讚好台灣

营业中

休息中

有一次我同一個女仔朋友嚟呢度食嘢， 話說食淨少少我想打包。當我準備同侍應講可唔可以畀個外賣盒我， 呢個女仔朋友就同我講要環保唔好用咁多外賣盒。於是佢喺手袋度拎咗個食物盒畀我叫我用， 但係我打開佢嘅時候發覺有一陣味 就唔係好想用。 佢就叫我去廁所洗下佢 就可以用， 但我就唔想拎個盒入去洗完又攞嚟裝嘢食啦。我就冇解釋我呢啲心入面嘅說話， 只係話唔係咁方便嘅，我又唔知幾時還畀佢所以我都係叫侍應畀一個外賣盒我。 呢個女仔朋友好嬲好唔開心，覺得我好無理取鬧喺度浪費地球資源，直情係將人類文明推向滅亡。嗰一次就係我哋最後一次見面 。今日諗返我覺得我真係好蠢， 我應該敷衍佢用佢個盒裝咗佢咪算囉，食唔食另一件事。 但係另一方面， 點解要夾硬逼人哋接受你嗰套呢？ 可能就係因為咁，我感到我嘅自由同尊嚴受到威脅而不作出妥協。讚好嗰個滷肉飯加鹽酥雞係我最鍾意食嘅餐嚟嘅 而且又有啲配菜喺度其實好豐富。 我原本每次去食都好開心但係嗰次之後，我就好耐冇食啦。 希望有一日可以再食到。

台灣鹵肉飯份量合理，一個人食都夠飽，鹵肉比較碎，偏近肉燥飯，有三碟小伴菜，令味道提升。木魚豆腐皮蛋有木魚係上面，豆腐同皮蛋配搭好食，滑而有口感，加上個醬汁咸咸甜甜，豆腐上面有豬肉絲，口感豐富。牛筋腩麵呢個都唔錯，不過個人口味對牛筋腩一般，唔太喜歡麵類。路邊攤拼盤有香腸，鹽酥雞，炸花枝丸，香腸好味道，鹽酥雞雖然脆，但就唔夠咸，花枝丸好味呀，入面有一粒魷魚。整體表現都係上佳之選，環境都好光猛，但冷氣開到有d凍，食物易冷卻。

當日同朋友嚟食晚飯已經夜晚七點幾店家都有做好防疫措施幫客人量體溫亦都有提供酒精搓手液因為係假期嘅關係所以唔使等位入到去之後點菜15分鐘後就上菜👉🏼口水牛肉乾拌麵鍾意食辣嘅朋友可以試呢個。當晚朋友話要減肥但最後都成碟清晒，非常多汁同埋大碟，青瓜絲好新鮮爽口牛肉炆得好琳👉🏼蔥燒豬軟骨飯定食嘅話係有滷蛋同埋類似榨菜嘅伴碟可以撈飯非常之開胃，豬軟骨唔會泰林亦都非常之有咬口👉🏼熱珍珠奶茶當晚已經算夜但係啲珍珠依然保持水準非常之彈牙亦都唔會好甜建議大家嚟堂食因為上次叫外賣自取份量比堂食少店員服務態度都唔錯大家可以黎紅磡嘅時候一試

野食一般，黑糖珍珠鮮奶，完全冇鮮奶味，好似水咁樣，我諗普通一間台式飲品店都好飲過佢。p.s 要少冰佢依然變爆冰。坐位有課室風格，以為’’櫃桶’’有餐牌，點知全部都係人地用完嘅紙巾，當晚已經冇乜客，唔明點解會唔清潔。諗翻起都想嘔。個男侍應黑口黑面都算，問佢有關餐牌嘅野佢完全唔想答你，埋單果陣冇講多謝都冇乜所謂，但係佢個樣想趕你走多啲，以後唔會再黎！

經常路過都看到有很多人在輪後，好像很好吃的樣子。昨天經過決定入去一試，本來在外看到門口有4-5名客人在輪候，以後要等候多過半小時，誰不知他們都是在等候外賣，所以我們三人行便直接入坐了。由於現時疫症關係，每個位置都有隔板為大家分隔開，加上要1.5米，感覺上位置都比較寬闊。三人最後決定了：1.麻醬拌麵2.口水辣醬三寶麵3.清湯豬軟骨麵4. 鹽酥雞（大）5. 西門町滷味拼盤6. 冬瓜茶1. 正常發揮2. 原來只是麻醬拌麵加辣油加肉碎，味道還好，但對口水二字有失望。而台灣腸很好吃，可惜只有一條3. 5樣食物整體來說這個是排最尾，不軟的豬軟骨＋豬大腸味的湯，只有麵是正常4. 正常份量，雖然有點炸耐了一點，有點乾，但還可以5. 不錯，只是滷蛋有點失色6. 完全被另外兩位消滅了，一口也沒有嘗過總數$25X如果只單點主食，價錢可以接受，可一可再。

服務態度差，明明已講咗2位，我一個人朋友未到但放咗我入去，等緊朋友嚟嘅時候先話未齊人唔入得，如果朋友仲未到要我出返去。又係你哋放人入去，自己做錯要個客人承擔？我當然繼續坐，因為朋友真係就快到，我仲幫佢叫埋嘢食。而啲嘢食嚟得超級快，落單到上枱只係5分鐘，我心諗你哋係想趕我走，又或者睇死我食晒啲嘢個朋友都未到。就算你哋啲嘢幾好食，我都唔再幫襯。

今日係紅磡食咗呢間台灣嘢，有2個舖連住，幾就腳下，入面嘅地道台灣菜式都幾吸引下。我自己一個人黎食就叫咗個滷肉鹽酥雞飯配熱嘅台式珍珠奶茶，個飯幾特別下，係個台灣形狀，成個島咁。杯熱珍珠奶茶都吾錯，確實係一間吾錯嘅台灣餐廳。😋

I came here the other day with my friend because I’m really interested in Taiwanese food in general, and this place looked great.It’s packed for dinner time, but somehow we got a seat almost instantly. I really like the interior design, as it features a lot of wood. Me and my friend each got our own set, I got a rice combo and he got a noodle combo. I don’t remember the name right now, but everything was great.The big problem is that I don’t go to hung hom or Wongbo a lot, or else I’d probably c

平時見呢間野成日排隊，衣家呢D時勢梗係唔洗排啦，咪入去試下law。兩個人主食叫咗麻醬拌麵同埋牛筋腩麵，另外仲叫咗兩個小食，一個係夜市小香腸，另一個就係五味小茄子。兩個麵都好食，不過如果要說得上精彩，似乎兩個小食更勝一籌。老老實實，夜市小香腸說到尾就係台灣香腸，不過唔知點解之前在其他地方食到的都係麻麻地，而呢一間的味道就真係似台灣食到的。至於五味小茄子，上面加了木魚片，再配埋個酸汁，味道好夾，好食。

行行吓街搵嘢食，看到呢間吃台灣菜的小館，即管入去試食。口水豐盛牛乾伴麵，牛肉好淋，還有兩粒丸，加入了胡麻醬和辣醬，味道唔錯。魚酥皮蛋豆腐，皮蛋很好味，但係用了百福豆腐，口感一般。路邊攤拼盤，鹽酥雞香脆，都算唔錯。正宗滷肉飯，滷肉太少，如果加多一點配菜會較好。冰百香果綠茶，百香果果味唔夠，整體還算可以。古草味冬瓜茶，茶有冬瓜味，不過略為甜一點。

同女友去黄埔睇完樓，四圍行下睇下附近環境順便揾野食，唔想又係食大xx集團式快餐，決心揾下d特式小店，女友見到呢間台式店，店子雖小但係都算企理，一於試下，下午茶餐有個迷你滷肉飯，揀3個小食加杯飲品，滷肉飯d飯略濕但水準還算ok，小食之中推介鹽酥雞，炸豆腐，食物味道不錯，但係下午茶份量女友剛剛好，我就食多個都仲得，台式奶茶就比較遜色，最多可以形容為唔難飲，埋單2個餐80蚊有找，性格比不錯，下次有機會再來

周末外出走走，朋友指明想食呢間，剛好有空位，便決定一試。(太受歡迎，兩位要預搭枱）看到很多食客均點拌麵，所以都決定拌麵。我點鹽酥雞拌麵；朋友點牛肉拌麵。另外加了兩碟小吃: 台灣香腸，魚酥皮蛋豆腐只影拌麵，太肚餓沒有讓相機先吃。拌麵麵質很有咬口 (若想吃較軟身，宜點湯麵）；多蔥多青瓜絲，好啱我；但不太喜歡的朋友宜跟店員講聲。拌麵醬汁有淡淡豉油香味，不會太咸及不太多味精。但下次不點 鹽酥雞，因為不太 “ 鹽酥” ( 香口但椒鹽味不重；鷄亦不過不失），可以試食其他款。 (例如叫返台灣香腸拌麵😂)魚酥皮蛋豆腐一如以往豆腐 滑嫩； 皮蛋不腥；有魚酥舖麵增加口感；推介 😋飲品加$10，點了珍珠奶茶少冰少甜。 茶味及奶很平均，珍珠屬中細size, 有淡淡黑糖味包裹 (不會太甜而搶去奶茶味），會因這杯珍珠奶茶再光顧👍👍👍 (我因某間出名的台灣餐廳珍珠奶茶不太好喝而放棄再光顧）播着五月天的戀愛ing, 頓時返去青春時代。下午茶 2：30 開始，平啲碗麵細碗啲但可以選小食，下次待下午茶時段黎 😍

位於紅磡嘅一間台灣美食讚好，外觀相當之吸引。我哋食嘢嗰陣時仲見到好多學生去幫襯，學生同我地講，最抵食係下午茶。所以我地等到下午既時候再黎食。35蚊一個下午茶，佢切邊既小食都係台灣出名小食，台灣腸、麻辣豬肚，魯肉飯、炸雞等等。我最鐘意就係佢個台式奶茶，同重戈台灣喝既一樣，仲要大大杯，真係最好喝就係讚好。如果鐘意既可以加珍珠，變成珍珠奶茶。但個人覺得淨奶茶就已足夠，好喝過所有茶記。鹽酥雞係最好食既小食之一，外脆內軟。呢個成為下午必選之一，唔怪得咁多學生黎食。

平時出去黃埔食野，好少去幫襯大集團餐廳通常去近紅磡既小店揾食😛經過呢間台灣野都多人排隊食，應該唔會伏我同朋友一行三人去，全部都係walkin等齊人先可以入座門面係簡約文青風格，用木框造既玻璃趟門帶點日式設計風格🎏小店分左2個鋪位，但面積不太大，全部木枱木櫈都擺放得幾迫，適合lunch快食🍛滷肉香酥排骨便當豬扒大塊，岩岩炸出黎熱辣辣咬一口好多肉汁，口感適中唔會好硬👍🏻🍱逢甲鹽酥雞便當分量都算大件，以lunch menu黎講幾抵食鹽酥雞都係新鮮炸起，又熱又脆好好味😋😋😋🍝讚好牛肉湯麵食麵第1啖要飲左個湯先，個湯底好香好濃味牛筋腩有齊，牛肉幾淋易入口

經過幾次讚好台灣，一係門口排哂隊，一係爆場，一向唔中意等位嘅我，一直無緣幫襯.時世唔同，依家好多香港人唔敢外出，怕冠狀病毒，食巿餐廳當然拍哂烏蠅，真係見者傷心聞者流淚 ~~>_<~~讚好台灣當然唔能夠幸免，今次經過門口見佢地唔洗排隊又有位，所以入去幫襯.點咗蔥燒豬軟骨飯，香酥排骨新竹米粉，路邊攤拼盤同香滑牛筋.蔥燒豬軟骨，緊係要多蔥啦！蔥燒豬軟骨飯：豬肉可以唔食，重點當然係軟骨部位啦，有D入口已經炆到冧哂，有少部分未夠冧，而豬肉入味鬆軟，滿意.香酥排骨新竹米粉：自己對幼身嘅麵或粉有偏愛，所以幼細嘅新竹米粉未食已經加分，而米粉亦幼細軟滑，香酥排骨外表酥脆，排骨juicy，份量足夠無偷工減料.路邊攤拼盤：拼盤有台式香腸，炸雞及炸花枝丸，台式香腸同花枝丸一入口，台灣夜巿美食嘅回憶即刻返哂嚟！味道一模一樣，炸雞外脆內裡juicy，滿意.香滑牛筋：份量略為不足，但牛筋炆得夠冧入味，牛筋汁撈飯更加係一絕！結果食唔哂要打包，餐廳連外賣盒都好精美，環保用紙盒，真係要俾個讚好！讚好台灣裝修環境亦極有台灣風，而且餐廳極光猛，台灣當地嘅餐廳好有心思，例如餐廳店名，菜式名稱都好特別，又或者m