譚仔三哥米線 (福榮街)

营业中

休息中

一句講晒,好食又抵食.二十蚊左右,大大碗米線配料又足,加豬潤再配麻辣湯底好濃,營養豐富,好有益!呢間食肆係電視台節目介紹我先識去,真多謝,會一去再去.

過橋米線：米線夠份量，料夠多，但竟然有魚旦，牛丸和墨魚丸。尤幸腩肉，雞肉等也不俗。１／２小辣湯底，相等於總店的小辣。蒜泥白肉：蒜泥夠多，豉油和辣椒油夠味，只可惜很凍，否則更佳。

最愛食辣野，特登去譚仔到試下，要左個雞肉大辣米線，男朋友要左個酸辣米線套餐，初初食都唔係好辣，但越食越辣，好勁，ｄ雞肉好稔都幾好味，反而酸辣味就一般，而且加一蚊有野飲，好抵嘛，愛辣０既人一定要黎挑戰下

今日響度食lunch,叫左小辣竹笙雞肉炸醬米線($22),好好味呀,D雞肉超"或",呢間平過同埋清潔過總店,加辣唔洗加錢,仲有加一蚊就有埋飲品添.PS.此店無黑柏葉食,只在總店才有得食.

想不到吃甚麼，見到這店面幾光猛，而且幾旺，便決定一試。剛巧有人結帳，不用等位，但之後都不時有人要等位。米線都好辣，小辣3都幾辣，米線本身就不過不失，唔算特別有口感或美味。土匪雞翼是真的不錯，$20/5隻，好入味，燒得頗香，算是驚喜，下次想試埋另外兩款雞翼。

好好食呀!!!我好鐘意eat...

今日5:30pm進店，人不算多，但等了差不多3分鐘，仍未有人招呼和收拾碗筷。同時發覺比來的兩檯仍不斷地叫唔該。但無人理會，我馬上離去，冇耐性所以冇得食。

ssp一向都多米線食由保安道圖書館到天悅廣場到黃金附近d米線店算係好多~呢間譚仔分店都黎過5次以上岩岩開時係幾好但食多兩三次佢d米線真係唔多掂可能有d人覺得呢間好食不過如果食多幾次就會發現呢間野d米線質素今日食同聽日食可以係完全唔同估為自己入錯店...不過呢度d土匪雞翼有時幾好食但係有時叫又好乾...因為佢d質素太瓢忽所以已經無再黎食啦而家多左去天悅附近雲南風味價$係貴d 不過至少佢次次d質素都差唔多...唔會好似譚仔甘...

我尋日走o左去汝州街買珠仔，順便食o下o個邊o既美食...我揀o左呢間舖頭！其實，成條街都勁多正o野食。不過，好似呢間係最多人等o既，我都等o左成半個鐘呀！我同男友叫o左個過橋米線，再加土匪雞翼...個米線就一般啦！我就勁鍾意個土匪雞翼喇！我下次一定會再去試埋長沙灣o個間總店！！！

今日晏晝兩點幾0黎到, 全店已經full咁滯....叫了平時去景霖食開0既中辣過橋米線同土匪雞翼譚仔0既麻味比景霖0既勁好多~ 食左一半咀唇同條"月利"已經好似俾蟻咬咁呀~同景霖0既好唔同~同樣係中辣, 佢比景霖勁唔少...配料方面, 個人覺得唔錯, 不過overall0黎講都係景霖得我心土匪雞翼味道唔錯, 上面有d黑芝麻~ 但係點解會叫做"土匪雞翼" 呢? 百思不得其解...另加一蚊多杯豆漿, 好夠凍, 不過有陣"火羅" 味...都ok啦~

上個星期六同男友去食, 我地本身就食開"總店"架, 我男友之前都有食過呢間, 佢話味道好唔同.. 咁我就緊係唔信佢之餘, 又膽粗粗咁去試下啦... 點知有d後悔!! 話說, 我地差唔多兩點去到, 見到同一條街, 有間雲南米線新開張都唔去... 係門口等左差唔多半個鐘, 終於有位啦... 入到去已經聞到佢個種"味", 我就即刻二話不說咁叫左一碗三小辣, 個種味唔及"總店"好.... 唔知點講.... 一句講嗮, 永遠支持"總店"

米線有咬口,雞翼都唔錯.

一直都想去試一試出名的米線店--譚仔米線﹐可惜一直未有機會﹐尋晚要去高登買零件Upgrade部電腦﹐記起譚仔就在高登附近﹐終於有機會一嘗好評如潮的米線店。離遠望過去門口已經有一堆人﹐未去到門口已經知道要等﹐但好好彩我只係一個人﹐等左一陣就已經有位。當時為晚上7點半左右。店內裝修光猛﹐感覺都幾乾淨﹐但就頗為擠逼﹐因為我係坐走廊位﹐坐低一陣已經被其它離開的食客碰撞到數次﹐不過對呢D人氣食肆黎講﹐呢種情況係正常不過。餐牌係“攝”在檯面玻璃中﹐有時會被同檯其它人的碗碟遮檔﹐所以以小型餐廳黎講﹐我都係比較欣賞將菜牌寫在牆上的做法。除了一般米線店的食物之外﹐仲可以找到一些特別小吃﹐如紅油麻辣青瓜﹐不過我今次無叫到。餐牌上加麻辣或酸辣要付額外$3﹐但店中貼出新張期內麻辣及酸辣免加錢。我估計只係一個推廣手法﹐相信都會長期做呢個優惠吧? 為了可以跟我食慣的景霖正宗米線作一個比較﹐我點左自己的例牌---炸醬腩肉米線﹐不過可惜譚仔的配料單上並無冬菇﹐有點失望。麻辣有分勁辣大辣中辣小辣﹐而小辣仲要分5級辣度﹐嘩..!令我原本想試大辣的都改為中辣米線。米線上桌時熱度十足﹐份量亦絕無欺場﹐第一印象是不錯的。不過很

冇去過佢既總店,我之前求其搵野食撞入去咖咋,以為佢裝修咁新實係流野,唔識死學人叫中辣,辣到傻左呀,但係真係非常之好味,個湯底辣到痺但係又好甜,仲之係好食,個雲南米線真係非常之抵,三十幾蚊有過十個餸,仲好大碗,女仕一定食唔晒,腐皮十分之好味,米線勁多,就算係散叫餸既米線都食唔晒.雖然環境唔算太靚,但都算又新又乾淨,而且加一蚊仲送野飲,食得過

呢間深水步分店o既米線送料之中, 係冇牛柏葉供應o既, 要食牛柏葉o既話, 就要去長沙灣永隆街o既總店至有得食.<br /><br /><br />