~不容忽視既當然係甜品環節啦除左有自助餐常見既朱古力噴泉同蛋糕果撻之外，呢度仲有即焗既疏乎厘小妹覺得即製既自選班戟更加係must try item添呀可以同女皇大人睇住靚靚夜景咁大吃一頓，真係既滿足又寫意啊

挪亞方舟酒店入面嘅豐盛閣最近做緊「情迷葡萄牙」海鮮自助晚餐，星期六去左食，$428位，重點推介葡萄牙烤乳豬每次上新豬都5分鐘內比人掃晒！脆卜卜好好味炸馬介休球葡式燴牛肉、葡國雞，唔洗過大海都食到葡國菜！仲有朱古力噴泉蟹腳、蝦、青口、螺...等海鮮，回本必食呢！！火鍋有芝士同中式火鍋兩種～梳乎厘即叫即焗架！燒烤推介羊架，香口又唔騷～食物種類夠晒多，好豐富！坐得又舒服，唔會好迫另外贈送無敵青馬大橋夜景一個，我地由日頭食到夜晚～

挪亞方舟開咗咁耐都係第一次去，無論日頭定係夜晚嘅景色都一樣咁靚～今次就去食埋個自助餐先 ($428 星期五至日，及公眾假期前夕)😝 自助餐食物都好豐富，熟食、海鮮同埋甜品區都好多選擇🤤首先試咗呢度嘅海鮮先，長腳蟹係超級新鮮，仲好甜，好高質👍🏻 呢度嘅蝦都好鮮甜彈牙之後就食咗個自製嘅凱撒沙律，加左唔同嘅菜同埋醬料落去，食落別有一番風味🤣到呢個嘅主食，喺出邊夾咗一碟食物，呢個醬燒豬肋骨同埋呢個嘅馬介休薯蓉球味道都唔錯~ 炸得啱啱好👍🏻 另外呢個自助餐仲有師傅煮麵，揀咗呢個湯烏冬，湯底唔錯，夠晒熱辣辣。食完上面嘅嘢其實都好飽，食埋少少甜品就滿足晒。特別推介呢個即叫即做嘅香蕉pancake好好味🥰

難得嚟到馬灣影吓相，就嚟到挪亞方舟度食自助餐😋三月期間嚟食，二人同行，另外嗰位都係比$3，仲有鮑魚同埋紅酒送🤪計返一個人都係二百幾蚊，雖然遠少少但係都超值🤩環境幾大，乾淨開陽嘅感覺~估唔到呢個價錢竟然係勁多嘢食！😍首先前菜沙律已經有好多選擇，隨便配搭你鍾意嘅沙律🥗仲有胡麻醬豆腐，火腿芝士等等熟食嘅選擇都好多，而且會轉款同Refill得快，其中嘅咖喱，燒雞，同沙嗲肥牛都好好味。另外佢嘅乳豬都係必食既，豬皮香脆，裏面嘅肉夠滑嫩😋冷盤嘅選擇就有呢啲，長腳蟹肉鮮甜🤩呢度就係壽司刺身區，可以叫師傅即叫即切，三文魚同吞拿魚都鮮味十足🤤至於甜品區，成功令到我呢個甜品控滿足🥰除咗有各類蛋糕之外，仲有唔同嘅布甸，啫喱，涼粉，朱古力噴泉，葡撻，疏呼厘同買即叫即整嘅pancake 💕望住青馬大橋，慢慢嘆自助餐，好享受🥰仲要係呢個價錢，完全值回票價🐰💞早啲book定窗邊位，就可以欣賞出邊嘅海景，疏呼厘同班cake更加係我嘅大推介😋👍🏻甜品方面仲有火焰雪山🏔️師傅仲會即場表演俾大家睇，擺定甫士俾大家影相打卡🤣附送嘅鮑魚，質素都OK~呢度嘅自助餐仲有戶外區㗎！本身我都唔留意唔到🤣即叫即燒好惹味😚仲可以自己調味添，燒

挪亞方舟酒店內的 harvest restaurant外面就係馬灣東灣泳灘，可以望正青馬大橋，零遮擋！呢個海景真係幾浪漫💕Buffet方面有齊凍蝦、青口、海螺，刺身 ，壽司，沙律，前菜，熱盤，一應俱全！餐廳外仲有燒烤區，可以即叫即燒，當中羊架燒得juicy香口，正呀😆食完主食當然唔少得仲有甜品啦，除左有Dreyer's雪糕🍨各式甜品杯，蛋糕，仲有朱古力噴泉、梳乎厘、即製班戟等呢，好多款式選擇，滿足甜品胃😉！