豊勝手丼 (已搬遷) 新店位置

今晚同朋友來這裡吃晩飯，點了個海膽丼。Comment 如下：1. 海膽份量比menu圖片少很多，差異頗大。2. 味道不錯，又可免費加飯。3. 座位比較狹窄，但容許2人座四人枱，都算ok.4. 服務極差，個後生男waiter全場黑面。叫加茶只眼尾望你一眼，過了一會也沒來加茶，於是再叫一次，他加茶後就很大力把茶杯放回桌上，嚇咗我同朋友一跳。5. 食到快完時，waiter 突然播rap歌，仲要開得好大聲，disco咁，見到其餘兩枱客（也包括自己)都露出O咀表情。感覺間嘢好圍威圍。其實這裏食物是不錯的，價錢不低，但服務真是惡劣到一個點.... overall speaking, it’s not value for money.

一試難忘，包你後悔。刺身唔夠新鮮，平價貨當貴貨賣，我試咗佢最貴嗰個丼成3佰幾蚊，計埋加一要$360，夠膽死比啲百幾蚊質素上枱，竟然可以同吉之島嗰啲差唔多，$150都俾多佢。咁嘅價錢有好多好野可以選擇，千祈唔好試，包你嘅感覺俾人劏一頸血一樣。我未試過喺度寫食評，不過今次真係唔寫得唔得，因為感覺俾人呃，真係好鬼慶。叫大Toro, 佢個size同樣只係好似中Toro, 完全唔係粉紅色，冇肥膏，冇入口即溶嘅感覺，仲要$108，呢下先呃錢。如果你想試吓做魚腩，想食一餐食完極之不滿嘅感覺，小弟極力推介！

上次去豊勝手丼吃了刺身丼覺得不錯，性價比也算高，故此中午經過時跟朋友再度光顧。中午跟晚上也是同樣款式，套餐配前菜，配料及麵鼓湯。今次嘗試不一樣類別的料理，挑了全部熟食的二重鰻丼，即原條鰻魚及原條星鰻。時間已經中午兩點，店舖還坐滿客人。沙律、味付螺肉、麵鼓湯、二重鰻魚丼原條鰻魚厚身，脂肪飽滿，肉質嫩滑，味道濃郁。原條星鰻肉身較薄，魚肉幼嫩，魚味清淡。本人較喜歡油脂豐富，魚香重的鰻魚, 你又喜歡哪一種？

星期六放假去咗銅鑼灣行街，順便食個午餐。朋友提議試下食呢間好多人推介的豊勝手丼，好野的日本餐當然要再試下啦。鋪頭比較小，大約有五張檯，想有位就要早啲黎。門口係用木裝修，好有日本居酒屋的風格。中午套餐係以海鮮丼套餐為主，價錢由$148至$338都有，已包味噌湯，飯同沙律等，如果叫下面的散叫海鮮就可以加$20有套餐我今日揀咗呢個北海蟹丼，有松葉蟹肉，松葉蟹腳，松葉蟹鉗，味噌蟹羔，蟹籽，蟹肉全部都鮮甜，肉質彈牙，蟹羔香濃，飯的份量都夠多，食晒都好飽。

星期三嘅晚上， 天氣開始回暖。突然想食日本野就食個刺身飯滿足下。呢間位於銅鑼灣謝斐道巷仔，店內細細，得10幾個位左右。 甘岩唔洗等位， yeah!望上天花，裝修到好似置身日本築地食壽司甘！上方仲有捕魚網，網住貝殻嘅裝飾！雖然店內細細，裝飾細節位置都照顧到。店內丼飯嘅壽司飯可以免費添加ga! 所以大食之人都會夠飽！餐牌上嘅丼飯選擇好多，相片好吸引ar!馥の丼 $238 舖滿左滿滿嘅炙燒帶子，每粒帶子都加上黑松露！每個前菜都包括前菜： 紅黃椒生菜沙律。酸酸甜甜，幾開胃！前菜仲有螺肉兩，三粒。味道正常！仲有一個都幾足料嘅麵豉湯，豆腐大大粒！飯中間附有碎上嘅香蔥吞拿魚腩，我本身就mama地 中意吞拿帶有魚嘅味，碎上好似做到他他嘅效果, 反而不錯！五品丼 $268岩晒我，選擇困難症，每樣都有d!有三文魚、油甘魚、赤蝦、帶子 (全部x2) 仲有海膽！赤蝦大隻，蝦頭有膏，撈飯甘甜！ 海膽份量都品算少，甘甜無怪味！

<Cwb好味日本丼🇯🇵🍚>日本丼飯大行其道 今次黎到cwb呢間豊勝手丼 試下佢手勢 喺競爭激烈既謝斐道開左一段日子 相信質素唔會差既💪🏻 食店細細間 只有4 張4 人枱 以啡色木枱櫈 酒樽同埋掛喺牆上既木枱menu 做裝飾 😀 感覺好日本🇯🇵 食店既丼飯種類好多 見到d刺身類好新鮮 於是點左😍🍴碎葱吞拿魚腩🐟黑松露火炙帶子丼飯🍚 238 蚊 (飯任添勁正😍) 丼飯係一個set會有麵豉湯🍲 新鮮生菜沙律🌿同彈牙入味螺肉 麵豉湯有昆布 豆腐 咸度適中落足料 講番丼飯 中間放滿吞拿魚碎 🐟 切得夠碎 吞拿魚味濃 加埋葱花調味好🌿 側邊既帶子大大隻 用火燒過後🔥 口感彈亦保留鮮甜 唔會過熟 💪🏻 壽司飯夠軟同黏稠 🍚 點埋豉油 wasabi同酸薑 成為好味既丼飯 正！😍🍴三文魚 油甘魚 赤蝦 活帶子 海膽 丼飯🐟🍚 268蚊(飯任添 勁正) 😍丼飯係一個set會有麵豉湯🍲 新鮮生菜沙律🌿同彈牙入味螺肉 麵豉湯有昆布 豆腐 咸度適中落足料喺軟滑既丼飯上面既刺身好新鮮 赤蝦大大隻夠彈牙 蝦頭既解膏新鮮🦐 活帶子勁鮮甜 油甘魚同三文魚 好肥味😍 最鍾意佢厚切 仲有中間軟綿綿既既海

餐牌都係彩色，好難選擇，好彩可以同朋友share一齊食，可以試多D唔同野。🥢每個丼飯都會有面豉湯同前菜，面豉湯唔會太咸，沙律都幾新鮮。🍱五品丼 $268三文魚+油甘魚+赤蝦+活帶子+日本海膽刺身整齊甘排滿飯面，三文魚夠肥美，油金魚厚實。赤蝦好粗好大隻，雖然無甜蝦鮮甜，但夠哂嫩滑。帶子肉厚，中間夾著檸檬片，感覺清新。日本海膽，味道比韓國海膽更濃郁鮮甜。🍱雲丹丼 $238原板韓國海膽+碎蔥吞拿魚腩碎蔥吞拿魚腩份量好多，厚厚甘將珍珠飯完全覆蓋，食落新鮮無腥味。韓國海膽原板上，鮮橙色食落感覺濃郁，部分食落微微甘味，部分則鮮甜。

今日同朋友黎食晏，點左2個丼，配沙律，味噌湯，帶子裙邊。五品丼三文魚、油甘魚、赤蝦、帶子&日本海膽幾種刺身都好鮮味，油甘魚入口好滑，赤蝦好大隻👍🏻，海膽鮮甜！雲丹卜口丼原板韓國海膽&碎葱吞拿魚腩依個丼好吸引，有我中意食嘅海膽😍見到飯上面有紫菜，我就將啲海膽同吞拿魚用紫菜包住食！味道好夾，不錯不錯！單獨咁食啲海膽，我覺得味道好特別，有種糖果嘅味道，同五品丼嘅海膽好唔同，之後睇清楚餐牌，原來依種係韓國嘅海膽。我都係第一次食，加埋紫菜一齊食比較好食。

之前夏天去食，講過話冬天要來食蟹丼，我二話不說就叫了北海蟹丼，朋友好愛海膽，又想食魚生，所以叫了五品丼北海蟹丼 $198喜歡蟹嘅朋友一定唔可以放過，大大碗，有松葉蟹肉、松葉蟹腳、松葉蟹鉗、味噌蟹羔同蟹籽，好似食咗成隻蟹咁，啖啖肉，又食得乾淨，松葉蟹肉好鮮甜，蟹腳同蟹鉗各兩隻，已經處理好哂，啖啖肉，新鮮得來仲帶有小小海水嘅味道，至於個味噌蟹羔，我建議留番最尾食，味比較濃，令鮮味更出，仲一啲都唔腥，加埋啲蟹籽撈飯一流五品丼 $268五品嘅五品即係三文魚、油甘魚、赤蝦、活帶子同日本海膽，三文魚魚肥美，油金魚粉紅嫩滑，,肉質厚實甘甜，赤蝦比手指還要粗，還要長，彈牙嫩滑多膠質，蝦頭仲有好多膏，厚厚嘅兩片帶子，中間夾著檸檬片，感覺清新，鮮甜無比，至於個海膽，味道濃郁，入口即溶，仲留有餘香，加埋飯其實都幾飽呢間小店，座位唔多，有四組枱，每組可以坐4-5人，全店可以坐16-20人，值得一提嘅係佢所採用嘅米係日本米，米身短，較香綿密，米粒光澤、圓潤飽滿有飯香，仲可以添食，而個味噌湯都好足料，有白蘿蔔、海帶同豆腐

今晚一個人來到銅鑼灣，由於工作的關係，所以晚餐晚了點，但沒關係呀，這樣不會影響我的心情，也可以很享受，不必太遷就別人，點自己想吃，就開心和好滿足呀。走在銅鑼灣街上，人群裡穿梭中，街角有一間好有日本特色的餐廳，原來叫做（豊勝手丼）這日本餐廳位於伊利沙伯大廈附近，也是在銅鑼灣廣場二期附近，很容易找到找到。餐廳好日本居酒屋，仿如置身於日本，外面街上很熱鬧，是這家餐廳反而顯得寧靜，可以與朋友來食飯和聊天，而且還沒有時間限制呀。趟開了趟門，待應招待很快兼有效率地安排了我入座，端上一杯綠茶，原來餐廳有二個地舖連在一起，二店之間原來是廚房。難怪出餐時間那麼快，保持食物的新鮮。長長的長枱。餐牌有很多款式，實在太多選擇，想來又想去，最後決定點了（五品丼）。😍已開動turbo, 以光速地消滅了五品丼。五品丼 $268.00，另外加一服務費五品丼，顧名思意有五種新鮮魚生，當中有日本海膽，赤蝦，活帶子，三文魚和油甘魚加上白飯。好大份新鮮刺生舖滿了整個飯碗，大滿足，而且呢以日本珍珠米煮的白飯，非一般的的飯，食下去發現了小小隻小魚在白飯里面呀。這個五品丼定食，一個人份量，有沙律，面豉湯和前菜小食螺肉。新鮮的日本海

香港最近好似好流行食日本丼飯，成版成版嘅海膽，一大堆頭嘅刺身，見到朋友係 media 曬相，真係好想食一次。網上查左一下，銅鑼灣嘅豊勝手丼排名好高，決定試下。小小既店對滿食客，每個人都滿足地食緊唔同嘅丼飯。Menu 有各式各樣嘅刺身組合，花多眼亂，令人心大心細，選擇困難。又好想食海膽，又好想食魚生，又好想食吞拿魚，睇嚟真係黎一次滿足唔到咁多願望。最後，我選擇左最有人氣食材既五品丼 268元。三文魚、油甘魚、活帶子、赤蝦、日本海膽，全部都係我中意食既。厚切三文魚超肥美，一半係魚腩肉，正！油甘魚係今日店長推介，新鮮的魚肉充滿光澤，咬落去爽口無比！活帶子成個湯匙甘大，活既帶子比平時食嘅雪藏貨，更鮮甜。赤蝦，爽甜！日本海膽，有兩層，份量十足，好抵！呢度嘅刺身用了，新鮮又當造，所以食客如雲。下次再嚟嘅時候，準備挑戰三色海膽和三色吞拿魚，一定要encore !

平時呢間豊勝手丼大排長龍，今日非繁忙時間，終於可以摸到個門口入去食野。食丼最緊要新鮮，同埋有豐盛嘅刺身。可以話係未食，比佢哋嘅丼飯造型先拔頭籌。今日係聖誕日，淨係想選擇最好嘅你食，所以直接係佢地最豪華鼎盛嘅top 3 作選擇。決定食最好、最高級海之幸丼 338元！由於呢個定食實在太豐富，基本上無法抗拒！咁難得入到黎食，唔食最好，別無他選。淨係呢個組合，已經令人無法抗拒: 厚切油甘魚、比目魚邊、吞拿魚腩、三文魚子、赤蝦、松葉蟹鉗，再加日本海膽！油金魚、比目魚都係厚切， 咬落去除咗魚鮮味外，質感亦非常彈牙！ 真係一分錢一分貨，貴得有道理！吞拿魚腩，唔使講，入口即溶！松葉蟹鉗，咬落去有鮮甜嘅蟹汁。日本海膽 creamy!!! 足料！呢隻赤蝦，由蝦膏到蝦肉都甜到唔捨得咁快食晒。認識中包括芥末八爪魚前菜，面試湯和沙律，超級滿足的丼飯，甘多精選新鮮既刺身，值回票價。除定食之外，佢哋仲有唔少嘅小食，可以追加。

第一次來試，經員工介紹，點了腦天， 係吞拿魚頭頂的肉，一條魚只有兩塊，好稀有，煎得好香，魚油好勁， 好食，值得試試。另外點了海膽海鮮，海膽ok, 日本的海膽比韓國的分別不大，可以免費加壽司飯，因為吞拿魚腩蓉同海膽都係可以"送"好多飯，但都比另一間叫岩鹽的價錢貴左少少，CP值不太高。整間店只有12個位，人多時坐得迫d, 呢個價錢有其他坐得更舒服的選擇。

在銅鑼灣吃海鮮丼飯，我一向會選擇銅鑼灣廣場附近一間幾出名的日式小店。最近經朋友介紹，說豊勝手丼的丼飯的刺身更大件、更豪華、選擇更多更滿足。今天即使排隊也很想嚐試一次。豊勝手丼也是一個小店，約二十個座位。小店不大，卻裝修得很窩心温暖，處處展示日式細節。定食一頁過這，展示給客人，要吃一百多元的經濟版丼飯，還是二、三百元的豪邁版，適隨尊便。我也心大心細，最後選擇所有食材都愛不釋手的贅沢雲丹丼 308元。食材包括葱花吞拿魚腩、日本海膽，韓國原板海膽、牡丹蝦兩隻。作為主角的這兩個日本和韓國海膽，份量十分。難得可以一次過品嚐兩國的海膽作比較。日本海膽比韓國的大，更creamy. 香啲、滑啲，混飯一流！韓國海膽乾身些，体積較細，賣的是清甜。吞拿魚腩食感如拖羅，入口即溶。牡丹蝦不用說，彈牙、鮮美，還有不能錯過的蝦膏，都是令人想一吃再吃！所有定食已包括前菜、味噌湯、沙律。前菜是芥末八爪魚粒，小小一碟卻芥味十足。一個定食，已經大為滿足。

今日係灣仔區放工，到晚飯時間就約咗朋友過黎銅鑼灣呢邊搵下有咩好食。見到哩間細細間但裝修好有日式風格的魚生丼專門店 豊勝手丼，就被佢的魚生飯吸引咗，原來佢個老闆係係香港專門推動日本飲食文化，開咗唔少唔同類型的日式餐廳。鋪頭入面比較細，行日本居酒屋路線，有大約4張二人檯餐牌有大約十三款魚生丼可揀，價錢由二百幾蚊到三百幾蚊都有，全部都係包定食套餐馥之丼，係表面燒過少少既帶子，厚身，有五大塊，燒過後有少少香口的感覺，加上帶子本身的鮮甜味，中間仲有拖羅，用日本米做的醋米飯。套餐有味噌湯，沙律，鮮魷魚等五品丼，有油甘魚，赤蝦，活帶子，三文魚腩，日本海膽，種類多，鮮甜，赤蝦肉嫩，大隻， 海膽有海水味，油甘魚同三文魚都厚切。