讚好台灣

营业中

休息中

小店為區內較受歡迎的台灣麵店，晚市經常要排隊。店內坐位不多，比較迫，但食物頗有水準。紅燒牛筋腩湯麵($52) - 湯底香濃，很貼近台灣風味; 麵條有嚼勁，掛湯力強; 牛腩肥瘦適中，唔會韌，牛筋都煮得腍滑，不過個人還是比較喜歡紅燒牛肉的牛𦟌。鮮蕃茄粒粒鹽酥雞湯麵($51) - 湯底蕃茄味好濃，配幾件新鮮蕃茄，誠意十足。但鹽酥雞不算太脆，肉亦唔夠嫩，比較一般。木魚炸豆腐($2x) - 兩大件炸豆腐，外脆內軟，熱辣辣新鮮炸起，配埋醒胃醬汁，冇得輸。

讀得理工大學，住得宿舍既同學仔一定會識得讚好依間餐廳！咁岩依日想食台灣野，但紅磡選擇唔多，所以都係番番讚好既懷抱首先介紹滷肉鹽酥雞飯($41) 鹽酥雞份量依然唔少，都有七八粒bite size。唔會炸到好難咬，調味都好足夠可惜既係滷肉得一條，好似吝嗇左少少另外我地仲叫左肉燥鹽酥雞湯麵($42) 鹽酥雞仍然好正，但個麵就麻麻地麵煮得太淋，食落口唔係好好食。而個湯都冇咩味，導致碗麵好似淨係得恰麵既味如果想係紅磡食平平地既台灣野，讚好都不失為一個選擇〜

本身諗住食隔離間seafood,但俾隔離間讚好吸引左，見佢又係細鋪仔，小小殘舊咁，仲叫讚好依個名咁有型，唔幫襯下小鋪，真係會突然又唔見左叫左個佢招牌蕃茄牛肉麵，叫左杯珍珠奶茶，佢問我要熱定凍，我先知珍珠奶茶係有熱，同叫左小香腸，不過阿姐姐話：見你咁食得，不如鹽酥雞加小香腸雙拼啦，見多小小錢就叫埋杯熱奶茶黎到，唔撈下d珍珠，佢只係一杯熱奶茶😂珍珠奶茶要自己加糖都幾搞笑，而鹽酥雞又幾好，我真係好憎食粉多過食雞既炸雞，佢就小小粉夠酥脆，雞肉飽滿，小香腸就冇乜好講，好食既台式香腸而主打蕃茄麵，佢招牌就寫住用意大利新鮮熟蕃茄熬煮，飲落又真係好甜既蕃茄湯，但個隻味又似係自己整但唔夠味，要落d蕃茄膏先夠味，如果純粹只係蕃茄就有依隻味的話咁就勁啦而且佢個牛肉，食落好冧，本身我以為只係因為用既係牛腩，但望真d又真係台式牛肉黎，冧到咁又估唔到喎

有時到紅磡一走，就順道試下呢邊既小店，紅磡地區似方便但又未算方便，始終無輪搭港鐵到紅磡/黃埔站都要行1段距離，幸好最近漸有秋意，行下就無乜所謂是晚target台灣便堂，之前曾經行過都見有小小人龍，好在我地只有2個人就可以即入啦，是晚叫左以下2款肉燥香酥排骨拌麵~香酥排骨我覺得有台灣夜市味道，不錯吃!拌麵拌有青瓜絲，撈住肉燥食，食下食下話咁快就食晒~平時食撈麵都會有碗湯仔配下，但呢度無，所以要叫野飲會好d 滷肉鹽酥雞飯~呢個飯好似係台灣既便當咁，除左雞，會配有3款蔬菜類，食落都感覺健康d ~如果係原塊雞扒上就仲正

溫完書緊系要去食下好西幫自己補沖能量啦，因為知道有珍珠奶茶做加配系餐到，所以特登去食。我就食左依個口水香辣鹽酥雞拌麵，個麵有dd辣，有咬口，份量對女仔黎講有d多，好夠食，d雞又脆，真系好好食！

又係社區探訪完又係一個焗到死嘅一日返到學校放低啲野求其落黃埔/紅磡搵野食見到呢間台灣野食還掂好耐冇食台灣野決定排隊試下店面好細好逼同埋又係要食得好快，啲人來來往往好快好快嘅餐廳咁又岩，香港人出名快同台灣係冇得比唔知係咪咁，野食水準其實都同台灣食冇得比叫左個肉燥鹽騷雞飯UM.... 質素普普通通又唔會話難食先講下肉燥真係小到一個點可能佢覺得咁樣係畫龍點睛掛但講明係肉燥飯多小小都得掛汁做得又唔似正宗肉燥另外，飯底又小一個男仔係唔會夠飽同滿足鹽騷雞方面.... 都只係似普通炸雞柳冇鹽騷味，一或係小小再之後加左個5蚊珍珠奶茶奶茶唔好飲 得個甜字冇茶味小弟未食完..食得有小小慢而且比員工係隔離望到實本身食野慢都冇計ga.! 我諗食一次就算唔會有下次

雖然我係個Poly U 學生，但平日大多數帶飯，係poly canteen 叮熱，自家飯當然好食又健康，但久唔久都想轉下口味，試下不同菜式，所以難得放暑假得閒，就約左兩個friend 去紅磡食下野，傾下計，順便之後經poly行去科學館睇木乃伊展。由poly 慢慢行過去大約15分鐘到，好在個日天氣不算炎熱，否則行到左都熱到無mood 食啦，d個舖比我想象中小和擠迫，冷氣唔多夠，如果大熱天時來食野可能會有d局。我本身不太好炸既野食，所以無叫到台灣幾出名的鹽酥雞，反而叫左個豬軟骨溫麵，盛惠$43，送一杯台式熱奶茶。先講碗麵，麵的質地值得一讚，煙煙韌韌的，有d似讚歧烏冬，令我d個澱粉控頗滿意，個湯不算咸，有點骨湯的香氣，最重要的當然是豬軟骨la，我本身不喜歡太多肉，所以覺得d個分量剛好，肉不算韌，幾入味，平時在其他地方食豬軟骨基本上3/4都是骨，但d度既豬軟骨2/3 都係肉，幾抵食，加上個邊位夾左少少脂肪，雖然係唔健康，但就令成舊肉增加了不少層次感和香味，至於杯奶茶其實同一d茶餐廳的味道分別不大，可能只係多左d花奶味，少dd濃茶味，較接近一些台式飲品連鎖店的飲品。講到尾，d個套餐整體配搭不錯，

看完球賽，走到黃埔一帶，突然想起這家台式店，友人早有推介，但久久未試，這天餓而晚了，地點剛好方便來嚐嚐。鹽酥雞滷肉飯，所謂的鹽酥雞，其實只是細細粒雞胸肉，之後沾上炸粉，得幾粒炸雞，雖然外面的調味料味道不錯，但是也只是調味粉而已。雞非常之鞋口，真是雞胸肉，然後滷肉飯，也只是一大團飯，然後有兩舊肥少少的豬肉粒粒。牛肉麵，這比較吸引，多料，長條牛肉牛味不濃，但非常軟林，鬆化，中間暗藏筋部，口感甚佳。珍珠奶茶茶味欠奉，珍珠也不特別Q彈之類，屬街邊貨色。

今日約咗大同去科學館睇木乃伊，順便去紅磡食Lunch...餐廳都幾易搵，過咗天橋轉右行多條街就見到「讚好」。佢隔離係間幾高檔嘅burger專賣店，對比都幾強烈舖頭裝修同一般茶餐廳差唔多，舖頭唔大，大班Fd就唔係太啱去食喇~午市有套餐，款式都多，$40-$50。有飯有面，跟埋飲品，想轉特飲可以加少少錢。我揀咗鹽酥雞肉燥湯麵。雞都入味同脆身，份量都多，不過係雞胸，比較粗糙，我本身鍾意雞胸肉就覺得OK，不過同茶木比就冇咁juicy。肉燥唔多，湯底偏鹽，但麵質唔錯。麵條唔似係機整出嚟，彈牙又有麵粉香。份量對於細食嘅我係啱啱好，正常人食可能要配杯特飲先飽。為咗慳錢我只係配咗+$0嘅台式奶茶，顏色比港式奶茶啡，奶味較重，茶香唔濃。朋友們就食呢兩款...40蚊有嘢飲都算抵食嘅，不過唔算特別好食，可以一試。

店面地方唔算好大 當日坐的位置剛好安排得不錯 都算坐得舒適入座時間等候大概15分鐘 會先問你柯打等到有位就可以等食物到 減低停留座位時間飲品方面雖然份量大杯但是味道比較淡 只飲到甜味沒有奶茶味魯肉飯對於一位男生來說是很少量 所以應該可以注意下而皮蛋豆腐 夠凍味道也蠻好吃的 這個不錯麵湯低偏咸但還可以接受 雞炸得可以 起碼有點熱 還叫了路邊香腸魯肉飯 賣相一般味道也一般 比較凍整體 價錢中位 一般大眾可以試到 服務還可以 算是快餐形式 吃完便要走那種店面整齊清潔 下次不會再來

今日下午茶時段去左食野，一入到去堆侍應叫我坐低之後無理過我，我叫左幾次唔該，連隔離台客都望住我都係無人黎，但好清楚聽到佢地吹水既聲音。之後我行出去，見到佢地全部企曬係個出餐位好開心咁係到傾計，我要行到去佢地面前問佢地野同比張單佢佢地先理我。之後過左一陣，有位小姐入左黎，跟住落左單，之後幾分鐘d野就黎曬。我呢？我同佢叫既野大同小異幾乎一樣，差別在於係正價同下午茶，我叫既只不過係下午茶餐台灣腸、涼拌青瓜、鹽酥雞、滷肉飯，但我落單時間比起個位小姐早好多好多好多，但我三樣小拼盤黎到既時候，我見佢已經食左一半。但！我碗飯呢？？？等左10min以上, 我碗滷肉飯先姍姍來遲，期間有幾個侍應經過，要去到最尾個位見到走去廚房問先拿到碗飯黎，當時並唔係繁忙時間，餐廳入面有3～4位侍應，客得我同個位小姐，竟然可以漏單？？？ 我聽到個位侍應去問廚房個陣，廚房話返：咩飯，咪出左lo。出左？？？ 咁少客都可以咁真係令人無言。之後個涼拌青瓜，味道係可以的，除左佢薄到好似得層青瓜皮咁lo。估唔到咁耐無去，d服務態度竟然變左咁。失望！！！

店舖位於紅磡舊區，但食肆林立，十分多選擇，此店幫襯了很多次，呢碗 鮮蕃茄大塊牛肉麵，是暫時食過最最好食的蕃茄麵，湯底很美味，如果無錯，湯底加入蝦（殼），非常有鮮味，台式牛輾牛肉，不同港式，夠厚又夠味。另外，要介紹下，香滷滑牛筋，好入味好滑，製作非常認真，有咬口。。而滷水味亦十分香。肉燥香酥排骨乾撈麵，排骨如果可以厚些就更好，但炸煮都非常唔錯，撈混肉燥加豬扒食，熱烘烘。杯 凍朱古力 夠濃又夠朱古力粉，都要推介下，還有很多嘢食，怪不得咁多人，很多時要等位。。

Nobody calling my number when I got something taken away.Waiting for about 30mins!!!So irresponsible!The staff just left my order there without number calling!And their service is quite rude!Will never visit this restaurant again!Not anymore!

又來到紅磡舊區，呢度真係好多低調嘅食店。今次來試食地道台灣小店。話得係小店，當然係舖面細細啦，座位比較密，會同其他食客親近啲，不過唔緊要，完全唔會影響食嘢嘅心情！首先來碗招牌紅燒牛肉麵，濃湯配以入味牛肉，彈牙麵條，加埋蔥花嘅點綴，係好味嘅！仲有皇牌肉燥鹽酥雞乾伴麵，惹味醬汁帶麻辣，令人垂涎三尺。不得不提嘅仲有各款小食，炸豆腐、甘梅脆薯，炸豆腐外脆內軟，炸皮唔厚，豆腐上既青瓜絲能中和炸物既油膩；脆薯並非薯仔，乃係蕃薯，好可口，灑上梅粉，係好驚喜既味道！

相信大多數從台灣過的人都會對台灣的美食念念不忘，我便是其中一人，對台灣牛肉麵有種特別的執著，偏執地喜歡。記得每年到台灣旅行的時候，在台的時候幾乎每天都要有一碗牛肉麵才算完滿。可惜回港後，一直找不到台灣的那種麵質。重點的話要說三遍，台灣牛肉麵真的好好吃台灣牛肉麵真的好好吃台灣牛肉麵真的好好吃。這次路過紅磡的時候正好見到這家台式餐廳，有心心念念的牛肉麵。本來懷著期望不高的心情去點了一個牛肉麵，但結果卻是感覺到意外收穫。餐廳的招牌還算是顯眼的，但空間不大，地方都頗為窄。這家餐廳的麵質和我在台灣吃的相近，這是讓我非常驚喜的。而且牛肉湯吃得出是有別出心裁去熬的，味道濃郁，香甜可口。牛肉的部分鬆鬆軟軟的，未去到入口即化的程度，但也是令我感到興奮的。大概是環境，旅行時的心情等等因素的影響，令到我在香港怎樣都吃不出台灣的味道，唯有今年再次在台灣相見吧。