譚仔三哥米線 (福榮街)

营业中

休息中

今日星期六, 放工個同事話有間麵店一想食酸辣米線就會去。原來係譚記~我今日先第1次聽依個名...去到門口已經有成十幾人等緊籌...等咗半個鐘先入到我個同事話依度個酸辣米線同土匪雞翼好味，所以都試咗依兩樣。我叫咗個竹笙豬腩肉酦辣米線。食粉麵加$3.00可以加某啲凍飲,都算大杯,抵呀~我初頭以為個麵係酸辣,加上個湯睇落係白色,會唔太辣啦,但原來啲辣拍得住南記小鍋米線個中辣o架,都幾辣(我都唔算唔食得辣)o架！個湯越飲會越酸,都算唔錯呀！個豬腩肉忟過,幾好食呀！至於竹笙就唔係度度有得食,連啲酸辣湯一齊食,感覺唔錯呀！我覺得啲餸都算幾多呀！$20.00食到勁飽(自問算大食),抵!至於個土匪雞翼味道係好食,但都唔係話十分有特色。味道同我以前去過某間茶樓食過o既煎雞翼有啲似...有樣嘢要注意,佢哋麻辣有分特辣,大辣,小辣,1小辣,2小辣,3小辣,4小辣同5小辣。同我檯有個男人唔知依度啲辣,叫咗小辣,佢一路食一路話辣,我睇住佢塊面越食越紅...都幾好笑(有啲幸災樂禍)留意啦Service都OK啦(見住啲阿姐咁忙...)個人意見認為,如果Budget有限、有大件兼抵食,但又對食物質素有啲要求o既話,譚

我同家姐因為去"珠仔街"，所以就去o左呢間麵店食，我覺得米線都幾好食，而我家姐就好鐘意食，因為佢一向好鐘意食米線，但係就唔鐘意食小鍋米線，所以呢間好o岩佢口味，我o地都認為d腐竹好好味，個湯底都好好，仲好食都係d土匪雞翼，不過今次就細隻o左好多，整體都好好我只係想講o下佢o地d服務態度就真係麻麻，好似覺得好生意就唔駛理d客，因為我有似外賣，點知等o左好耐都未有，佢問都唔問就話你一早唔出聲，我好氣，只係問咁幾時先有，點知原來一早放o向度，佢話唔知係我o既，但係當時只得我一個等緊外賣，佢o地如果想生意再好d，應該改o下d服務態度

沉日黎左呢間分店, 都唔係第一次黎既, 呢間抵左辣係唔使錢(佢話暫時), 同野飲都係3蚊雞。我就好唔明, 佢個麻辣可以分咁多等級, 個酸辣點解唔可以呢?總覺得譚仔開始走火入魔, 一心諗住吸引佷辣之人, 越整越辣, (都真係唔知定係我味覺有問題), 忽略了唔食辣及食得無咁辣的人。最記得以前佢d清湯鮮甜美味, 酸辣恰到好處, 好醒胃。但而家變左清湯鮮味減少, 咸味出左黎。個酸辣就越黎越辣, 淨係得個辣。自問本身唔係辣味之士, 但酸辣可應付, 但而家就應付唔到。總店如果叫辣底, 都可以叫阿姐整碗細既清湯。呢間分店, 既然辣係唔使錢, 點解唔可以叫清湯, 整碗細的辣湯呢? 如果唔得, 咁我覺得在碗清湯中, 加少少辣湯都得掛!但都唔得...我都唔明點解唔得? 我只係想係佢的酸辣到, 再無咁辣啫....咁都唔得, 真係無理由。仲有, 今時今日, 食店的衞生都應該講究, 員工都應該注意, 但係個阿姐的手指, 竟然係"差"到落碗米線到, 唉!!!!!!!!!!!!!!!!!!!!

尋日第一次食依間既米線, 味道一般啦, 叫左個酸辣食食下都好辣(本身食唔到辣), 個蒜泥白肉就真係正(食完個口又真係好臭~~嘿),見好多人叫雞翼, 唔知係咪真係咁好味呢...下次試下先....

估唔擒日掃完，今日咁快又o黎過。本來係諗住去試車品品o既，但係都係自己大意，冇睇清楚原來星期日係唔開o既，咁朋友提議食米線，所以就去咗呢度。我o地叫咗一碗類似雜錦米線(樣樣餸都有)﹑土匪鷄翼﹑蒜泥白肉。米線幾好但係d餸就一般o勒，鷄翼鹽咗d，最好食都係個蒜泥白肉(但係食完個口真係勁臭)。而呢度o既衛生就真係認真麻麻，我o地坐嗰張枱o既地下唔單止有好多紙巾而且仲有鷄翼骨o潻！！

D 食品好好食，但係D樓面服務十分差!果次同4個朋友去食，我叫3個米線同小食及汽水，點知落單樓面再三要我叫多一份米線。都唔知為嘜一定要多一份，所以我就老板，最後先至可以好好地食，不過全程食得不自然！

一向喜歡譚仔，叫左過橋米線，一睇就知細碗左，ｄ料碎左少左，無以前咁full，湯底又薄左，退步啦。見人地ｄ雞翼都好似奀左咁，嘩，要睇住先得喎譚仔，人地四川都仲保持得好好呀。

雖然我自己都已經由食開譚仔轉左去四川，但其實深水步出名食米線的，係食佢地麻辣湯而不是酸辣。如果大家係食開酸辣湯底的，咁不要對深水步既米線有好大期望，因為唔係佢地招牌貨。相反如果食得辣既就唔好錯過麻辣湯，而且唔好一下子去中,大辣，否則後果自負。酸辣湯米線大家都可以有自己喜愛的口味，多嘗試無壞。

之前睇食評話譚仔D米線好味，就去試試la！但期望愈大，失望愈大！我叫了豬肝豬腩肉米線，酸辣湯底。正如JO所言，我都係食開酸辣湯底，再決定大辣，中辣，同埋小辣，但譚仔無得擇；配菜只有少量芽菜、韮菜和腐皮，而酸菜又要俾$3先有，唔抵lor! 豬肝豬腩肉都算唔錯，但真係只係白烚；米線OK la......到湯底-- 我覺得唔係差ge，酸係好酸，食食吓都幾辣，其實個湯應該係用豬骨煲ge. so 湯係唔錯！服務又唔係特別好，我碗面好耐都未來，所以咪問吓lor, 阿姐就話：‘煮緊la, 唔好急！’我都係問吓者，人dai碗面都食咗一半，我問都好正常je！我都好同意terriko所講o既"名牌效應" 囉！真係無我預期中好；我本人就覺得佐敦雲南桂林過橋米線好食D, 湯底酸辣可自己決定，還配有酸菜和肉燥，惹味多了！

一向都鍾意食米線o既我，成日都聽到話深水涉o既米線好食，尤其呢一間"譚仔"就最出名，於是今晚就拉埋男友去食！由於肚餓，所以對呢一餐更加期待！點知．．．．．希望越大，失望就．．．．．！我叫左客兩餸米線加豆漿，因為一向係其他地方都係食開酸辣湯底，再決定大辣，中辣，同埋小辣，於是阿姐問我要咩湯底時，我就諗都唔諗話要酸辣，點知就出事．．．碗米線一黎到，我就好奇怪：點解個湯底白色o既？d 料比想像中少都唔係大問題，一飲個湯．．．救命呀！淨係得個酸字，辣都唔辣下！我男友果碗都係酸辣湯底，所以．．．同一命運囉！於是我男友就要求個阿姐幫我地加辣d！但係．．．阿姐話個湯底加唔到辣，因為淨係得麻辣先至係"比較"辣(o甘你唔辣又叫"酸辣"？)！o甘我地就問阿姐可唔可以改過個湯底？佢就話酸辣唔可以加麻辣ga bor！(推三推四，都唔知係d咩服務黎ga！！)o甘我男友就迫佢o甘話：真係唔辣哩，我地食唔落囉！盡量幫我地換左佢啦！唔該～卒之都叫得到個阿姐幫我地換湯底，但係今次就更加大單！個湯d麻辣味一d都唔香，仲要好鹹，完全食唔到其他料o既味道！米線唔爽，唔彈牙都算，d料仲係無醃過，淨係烚熟放湯！我男友見我食得o甘

繼壽司之後,呢排愛上吃雲南米線,有次去深水土步食過一間雲南米線,真係好好味啊~~佢d湯底好入味而且d料都醃得好好味,而且兩食送加野飲都係$22蚊咋(好抱歉,間野個名我唔記得了,下次去食再補番個名啦) 咁自此之後就訪尋各地雲南米線啦, 咁岩有位同事響深水土步住, 佢話我未食過呀,不過深水土步既係得譚仔呢間次次去都有人排隊架! 於事上openrice睇下響邊.....真係好多人都話呢間野好好味, 於是...我專登同男友一齊去深水土步, 就係為左去一嚐呢間舖既米線係味真係咁正!去到真係發現佢好多人排隊, 我裝入去睇下...點解個個d湯底都冇色既-____-...感覺一d都唔辣又唔酸...但依然心存希望走入去...叫左個腩肉牛丸酸辣米線$23(二食送加凍飲), 放到埋黎既時候,個湯底真係冇色架??!! 但一飲落去,咦?!真係有酸辣味,個湯底好明顯係用豬骨同雞骨去煲的,但係佢只係有酸味同辣味...一d都唔香口... 佢d料係幾新鮮既...果你只係為食佢既新料既,我建議自己去街市買....唔駛專登去食囉,因為佢只係一碗新鮮既普通麵食,只係大家吹捧得佢多,先會有名牌效應!!順帶一提,佢既腩肉同一般既

新張期內可以免費加酸辣受ma辣,原價$31點到,門口有好多人等緊由於我一個,所以一去到就有位係呢d舖頭就一定逼架喇一餸$16,加一餸$3我要左炸醬+牛丸炸醬可媲美景霖都係甜甜地但就冇景霖咁甜咁辣甜辣得宜,而且好多炸醬...好味=)其實牛丸都唔錯彈彈地牙咬開入面有d紅luk牛丸luk得剛好唔會太耐淋晒咁+,呢到+$3有飲品水準都幾好架最重要抵食++,雖然多人,但員工們好好聲氣

叫左麻辣米線中辣,食左一啖覺得唔辣再加辣..不過最後連我唔食辣ge屋企人都食到..米線煮到林g g, 好普通ja wor..後尾叫杯豆漿..好大陣燶味,雖然佢退番錢,但係服務真係麻麻..

叫左碗酸辣腐竹生菜腩肉米線.唔夠酸, 辣就剛剛好.但食落成碗野都好似無乜味.可能我期望太高, 又或者碗野白o雪o雪咁同我想像中唔同啦.好彩在呢間推廣期內無收酸辣果$3附加費, 條氣都順d.唔知係自己唔識叫, 定真係唔o岩我食呢.

竹笙雞肉酸辣米線~~ 夠酸夠辣~~但係唔知點解無左腐竹~~凍檸茶少冰~~都成四份一杯冰~~好彩叫左少冰~~