譽居

营业中

休息中

一直對它的及弟粥都很鍾情。最近午市食了個小菜套餐，椰香茘芋鷄加老火湯，非常失望。個青紅羅蔔豬骨湯老實說是咸滾水，冇料就多加些鹽。碟椰香茘芋鷄就共有六塊雞，其中有兩塊鷄翼尖和一大塊鷄頸，味道也是得個咸字，回家一個下午飲了很多杯水，失望！

價錢有不同選擇，味道質素都好味譽居都係我地既飯堂，因為12點去到吾洗訂座可直接去夠方便（每次8-10人）。今日去既時間再看午餐餐牌更新了。同事最愛椒鹽豬扒冇左..唯有食新野。而我因為成日周圍食野咁滯，所以今日食清一點先...A2 荔灣艇仔粥$34：粥方面吾叫好多材料，但粥都夠綿，吾太咸，食落味精不多。整體味道吾錯。套餐加六蚊豉油皇炒面$6：不太好味，煮得太淋同好多爛而難“甲“，顏色和味道淡，差不多沒有配料有點失望。佢既$62Q版套餐送湯更為吸引，原來食滿$150用恒生仲有9折。

青衣城係返工地方最近的商場，我地差不多食晒全部餐廳。就係這間未食過，見到門口午餐都係講緊＄60左右，所有找了天一行八人在12:20到達在不用等位情況下開餐！～茶芥每位＄3如小菜餐會有湯和飯，如果其他就要加大約＄6左右可選擇湯或飲品。炒面，腸粉之類都有都係大約加$6-9就有。有粥粉面飯咩都有，我地一行八人都叫了不同，大約問左同事食完意見：椒鹽豬扒都話好香口吾油好味道。燒味飯吾多肥膏义燒，醬汁好味，女同事最後食晒所有白飯。豉椒牛肉炒河：豉椒味重但吾咸，各款椒熟得剛剛好，好香口同脆口。牛肉吾會好硬有牛肉味。份量都夠有飽。皮蛋瘦肉粥（＄32)：煲得都好綿身，配料多同瘦肉係有用鹽俺過所以有少少咸味，份量都大。食完都不用加腸粉之類，一個女仔已經足夠。

第一次幫襯，叫咗碗自選2餸粥，同麻辣手撕雞。 麻辣手撕雞唔麻唔辣=0=，反而似泰式醬，而且雞絲好少，西芹佔85%。凍奶茶少甜仲係好甜...下次要叫超超少甜xD，但有茶味，還可以。最後個自選粥，粥好綿，好傑，抵讚，有薑絲，食完夠晒飽。

打工仔們熬過漫長的三月，期待已久的復活節終於來臨，實在令人興奮雀躍！難得五日連假，每天我都為自己的行程安排得滿滿；遇上好天氣當然要把握機會郊遊去，出發前吃個豐富的早餐為待會兒的勞動作準備。在青衣城不想吃快餐式的早餐，就只剩譽居可選；早上十時多抵餐廳，店有八成滿，兩個人被安排到四人卡位就坐，空間感十足，好不舒適。早餐至十一時半仍有供應，肚餓得很的我倆快快手點兩個早晨孖寶(粥＋小食)互相分享。粟米肉粒粥 $26今天我不想吃皮蛋不想吃豬皮不想吃內臟，粟米肉粒可算是云云選擇裡稍為健康的一個，粥底綿滑有米香，鮮黃色的粟米爽甜，可惜是那經鬆肉粉洗禮的肉粒，帶點肥又幾乎無味道，不喜歡。牛肉肉丸生滾粥 $32即點即做的關係，等了好一陣子才上桌，想起要拍照時也為時已晚哈哈！帶淺啡色的粥底多了一份鮮甜味，牛肉軟淋但肉味略淡，三粒肉丸好像縮了水，外型小巧，爽滑彈牙味亦討好。豉油王炒麵 (早晨孖寶)點了以後才知原來男友和我都根本不愛炒麵，好一個美麗的誤會。炒麵配料就只有面頭的幾條菜絲、蔥絲，幸好麵條不太油，淡淡地送粥也不錯。蔥花炸兩腸 (早晨孖寶)炸兩是我吃粥時的良伴，這兒配粥就只有約半條油炸鬼的份量，自己一

青衣城食肆時時旺場...唯獨...譽居...門口唔見有人等...間間要等位...譽居竟然可以即時入座...唔想等...咁就即入啦...計茶芥...咁就飲啖茶啦...店內可能人唔多...相比茶樓清靜好多...不過...點心就久奉了...一碗粥配一個小食一 SET ...兩 SET ...粉腸粥粥底綿...粉腸食落唔覺有腥味...GOOD...皮蛋瘦肉粥就普普通通啦...油炸鬼睇落唔太見得人...不過...食落就脆卜卜...咁炸両中間的油炸鬼呢...同樣脆呀...不過...包住油炸鬼的腸粉唔夠滑...加配一個魚蛋麵...埋單一百零七元...我覺得價錢不過不失了...偶然唔想等位...我會再去...

多年前，曾在現已結業的「譽居」尖沙咀店吃過它特別推介的「橫行膏蟹砂鍋粥」和「名人蝦子撈麵」，印象不差。數日前，在青衣城閒逛過後，到了下午茶時間，來到這間「譽居」青衣分店，吃的仍是這兩款粥麵孖寶，可惜，這次的感覺卻大不如前。先是「橫行膏蟹砂鍋粥」（$38），份量確是不少，大大鍋的，已斬件的膏蟹雖然並不大隻，而且不單蟹肉不多，就連蟹膏也不多，但這大鍋蟹粥無非賣三十八元而已，還是甚為抵吃的。不過這粥的質感太稠，吃來漿口得很，要是與稀冷冷的粥相比，絕對是犯了過猶不及的毛病，並不理想 。再是「名人蝦子撈麵」（$22）。這蝦子撈麵與哪位名人有關我並不知，但這撈麵麵質太乾，乾得只可以大量的撈麵湯來把它浸軟才比較方便入口，實在差勁。加上蝦籽份量不是那麼多，這所謂的「名人蝦子撈麵」絕對不及格。幸好這次幫襯，我還在下午茶的食品選擇中叫來很久不曾吃過的「蜆芥鯪魚球」（$26） 吃，水準不錯，算是挽回多少分數。這「蜆芥鯪魚球」一碟五粒，外皮炸得香脆，裡面又夠熱辣，蘸點濃冶的蜆芥醬吃，惹味得很。要是甚為喜歡吃「蜆芥鯪魚球」的爸爸來到的話，一定十分高興呢！這次再次幫襯「譽居」，既吃了不濟的粥麵孖寶，也吃了不錯的「

途經青衣，商場內的食肆均高朋滿座，唯獨是這間不用等位！羔蟹砂窩粥甫上桌，羔蟹粥粥底不夠黃，証明蟹羔用料不夠，雖然用砂窩端上，但並非代表用砂窩去煮，呷一口粥沒有燙口感覺，粥不夠綿，較為遜色！蝦子撈麵蝦子的鹹香比想像中少，鮮味欠奉，麵身較乾而且沒有蛋香，不吃也罷！怪不得這間食肆不用等位，中伏了～

下午到譽居吃飯。服務員安排得宜，很快卡位坐下。枱面整齊，服務員放下餐牌便離開了，忘記了上茶。提了服務員2次，約15分鐘后才上中國茶。落完Order後，餸菜約10分鐘左右送到，意外地快速。其實餐牌價格偏貴，有10%加一收費，但份量小，味道也令人失望。

去青衣城睇完戲後，因時間都好晏la，所以就o係戲附近是旦搵一間又未收o既野食，見到呢間話11:30先last order，就入去試下啦，環境其實唔錯，有d古色古香o既格調，佢食o既野都係中菜，粥同麵係主打，不過唔知係咪宵夜時間，所以要叫先識得比碗碟，但仲要係崩咖喎。咁叫左幾樣野，最普通o既白粥原來係最好味，夠綿夠滑，之後果幾樣真係唔好睇更加唔好食，淨係講燒肉，舊舊都勁多肥膏，都唔知點食，芬蹄還可以，不過都好難唔好食，但海硩o既味道就好怪，唔識形容o既怪味，不過我應該唔會再比機會呢間，因好少會入到青衣城睇戲!

同阿E去食飯，例牌就是去青衣城，今次揀了譽居。我到埗時，大家已經點好菜，坐低馬上有得食。先有燒味，係叉燒燒腩仔雙拼，前者切得較薄，卻幾鬆化，有點蜜香。燒腩仔至少皮脆，帶點咸香。仲有豬手和牛筋腩，前者腍身，膠質幾重，唔錯，但牛腩就實在韌得離譜，我試了兩件，亦無法吞下，大為浪費。想不到炆冬菇的份量咁多，隻隻厚身又入味，是全晚最好的。通菜炒牛肉，上來的通菜都已變黃。怕唔夠食，又來炒河和星米各一，乾炒牛河無厘鑊氣，星洲炒米又是毫不惹味，蝦肉更是完全沒味，兩款都強差人意。埋單每人平均一百有找，算是幾便宜。

很難想像這樣一間餐廳，可以在青衣城生存。名人蝦子麵，原價錢30，特價$20。端上來，小小一碟，只有半個人份量。麵身很乾硬，沾了湯，好一點，可是梘水味很重。避風塘炒飯，用XO醬炒，惹味可口。飯非常乾硬，似乎不夠水。配料除了鮮蝦，還有蝦米和蝦乾，蝦乾每隻有手指尾長。最初一兩口還可以忍受，吃了大半碗，胃和牙骹都吃不消。三色是蝦腸、叉燒腸、燒鵝腸。腸粉皮很粉，容易糊開。蝦經過雪藏，蝦味全失。燒鵝切成細粒，鵝皮上黑色的鵝毛很礙眼。叉燒也是切成細碎，加了豉油，也提升不了味道。金沙鯪魚球，至今仍記得它的咸，有沒有魚的鮮甜倒忘得一乾二淨。捶讚的地方是即叫即炸，可惜的是，即使是這樣也不金脆，跟在佐敦的順德小廚比起來，可說是天壤之別。豬膶水反而是今晚最正常的一道菜。紅棗、杞子、豬膶，再加了薑去羶，既暖身又寶血，小小一碗，喝完也不會飽到撐。很久沒有寫日記、很久沒有來openrice紀錄自己去過什麼餐廳、也很久沒有遇到一間幾乎每道菜都認為差的餐廳。有時候，氣炸的心情比愉悅的一餐更令人有提筆的動力。

魚皮好滑,挺新鮮,吃光來膠質濃郁,不錯。麵身幾乾爽,挺煙韧,不過於硬,配埋蝦子吃起來更加滿足口感。蟹粥鮮甜之餘,粥煲得很滑綿,加上蟹味濃郁,一啖接一啖。腩仔皮薄又脆,加些甜酸汁,腩肉味道更走出來,脂肪飽滿而肉身夠林,吃起來又煙韧。蜜桃咕嚕肉: 豬肉夠入味配合蜜桃的香甜味,吃起來酸酸甜甜的,很引人食慾。鳥我腸挺爽口,又好爵勁,過得去。茨汁味道適中,不會太咸。重點推介::沙律蝦球: 蝦球爽口彈牙,再加沙律醬兜混,又爽又酸甜,非常有趣。

早前在下於同一的星期日，到譽居吃過腸粉早餐，今天同樣來到青衣分店，唯一有所不同的，在下並沒有點選飲品，只是點選了兩份腸粉而言。在下於沒有點選飲品情況下，只好喝一壼茶，茶是清香，亦有茶味，傳統的茶葉茶。首先品嚐的是米王腸粉，米王腸粉亦是齋腸。腸粉未見滑溜，只是較為普通了一點，腸粉蘸上醬料，帶出味道。而蒽花炸兩腸上桌時，較上次為好，至少腸粉不會未曾包好油條，都是把油條包好。油條未見鬆脆，似乎擺放了一段時間，但咬下則未見靱及硬，尚算合格。整體上今次吃腸粉較上次為好一點，倘若腸粉滑一點就好。服務與用餐環境墑上次無甚分別。

之前係沙田分店試過下午茶~覺得食物好唔錯之後見青衣城有分店..重陽節當日同另一半去試下點知果次真係難忘~除左人多到不得了之外..服務員人手根本都唔足夠~好多時見食客揚手好耐都無人理而食物水準方面..果日另一半叫牛腩撈麵..我要叉燒飯點知兩者水準差好遠~的確..依間食店既麵係有水準~但飯類就唔多掂囉由其d叉燒..食完果次之後~差d以後都提唔起唔想再食叉燒(佢個叉燒..果次用豬林肉去整~而唔係用梅頭~肉質差..色水味道亦唔夠)~~~~~~~~~~~"譽居"..同早期既某食店形式上其實差不多不過依間..茶錢仲要另外收~每位客人$2$2並唔係多..但以依類食店黎講一向都無收ma同埋..既然收得茶錢~質素應該好返少少囉(完全無茶味)另一半既"及第粥"..粥底好較綿~豬什都足料~熟度剛好"燒鵝腸粉"腸粉皮肉眼望已經知唔算滑..但就夠軟薄用燒鵝餡幾特別~惹味度大增今次醒啦..我都係叫個"雲吞麵"穩陣d雖然見隔離檯d"叉燒飯"~比我上次食既靚但真係已經無晒信心~一定唔會再試囉麵質好爽口彈牙~雲吞餡用熟蝦~口感無爽彈感覺但都算唔錯~整體食物ok..服務普通~始終覺得人手唔夠