譽居

营业中

休息中

前日嘔到九彩，食咩嘔咩。咁岩今日要去青衣城，只好搵下商場有咩係岩病人食。原來要喺商場搵病人岩食嘅野真係有d困難，最後終於搵到一間有粥食嘅鋪頭。雖然佢嘅雞粥都要成$48，不過都無辦法，我只係食得落粥。另一半咩事都無就梗係要食飯啦，所以佢叫左個叉燒炒飯，雖然個炒飯有d圖片與事實不符，但係味道係唔錯嘅，都炒得幾乾身，病緊嘅我都忍唔住食左啖。至於個雞粥其實我只係要d味，雞肉嘅話朋友都話幾滑嘅 （我嘔到餸都唔敢多食），個粥亦都有雞味，岩晒我呢d口淡淡嘅病人。至於個炸油條，朋友話係翻炸，配埋粥食就還可以，唔配粥就真係唔係好食得落。如果想清清地食番餐，又真係需要食粥嘅話，都可以試下嘅。