豆漿大王

营业中

休息中

講起食粢飯，豆漿大王一定係不二之選。咁豆漿大王嘅粢飯出名嘅主要原因係因為佢嘅餡多，而且係即叫即整，非常新鮮，唔會話啲油炸鬼冧晒嘅。除咗粢飯，佢都仲會有下午茶丶午餐，有啲基本嘅餃子麵食同飯餐嘅，仲有銀絲卷。鹹粢飯 $16我就叫咗鹹粢飯，佢另外有甜粢飯，係砂糖加油炸鬼鹹。鹹粢飯主要就係有榨菜丶油炸鬼同埋肉鬆。咁一條粢飯呢都係$16，其實都幾抵食。黐飯可以叫餐廳一開二俾你，大家可以同朋友share都OK。粢飯嘅飯乾身，唔會太過冧身，唔會好似煮咗好耐咁，厚度啱啱好。而榨菜唔會太過鹹，搶晒成個粢飯味道，肉鬆都俾得好足。而油炸鬼就唔會話放得太耐，變冧晒。所以，我咁鍾意食豆漿大王嘅粢飯。

呢個食店係工廠大廈下面，門口仲要唔明顯最鍾意呢啲小食類小店可以試多啲種類叫左呢度好多話必食既野粢飯真係唔錯，入面仲要係脆咸豆漿好好味煎餃都香脆個酸辣湯好濃味但佢嘅辣我食唔到絕對有下次嘅小店

難得黎到新蒲崗，附近舖頭又未開，食過暖粒粒早餐先。😋😋😋咸粢飯，咬落去非常有驚喜，舊油炸鬼脆到不得了，好似食緊薯片甘，好香口。外面薄薄一層的糯米飯，口感煙煙韌韌好有咬口，＊有份有咸有甜，仲可以加料添）😋😋咸豆漿，第一次飲，櫻花蝦超多仲有油炸鬼添，油炸鬼浸到淋左，口感幾特別又幾好飲。😋😋煎菜肉包，平時食蒸既菜肉包多，今次食煎既，包面脆脆，餡都幾多，邊食邊爆汁，正😋😋上海雲吞面都幾好食，大大碗，仲要送埋煎蛋同餐肉，好抵食食物好多款式最衰甘遠如果唔係可以經常黎～【豆漿大王】📍新蒲崗大有街34號新科技廣場地下9號舖

星期五夜晚七點幾去食、全場爆滿亦一堆人等外賣！不過好快就量體溫入座。⬇️叫咗咸粢飯加椰汁凍豆花、$16+$13=$29。⬇️好多枱都等緊粢飯、隔離一早喺度但10分鐘之後我個粢飯到啦。係熱辣辣但我條油炸鬼好扁唔多脆，個味都唔錯但因為唔脆有啲失望。⬇️食完隔離枱粢飯仲未到，我碗豆花又好似失左踪。都係唔好意思要追一追、轉個頭即上 ⋯ 豆花都好一般不過都滑，因為椰汁味搶左所以食唔到豆香。糖水係個底所以一時甜、一時椰汁味、總之食唔到豆香。⬇️我要俾錢走、隔離枱仲等緊粢飯但其他嘢佢哋已經食完 ⋯ 落單啲姐姐亦都一頭煙，佢哋啲出菜喺滿座嘅時候係有啲混亂、攞住碗麵行足半場問邊個order架，兩碗熱豆漿又落左四張枱先揾啱客。⬇️應該暫時都唔會食住 😭😭 等佢冇咁旺先！

聽聞呢間豆漿大王嘅秶飯唔錯，於是買外賣返屋企食。要咗一碗咸豆漿同秶飯，全加料。秶飯經過大半小時嘅車程返到屋企，我都對佢無乜太大期望，點知一食，超級驚喜！舊油炸鬼脆到不得了，好似食緊超級薄脆嘅餅乾甘，仲有好香口。最外面嘅層糯米飯，好薄，飯煮得好夠乾身，又有咬口，好煙韌。炸菜好爽口好碎，同肉鬆嘅形態好似。咸豆漿，第一次飲，口感好得意，好多櫻花蝦，仲有油炸鬼，不過今次嘅油炸鬼浸咗落熱豆漿咁耐淋曬了。我覺得都幾好飲喎，雖然話咸豆漿，但飲落一啲都吾算咸。可惜新蒲崗太隔涉，如果唔係就可以多啲買嚟食了。

真係一試就愛上 絶對驚為天人 咸粢飯$16/個 用上泰國糯米 軟身帶嚼勁 餡料有 香甜帶麻油香既寧波炸菜 即炸油條 與及香酥入口即溶既油炸肉鬆餡料跟糯米比例高達 7:3 相當誇張 當所有食材都配搭得宜 再加上即叫即製味道自然會有加乘作用 食粢飯若唔加杯豆槳 總會感覺不對勁一個普通粢飯都可以做到如斯高質食客既支持 米芝蓮既加持 成為最自然不過既事

今日慕名而來食粢飯！粢飯係即叫即包嘅，所以要等一下。另外叫咗一碗滷肉碎拌麵，跟餐送豆漿，我加錢改做鹹豆漿。另外追加一個豆腐布丁。以上食物既味道都唔錯！食到咁上下，個粢飯就送到！果然好好味！入面既油炸鬼同肉鬆都好脆，糯米飯又夠薄身，好好味！最後仲叫多咗一個粢飯帶走添！😋

原本諗住去土瓜灣上海美華菜館度食出名嘅上海粢飯，但原來只係早餐時間先至有提供。跟住就即刻開車轉地盤，去到新蒲崗食飯。成日以為豆漿大王每一間都係一樣，點知原來真係有分別喎。今日我去食呢間係有米芝蓮推介，打開餐牌食品飲品真係多好多，而且仲有糖水食。最緊要就係價錢非常親民。早餐俾一般上海店多選擇，仲好平好抵！好喇，講返我個晚餐先。先送上鹹豆漿，裡面好多蝦米，但係好似黃豆味就唔係好重，個人我覺得如果可以滾熱啲，咁樣會好食啲。酸辣湯雲呑就真係有啲微辣，木耳多啲仲好咬啲。呢間嘅上海粢飯同我平時食開屯門嗰間好唔同，呢到係薄底糯米然後配搭着一條脆卜卜嘅油炸鬼。不過呢肉鬆真係好少，一定要加多啲肉鬆香啲先更好食。上海排骨麵，普普通通冇乜特別囉，不過件豬扒確實有好香嘅南乳味。鍾唔鍾意食就見仁見智啦！

很是肚餓，下午茶時段才開餐，行了一會，看到豆漿大王無人等位，走入去試試，之前曾看到門外有客等，可能是午餐或晚市，忘記了。下午茶餐 ❮上海雲吞麵❯$29 有三隻雲吞，雲吞夠味，麵條略腍，勝在有不少雪菜鋪面，味道可以，但需注意麵條韌度。熱豆漿，有豆味，不會太濃厚，自行加白糖調味。❮上海餃子麵❯ $29只有兩隻餃子，略厭不夠吃，同樣是有足夠雪菜，麵條略腍。其實我想點油豆腐粉絲湯的，但這裡只有油豆腐麵條。雖不太飽，但不想吃粢飯，留待下次吧！

去開新蒲崗隻腳就會好自然咁去左呢間豆漿大王門口身體係最誠實 因為當你食過一次之後 個味道會留喺個腦入面 忘記唔到 招牌菜～粢飯 即叫即做 粢飯入面條油炸鬼脆到不得了 炸菜同肉鬆都滿瀉 飯又唔會太多太厚 非常適中岩哂女仔嘅食量 同埋我地仲有飯後甜品上海豬扒麵 ～ 豬扒炸得好脆而已唔會好油 配埋個麵就剛剛好 酥炸雲吞（白菜🥬豬肉）炸物香脆可口 配個甜酸醬提升個味道我個主菜黎啦椰汁🥥豆腐花 ～ 我超級鍾意 ❤️❤️❤️❤️ 椰汁味好香好creamy 加上豆腐花勁滑 有人會話甜度偏甜 但我就覺得岩岩好 因為甜品就係要甜的 對吧 米芝蓮既味道 平民嘅價錢 不愧我特登渣車去食 如果渣車去既朋友就要留意番 如果泊停車場我都係泊係Mikiki 就會行遠少少 🤏 如果近啲就係鋪頭後面街 但一錶位難求

📍新蒲崗 豆漿大王工廠區的隱世上海餐廳 (兜左幾個圈先搵到，原來要穿過新科技廣場落地下先見到！仲要無招牌🧐)聽講呢間係米芝蓮推介餐廳，之前成日見電視介紹，所以個日去開新蒲崗決定要一探究竟🔍1:40左右到，一入去果然坐無虛席，樓面姨姨忙到唔得閒招呼我地，只好自己搵位😂 (知道呢間招牌係栥飯，但因為朋友唔食栥飯，所以淨係叫左2個lunch set)𓇠酸辣湯麵 $36 𓇠夏天食酸辣湯麵就最適合啦～夠開胃！湯底有好多材料 (例如木耳、豆腐、竹筍等)諗起都想食呀！🤤𓇠五香牛肉麵$39𓇠佢有辣/唔辣揀，我地想試牛肉原味就揀左唔辣🍜唔辣都好食，湯底清甜，仲有4-5塊牛腱，好豐富！𓇠豆漿𓇠食上海野點少得凍豆漿呢？夏天飲簡直透心涼🥛💦但略嫌太甜總結：去新蒲崗一定要試 (好掛住佢個酸辣湯💕)🔺味道：4.5/5 (豆漿無咁甜就完美)🔹服務：2.5/5🔸環境：3/5

香港好少有咁好味既粢飯鋪頭，我覺得如果有粢飯豆漿做早餐是一件好幸福的事！這間豆槳大王絕對配得起米之蓮之名！！熱辣辣的粢飯好足料，每條粢飯都是即叫即做，個人較喜愛鹹粢飯裏面有油炸鬼，肉鬆和炸菜，超級好味！！！因為主角油炸鬼炸得好脆，飯夠熱 而且肉鬆是滿滿的。如果想甜食，可叫甜粢飯，係油炸鬼和砂糖！粢飯套餐可加配各種豆漿（每款價錢大概$9-18）！今次我叫了咸豆漿，有少少蝦米仔和油炸鬼配搭，好味！另外我哋又叫左煎餃子和甜豆漿，餃子煎得金黃色，好香口呢！相信因為好味道 所以好多人黎幫襯！對上一次我地叫粢飯外賣，等了40分鐘，所以大家預多少少時間黎等外賣唷！不過咁好味既粢飯 絕對值得等待！

之前睇到Open rice有唔少人推介豆漿大王嘅粢飯，所以特登一早同屋企人去新蒲崗嘅分店試試，早餐時段店內嘅食客不多，甫入店內員工幫我地量體温並叮囑唔進食時儘量戴回口罩，部份餐桌只裝上一塊唔算高嘅隔板，感覺阻隔效果不大。 睇完餐牌立即叫左三杯凍豆漿 、一碟生煎包、兩個全加料粢飯，店員先送上凍豆漿，豆漿帶有淡淡豆香，容量不少。隨後店員送上生煎包，生煎包一碟兩個，煎得不夠香，而我嘅生煎包面仲要痴住一條頭髮，見到已經令人倒胃口！ 揻走部份外層再食，外層的生煎包尚算軟熟，但內餡味道唔係咁夾，同平時出面食嘅味道完全唔一樣。 最後送上嘅粢飯熱辣辣，份量都好大，但榨菜切到好碎，即使全加料都唔係好食到有榨菜粒，米飯好硬，油炸鬼唔脆又實，可能隔夜再翻蒸，最後我同屋企人都各食剩左半條粢飯就埋單走人！

#Boss 呢幾日放假，#小秘書 都趁機會出去玩下🪁 咁啱撞正塞車，出到嚟市區都差唔多六點，所有餐廳都準備收爐👉🏻👈🏻 我只好隨便買啲 #小食 做 #晚餐。經過 #豆漿大王 買咗兩個 #粢飯 諗住加啲小食，應該都夠 #爸爸媽媽 + #我 三個人食... 不過個粢飯真係超迷你，比正常嘅size只有一半咁上下😅 媽媽係個典型嘅處女座，經佢檢測過嘅嘢，都應該無得剩🤣 不過今次認真幫唔落 #豆漿大王，#餡料 配搭完全不合格，就連最基本嘅 #油炸鬼 都似翻炸再翻炸，口感硬過條鐵😏 不過口味嘅嘢真係 #見仁見智，但係個 #收銀員 嘅態度真係好古怪，收完錢就黑住面趕我哋出舖面等 #外賣😑 但係當時成間舖都清空嘅... 我哋真係咁阻埞😪

返工路途必經新蒲崗，每逢下午定必座無虛席。 一直心思思想試，今日正好不用等位，拉着老公一起吃個午飯，店內空間比較狹小，大家坐得比較貼，但也明白工廠區午飯時間，擁擠一點也在所難免。我們分別點了兩個午餐送豆漿和一個粢飯。香炸雞翼麵落單時忘記要求雞翼和麵分開上，幸好最後雞翼 放在碟上，不太喜歡炸物浸在湯麵，那就吃不到鬆脆感。雞翼連雞搥有兩大隻，隻隻熱辣辣，夠香脆，麵上鋪滿榨菜，爽脆爽脆的，口感十足，湯底很夠味，不用額外加調味。脆香雞扒飯飯底比想像中多，連大食的老公都驚呼好大碟，滿滿的雪菜和雞扒好夾，雞扒夠厚夠份量，雞肉幼嫩，皮脆餡靚，真的令人再三回味。粢飯粢飯即叫即做，熱呼呼的，油條香脆，圍滿肉鬆，爽脆菜甫，加埋軟糯米飯，口感一流，和老公share了一半,真係有點不夠喉哩!