豆漿大王

营业中

休息中

新蒲崗真係有好多小店餐廳，上網仲見到呢一間豆漿大王係得到米芝蓮推介，吸引左我去試吓，呢一碗鹹豆漿令我印象好深刻，好有古早味，入面有啲魚乾仔同油炸鬼，油炸鬼索晒啲汁但唔係淋晒，好好食。

特登去試個粢飯🤤下晝4/5點時間 入面無咩人。嗌左一個粢飯$15。order完等左5分鐘左右。攞到手比通常係上海餐廳食到既細dd啦熱辣辣既。jeng既係面既油炸鬼係脆gaaa！好難得因為其他鋪頭好少有。飯軟硬啱啱好。好食。不過入面既榨菜有d鹹。下次食會想叫走榨菜。

嚟親呢度必叫玉米漿，香濃清甜，不得了除左玉米漿，粢飯都係必食，細個果陣鍾意甜既多d，依家就食咸既小籠包~唔好期望係爆汁紅油抽手唔算太辣，味道適中另外包點，多士，酸辣湯麵，上海雲吞，餃子都食勻，價廉物美

想試這間上海餐廳很久，但比較少去這區，所以只是看了很多次，卻還未吃到。今日有人幫忙外賣，終於可以一試了，愛吃粢飯的我，當然一定試，雖然吃的時候凍了，但都吃到油炸鬼的脆，堂食一定更好吃。銀絲卷都外脆內軟。

經過門口以為佢未開，因為門口係無開既，門口上面貼住「只招待工廈員工」，不過因為見到門外有立餐牌，所以就推開門行入去。呢到既早餐唔係一般茶餐廳既早餐，無常餐，特餐，火腿通或者沙嗲牛麵，但有吸引既炸饅頭，黐飯，五香肉骨麵本身想試五香肉骨麵，但剛好賣哂，所以就叫左個脆香雞扒麵。雪白幼滑的上海麵配炸菜，好味，不過麵條稍嫌煮太耐，過軟。另外雞扒炸得乾脆。最驚喜係豆漿，竟然是用碗上，雖然無糖但好香豆味。 價錢合理，味道不俗，有機會會再黎試其他。

會嚟呢間豆漿大王食，係因為以前讀書嘅時候喺中大大埔附近有一間同名嘅，又係叫豆漿大王。 不過嗰間豆漿大王已經結業，所以就嚟新蒲崗試下呢間新嘅係點。我覺得唔係好差嘅，始終入過米芝蓮。不過我覺得有少少吹大咗。特別係嗰個粢飯，絕對唔係難食，都幾好味，但係講到係天上嘅食物就真係有啲誇張。 因為我以前喺台灣嗰啲早餐店食粢飯，我覺得同佢嗰啲係冇分別。鹹豆漿嚟講就真係好特別，因為從來未見過，未食過。我自己就唔係特別覺得好食，因為唔係好食得慣。不過大家可以去試下嘅，幾特別。最好食係嗰個肉鬆多士，不過因為午市太忙，所以淨係晚市先至可以叫到。 佢其實係一片炸饅頭，上面加煉奶，然後再擺極多肉鬆喺上面。 呢個配搭真係意想不到，好有創意，同埋真心極度好食。其他菜色都係普普通通。

呢間豆漿大王開左唔算耐，晚餐時間經常都好多人排，睇過餐牌覺得幾平就決定今晚試下！.豬扒上海麵+五香肉🍜🐖豬扒係用少少吉列粉嘅炸豬排，細心嘅店家同湯麵分開上等佢唔會淋，亦都切左件方便食家優雅咁食🤭豬扒肉質算淋，少少肉汁&唔算油，當然呢個價錢唔expect係高級炸豬扒，但佢係比茶記質素稍高~ .上海麵爽身彈牙，亦係茶餐廳/小店應有質素。🍜.🐖五香肉腌得好香，甜中帶鹹而且富有肉汁，肥瘦均勻。唯一美中不足嘅地方係佢瘦嘅部分有啲過韌，唔夠嫩唔夠淋。.煎餃子🥟一客四件嘅煎餃幾大粒，豬肉菜肉餡料亦好香好足料，不過可能太多油嘅關係，令餃子外皮淋唒，扣左分🙈

想食好食嘅粢飯，特登新界揸車出嚟啦一坐低就話粢飯要等40分鐘，一心出嚟，點都等啦，等到45分鐘，粢飯嚟喇，熱嘅，料ok嘅，但飯未熟透嘅，失望！係太多客人，做唔切，令食物質素下降做唔切，就限量啦

試咗佢個脆香雞扒麵，塊雞排炸得好香好脆，食落去入面既肉都好鬆軟，唔似其他餐廳咁會炸到‘老晒’，套餐包豆漿都只係三十五蚊，性價比幾高。另外，試咗佢個煎豆腐，真係煎到兩面金黃色，但入面仲係淋既豆腐，唔錯，好食

-同朋友仔喺呢邊嘅體育館做完運動🏸， 友人提議「豆漿大王」試一試。 起初我哋連門口行過咗都唔覺🤣，因為門口位置實在太唔顯眼。就算八點半打後🕣嘅工廠大廈，都仲有幾枱客。Menu好似本書咁，價錢仲好街坊化👍添。上海排骨麵 （$33）上海雲吞麵（$31）煎菜肉包 - 2個（$13） 堂食都有呢個價。熱豆漿🥛（$7） 無糖，飲得出係用鮮豆漿無嘅。玉米漿（$12） 必飲推介😍😍😍😍薑汁奶花（$11） 薑汁嘅豆腐花，正😋！！！__________豆漿大王地址：新蒲崗大有街34號新科技廣場地下9號舖

環境比較擠迫，而且人比較多。喺中午食飯時間 如果想食的話要早少少嚟，十二點左右或者晏少少一點幾。如果唔係就比較難有位或者坐得非常擠迫。個人覺得佢嘅午飯嘅份量比較細份。佢既痴飯一定要試，非常好食，其他一般

2019 one of the Michelin’s cheap eats recommended———They are famous for their sticky rice roll, which includes a fried dough folded into half, pork floss and jar choy ( a pickled mustard plant stem according to google LOL)It’s made to order so it takes a bit of time during lunch hourThe sticky rice wraps around the fillings.After the first bite you’ll be able to see the three fillings in perfect layersThe fried dough is crunchy (if you’re lucky to have the fresh ones).Overall I think the taste i

📍 #豆漿大王 (SanPoKong)💡星期日晚上七點左右(不用等位)週日晚上到新蒲崗搵食，工廈區有好多間食店都幾隱蔽，呢間都有朋友介紹過👅 #咸粢飯 $15雖然唔係好大件，不過好新鮮熱辣，油炸鬼好香脆，炸菜夠味，正呀😋👍🏻👅 #紅油炒手 $26看似一小碟好少咁，但都好大粒，唔會太辣，都幾香口👅#酸辣上海雲吞麵 $36B哥叫呢個都真係幾辣，唔會好酸，比較杰唔似碗仔翅，B哥覺得幾好食，幾足料🐷👅#上海雲吞麵 $31我唔中意食酸野，就叫左清湯，雲吞都係好大粒，麵係中等粗度，都好食👍🏻🐷：性格比高，仲有好幾款小食想試，下次再黎🤗💰是次人均消費：$60⚖️不專業評分：8/10

下午茶時間有少少肚餓，於是叫左個熱豆漿，豆花同粢飯。平時粢飯要等二十分鐘先有，今日星期六的下午就唔洗等。粢飯同熱豆漿係推介要試,姜汁豆花係課真價實的姜汁。33蚊埋單。

今早在新蒲崗工廈區換人民幣，順路去今年米豬蓮的新貴「豆漿大王」食名物粢飯，爽！有時覺得米芝蓮在街頭美食推介這方面的反應不夠快，其實這間連招牌也掛得不太明顯的工廈區店子，早在米芝蓮發現前已在此區以粢飯出位，只是它頗為低調，故區外人未必會知道。早餐時段來到叫了一個醬爆肉碎夾饅頭，配搭鹹豆漿，另外再叫了一個必吃的粢飯。醬爆肉碎夾饅頭個名好威猛，但其實只是饅頭夾些炸菜肉碎罷了。饅頭總算軟硬適中，肉碎則稍嫌過碎，吃起來滿足感唔多夠，愛重口味的人也會覺得整體調味比較清淡。鹹豆漿同樣鹹度不足，但正好適合我最近減甜減鹹的飲食方針。然而，豆漿內的料比較少，只有點葱、油條及蝦米。不過，畢竟現時有鹹豆漿供應的店子不多，物以罕為貴，所以我每次來仍會叫此物，覺得以它配搭鹹粢飯最佳。此店的粢飯分鹹甜兩種，而我卻只鍾愛前者。鹹粢飯可謂精彩極了。手握的飯團軟硬適中，但飯粒外表粒粒分明卻又不會甩掉出來，可見握功所在。粢飯內的油條勁脆，與肉鬆及炸菜組合的比例剛好，一大啖咬的話正好吃掉所有配料。這種功夫看似平平無奇，但坊間店子卻少有這水準。由於粢飯即叫即製，繁忙時段來的話會等好久，而店員的態度也有人說不夠禮貌。不過我每次來