豊勝手丼 (已搬遷) 新店位置

今日一人行去到銅鑼灣食飯，突然間好想食刺身，去左一間日式餐廳。早早之前已經聽朋友介紹，今晚就去再戰一次。餐牌選擇好多好吸引呀！我就隨便叫左一款咩都有啲既刺身飯。因為選擇太多，店員介紹依款我就試試啦。牡丹蝦大大一隻好爽甜，入口鮮味突出濃郁，蝦頭好甜仲有蝦膏，帶子厚切好爽嫩，甜鮮度同樣極高。油甘魚濃香濃郁，三文魚同樣厚身魚味濃烈，最不能錯過就係海膽，入口鮮甜唔會有腥味，下次叫原板海膽試試套餐仲包括沙律、前菜和味噌湯，好抵食！

今晚一人行放工去銅鑼灣食晚餐，女朋友忙番學唔得閒陪我，放工又懶得煮飯，直接食埋飯先番屋企。銅鑼灣有太多好食既餐廳，突然間心血來潮想食日本菜，即刻諗到刺身飯！「豊勝手丼」是我首選。蔥吞拿魚蓉配原板海膽。賣相夠哂吸引呀！滿滿蔥吞拿魚蓉，入口魚味突出濃郁，魚味好香完全唔膩，每一口都是幸福海膽份量夠哂豐富，鮮甜綿密，好霸氣呀套餐包括沙律、前菜和味噌湯。份量絕對夠飽海膽是我最愛，一口飯一口海膽，完全是晚餐的享受。

今日一個人去銅鑼灣行書店之後就到對面食街找吃的 上網看到這間幾高評價的日式丼飯店就去試下 店鋪細細只有16個座位 不過款式有很多 不合心意亦可以自選配料自己考慮了很多之後 最後點了北海蟹丼 $198 有齊松葉蟹肉+松葉蟹鉗+松葉蟹腳+味噌蟹膏+蟹籽 蟹肉質軟滑 鮮甜美味 蟹腳只要用筷子輕輕一撥就能原條放進口裏 蟹鉗也不雖然很用力 蟹膏鹹甜適中拌飯最好 加入蟹籽爽口 好幸福一大口一大口吃 這裏的壽司飯加入了魚仔 亦可以無限添加飯的 冬天就是要吃蟹的季節 竟然這裡一碗丼飯就可以滿足我所有的的心願

經過呢間舖既門口, 比佢日式木系裝修吸引左埋去睇睇門外面個menu 先, 有Omakase即係廚師發版, 由佢決定當日提供邊種刺身好期待等既時候周圍望下, 木牌既裝飾充滿日式風味喺牆身發現到呢張紙壽司飯免費添加, 一定可以食飽飽千呼萬喚始出來, 個餐黎到喇飲完麵豉湯後, 即刻食個沙律先, 酸酸甜甜既黑醋好醒神開胃食少少辣味螺肉刺激味蕾omakase 入面就有池魚, 真鯛魚, 鮟鱇魚肝, 赤貝同埋三文魚腩, 加上少少蔥花&中間粒菊花作點綴, 盡顯廚師既心思作為omakase 既刺身, 一定係廚師認為當日最新鮮好味既先比你食, 果然不付所望, 全部都好鮮甜先由最淺味既魚食, 食到最後先食最濃味既魚肝

星期日的中午約咗朋友來銅鑼灣買禮物，午餐就揀咗上次食過好好食的豊勝手丼，明顯星期日的客人比星期六少，上次星期六中午多到坐满，要等位，今日人就少啲，坐得舒服啲。海鮮丼款式依然眾多，好吸引，價錢相宜，套餐價已經包味噌湯，沙律，壽司飯等我想食帶子，就揀咗個馥之丼，碎蔥吞拿魚腩加黑松露火炙帶子，味噌湯熱辣辣，香甜美味，加上有大蔥煮調味，沙律大碗，清脆新鮮，仲有個螺肉小食火炙帶子有成6塊，每塊都有黑松露調味，厚偏廢鮮甜，中間的蔥碎吞拿魚腩用料新鮮，味道香濃，肉質滑身，壽司飯都煙韌有咬感，份量十足，好飽肚。

平時食日本野通常也是壽司刺身，今次跟女友想試下新野，一於去食刺身丼飯！上網看過這間食店評價不俗，也是開飯熱選，於是就來一試虛實！😝店鋪位置旺中帶靜，不在銅鑼灣最旺最多人的地方，但與某24小時拉麵店同一條街，不算難搵！丼飯的款式很多，每個賣相也很吸引，也可跟隨自己的喜好配搭不同的魚生、刺身！😊😊店鋪位置不大，但裝潢設計很有日本風，而且店員禮貌親切，感覺置身日本小店一樣！主菜來了！和牛丼套餐連前菜、沙律、麵豉湯！！雖然店內是主打不同的刺身丼，但小弟選了店員推薦的鹿兒島和牛丼，感覺有點格格不入呢！😝😝和牛燒得香軟，未入口已經有濃烈的牛肉味，放入口吃就一口即溶的感覺呢！很正！很意外做魚生丼的餐廳連和牛丼也做得這樣出色！👍🏻👍🏻女友點的海膽海鮮丼，也是新鮮十足，份量絕不欺場呢！👍🏻👍🏻😋😋

今日去行希慎廣場，,又適逢春季大減價，有很多嘢因太平忽然想買，今次真的大滿足。行到咁累係時候要醫吓個肚，銅鑼灣好多嘢食就係人都知，但要高質素而唔係A,B,C套餐貨式，就唔容易找，好彩有個吃貨寶寶朋友，介紹去一間高質及性價比極高的日本菜餐廳，咁就一定要試吓有幾高質。餐廳位於謝斐道百達中心地下，門面用了日式嘅傳統設計，入到去有去咗日本嘅感覺，因為此店主要提供海鮮，所以店內掛了好多貝殼，同有關魚，魚網等海洋嘅裝飾，店內設計很精緻，令人坐得舒適。看看餐牌，款式選擇很多，但對我呢個海膽控嚟講，一定要試一試呢度嘅招牌菜「沢豊雲丹丼」😍😍有原板韓國海膽，有成七排，每排有十辨海膽，份量十足，粒粒海膽都肥滿肉厚，色澤亮麗，新鮮嫩滑，配上提供的大片紫菜包住D海膽嚟食，奇味無窮。唔講唔知，海膽其實含有大量鈣質，DHA,蛋白質，對身體好有益處。除咗韓國海膽，仲有一大排日本海膽，用切得薄薄的小青瓜片墊底，日本海膽size比較大而油厚，顏色鮮豔，海膽味更濃，入口後滿口濃郁海膽味，久久不散，至今仍回味當中。 咁大阪嘅海膽 ，食完超級大滿足另一主角不能不提，就係赤蝦，大大隻肉質鮮嫩豐厚，爽口彈牙，蝦頭有膏，蝦肉就呈現

豊勝手丼，會黎係因為佢的魚生飯，夠哂吸引仲有咩好得過魚生飯嘅美味🤤🤤🤤所以我來了丼款式選擇多 樣樣都豐富，花多自然眼亂手丼份量足，前菜豆腐嫩滑，配上沙律醬，輕燒表面，更令豆腐入口香滑主角點少得佢魚生飯，今次選了的丼包括有鮟鱇魚肝，加拿大海膽，赤貝，金目調同真鯛加拿大海膽大大顆，入口鮮甜又唔腥，海膽迷點可以少得佢鮟鱇魚肝厚且味道濃郁金目鯛鯛魚剌身，平時於日本餐廳少有食到，因為比較罕有，今次意外地可以食到真係滿足金目鯛入口比較爽脆，味道鮮甜魚生大塊，加厚切，滋味程度滿分真鯛相對較普遍，但餐廳供應的是厚身且大塊的魚生，又係夠gimmick入口鮮甜，魚脂甘香，加上厚切質感，喜歡魚生的一定愛上它

今天午飯時間，再試這間豊勝手丼日本餐廳, 因上次食完赘沢雲丹丼,十分回味那種鮮甜味,尤其是海膽的，甘甜不澀味道,想起都特別興奮。但今次想試下別的刺身丼， 店員極力推介這海の幸丼， 因有幾隻松葉蟹鉗，所以更加鮮味。看這海幸丼menu材刺身，材料特別豐富， 分別有油甘魚、比目魚邊、吞拿魚腩、三文魚籽、赤蝦、 日本海膽和松葉蟹鉗， 眼看更多鮮味刺身，未食已經流曬口水，所以就決定試下。等了一陣，師傅極速整好了這海の幸丼放在面前， 這一刻已被其賣相深深吸引著， 估唔到真實的比menu的圖片更加吸引，而且，還嗅陣陣海鮮的鮮味，而日本海膽的濃烈甘香味道更甚， 忍不住馬上開餐。其實材料真是十分豐富， 上面密麻麻的刺身，看不見底下的日本珍珠米。一開始不知從那裏食起 ，猶豫了一陣，決定先食松葉蟹鉗， 味道絕對是鮮甜味美， 紮實的肉質， 肉質如松針，食落加上有少許嘅蟹汁， 異常甜美， 絕對是品質上乘嘅蟹王。日本海膽，色澤是橙黃色， 眼見非常新鮮 ，質感軟滑， 味道十分濃烈， 最重要是甘甜不澀， 愈食愈滋味。而油甘魚、比目魚邊、吞拿魚腩、三文魚籽、赤蝦各有兩大片(隻), 味道真是一樣畀一樣鮮甜， 尤其是比目魚

昨晚睇完電視節目，介紹東京美食。今日即刻想去食返餐正嘅日本嘢。諗起呢間井飯，念念不忘佢成板海膽， 一於去食啦。小店似十足日本嘅店午餐餐牌前菜有沙律，蕃茄，酸酸甜甜好醒胃麵豉湯雲丹卜口井 - 原板韓國海膽 + 碎蔥吞拿魚腩嘩! 正呀！ 成板海膽，怎能讓你不心動! 海膽鮮甜，無苦味~ 就咁食又得，夾紫菜食又得， 得咗! 成碗都充滿住碎葱吞拿魚，滿滿的一整碗，簡直滿足晒我對吞拿魚的慾望。成啖都係魚肉，軟綿綿的，滿口滿足~ 總括而言，十分高質，十分滿足下次要再光顧，再試下不同井飯

今日經過銅鑼灣忍不住又食左個豐富午餐，呢間雖然鋪面細小，但勝在店員工作認真，選擇食材嚴謹。所以吸引不少奉長客。我叫個五品丼，有厚厚的三文魚片，油甘魚，大大隻赤蝦，好大粒活帶子，鮮黃色日本海膽。再配有機莎律菜。一次過滿足曬食海鮮嘅口味。三文魚和油甘魚新鮮肥美啖啖肉。鮮嫩入口即溶。喜愛食三文魚的你，不防來試下，係切得好厚好正。赤蝦和帶子都好新鮮。海膽好鮮味。朋友叫左個鮭親子丼，即三文魚加三文魚子，我覺得呢個飯好低食，每片三文魚都係厚厚一片，極新鮮肥美。魚子大大粒粒夠多，入口感趣味十足。另外個莎律菜都好味，有極菜配合酸酸地汁，增加食慾感，唔錯。

與友人去銅鑼灣辦年貨，又想起了這間日本料理，上次食過很回味這裡的丼飯店面不大，平日夜上去到一樣座無虛席，稍等了一會兒才有位偏黃的燈光和以木為主的裝修，令人幾放鬆。不過位置不大座位亦比較擁擠，可以同朋友坐的親密d慢慢傾計。每款丼飯都很吸引，絕對會讓人有選擇困難症！如果不想點配搭好的丼，也可以自選材料組合。丼飯外也有其他料理，挺有日本風味。限定餐牌好特別，可惜兩個丼飯已經好飽，未有試到。海之幸丼用料好豐富！一個丼飯有齊日本海膽、厚切油甘魚、三文魚子、比目魚邊、蟹鉗同赤蝦，重點一提我最愛嘅Toro，油脂分佈均勻，入口即溶，仲有滿滿的魚油香味，用料果魚唔馬虎！三國雲丹丼有齊日本、韓國及加拿大海膽，最適合海膽控！韓國海膽原板上，份量十足；加拿大海膽肥美大片，但本人覺得較腥並有些甘苦味；最喜歡日本海膽，質感creamy之餘很鮮甜。丼飯配前菜、沙津和湯，更可以添飯，所以食得好滿足！小店用料高質，配搭亦一d都唔馬虎，雖然價錢稍貴，但在香港食到日本當地的新鮮滋味，偶爾一餐也不過份！

新年咯～又來Sogo辦年貨，照例要醫了肚子再血拼。想起了上次和朋友一齊光顧的豊勝手丼，整個腦海滿是美味的回憶，決定再戰一次。上一次來光顧的時候，我記得拉開招牌下的木門就能望透了整間店，空間不是非常大。這一次來發現店家把店面擴充到隔壁，增加了十幾個座位。除了傳統的勝手丼，還多了不少食物選擇。哇噢！還看到了豊勝手丼參加了由日本福井縣、兵庫縣、三重縣聯手打造日本御食國海產祭，聽說這三個縣一直以來都是進貢新鮮海產給天皇的主要產地，這一次竟然香港有參加，那我們也難得有機會可以嚐到媲美日本皇家料理的新鮮海產。「勝手丼」，上次來吃的時候朋友就解釋過一次給我聽了，食客隨心所欲挑選自己喜歡的刺身，讓師傅放在壽司飯上做成丼。形象化一點來說，就是「丼界車仔麵」，要吃多少配料，就點多少。不過有時選擇太多也不是一件好事，實在太難決定吃什麼了。所以這次我還是照老樣子，選擇店家已經搭配好的丼。我們第一個選的是海の 幸丼（$338），一份套餐除了一碗丼飯，還有一份沙拉、小吃（螺肉）和一碗麵豉湯。價位確實不便宜，但看這琳瑯滿目的食材，滿滿一碗集齊了油甘魚、比目魚邊、吞拿魚腩、三文魚子、赤蝦、松葉蟹鉗和日本海膽，相當繽紛

冬天食魚生丼，其實同食雪糕一樣！超正！今日去左會展forum, 悶左一整個早上，唯有搵好野食下慰勞自己！天氣得個5度，但仍然好想食海膽友人介紹下去左呢間小店。小店就係一蘭旁邊，採用全木的裝潢，感覺很對板。雖然又凍又落雨，12:30甫進小店仍有枱西裝友坐低左，香港人愛日本菜嘅程度真係世界級點了吞拿魚魚蓉海膽丼！上枱吸睛程度絕對爆燈！整整一板新鮮海膽，配上紫菜同壽司飯，一啖咬落去，海膽鮮味直情係口腔爆發超正！再咬啖吞拿魚魚蓉，綿密嘅質感加上鮮味無窮，輕輕加少少鼓油已調起鮮味來！食材新鮮就是王道！總括這間小店，食材新鮮，足料，坐得舒服自在，水準極高！

已經係第4次嚟食，次次都好滿意，而且佢哋定期會加新菜色，值得隔一排又嚟食！北海蟹丼 ($198)賣相好吸引，鍾意蟹嘅應該會開心到癲咗，有松葉蟹肉、2隻松葉蟹腳、2隻松葉蟹鉗、味噌蟹膏及蟹籽。就算係蟹鉗都已經整好晒，基本上唔洗出手都可以食到啖啖肉又唔會浪費半絲蟹肉！味道鮮甜而且口感係一梳梳咁，非常新鮮。花咗啲時間將全部撈埋一齊食，非常滿足！五品丼 ($268)有三文魚、油甘魚、牡丹蝦、活帶子及日本海膽。全部刺身都好新鮮肥美，肉質甘甜；比較突出嘅係牡丹蝦，超大隻勁新鮮，肉質好嫩滑彈牙，食埋蝦頭入面啲膏，香甜無比！兩塊帶子中間夾咗塊檸檬片，必少少檸檬汁出嚟一齊食，鮮甜味道更突出；由於太肚餓嘅關係，啲日本飯香又綿密，所以一定要添飯！海膽係就係好香濃，不過叫多咗飯，如果海膽份量再多啲就完美啦，而家唔夠撈晒啲飯呀哈哈！次次嚟都冇失望，春天又嚟食喇！