豆漿大王

营业中

休息中

看介紹，專登過嚟食。怎知來到門外標明只限工廠工人食，好失望傷心。幸好我堅持試一下，入到去朝聖好開心。豆漿8份量正常，有豆香，不嗆喉。咸粢飯16眼見場內好多人叫，有脆油炸鬼，菜甫，肉鬆，飯好煙un，好出色，好滋味，無介紹錯，不枉突燈黎食。煎餃21幾大隻，有韭菜香，半肥瘦，煎得靚，滴汁，有d油。小籠包27要等，製作需時。賣相細件，似不多湯。事實上，皮厚，未完美，有肉膻，熱騰有汁，沾上醋食，引出了湯甜，無驚喜。食後後：工廠區，有點難找，無加一，價錢合理。吃得好急，純食就好。會想再吃咸粢飯，如不是有其他節目，會想外賣走。

豆浆、油条、粢飯做早餐真的是好久以前嘅事了，可能要向香港揾到一間正宗而好味的真的不容易，咁啱講起我朋友就介绍这間向新蒲崗豆浆大王，雖然店子细细但上午9:30一开店向10点已滿座！至於食物：叫得豆漿當然要试下，可惜發覺完全没有豆香味😥來到當然要试埋粢飯油條，粢饭先上見size好细，咬一口有驚喜因为用脆油條，但一上油條就失望，因知到原来他们全部油條都是番炸的👎🏻👎🏻👎🏻可能我对食落肚的有些要求，所以我未必会為了一個不過不失嘅粢飯而老遠跑來吃了

我完全冇諗過新蒲崗會有咁好味嘅粢飯食其實想食咗好耐㗎喇，不過每次都總係覺得淨係食粢飯豆漿好似唔係幾開心咁，今次膽粗粗去咗新蒲崗呢間隱蔽嘅粢飯，簡直可以用性價比高嚟形容，仲要食到我好滿足😋本身諗住同男朋友share一個粢飯再加其他嘢，點知食落唔係好對路，好似爭咁D野。最終我哋再叫多一個次粢飯share ,即時話每人食咗一個粢飯! 其實都唔係好誇張啫🤪講真我仲有quota可以再食嘅不過費事咁嚇人啦🤣我哋叫咗粢飯、肉鬆多士、一碗豆漿同埋花卷，再外賣多三個粢飯同一碗鹹豆漿都只不過係百零蚊😱想點啊😍😍粢飯唔使講啦，熱辣辣，入面嘅油炸鬼趣卜卜，肉鬆多士我未食過加埋煉奶，又咸又甜但有幾好食，花卷我見好耐冇食過就叫一份啦，細細個都OK嘅！忍唔住要外賣多幾個粢飯比屋企人食😁我話嘅✌🏻我一定會再返嚟😋😋

話說每天路過見到內裡高朋滿座，相信食物有一定水準，故今早特意入內試食，點了一個薑汁豆漿，淨雲吞，五香排骨飯及正常豆漿，兩款不同豆漿先來，怎料兩款豆漿味道相同，跟服務員反影要求更換，服務員竟然説她在裡頭找到一塊跟頭髮大少相同嘅薑皮，故沒有錯，拒絕更換，大佬呀我比$12 叫杯薑汁豆漿，你比條薑皮擋係？仲話王牌推薦，唔係化？最激氣係服務員態度跟足正苦，死不認錯，那不用再理論，不如慳返啖氣，永不回頭幫襯算啦！

午餐食咩？係每日做人😖煩惱。我點左個五香排骨，配粉絲🍜可改配米線或白飯的由於太餓關係，個粉絲一到我就掛住食，唔記得📷其實尼度食飯時間都滿晒座架要等一等，通常等10-20分鐘尼度每份食物份量都較多，如果我叫飯必會提要少飯，因真的太多喇😚記住要惜食呀！因為叫餐有送飲品，我通常要熱豆漿 ，因尼度熱豆漿係無加甜，如需要就自己加糖，岩晒我😅其實我每次都會食埋個粢飯可自選加料，可以肉鬆多啲，可以炸菜多啲都得由於係即叫即卷，所以每次條油炸鬼都係脆🤤, 可以想像下有幾正。唔駛講咁多，係一間我會心思思再去嘅食店😚

要搵好食上海小食店，依家真係有d 難。前兩星期睇電視介紹過,特登由荃灣過去試吓。真係冇失望。我同老公叫左榨菜肉絲麵，粢飯，肉鬆奶脆多，薑汁豆漿，韭菜煎餃，生磨蛋白杏仁豆漿。樣樣都好好食。埋單仲好抵。下次會再去淘大分店試下。

難得今日放假，一瞓醒就突然好想食一啲豆漿粢飯嗰類型嘅早午餐，所以就特登嚟到新蒲崗呢一間餐廳開餐。其實自己都有食開一間同樣係新蒲崗同一類型嘅餐廳，但係今日就諗住搞D新意思，試吓豆漿大王睇下會唔會有新驚喜2:00pm嚟到，既唔係午餐時段又未到下午茶，但入邊都坐爆曬人，見到咁多人，心諗應該都唔會差得去邊嘅。雖然好多人，但係都唔使等位。坐低就拎餐牌落單！⭐️凍熱豆漿黎到豆漿大王，當然要飲豆漿。叫咗一款凍一款熱，熱嘅係無糖的，可以按自己需要/喜好加糖。凍豆漿甜度適中，豆味也很香。⭐️咸粢飯粢飯的油條睇落乾爭爭，原來好鬆脆，飯糰入面都是滿滿的肉鬆。外面的糯米比較軟同淋。即點即包熱辣辣，大小適中，好味😋⭐️秘滷肉碎拌麵滷肉飯就食得多，今次嘗試肉碎拌麵。肉碎偏瘦不肥，有口感，配上有勁度的麵條，味道剛剛好。⭐️紅油抄手總共有五粒，第一下食落去覺得辣度剛剛好，之後仲有一種回辣的感覺，十分刺激。紅油的麻香味非常香濃，入口後與抄手的豬肉韭菜餡融合，好開胃。⭐️肉鬆奶脆多我非常鍾意食炸饅頭，今次第一次嘗試呢款由炸饅頭改裝的甜品。佢係用半個炸饅頭上面加上滿滿的肉鬆同煉奶，味道同口感都十分新奇。肉鬆嘅鹹香混合煉奶的奶甜，再加

幾年前曾吃過她的粢飯感覺一般，近來看到電視介紹又是米芝蓮，所以再來試試。叫了熱豆漿及鹹粢飯，豆漿要自己加糖有少許豆香，粢飯的油條的確夠脆但肉鬆及榨菜太甜，不夠惹味，整體來說不太合我口味。

今早0920到，等到0930先開門。一坐低已經超過8成滿，啱啱開門，樓面得2個姨姨，都預左要等，佢哋連落單都冇時間。其中1個係收銀位落外賣單，密密冇停過，另外個姨姨一口氣寫左成8-9枱客，跟住先去入機，我估佢好大機會落錯單，點知真係......等左成20分鐘先開始有嘢嚟，同一樣炸饅頭，嚟左3次、熱豆漿又嚟2次、鹹豆漿再嚟3次.....佢將啲枱號攪亂哂😔重點既粢飯一路都未有，淨係不斷出外賣嗰啲，堂食既起過半個鐘都未出......因為粢飯係即叫即做，預左要等，但最後等左50分鐘，追左2次先嚟.....講返啲嘢食，我叫左炸饅頭、饅頭夾飽、熱豆漿、鹹豆漿+粢飯。炸饅頭同夾飽一般，夾飽仲唔係好夠熱。鹹豆漿冇乜豆香，甜熱豆漿俾亞女飲哂，冇機會試，但因都係同一煲豆漿，估計差唔多。咸粢飯𥚃面油炸鬼好脆，炸菜同肉鬆好香，外層糯米飯煙韌、厚度適中，成個配搭好好，值得一讚。上述除粢飯外，真係冇乜特別，排隊買粢飯外賣已足夠，但提醒0930開門，到1015落單既粢飯已經要等超過1個鐘。整體體驗一般，樓面去到10：10再多2人返工先開始好返啲，但此前目測已有4枱客起身走左，仲有1枱企左係出菜位投訴漏單，遲嚟既啲嘢

叫左個上海排骨泡飯勁多雪菜又唔知有雪菜 如果知一定走雪菜豬扒有雪藏味另外一個雞扒麵佢話無麵 轉米線俾我雞勁咸 😓跟住一個小龍包 啲皮都幾厚 但咁既價錢可接受2杯豆漿 超甜🤮🤮

一啲都唔起身嘅舖仔有驚喜嗌左個滷五香牛肉佢個份量都幾多 下面仲有兩舊豆腐索味 正牛肉厚度岩岩好 咬落去好正個滷水蛋拼豆腐 個滷水蛋好出色 好入味 又唔會好咸個豆腐索晒啲滷水 多多都食得晒個個肉鬆蔥花粒絶對係心機小食 好食泰國啲炒米餅 外面脆卜卜 啲肉鬆好多👍🏽👍🏽

民間飯店！ 值得鼓勵！ 價錢十分貼地 但係食物質量都做到足！ 佢個豆腐同蛋都好入味 蛋果個質地好似鐵蛋咁 應該真係用左好多時間同心機整仲有個粢飯真係要試 條油炸鬼好脆 食落都好有口感！

小時候的豆漿粢飯，隨時都可以買到，現在想尋回這些味道，已經好困難，就算偶爾有些小店有售，味道都大不如前了。終於比我搵到一間，可以讓我找到舊日味道的小店，太興奮啦！所以我一星期，去了兩次，他們的粢飯豆漿真係好好味炸醬麵，食得出連豬肉都係自己打碎，不是交來的貨色。推介炸豬扒香口，味道肥瘦剛好小籠包唔好食，可以唔洗叫皮厚，冇肉汁。油豆腐湯麵，湯底清甜。紅油抄手和鍋貼都ok豆腐花好正呀！又香又滑另外冇影豆腐，又係超級好飲!好想搬去呢間餐廳隔離住呀！咁我就可以日日食啦

專登來新蒲崗找這餐廳吃，試試米之蓮推介的餐廳。餐廳環境大排擋裝修，算是闊落，坐得也算舒服。叫了栥飯和凍豆腐，栥飯好吃，糯米飯煙韌，值內里油炸鬼和肉鬆不像想像中野味，但整體也算不錯。咸豆漿很有豆味，而且很香，不錯。

個名平平無奇，但其實都上過雜誌同有粉絲架。食過就知呢間晏就好多人架，為左避免人多同阻人收工而質素下降，一般都早少少黎食，而且一定係新蒲崗分店食非飯麵類。😏😏因為九龍灣分店實在水準不定，而且米芝蓮有街頭小食有佢份，相信主角係粢飯呢類小食。手握咸粢飯餡$15，正呀。因為出面太多頹整頹食了，呢間的口感好好，熱辣辣，煙韌軟糯，炸菜、脆油條及炸肉鬆都配得岩岩好。💛椰汁豆漿係必叫。每次一定會飲。 肉鬆奶脆多$16，有得食就食啦。因為唔係度度有成日有得叫，饅頭炸得脆，煉奶有時多有時少，🤣但肉鬆一向多，口味好討好。紅抽抄手$24，有4粒大大粒。香，如果多汁。😂😂