譽居

营业中

休息中

這間店已開了多年，早兩年我是經常光顧的，但後來服務水準退步不少已很少幫襯了。食物 - 這裡的食物雖然較附近的快餐店貴，但性價比卻高很多。唯一差的是麵的鹼水味太重，曽給意見卻未見改善。服務 - 我較喜歡吃撈麵，但撈麵份量較大所以我一向都是要求湯分開上，已往是可以的，但有次卻遇上一個年紀較大的女部長以無禮貌的語氣拒絕。當我說已往是可以的，下單後她還大大聲的行開討論話不可接受分湯要求。(同一集團的其它店如譽小館也可以分湯)收費 - 這裡有會員咭制度，試過入少了分要更正。但最差的是常壞機但卻沒有後補或即時回贈或貼通告說壞機，變相食貴一成。慼覺受騙了！

其實呢間都泥過幾次！晚市同親友食都幾抵食！不過冇影相，今次下午來食左個2碗瀨粉！質素我覺得好過太與囉！仲冇佢禁貴燒腩仔好脆，叉燒半肥瘦岩晒我 至於炸兩普通左啲囉！

前日嘔到九彩，食咩嘔咩。咁岩今日要去青衣城，只好搵下商場有咩係岩病人食。原來要喺商場搵病人岩食嘅野真係有d困難，最後終於搵到一間有粥食嘅鋪頭。雖然佢嘅雞粥都要成$48，不過都無辦法，我只係食得落粥。另一半咩事都無就梗係要食飯啦，所以佢叫左個叉燒炒飯，雖然個炒飯有d圖片與事實不符，但係味道係唔錯嘅，都炒得幾乾身，病緊嘅我都忍唔住食左啖。至於個雞粥其實我只係要d味，雞肉嘅話朋友都話幾滑嘅 （我嘔到餸都唔敢多食），個粥亦都有雞味，岩晒我呢d口淡淡嘅病人。至於個炸油條，朋友話係翻炸，配埋粥食就還可以，唔配粥就真係唔係好食得落。如果想清清地食番餐，又真係需要食粥嘅話，都可以試下嘅。

came here for lunch. other Chinese restaurants were full and had to wait for a long time. however, customers at this restaurant will come in and leave very quickly. once ordered, the food and drinks comes out quite fast. been to this restaurant a few times within the past few years. portions seems to be smaller than previous years, but price is on the high end. environment is clean and service is fast.

做到中午三點才吃午飯，真係唔知有嘜好食，也正因午餐時間又過，更不知如何，所以便隨意選擇了一間叫《 譽居 》的飯店，也可能剛轉下午茶時段，所以舖內客人不多，細看餐牌後，我便撰了下午茶套餐作午餐之享用《 油雞瀨+豉油王炒麵 》，等了約十分鐘便上餐了，不雖擔心沒飲品，因為會有名茶招待，論食品味道油雞瀬尚算可以，而炒麵反而比瀨粉出色，切身問題價錢就連加一服務費要$50，算不算價就因人而異，論服務和環境可比65分，

今日唔係咁舒服~~~想食清淡D~~間間都咁多人排隊........係呢間比較少人D~可能香港人晚餐唔想食到好似早餐咁掛?餐牌都乾淨~好多選擇~~~先黎艇仔粥~走花生~魚片好少~魷魚同豬皮都好多~無咩特別啦~正正常常~~3色腸~為的是個鵝腸~口感好搞笑....蝦腸D蝦都幾大粒爽口~牛腸夠軟熟~但整體粉皮都唔夠薄~滑度都足夠既~叉燒瀨! 叉燒好靚!!!! 只有少少肥~唔錯~瀨粉又夠爽口!!正!!估唔到最正係呢味~~~(謎之聲: 有人話食清D?)總結~上菜快~餐廳大~樓底高~好有空間感~但食物價錢係黎都唔平~3樣野就$150~茶好飲~餐具夠乾淨~不過都係病病地先會揀呢間餐廳

同屋企人2點幾去青衣城改褲，話4點先拎得，家姐話餓餓地，跟住就去左譽居High個tea先。下午茶食過下口癮就唔叫咁多，四個大人一個小朋友嗌左個蟹粥，細蓉，蝦子麵同個手撕雞冷盤Only 細蓉我無食到，但見到每粒雲吞似乎包左都兩隻蝦，湯底清清地幾好飲。蝦子撈麵$22呢個做緊優惠，所以咁平。幼麵滾熟之後再係上面灑上幼細既蝦子粉同蔥花，再跟一碗清湯。簡單平淡，但都有其魅力之處。涼拌手撕雞同想像中有出入，呢款手撕雞落左西芹､白芝麻，味道偏甜，唔開胃，食左一兩條就唔想食。蟹粥全場焦點，上次食果陣賣晒有少少可惜，今次終於食到。落足成隻蟹去煲，隻蟹仲要有蟹糕，超正，粥夠細綿，夠入味，難怪成日比人買晒

收工去完劇團先有飯食，唔想太晏訓，所以想食清少少，諗起上次食譽居d菜都唔濃味，而且仲有粥食就揀左佢去到已經係宵夜時段，有特價粥麵，都係30幾蚊到40蚊，我原本想食粥，但又怕太快餓，最後都係揀左個水餃麵的加多碟菜芯。菜芯普通烚下，但D菜ok新鮮，所以都幾好食水餃麵水餃入面包左木耳､鮮蝦，皮係雲吞皮，食落好爽口，涵足料，湯底鮮，好食茶佢地除左加一，仲有另計茶芥，我無留意到，所以最後晒左成壺茶，壺茶我唔記得係咩茶，但都好清新好好飲，大家唔好趕住走唔記得飲

睇食評大多數人都叫粥品麵類, 不過今日就叫左海哲頭燻蹄飯, 材料雖然唔算多, 不過都叫好食,  海哲彈牙, 燻蹄就不過不失;  不過見到隔離枱出菜都真係等左一陣, 可能都係叫左要煮既粥品麵類,  好在自己叫的是燒味類, 上碟就可以出菜, 如果唔係都唔知要等幾耐

生病了、口啖啖、沒胃口、食清Ｄ。叫左個早晨孖寶，艇仔粥加豉油王炒麵。無料稀粥一碗，魷魚一條，魚片只有一片，成碗都係豬皮。炒麵好明顯無炒過，求其撈吓就算。咁ＨＥＡ仲要收加一，無下次！！！

服務態度勁hea，叫人拎杯水都可以唔應你。啲野食到，啲服務員可以企喺張枱側邊，粒聲唔出，講句野，等人騰空啲位比你都得掛？食個四川擔擔面，啲味道太淡，比起其他鋪又貴又少。除非下午茶去，唔係真係唔抵食。

Ordered their signature dishes - Wantan noodles and Cha Siu+Siu Lam Chye rice. ----Pros:---Fast YummyGenerous portion Cha Siu/Siu Lam Chye - tender and crispy Wantan - Very tasty ----Cons:----Small tables ---Will definitely be back again!

本人星期日都會間中都會去譽居買個早餐之前譽居的鼓油皇炒麵做得很好 先不評論他是什麼麵但功夫非常好！ 整體不錯， 是近年粥店少有的有心作品。之於麵食,以前的雲吞麵比較參差，麵質時硬時軟，但尚算可以。撈麵他一向沒問題。但上兩個月開始，明顯有很大轉變。首先，早餐的炒麵hea到一個點， 放左太耐開始發漲，0鑊氣，顏色很淡，完全沒豉油香味。以前從來未試過，一次半次還可接受。但到今天為止已經是第三次，三次品質也是如此！ 然後雲吞麵，雲吞麵之前整體尚好！ 麵質偏軟也是可接受程度。可是現在每次都偏軟，湯頭還淡如水！這個雲吞麵！不能吃！不能吃！不能吃！很重要！機會真的給了很多次 。誰叫我是雲吞麵痴！普普通通也可以吃得開心愉快，但太差的話，你就是在侮辱食物！不過撈麵還是可以，可能沒放湯，比較好控制！還有 當大X樂一個雙併燒味飯要4x 時，還沒有燒鵝，譽居雙併燒鵝飯才4x。姑勿論燒鵝質素，燒鵝還是燒鵝，這樣你還會去大X樂這個'良心企業'嗎？回到主題，譽居還是有他的優點，可惜再這樣下去，只會變成另一家大X樂

下午有時等大女放學想搵個地方坐下食少少野，我見又有少少唔舒服想食個粥，咁啱記起呢度有間食粥就去試下。見到呢度有下午茶餐，價錢又算平，呢度有腰潤粥所以就叫左。呢度仲有熱茶奉上，不過當然冇得揀係咩茶啦，不過都好過係茶記好淡嘅茶。等左大約10分鐘個粥就上檯啦，係熱辣辣嘅。粥底幾線幾香，但較稀少米。豬潤仲係爽口嘅，有3片，冇異味，一讚。豬腰都係有3片，都好爽，冇尿臭味，但係完全咩味都冇...有點奇怪，不過都好過食到成口尿臭味嘅。其實間唔中有時間咁樣坐低食個下午茶都幾好，當然呢度有加一同茶芥3蚊。但其實已經算平了比起其他。

幾個月前同家人喺呢度食嘢已經食到呱呱叫（又貴又唔好食）今日黎開青衣城戲院買飛後又唔信邪一個人再去食個下午茶（諗住比多一次機會佢）簡簡單單叫咗個雙拼生滾粥（牛肉、肉丸）其實我都冇打算飲茶，不過入親黎都要收3元茶位碗粥既賣相尚算正常，但可惜粥底冇乜味，D牛肉成串上（切唔開）而且有啲筋好靭，而肉丸就幾乎完全冇味囉，最後只食咗細半碗就已經放棄諗住粥唔好食啫可以食條油炸鬼頂吓，點知……真係冇改錯名囉，（油）炸鬼淨係食到油味，完全失去食油炸鬼既口感四十幾蚊咁既下午茶，食唔飽（之後仲要去M記），留番比D有冒險精神嘅人嚟試下喇，我就真係唔會再博了