影片
更多
2020-02-15
223 浏览
經過幾次讚好台灣，一係門口排哂隊，一係爆場，一向唔中意等位嘅我，一直無緣幫襯.時世唔同，依家好多香港人唔敢外出，怕冠狀病毒，食巿餐廳當然拍哂烏蠅，真係見者傷心聞者流淚 ~~>_<~~讚好台灣當然唔能夠幸免，今次經過門口見佢地唔洗排隊又有位，所以入去幫襯.點咗蔥燒豬軟骨飯，香酥排骨新竹米粉，路邊攤拼盤同香滑牛筋.蔥燒豬軟骨，緊係要多蔥啦！蔥燒豬軟骨飯：豬肉可以唔食，重點當然係軟骨部位啦，有D入口已經炆到冧哂，有少部分未夠冧，而豬肉入味鬆軟，滿意.香酥排骨新竹米粉：自己對幼身嘅麵或粉有偏愛，所以幼細嘅新竹米粉未食已經加分，而米粉亦幼細軟滑，香酥排骨外表酥脆，排骨juicy，份量足夠無偷工減料.路邊攤拼盤：拼盤有台式香腸，炸雞及炸花枝丸，台式香腸同花枝丸一入口，台灣夜巿美食嘅回憶即刻返哂嚟！味道一模一樣，炸雞外脆內裡juicy，滿意.香滑牛筋：份量略為不足，但牛筋炆得夠冧入味，牛筋汁撈飯更加係一絕！結果食唔哂要打包，餐廳連外賣盒都好精美，環保用紙盒，真係要俾個讚好！讚好台灣裝修環境亦極有台灣風，而且餐廳極光猛，台灣當地嘅餐廳好有心思，例如餐廳店名，菜式名稱都好特別，又或者m
時世唔同，依家好多香港人唔敢外出，怕冠狀病毒，食巿餐廳當然拍哂烏蠅，真係見者傷心聞者流淚 ~~>_<~~
讚好台灣當然唔能夠幸免，今次經過門口見佢地唔洗排隊又有位，所以入去幫襯.
點咗蔥燒豬軟骨飯，香酥排骨新竹米粉，路邊攤拼盤同香滑牛筋.
蔥燒豬軟骨，緊係要多蔥啦！
蔥燒豬軟骨飯：豬肉可以唔食，重點當然係軟骨部位啦，有D入口已經炆到冧哂，有少部分未夠冧，而豬肉入味鬆軟，滿意.
香酥排骨新竹米粉：自己對幼身嘅麵或粉有偏愛，所以幼細嘅新竹米粉未食已經加分，而米粉亦幼細軟滑，香酥排骨外表酥脆，排骨juicy，份量足夠無偷工減料.
路邊攤拼盤：拼盤有台式香腸，炸雞及炸花枝丸，台式香腸同花枝丸一入口，台灣夜巿美食嘅回憶即刻返哂嚟！味道一模一樣，炸雞外脆內裡juicy，滿意.
香滑牛筋：份量略為不足，但牛筋炆得夠冧入味，牛筋汁撈飯更加係一絕！
結果食唔哂要打包，餐廳連外賣盒都好精美，環保用紙盒，真係要俾個讚好！
讚好台灣裝修環境亦極有台灣風，而且餐廳極光猛，台灣當地嘅餐廳好有心思，例如餐廳店名，菜式名稱都好特別，又或者menu上或門口都有D詩句，哩點讚好台灣都跟到足，係布廉上印上幾句詩詞....
其中"等待一個能夠看到你與眾不同的人"哩句最欣賞！
因為我真係與眾不同！
张贴
