豊勝手丼 (已搬遷) 新店位置

今日由朝到晚停不了既公司會議搞到連午飯都無得食，做到六點幾終於可以鬆一口氣就即刻跑落街搵野食！一落樓見到呢間日本丼就衝門而入，因為實在太肚餓！雖然只係六點幾但四張枱已經坐滿三張，相信呢度既定食都應該不錯吧！睇咗一陣最後要咗四夌海鮮丼定食！其實好多野都想試但決定先試咗最基本既款式，好食下次再黎！整份定食好快就上咗枱！ 有齊前菜、湯同大大份海鮮丼，睇份量就知可以滿足到我海鮮丼有三文魚、鯛魚、赤蝦同埋海膽。全部食材都大大件同埋好新鮮，最驚喜係丼飯既面頭有少少白飯魚仔，令到成個丼飯與別不同！下次再黎希望可以試下佢地既小食同清酒啦

原本今日約了朋友食麻辣菜後做facial，點知她突然有事喎！被爽約當然唔開心，但其實我都不太好麻辣，不是為了陪她也不會吃，既然現在一個人，當然揀自己喜歡吃的日本菜。突然想食丼，來到銅鑼灣要食丼，就想起「豊勝手丼」。店子的裝潢沒有太大改變，裝潢滿有和風的色彩。店子小小，但設計富心思，牆上貼滿色彩繽紛的海產類海報、有一塊寫上勝手丼簡介的大黑，而店頂就掛上網着扇貝殼的大魚網，真有代表性，很用心。每枱枱上都放有兩份餐牌，共有十七款不同配搭的丼任君選擇，而其中一款是廚師發辦丼。除丼飯外，亦有刺身、燒物套餐和飲品供應。本想點一份廚師發辦丼，但看看今供所發辦的食材……除鮟鱇魚肝外，其餘也不是我最喜愛的，還是再細閱一下餐牌吧!******************************咦咦咦…有啦！火炙海鮮丼 Grilled Sashimi Sushi Bowl ($268)有左口魚邊、劍魚腩、吞拿魚腦天、穴子 和三文魚，也是我喜歡的，就它吧！待一會，火炙海鮮丼 就上枱，連埋前菜、配料 和味噌湯，很豐富呀！急不及待先嚐火炙海鮮丼，食材逐一嚐。店員細心提示要先吃吞拿魚腦天，兩件大小厚度相若，經火炙燒香，

又一個OT的晚上。下班後帶著疲倦的身軀，遊走銅鑼灣尋找較為「治癒」的餐廳幫自己「叉叉電」。偏好日菜的我，來到「豊勝手丼」的門前，被他的日本風裝潢吸引著。翻開門前餐牌，一個又一個非常「吸睛」的海鮮刺身丼呈現眼前，讓人頓時垂涎三尺。踏入店內，空間不是十分寬敞，設計以木為主，充滿日式地道小店感覺。牆身更掛有和風掛畫！坐下來後，再一次細看餐牌，發現原來他們有自選魚生丼！顧客可依據個人喜好，選擇自己喜歡的刺身！加$20還可以跟配前菜、配料及味增湯！我最後揀選了三文魚、油金魚、帆立貝、馬刀貝及比目魚邊！材料非常豐富呢！配菜方面，分別有和風沙律和螺肉！刺身每一款都非常厚身，非常足料！比目魚邊配有黑松露，味道出奇地搭配！有驚喜！其他貝類刺身亦十分爽口和新鮮！不消一會兒便把整碗海鮮丼吃光光！最後我以味增湯作結！值得一提是，店內的服務員服務態度非常好，經常會留意客人所需，感覺親切！

平時係銅鑼灣唔係食野都唔會去既果條街，就係一蘭前幾間鋪，去到門口發現原來兩間店都係一樣既，一邊吧位一邊四人桌。想試佢鰻魚飯既朋友記住坐低左就嗌先啦，因為鰻魚需要烤番熟時間需要長小小。其他魚生飯等左一等就排住隊咁上菜，而海の幸丼一上台果陣大家都嘩左聲😂，塊塊魚生都好厚好肥美，充滿光澤，其實淨係食魚生都飽哂了。而佢既壽司飯底都誠意十足，非常感受到醋既香味食落口又帶小小甜味，鐘意食壽司飯既朋友唔可以錯過！雖然價錢相對其他地方會貴左小小，但都算得上一分錢一分貨，而且當銅鑼灣食飯時間到到都要排隊既時候，Bar台果邊總唔會讓你久等，下次到到都排長龍既時候可以去碰碰運氣。

今晚去左銅鑼灣食飯，朋友臨時黎唔到唯有食自己，一個人行行下見到有間日本餐廳，主打日式刺身飯，突然想食日本菜就入去過下口癮！刺身飯選擇好多，有套餐有自選，可以叫自己鐘意食既刺身，自己配搭出獨一無二既刺身飯。我就懶得配搭所以叫左套餐定食！刺身飯上枱好大碗好霸氣，份量好足夠！三文魚大大片，刺身全部厚切而厚薄適中，魚味突出好新鮮！油甘魚我好欣賞，清香魚味加上輕輕魚油，赤蝦爽甜大大隻，蝦頭好甜！日本海膽份量都唔少，入口鮮甜好甘香！

今日去左銅鑼灣食飯，一個人食咩好？到處都是人又唔想同人逼，突然間日本菜癮起，就即刻諗到銅鑼灣「豊勝手丼」。主打日本刺身飯餐廳，早早食過一次非常難忘，今晚一個人再來回味！刺身飯有套餐有自選，可以自己選擇自己鐘意食既刺身飯自己配搭！我就懶得選擇，叫左一個兩款刺身飯，兩款都是我最愛！香蔥吞拿魚蓉配黑松露帶子！魚蓉味道濃郁魚味突出，入口甘香魚蓉不失肥美，油脂適中，魚味令人回味！帶子鮮甜爽嫩加上黑松露，味道更是昇華！

海膽丼，3種海膽只有 加拿大嗰隻好食, 日本和韓國嗰隻海膽超苦又有臭味，另一個丼魚生oK，但 海膽應該是同一款也是苦的,失望! 另外試了味噌蟹膏小食 味道ok, 服務ok!

喺銅鑼灣行完街，我同男朋友都想食下日本野。見有朋友介紹過呢一間餐廳，所以我哋都去試吓食餐廳嘅裝修都好仔細，跟隨咗日本魚生餐廳嘅設計呢到仲可以任添魚生飯！但係我哋冇添到，因為已經食到好飽魚生種類有好多，我同女朋友就叫左一個三文魚親子丼同埋五品丼前菜係蕃茄仔同沙律，配上味噌湯三文魚腩好大件，入口即溶三文魚子數量多，配上魚生飯更加好味唔可以唔提呢度嘅海膽好鮮甜，食得出係新鮮運送到嚟！帆立貝都好大件，有兩件夾住塊檸檬片，配上檸檬汁令到帆立貝嘅鮮味更加突出吞拿魚拖羅配上柚子醬，又甜又咸食到好過癮

呢間餐廳地理位置佔盡優勢，喺銅鑼灣站行幾分鐘就到，而且裏面環境好好，食物質素都好高， 下次都會嚟試下其他唔同嘅魚生飯。我哋分別叫咗兩個唔同嘅魚生飯， 每個都係套餐 ，包埋沙律同埋麵豉湯，三文魚加三文魚籽飯只係大約170蚊， 如果想食好豪啲就二百幾蚊就有個帶子同鮮蝦嘅魚生飯。 每個魚生飯都好大份，而且每樣都好大粒，以帶子為例，嗰粒嘅面積真係有兩個五蚊銀嘅面積咁大㗎 !而且佢哋都好鮮甜 ，啲蝦都好大隻 ，佢哋嘅肉身可以話係長過我隻中指 。海膽仲要係非常鮮甜，有種甘香嘅味道，用料絕對係高水平!仲有嘅係雖然 鋪頭面積細細，但係估唔到會整出咁高水準嘅魚生飯，價錢合理，服務都好好 ，環境都好闊落好舒服， 所以今次要畀佢一個大讚!

朋友話呢間餐廳嘅日本魚生好正，咁啱今日又喺附近，就去試一試。日本小店格局，牆身，天花，充滿日本風情🎏，寫滿日文嘅木牌，黑板，木枱木櫈，仲有我最鍾意嘅紅磚牆，氣氛唔錯。牆身貼上2018我最喜愛入圍食肆，朋友應該冇介紹錯餐牌好多選擇，我被 Omakase季節魚廚師發辦吸引住，Omakase代表對師傅嘅信任，廚師會揀當季最靚嘅魚嚟做，上菜先知有咩食，好玩喎，就咁決定。 佢哋仲好窩心會問你有咩唔食，咁就唔怕出事啦我嘅丼嚟啦，有鮟康魚肝，吞拿魚腩，真鯛，深海池魚，赤貝鮟康魚肝，比較少食，入到口內融化，非常之綿，一啲都唔腥，有驚喜深海池魚，白色魚生銀色魚皮，色澤分明，睇見都想食，食落肉質細緻爽口，帶油，美味吞拿魚腩，真鯛，赤貝，新鮮甘香，美味無窮其實丼裡面仲有海帶，小魚，青瓜，呢幾片青瓜一定要食，非常爽口清甜還有新鮮沙律菜，螺肉，味噌湯，都非常出色，聽店員講小食定期更新，下次嚟可能轉為車厘茄，北寄貝沙律……. 唔錯喎。呢個Omakase, 令人難忘💖

晚上到了銅鑼灣一家日本小店吃晚飯，主要食魚生丼。由於店真的很小，我們二人在繁忙時間都需要等待一陣子。我和友人各order了一個套餐，一個碎吞拿魚腩海膽飯和燒汁鰻魚飯。各套餐都包括一個湯、一個Salad，以這個價錢來說魚生飯套餐算是分常化算。海膽鮮甜美，吞拿魚腩分量足料，肥美亦新鮮沒有帶腥，飯再加紫菜十分開胃，值得一推！友人的鰻魚飯由兩種鰻魚組成，各嚐了一口，還是喜歡厚的那種，肉質很嫩，十分入味。日本的圓粒飯真的會吃過返尋味，以後逛街逛夜了也有好吃香填飽肚子的地方了！

其實已經食過幾次而間野架啦一早成為左佢地既忠誠fans la 試左佢地好多好多野！！全部都好好好好食啊！而且佢地最正既係可以自己點送好似車仔麵咁 好搞笑 點自己鐘意食既就可以！ 可以揀set餐or就咁剩點都得！自由度超級高！！！真係值得一讚今次就食左三文魚親子丼同烤鰻魚~~三文魚超級新鮮 而個價錢真係俾得好值！食起起碼係會覺得好滿足既而烤鰻魚都係！佢有兩種唔同佢鰻魚~咬落去超級多汁 又唔會好多骨！仲可以一次可以滿足你兩個願望添！推薦一試！！

香港人開的海鮮丼，有誠意，小店開在銅鑼灣街頭，門口挺小，不小心就會直行直過，留意不到。當晚8點多鐘有一些人訂了臺，可是還有一些空位。不一定要訂臺。吃了海之幸丼（$338），精緻漂亮，不是很大碗，新鮮豐富，個人最愛左口魚刺身已經融入飯中，最驚喜是他們的吞拿魚腩是最新鮮肥美的 —— 早知我就order吞拿魚腩丼啦，還便宜一點呀，，，真的很好吃。小食品嚐了鰻玉子燒（$38），都不錯看。係會想返黎再吃吞拿魚腩丼，200幾蚊埋單！

Rather surprising to find this little jewel of a Japanese seafood sashimi rice (don) in Causeway Bay with amazingly reasonable prices and satisfactory food. The lunch set came with miso soup and salad appetizers - those were the usual. The diced sashimi was quite fresh and one could taste the different flavors from the various ingredients easily. I liked the sashimi rice which had the right balance of vinegar and softness. One needed to bear with the very crowded eating area though - customers w

第一次令我想係openrice寫食評本身都中意食日本野, eg 壽司，刺身，魚生飯。所以成日都想搵啲新餐廳試下，見呢間野咁多正評講到咁好食，琴日就去左食呢度食晚餐。去到諗左陣食咩，因為都有唔少刺身丼飯選擇，最後食左下面呢個。本來滿心歡喜期待呢間野啲野食，因為好多人話好味之餘，價錢都唔係話平（大概$200-300 per set) order 左隔一陣就有野食。 如圖個set 有salad, 螺肉, 面豉湯同個刺身飯。成個set我會用以下幾個點黎總結：1）海膽好苦，苦到想lur出黎，唔知幾耐冇食過啲咁苦既海膽，level懷疑同爭鮮有得比, or even worse。應該唔係淨係個一舊先係咁因爲同行既朋友個碗都一樣好苦2）其他刺身都麻麻地，係幾厚切但係食唔鮮，講唔出好味，只會話係average3）飯入面有啲細條白飯魚，雖然冇咩味但係叫做有啲驚喜成餐最好味既野食我會話係個螺肉。🙂如果你俾$300 expect 啲above average 既刺身飯可以唔洗試呢間，但起碼食完冇肚痛lor。